നവംബര്‍ മുതല്‍ ഏപ്രില്‍ അവസാനം വരെ ഇത് നമ്മെ ബാധിക്കും ! ലോകത്തെ രക്ഷിക്കാന്‍ നമ്മളെല്ലാവരും ഒരുമിച്ച് പ്രവര്‍ത്തിക്കേണ്ടി വരും; ലോകത്തിലെ ഏറ്റവും പ്രായം കുറഞ്ഞ ജ്യോതിഷിയുടെ പ്രവചനം ശ്രദ്ധേയമാകുന്നു…

കോവിഡ് 19 ലോകത്തെ വിറപ്പിക്കുകയാണ് രോഗം കാര്‍ന്നെടുത്ത ജീവനുകളുടെ എണ്ണം 38000ത്തിനടുത്ത് എത്തിയിരിക്കുകയാണ്. ലോകമാകസലം ഏകദേശം എട്ടുലക്ഷം ആളുകളെ രോഗം ബാധിക്കുകയും ചെയ്തു.

അത്ര മാരകമായ വൈറസല്ലെന്ന് പറയുന്നുണ്ടെങ്കിലും നിലവിലുള്ള സാങ്കേതിക വിദ്യ ഉപയോഗിച്ച് വൈറസിനെ തുരത്താനുള്ള വാക്സിന്‍ ഇതുവരെ കണ്ടുപിടിക്കാന്‍ സാധിച്ചിട്ടുമില്ല.

എന്നാല്‍ ലോകത്തിന്റെ ഈ ദുരവസ്ഥ മുമ്പേ പ്രവചിച്ച ഒരാളുണ്ടെന്നു പറഞ്ഞാല്‍ ആരെങ്കിലും വിശ്വസിക്കുമോ ?

2019 ആഗസ്റ്റ് 22 ന് ജ്യോതിഷിയാണെന്ന് അവകാശപ്പെടുന്ന ഒരു കുട്ടി യൂട്യൂബില്‍ പോസ്റ്റ് ചെയ്ത വീഡിയോ ഇപ്പോള്‍ സോഷ്യല്‍ മീഡിയയില്‍ വൈറലായിക്കൊണ്ടിരിക്കുകയാണ്.

അഭിഗ്യ എന്നാണ് കുട്ടിയുടെ പേര്. നിലവിലുള്ള ആഗോള പ്രതിസന്ധിയെക്കുറിച്ചും ഇത് ബാധിക്കുന്ന രാജ്യങ്ങളെയും വ്യവസായങ്ങളെയുമൊക്കെക്കുറിച്ചുമൊക്കെയാണ് പ്രവചനം.

അമ്പരപ്പിക്കുന്ന ചില കാര്യങ്ങളാണ് വിഡിയോയിലൂടെ കുട്ടി ജ്യോതിഷി പറയുന്നത്. ‘ചൈനയെ ഏറ്റവും മോശമായി ബാധിക്കും’, ‘ലോകത്തെ രക്ഷിക്കാന്‍ നമ്മളെല്ലാവരും ഒരുമിച്ച് പ്രവര്‍ത്തിക്കേണ്ടിവരും’, ‘വിമാനക്കമ്പനികള്‍ വലിയ പ്രത്യാഘാതങ്ങള്‍ നേരിടേണ്ടിവരും’ ഇതൊക്കെയാണ് 20 മിനിറ്റ് ദൈര്‍ഘ്യമുള്ള വീഡിയോയിലൂടെ കുട്ടി പ്രവചിച്ചിരിക്കുന്നത്.

കൗതുകകരമായ മറ്റൊരു കാര്യം എന്താണെന്നുവച്ചാല്‍ 2019 നവംബറിനും 2020 ഏപ്രിലിനുമിടയിലാണ് ദുരന്തം സംഭവിക്കുകയെന്നാണ് അഭിഗ്യ പ്രവചിച്ചിരിക്കുന്നത്.

കൊറോണ വൈറസ് കേസ് റിപ്പോര്‍ട്ട് ചെയ്ത് തുടങ്ങിയത് നവംബര്‍ 17 മുതലാണ്. എന്നാല്‍ ഇത് തികച്ചും യാദൃശ്ചികമാണെന്ന് ചിലര്‍ അഭിപ്രായപ്പെടുമ്പോള്‍, കുട്ടി ജ്യോതിഷിയുടെ പ്രവചനത്തെ വാഴ്ത്തുകയാണ് മറ്റു ചിലര്‍.

ഈ വീഡിയോയില്‍ ശ്രദ്ധിക്കേണ്ട മറ്റൊരു കാര്യം നവംബര്‍ മുതല്‍ ഏപ്രില്‍ അവസാനം വരെയാണ് ദുരന്തം സംഭവിക്കുക എന്നാണ് അഭിഗ്യയുടെ പ്രവചനം.

അതായത് 2020 ഏപ്രിലോടെ ദുരന്തം മാറുമെന്ന്. പ്രവചനത്തില്‍ വിശ്വസിക്കുന്നവര്‍ക്ക് ഇത് വലിയ ആശ്വാസമാണ് നല്‍കുന്നത്.

ജ്യോതിഷിയുടെ പ്രവചനം പോലെ ഏപ്രിലോടെ കോവിഡ് 19 ഈ ലോകത്തു നിന്ന് ഒഴിഞ്ഞു പോകട്ടെ എന്ന് നമുക്ക് പ്രത്യാശിക്കാം.

Related posts

Leave a Comment