ചൈനയിലെ വന്‍മതില്‍ മണ്ണുമാന്തിയന്ത്രം ഉപയോഗിച്ച് പൊളിച്ച സംഭവത്തില്‍ രണ്ടുപേര്‍ അറസ്റ്റില്‍.
ഷാങ്‌സി പ്രവിശ്യയിലെ 32-ാം നമ്പര്‍ മതിലാണ് പൊളിച്ചുനീക്കിയത്. 38 കാരിയും 55കാരനുമാണ് സംഭവത്തില്‍ അറസ്റ്റിലായത്.
വഴി എളുപ്പമാക്കുന്നതിനായാണ് ഇവര്‍ വന്‍മതിലിന്റെ ഒരു ഭാഗം പൊളിച്ചുനീക്കിയതെന്നാണ് വിവരം. പൊലീസ് വിശദമായ അന്വേഷണം ആരംഭിച്ചു.
വന്‍മതിലിന് കനത്ത നാശം വരുത്തിയതായി പോലീസ് പറഞ്ഞു. ഓഗസ്റ്റ് 24നായിരുന്നു സംഭവം.
മിംഗ് രാജവംശത്തിന്റെ കാലഘട്ട(1368-1644)ത്തിലാണ് വന്‍മതില്‍ നിര്‍മിതമായത്. 32-ാം നമ്പര്‍ മതില്‍. 1987 മുതല്‍ വന്‍മതില്‍ യുനെസ്‌കോയുടെ ലോക പൈതൃക സൈറ്റായി പട്ടികപ്പെടുത്തിയിട്ടുണ്ട്.
ബിസി 220ലാണ് വന്‍മതിലിന്റെ നിര്‍മാണം ആരംഭിച്ചത്. ചൈനയുടെ ആദ്യത്തെ ചക്രവര്‍ത്തി ക്വിന്‍ ഷി ഹുവാങ്ങിന്റെ കാലഘട്ടത്തിലായിരുന്നു ഇത്. പിന്നീട് വിവിധ കാലഘട്ടങ്ങളില്‍ പുനര്‍നിര്‍മിക്കുകയും ചെയ്തു.
21,196 കിലോമീറ്റര്‍ നീളം വരുന്ന വന്‍മതിലിന്റെ 30 ശതമാനത്തിലധികവും നശിച്ചു. ശേഷിക്കുന്ന ഭാഗം സംരക്ഷിച്ചുവരികയാണ്.
വന്‍മതില്‍ ടൂറിസത്തില്‍ വലിയ നിയന്ത്രണങ്ങള്‍ ഏര്‍പ്പെടുത്തുകയും ചെയ്തിട്ടുണ്ട്. 2021ല്‍ രണ്ടു ടൂറിസ്റ്റുകളെ നിയന്ത്രണങ്ങള്‍ അവഗണിച്ചതിന് വന്‍മതില്‍ സന്ദര്‍ശനത്തില്‍ നിന്ന് വിലക്കേര്‍പ്പെടുത്തിയിരുന്നു.
കൂടാതെ ചുവരില്‍ ഹെയര്‍പിന്‍ ഉപയോഗിച്ച് വരച്ചതിന് ഒരു വിനോദ സഞ്ചാരിയ്ക്ക് പിഴ ചുമത്തുകയും വിലക്കേര്‍പ്പെടുത്തുകയും ചെയ്തിരുന്നു.
