പാലക്കാട്: വെള്ളാപ്പള്ളി നടേശനെ ചുമക്കുന്നത് ഇടതുമുന്നണിക്ക് ബാധ്യതയാകുമെന്ന് സിപിഐ ജില്ലാ കമ്മിറ്റി യോഗത്തില് അംഗങ്ങളുടെ മുന്നറിയിപ്പ്. എസ്എന്ഡിപി യോഗം കേരളചരിത്രത്തിന്റെ ഭാഗമാണ്.
എന്നാല് വെള്ളാപ്പള്ളി ആ സംഘടനയെ തെറ്റായ രീതിയിലാണ് നയിക്കുന്നത്. മതന്യൂനപക്ഷങ്ങള്ക്കു നേരെയുള്ള വെള്ളാപ്പള്ളിയുടെ പ്രസ്താവനകള് ഖേദകരമാണ്.
വെള്ളാപ്പള്ളിയുമായുള്ള ചങ്ങാത്തം മതന്യൂനപക്ഷങ്ങള്ക്ക് എല്ഡിഎഫിനെതിരെ സംശയമുണ്ടാക്കാന് ഇടയാക്കും. അതിനാല് ഇക്കാര്യത്തില് അതീവജാഗ്രത പുലര്ത്തണമെന്നും ജില്ലാ കമ്മിറ്റി മുന്നറിയിപ്പ് നല്കി. തദ്ദേശ തെരഞ്ഞെടുപ്പ് വിലയിരുത്തലിന്റേയും നിയമസഭാ തെരഞ്ഞെടുപ്പ് ഒരുക്കത്തിന്റേയും ഭാഗമായി നടത്തിയ യോഗത്തിലാണ് വിമര്ശനം.
