കൊച്ചി: വിഷുവിന് കണികാണിക്കാന് ചെന്ന കുട്ടികള്ക്ക് നേരെ എയര്ഗണ് ചൂണ്ടിയ സംഭവത്തില് യുവാവ് അറസ്റ്റില്.എറണാകുളം പനങ്ങാട് സ്വദേശിയായ വള്ളുശേരി ജെന്സനെയാണ് (34) പനങ്ങാട് പോലീസ് അറസ്റ്റ് ചെയ്തത്. എയര്ഗണ് പോലീസ് കസ്റ്റഡിയിലെടുത്തു.
വിഷുവിന് പുലര്ച്ചെ ഒന്നോടെ അയല്പക്കത്തെ കുട്ടികള് കണി കാണിക്കാന് ചെന്നപ്പോഴാണ് ഇയാള് എയര്ഗണ് ചൂണ്ടി പേടിപ്പിച്ചത്. പുലര്ച്ചെ വീട്ടില് ഉറങ്ങുന്ന കുഞ്ഞുങ്ങളെ ശല്യപ്പെടുത്തിയെന്ന് പറഞ്ഞ് പ്രകോപിതനായ ഇയാള് കുട്ടികളെ ഭയപ്പെടുത്താനായാണ് എയര്ഗണ്ണെടുത്തത്. എന്നാല് എയര്ഗണ്ണില് പെല്ലറ്റ് ഉണ്ടായിരുന്നില്ല.
