അമ്പലപ്പുഴ: പറവൂർ വേലിക്കകത്ത് വീടിനു മുന്നിൽ ഇക്കുറി മാധ്യമപ്പട ഇല്ലായിരുന്നു. വീടിനു സമീപമുള്ള പറവൂർ പനയകുളങ്ങര ഗവ. ഹൈസ്കൂളിലേക്ക് വോട്ട് ചെയാൻ കുടുംബസഹിതമെത്തുന്ന വിപ്ലവ നായകൻ വി.എസിന്റെ പ്രതികരണത്തിനായാണ് മാധ്യമങ്ങൾ കാത്തുനിന്നിരുന്നത്. എന്നാൽ, വിഎസ് വിട പറഞ്ഞതിനുശേഷമുള്ള ആദ്യ തെരഞ്ഞെടുപ്പാണ് ഇന്നലെ നടന്നത്.
പുന്നപ്ര വടക്ക് പഞ്ചായത്ത് ഒമ്പതാം വാർഡിലെ വോട്ടറായിരുന്നു വി.എസനിന്റെ മരണത്തോടെ വോട്ടർ പട്ടികയിൽനിന്ന് പേര് നീക്കം ചെയ്തു. വിപ്ലവ സൂര്യന്റെ മരിക്കാത്ത ഓർമകളുമായി ഭാര്യ വസുമതിയും മകൻ അരുൺകുമാർ അടക്കമുള്ള കുടുബാംഗങ്ങൾ വോട്ടുരേഖപ്പെടുത്താനെത്തിയിരുന്നു.
