മുംബൈ: മുംബൈ-വഡോദര ഹൈവേയിൽ ബദ്ലാപൂരില് ബിഎംഡബ്ല്യു കാർ ഡിവൈഡറില് ഇടിച്ച് മരിച്ച രണ്ട് പേരില് ഒരാള് മലയാളി. കോട്ടയത്ത് കുടുംബവേരുള്ള ബാന്ദ്ര നിവാസി റബേക്ക ജേക്കബാണ് (24) മരിച്ചത്. സുഹൃത്ത് യോഗേഷ് കിഷനും (24) അപകടത്തില് മരിച്ചിരുന്നു. ഒപ്പമുണ്ടായിരുന്ന ആനന്ദ് ഗുരുതര പരുക്കുകളോടെ താനെയിലെ സ്വകാര്യ ആശുപത്രിയിൽ ചികിത്സയിലാണ്.
ബാബു ജേക്കബിന്റെയും ഗേളിയുടെയും മകളാണ് റബേക്ക. സഹോദരി: റേച്ചൽ. റബേക്കയുടെ ജന്മദിനാഘോഷത്തിനായി സുഹൃത്തുക്കൾക്കൊപ്പം പോയതായിരുന്നു. റബേക്കയുടെ സംസ്കാര ചടങ്ങുകള് ഇന്ന് രാവിലെ 11 ന് വസതിയിലും തുടര്ന്ന് ദാദര് ഓര്ത്തഡോക്സ് പള്ളിയിലെ ശുശ്രൂഷയ്ക്കും ശേഷം ശിവ്രി ക്രിസ്ത്യന് സെമിത്തേരിയിലും നടക്കും.
