പവർ സ്റ്റാറും ആന്ധ്രാപ്രദേശ് ഉപമുഖ്യമന്ത്രിയുമായ പവൻ കല്യാണിന്റെ കരിയറിലെ ഏറ്റവും വലിയ വിജയ ചിത്രങ്ങളിലൊന്നാണ് “They Call Him OG’ (ഒ.ജി). സാഹോ എന്ന ചിത്രത്തിലൂടെ ശ്രദ്ധേയനായ സുജീത്ത് സംവിധാനം ചെയ്ത ഈ ആക്ഷൻ-ഗ്യാങ്സ്റ്റർ ചിത്രം, മുംബൈ മാഫിയയുടെ പശ്ചാത്തലത്തിലാണ് ഒരുക്കിയിരിക്കുന്നത്.
വെറുമൊരു ബ്ലോക്ക്ബസ്റ്റർ എന്നതിലുപരി, പ്രേക്ഷകരെ ആകർഷിച്ച ഒരു വലിയ കാൻവാസിൽ, സ്റ്റൈലിഷ് ഗ്യാങ്സ്റ്റർ ഡ്രാമയായി പവർ സ്റ്റാറിനെ പുനഃസ്ഥാപിച്ച ചിത്രം. അതുകൊണ്ടുതന്നെ ചിത്രത്തിന്റെ തുടർഭാഗത്തെ ചുറ്റിപ്പറ്റിയുള്ള ആവേശം ഇപ്പോൾ പുതിയ ഉയരങ്ങളിലെത്തിയിരിക്കുന്നു. പവൻ കല്യാൺ ക്രിയേറ്റീവ് വർക്ക്സിന്റെ ഏറ്റവും പുതിയ പ്രസ്താവനയെത്തുടർന്ന് OG 2, അദ്ദേഹം വിദേശത്ത് നിന്ന് മടങ്ങിയെത്തിയാൽ തന്നെ തുടങ്ങുമെന്ന് പ്രൊഡക്ഷൻ ഹൗസ് അറിയിച്ചു.
ചിത്രത്തിന് ലഭിച്ച ശ്രദ്ധേയമായ സ്വീകാര്യതയും നിലനിൽക്കുന്ന ജനപ്രീതിയും OG2 അദ്ദേഹത്തിന്റെ കരിയറിലെ ഏറ്റവും മികച്ച ചിത്രങ്ങളിലൊന്നായി ഉറപ്പിക്കുമെന്ന് സംവിധായകൻ പറയുന്നു. തമൻ സൃഷ്ടിച്ച സംഗീതവും അതുപോലെ മറക്കാനാകാത്തതായിരുന്നു. അതുകൊണ്ടുതന്നെ അദ്ദേഹത്തിന്റെ ഊർജസ്വലമായ പശ്ചാത്തല സംഗീതം ഒജി2 വിന്റെ ഹൃദയമിടിപ്പായി മാറും.
പവൻ കല്യാണിന്റെ കമാൻഡിംഗ് സ്ക്രീൻ സാന്നിധ്യം, സുജീത്തിന്റെ ദീർഘവീക്ഷണമുള്ള സംവിധാനം, തമന്റെ സ്ഫോടനാത്മക സംഗീതം എന്നിവയുടെ സംയോജനം പ്രേക്ഷകർക്ക് ഒരുപക്കാ ബ്ലോക്ക്ബസ്റ്റർ ഫോർമുലക്കായി ആത്മവിശ്വാസത്തോടെ കാത്തിരിക്കാം. ഒജി 2 വിന്റെ നിർമാണം ഉടൻ പ്രതീക്ഷിക്കുന്നതിനാൽ, ഓജസ് ഗംഭീരയുടെ യാത്ര അവസാനിച്ചിട്ടില്ല എന്ന് മാത്രവുമല്ല ഇത്തവണ അഞ്ച് ഭാഷകളിലായി പാൻ ഇന്ത്യൻ തലത്തിലാണ് ഒരുക്കുന്നത്. മാർക്കറ്റിംഗ് ആൻഡ് പ്രമോഷൻ കൺസൾട്ടന്റ്-ദിലീപ് എൽ, വാർത്താ പ്രചാരണം- പി. ശിവപ്രസാദ്
