കോയന്പത്തൂർ: ഒന്നിലധികം വിവാഹം കഴിച്ച് ഭാര്യമാരിൽനിന്നും സ്വർണവും പണവും തട്ടിയെടുത്ത കല്യാണവീരൻ പോലീസ് പിടിയിൽ. ഗാന്ധിപുരം ഫസ്റ്റ് സ്ട്രീറ്റ് കൃഷ്ണകുമാറാണ് (45) പിടിയിലായത്. ഇയാളുടെ ഭാര്യമാരിൽ ഒരാളായ സുന്ദരാപുരം എവിജി ലേഒൗട്ട് ദീപ 40)യുടെ പരാതിയെ തുടർന്നാണ് കൃഷ്ണകുമാർ അറസ്റ്റിലായത്. ഇരുവരും വിവാഹിതരായശേഷം പല അവസരങ്ങളിലായി ദീപയിൽനിന്നും പത്തുലക്ഷം രൂപയും 32 പവൻ സ്വർണവും കൃഷ്ണകുമാർ കൈക്കലാക്കിയിരുന്നു.
കൃഷ്ണകുമാറിന്റെ സ്വഭാവത്തിൽ സംശയം തോന്നിയ ദീപ ഇയാളെപ്പറ്റി നടത്തിയ അന്വേഷണത്തിൽ ഇയാൾ രണ്ടു സ്ത്രീകളെ വിവാഹം ചെയ്ത് അവരിൽനിന്നും സ്വർണവും പണവും കൈക്കലാക്കിയത് കണ്ടെത്തുകയും പോത്തന്നൂർ പോലീസിൽ കൃഷ്ണകുമാറിനെതിരേ പരാതി നല്കുകയായിരുന്നു.പരാതിയിൽ അന്വേഷണം നടത്തി ഇയാളെ അറസ്റ്റുചെയ്യുകയായിരുന്നു. ഭാര്യമാരിൽനിന്നും കൈക്കലാക്കിയ പണംകൊണ്ട് സ്ഥലംവാങ്ങുകയാണ് കൃഷ്ണകുമാർ ചെയ്തിരുന്നത്.