പയ്യന്നൂര്‍ :കോവിഡിനെ തുടര്‍ന്ന് നിര്‍ത്തിവച്ച മാവേലി, മലബാര്‍ എക്‌സ്പ്രസുകളും ചെന്നൈ സൂപ്പര്‍ഫാസ്റ്റും ഓടാൻ തുടങ്ങിയതിന് പിന്നാലെ നാളെ മുതല്‍ തിരുവനന്തപുരം – മംഗലാപുരം എക്‌സ്പ്രസും ഓടിത്തുടങ്ങും.
നാളെ രാത്രി 8.50ന് തിരുവനന്തപുരത്ത് നിന്നും സര്‍വീസ് ആരംഭിക്കുന്ന ട്രെയിന്‍ 17-ന് രാവിലെ 8.33ന് പയ്യന്നൂരില്‍ എത്തും. തിരിച്ച് മംഗലാപുരത്ത് നിന്ന് തിരുവനന്തപുരത്തേക്ക് പോകുന്ന ട്രെയിന്‍ 19 മുതല്‍ വൈകുന്നേരം 4.08 ന് പയ്യന്നൂരില്‍ എത്തും.
മറ്റു ട്രെയിനുകളില്‍ നിലവിലുള്ളതുപോലെ യാത്രയ്ക്കായി റിസര്‍വേഷന്‍ ടിക്കറ്റ് മാത്രമാണ് അനുവദിക്കുന്നത്. ട്രെയിനുകള്‍ ഓടാന്‍ തുടങ്ങിയതോടെ എട്ട് മാസത്തിന് ശേഷം റെയില്‍വേ സ്റ്റേഷനുകള്‍ സജീവമായി തുടങ്ങിയിട്ടുണ്ട്.
കാറ്ററിംഗ് സ്റ്റാളുകളും മറ്റ് അനുബന്ധ സ്ഥാപനങ്ങളും തുറന്ന് പ്രവര്‍ത്തിക്കുവാന്‍ റെയില്‍വേ അധികൃതര്‍ അനുമതി നല്‍കി.
