പരവൂർ: ദക്ഷിണ റെയിൽവേയ്ക്ക് കീഴിലെ വിവിധ ഡിവിഷനുകളിൽ നടക്കുന്ന അടിയന്തിര പാത നവീകരണ ജോലികളെത്തുടർന്ന് ജൂൺ, ജൂലൈയിൽ ട്രെയിൻ സർവീസുകൾക്ക് നിയന്ത്രണം ഏർപ്പെടുത്തിയതായി റെയിൽമന്ത്രാലയം അറിയിച്ചു. കേരളത്തിലൂടെ കടന്നുപോകുന്നതടക്കം നിരവധി ട്രെയിനുകൾ വഴിതിരിച്ചുവിടുകയോ യാത്ര വൈകുകയോ ചെയ്യും. ചില ട്രെയിനുകൾ ഭാഗികമായി റദ്ദാക്കിയിട്ടുമുണ്ട്.
വഴിതിരിച്ചുവിടുന്ന ട്രെയിനുകൾ
ഗുരുവായൂർ – ചെന്നൈ എഗ്മോർ എക്സ്പ്രസ് ( 16128): ജൂൺ ഏഴ് മുതൽ ജൂലൈ ആറ് വരെ ഗുരുവായൂരിൽനിന്ന് പുറപ്പെടുന്ന ട്രെയിൻ വിരുതുനഗറിനും മണപ്പാറയ്ക്കും ഇടയിൽ മാനാമധുര, കാരൈക്കുടി, തിരുച്ചിറപ്പള്ളി വഴി തിരിച്ചുവിടും. മധുര, ഷോളവന്ദാൻ, കൊടൈക്കനാൽ റോഡ്, ദിണ്ടിഗൽ സ്റ്റോപ്പുകൾ ഉണ്ടാകില്ല. പകരമായി അരുപ്പുക്കോട്ടൈ, മാനാമധുര, ശിവഗംഗ, കാരൈക്കുടി, പുതുക്കോട്ടൈ എന്നിവിടങ്ങളിൽ അധിക സ്റ്റോപ്പ് അനുവദിക്കും.
കന്യാകുമാരി – ഹൗറ സൂപ്പർഫാസ്റ്റ് ( 12666): ജൂൺ 13, 20, 27, ജൂലൈ നാലിന് കന്യാകുമാരിയിൽ നിന്ന് പുറപ്പെടുന്ന ട്രെയിൻ മധുരയ്ക്കും തിരുച്ചിറപ്പള്ളിക്കും ഇടയിൽ മാനാമധുര, കാരൈക്കുടി വഴി തിരിച്ചുവിടും. കൊടൈക്കനാൽ റോഡ്, ദിണ്ടിഗൽ സ്റ്റോപ്പുകൾ ഒഴിവാക്കും.
നാഗർകോവിൽ – സിഎസ്എംടി മുംബൈ എക്സ്പ്രസ് ( 16352): ജൂൺ 11, 14, 18, 21, 25, 28, ജൂലൈ രണ്ട്, അഞ്ചിന് മധുരയ്ക്കും തിരുച്ചിറപ്പള്ളിക്കും ഇടയിൽ മാനാമധുര, കാരൈക്കുടി വഴി തിരിച്ചുവിടും. ദിണ്ടിഗൽ സ്റ്റോപ്പ് ഉണ്ടാകില്ല.
കന്യാകുമാരി – ഹൈദരാബാദ് എക്സ്പ്രസ് ( 17070): ജൂൺ 12, 19, 26, ജൂലൈ മൂന്നിന് മധുരയ്ക്കും തിരുച്ചിറപ്പള്ളിക്കും ഇടയിൽ മാനാമധുര, കാരൈക്കുടി വഴി തിരിച്ചുവിടും. കൊടൈക്കനാൽ റോഡ്, ദിണ്ടിഗൽ സ്റ്റോപ്പുകൾ ഉണ്ടാകില്ല.
നാഗർകോവിൽ – കാച്ചീഗുഡ എക്സ്പ്രസ് (16354): ജൂൺ ആറ്, 13, 20ന് ദിണ്ടിഗൽ, കരൂർ വഴി തിരിച്ചുവിടും. തിരുച്ചിറപ്പള്ളിയിലെ സ്റ്റോപ്പ് ഒഴിവാക്കി കരൂരിൽ അധിക സ്റ്റോപ്പ് നൽകും.
വൈകുന്ന ട്രെയിനുകൾ
മംഗള ലക്ഷദ്വീപ് എക്സ്പ്രസ് ( 12618): ഹസ്രത് നിസാമുദീനിൽനിന്ന് പുറപ്പെടുന്ന സർവീസുകൾ ജൂൺ ആറ്, 13, 20, 27ന് ഒരു മണിക്കൂറും, ജൂൺ 10, 17, 24ന് 45 മിനിറ്റും വൈകും. ജൂലൈ എട്ട്, 15, 22, 29ന് മുപ്പതു മിനിറ്റ് വൈകിയോടും.
എറണാകുളം – ടാറ്റാനഗർ എക്സ്പ്രസ് ( 18190): ജൂൺ ആറ്, എട്ട്, 10, 13, 15, 17, 20, 22, 24, 27, 29, ജൂലൈ ഒന്നിന് എറണാകുളത്തുനിന്ന് പുറപ്പെടുന്ന സർവീസ് അന്പതു മിനിറ്റ് വൈകും.
ആലപ്പുഴ – ധൻബാദ് എക്സ്പ്രസ് (T 13352): ജൂണിലെ വിവിധ തിയതികളിലും ജൂലൈ ഒന്നിനും പുറപ്പെടുന്ന സർവീസ് ഇരുപതു മിനിറ്റ് വൈകും.
ഗുരുവായൂർ – ചെന്നൈ എഗ്മോർ എക്സ്പ്രസ് ( 16128): ജൂണിലെ വിവിധ തിയതികളിൽ പുറപ്പെടുന്ന സർവീസുകൾ വഴിമധ്യേ 15 മുതൽ 45 മിനിറ്റ് വരെ വൈകാൻ സാധ്യതയുണ്ട്.
ചണ്ഡീഗഡ് – തിരുവനന്തപുരം കേരള സമ്പർക്ക് ക്രാന്തി ( 12218): ജൂണിൽ 10, 17, 24, ജൂലൈ ഒന്നിന് തിയതികളിൽ സർവീസുകൾ 35 മിനിറ്റ് വൈകും.
മറ്റ് ട്രെയിനുകൾ
എറണാകുളം – വേളാങ്കണ്ണി എക്സ്പ്രസ് (25 മിനിറ്റ്), മഡ്ഗാവ് – എറണാകുളം എക്സ്പ്രസ് (20 മിനിറ്റ്), ഋഷികേശ് – തിരുവനന്തപുരം സൂപ്പർഫാസ്റ്റ് (20 മിനിറ്റ്), നാഗർകോവിൽ – മഡ്ഗാവ് എക്സ്പ്രസ് (ജൂൺ 23-ന് 40 മിനിറ്റ്) എന്നിവയും വൈകിയോടും.
ഭാഗികമായി റദ്ദാക്കിയവ
ആലപ്പുഴ – കണ്ണൂർ എക്സ്പ്രസ് ( 16307): ജൂൺ 18-ന് ആലപ്പുഴയിൽ നിന്ന് പുറപ്പെടുന്ന ട്രെയിൻ കണ്ണൂർ സൗത്തിൽ യാത്ര അവസാനിപ്പിക്കും.
കണ്ണൂർ സൗത്തിനും കണ്ണൂരിനും ഇടയിൽ സർവീസ് റദ്ദാക്കി.
തിരുവനന്തപുരം – കണ്ണൂർ ജനശതാബ്ദി ( 12082):ജൂൺ 18-ന് തിരുവനന്തപുരത്തുനിന്ന് പുറപ്പെടുന്ന ട്രെയിൻ തലശേരിയിൽ യാത്ര അവസാനിപ്പിക്കും. തലശേരിക്കും കണ്ണൂരിനും ഇടയിലുള്ള സർവീസ് ഭാഗികമായി റദ്ദാക്കിയിട്ടുണ്ട്. യാത്രക്കാർ ഈ സമയമാറ്റങ്ങൾ ശ്രദ്ധിച്ച് യാത്ര ക്രമീകരിക്കണമെന്ന് റെയിൽവേ അധികൃതർ അഭ്യർഥിച്ചു.
