ദേ.. 48 ലക്ഷം റോഡിൽ കിടക്കുന്നു..! ടൂ​റി​സ്റ്റു​ക​ൾ​ക്ക് വി​ശ്ര​മി​ക്കു​ന്ന​തി​നു​വേ​ണ്ടി നി​ർ​മി​ച്ച വ​ഴി​യോ​ര വി​ശ്ര​മ​കേ​ന്ദ്രം വ​ഴി​യി​ൽ ഉ​പേ​ക്ഷി​ച്ചു

ചാ​ല​ക്കു​ടി: ദേ​ശീ​യ​പാ​ത​യ്ക്ക​രി​കി​ൽ ടൂ​റി​സ്റ്റു​ക​ൾ​ക്ക് വി​ശ്ര​മി​ക്കു​ന്ന​തി​നു​വേ​ണ്ടി നി​ർ​മി​ച്ച വ​ഴി​യോ​ര വി​ശ്ര​മ​കേ​ന്ദ്രം വ​ഴി​യി​ൽ ഉ​പേ​ക്ഷി​ച്ചു.

ദേ​ശീ​യ​പാ​ത​യി​ലൂ​ടെ ക​ട​ന്നു​പോ​കു​ന്ന ടൂ​റി​സ്റ്റു​ക​ൾ​ക്ക് വി​ശ്ര​മി​ക്കാ​ൻ ന​ഗ​ര​സ​ഭ​യു​ടെ സ്ഥ​ല​ത്ത് ടൂ​റി​സം വ​കു​പ്പാ​ണ് 48 ല​ക്ഷം രൂ​പ ചെ​ല​വി​ൽ ഇ​വി​ടെ കെ​ട്ടി​ടം നി​ർ​മി​ച്ച​ത്.

ടൂ​റി​സ്റ്റു​ക​ൾ​ക്ക് പ്രാ​ഥ​മി​കാ​വ​ശ്യ​ങ്ങ​ൾ നി​റ​വേ​റ്റാ​നും ല​ഘു​ഭ​ക്ഷ​ണ​ത്തി​നും സൗ​ക​ര്യ​മൊ​രു​ക്കി​യാ​ണ് വ​ഴി​യോ​ര​വി​ശ്ര​മ​കേ​ന്ദ്രം എ​ന്ന​പേ​രി​ൽ കെ​ട്ടി​ടം നി​ർ​മി​ച്ച​ത്. 2016 ൽ ​അ​ന്ന​ത്തെ ടൂ​റി​സം മ​ന്ത്രി എ.​സി. മൊ​യ്തീ​നാ​ണ് ഉ​ദ്ഘാ​ട​നം ചെ​യ്ത​ത്.

എ​ന്നാ​ൽ ഉ​ദ്ഘാ​ട​ന ച​ട​ങ്ങ് ന​ട​ത്തി​യ​ത​ല്ലാ​തെ പി​ന്നീ​ട് ആ​രും ഇ​വി​ടേ​ക്കു തി​രി​ഞ്ഞു​നോ​ക്കി​യി​ട്ടി​ല്ല. കെ​ട്ടി​ടം ഇ​പ്പോ​ൾ അ​നാ​ഥ​മാ​യി കാ​ടു​പി​ടി​ച്ച് കി​ട​ക്കു​ക​യാ​ണ്.

ഈ ​കെ​ട്ടി​ട​ത്തി​ന് 48 ല​ക്ഷം രൂ​പ ചെ​ല​വ​ഴി​ച്ചു എ​ന്ന​തു​ത​ന്നെ അ​തി​ശ​യോ​ക്തി​യാ​ണ്.​ഉ​ട​നെ തു​റ​ക്കും എ​ന്ന പ്ര​ഖ്യാ​പ​ന​മ​ല്ലാ​തെ വ​ഴി​യോ​ര വി​ശ്ര​മ​കേ​ന്ദ്രം തു​റ​ന്നി​ല്ല. ഒ​ടു​വി​ൽ ടൂ​റി​സം വ​കു​പ്പ് ഈ ​പ​ദ്ധ​തി ഉ​പേ​ക്ഷി​ച്ചു. കെ​ട്ടി​ടം ന​ഗ​ര​സ​ഭ​യ്ക്കു കൈ​മാ​റി.

എ​ന്നാ​ൽ ന​ഗ​ര​സ​ഭ​യ്ക്ക് കൈ​മാ​റി​യെ​ന്ന​ല്ലാ​തെ ഇ​ത് തു​റ​ന്നു​പ്ര​വ​ർ​ത്തി​ക്കാ​ൻ യാ​തൊ​രു ന​ട​പ​ടി​ക​ളും സ്വീ​ക​രി​ച്ചി​ട്ടി​ല്ല. ഇ​വി​ടെ ഇ​പ്പോ​ൾ ഇ​ഴ​ജ​ന്തു​ക്ക​ളു​ടെ​യും സാ​മൂ​ഹ്യ​വി​രു​ദ്ധ​രു​ടെ​യും താ​വ​ള​മാ​ണ്.