ധരംശാല: തുടർച്ചയായ മോശം പ്രകടനത്തിൽ പ്രതികരണവുമായി ഇന്ത്യയുടെ ട്വന്റി 20 ക്യാപ്റ്റൻ സൂര്യകുമാർ യാദവ്. ഞാൻ ഫോം ഒൗട്ട് അല്ലെന്നും ഒൗട്ട് ഓഫ് റണ്സ് ആണെന്നും സൂര്യ പറഞ്ഞു.
നെറ്റ്സിൽ മനോഹരമായി ബാറ്റ് ചെയ്യാൻ സാധിക്കുന്നുണ്ട്. എന്നാൽ മത്സരത്തിലേക്കെത്തുന്പോൾ അതിന് സാധിക്കുന്നില്ല. റണ്സ് വരേണ്ടത് അത്യാവശ്യമാണ്, തീർച്ചയായും റണ്സ് വരുമെന്നും അദ്ദേഹം കൂട്ടിച്ചേർത്തു.
ദക്ഷിണാഫ്രിക്കയ്ക്കെതിരായ മൂന്നാം ട്വന്റി20യിലും താരത്തിന് തിളങ്ങാനായിരുന്നില്ല. 11 പന്തുകളിൽ രണ്ട് ഫോറുകൾ ഉൾപ്പെടെ 12 റണ്സ് മാത്രമാണ് അദ്ദേഹം നേടിയത്. ഈ വർഷം കളിച്ച 20 ട്വന്റി20 മത്സരങ്ങളിൽനിന്ന് വെറും 13.35 ശരാശരിയിൽ 227 റണ്സാണ് താരത്തിന്റെ ആകെ സന്പാദ്യം.
