ആയിഷയുടെ കൊലപാതകം; അന്നും പതിവുപോലെ ആയിഷ പുലർച്ചെ എഴുന്നേറ്റു; സെ​പ്റ്റം​ബ​ർ 22 രാ​ത്രി​യി​ൽ ആ വീട്  ലക്ഷ്യമാക്കി പുറപ്പെട്ടു…

അ​നു​മോ​ൾ ജോ​യ്
ക​ണ്ണൂ​ർ: 2021 സെ​പ്റ്റം​ബ​ർ 23….
ക​ണ്ണൂ​ർ വാ​രം ച​തു​ര​ക്കി​ണ​ർ നി​വാ​സി​ക​ളെ ഞെ​ട്ടി​ച്ചു കൊ​ണ്ടാ​ണ് നേ​രം പു​ല​ർ​ന്ന​ത്. ത​നി​ച്ച് താ​മ​സി​ക്കു​ന്ന ആ​യി​ഷ എ​ന്ന വ​യോ​ധി​ക​യെ ഗു​രു​ത​ര​മാ​യി പ​രി​ക്കേ​റ്റ് ദു​രൂ​ഹ സാ​ഹ​ച​ര്യ​ത്തി​ൽ വീ​ടി​നു​ള്ളി​ൽ ക​ണ്ടെ​ത്തു​ന്നു.

കാ​തു​ക​ൾ അ​റു​ത്ത നി​ല​യി​ലാ​ണ്. എ​ഴു​ന്നേ​ൽ​ക്കാ​നു​ള്ള ശ​ക്തി​യി​ല്ല. ത​റ​യി​ൽ കി​ട​ക്കു​ക​യാ​ണ്. ജീ​വ​നു​ണ്ടെ​ന്ന് ക​രു​താ​വു​ന്ന​താ​യി ആ​കെ​യു​ള്ളത് മൂ​ള​ൽ മാ​ത്രം..

സ​മീ​പ​വാ​സി​ക​ൾ ഉ​ട​ൻ ത​ന്നെ പോ​ലീ​സി​ൽ അ​റി​യി​ക്കു​ന്നു. ഇ​തി​നി​ട​യി​ൽ, ആം​ബു​ല​ൻ​സ് എ​ത്തി. വ​യോ​ധി​ക​യു​മാ​യി ക​ണ്ണൂ​ർ ന​ഗ​ര​ത്തി​ലെ സ്വ​കാ​ര്യ ആ​ശു​പ​ത്രി​യി​ലേ​ക്ക്…​

സ​മീ​പ​ത്തെല്ലാം വീ​ടു​ക​ളു​ണ്ട്. ആ​യി​ഷ​യു​ടെ വീ​ടി​നു​ള്ളി​ലും പു​റ​ത്തും പി​ടി​വ​ലി ന​ട​ന്ന​തി​ന്‍റെ ല​ക്ഷ​ണ​ങ്ങ​ൾ ക​ണ്ടെ​ത്തി. സ​മീ​പ​ത്തെ വീ​ടു​ക​ളി​ൽ പോ​ലീ​സ് ചോ​ദി​ച്ച​പ്പോ​ൾ, അ​സാ​ധാ​ര​ണ​മാ​യ ശ​ബ്ദ​ങ്ങ​ൾ ഒ​ന്നും കേ​ട്ടി​ട്ടു​മി​ല്ല. കാ​ര്യ​മാ​യ ബ​ല​പ്ര​യോ​ഗം ന​ട​ന്ന​താ​യി പോ​ലീ​സി​ന്‍റെ പ്രാ​ഥ​മി​കാ​ന്വേ​ഷ​ണ​ത്തി​ൽ ക​ണ്ടെ​ത്തി.

ഇ​നി വേ​ണ്ട​ത് ആ​യി​ഷ​യു​ടെ മൊ​ഴി​യാ​ണ്…​മൊ​ഴി ന​ല്കാ​നു​ള്ള ഒ​രു അ​വ​സ്ഥ​യി​ൽ ആ​യി​ഷ എ​ത്തി​യി​രു​ന്നി​ല്ല. ആ​ശു​പ​ത്രി​യി​ൽ അ​ഡ്മി​റ്റാ​യി ആ​റാം ദി​വ​സം അ​താ​യ​ത് സെ​പ്റ്റം​ബ​ർ 29ന് ​മൊഴി നൽകാനാവാതെ ആ​യി​ഷ മ​രി​ക്കു​ക​യും ചെ​യ്തു.

ഇ​തോ​ടെ വ​ഴി തെ​ളി​ഞ്ഞു വ​ന്ന അ​ന്വേ​ഷ​ണ​ത്തി​ന്‍റെ വ​ഴി അ​ട​യു​ക​യാ​യി​രു​ന്നു. പോ​ലീ​സി​ന് ല​ഭി​ക്കേ​ണ്ടി​യി​രു​ന്ന പ്ര​ധാ​ന​പ്പെ​ട്ട തെ​ളി​വ് ആ​യി​ഷ​യു​ടെ മൊ​ഴി​യാ​യി​രു​ന്നു. എ​ന്നാ​ൽ, പ്ര​തി​ക​ളെ​ക്കു​റി​ച്ച് സൂ​ച​ന പോ​ലും ന​ല്കാ​തെ​യാ​ണ് ആ​യി​ഷ മ​രി​ച്ച​ത്.

ആ​യി​ഷ​യു​ടെ മ​ര​ണം ഒ​രാ​ഴ്ച പി​ന്നി​ടു​ന്പോ​ൾ ഇ​തു​വ​രെ പ്ര​തി​ക​ളെ പി​ടി​കൂ​ടാ​ത്ത​തി​ലും ഒ​രു സൂ​ച​ന പോ​ലും ല​ഭി​ക്കാ​ത്ത​തി​ലും പ്ര​തി​ഷേ​ധി​ച്ച് വി​വി​ധ രാ​ഷ്‌​ട്രീ​യ പാ​ർ​ട്ടി​ക​ൾ പ്ര​ക്ഷോ​ഭം ന​ട​ത്തി വ​രു​ന്ന​തി​നി​ടെ​യാ​ണ് ക​ണ്ണൂ​ർ സി​റ്റി പോ​ലീ​സ് ക​മ്മീ​ഷ്ണ​ർ ആ​ർ. ഇ​ള​ങ്കോ, എ​സി​പി പി.​പി. സ​ദാ​ന​ന്ദ​ൻ എ​ന്നി​വ​രു​ടെ നേ​തൃ​ത്വ​ത്തി​ൽ പ്ര​ത്യേ​ക​സം​ഘം രൂ​പീ​ക​രി​ച്ച് അ​ന്വേ​ഷ​ണം തു​ട​ങ്ങി​യ​ത്. പോ​ലീ​സ് ന​ട​ത്തി​യ സ​മ​ർ​ത്ഥ​മാ​യ നീ​ക്ക​ത്തി​ൽ ര​ണ്ടു പ്ര​തി​ക​ളെ​യും ഇ​ത​ര​സം​സ്ഥാ​ന​ങ്ങ​ളി​ൽ നി​ന്ന് പി​ടി​കൂ​ടു​ക​യാ​യി​രു​ന്നു.

ചീ​ട്ടു​ക​ളി​ച്ച് ക​ള​ഞ്ഞ പ​ണം തി​രി​കെ പി​ടി​ക്കാ​ൻ കൊ​ല​പാ​ത​കം
ചീ​ട്ടു​ക​ളി​ച്ച് ക​ള​ഞ്ഞ​പ​ണം തി​രി​കെ പി​ടി​ക്കാ​ൻ ഇ​ത​ര​സം​സ്ഥാ​ന തൊ​ഴി​ലാ​ളി ക​ണ്ടെ​ത്തി​യ മാ​ർ​ഗം മോ​ഷ​ണ​മാ​യി​രു​ന്നു. സു​ഹൃ​ത്തി​നെ​യും പ​ങ്ക് ന​ല്കാ​മെ​ന്ന് പ​റ​ഞ്ഞ് കൂ​ടെ കൂ​ട്ടി.

മോ​ഷ​ണം ന​ട​ത്താ​നാ​യി അ​വ​ർ ക​ണ്ടെ​ത്തി​യ​ത് ത​നി​ച്ചു താ​മ​സി​ക്കു​ന്ന വ​യോ​ധി​ക​യേ​യു​മാ​യി​രു​ന്നു. അങ്ങനെയാണ് വാ​രം ച​തു​ര​ക്കി​ണ​റി​ൽ ത​നി​ച്ച് താ​മ​സി​ക്കു​ന്ന ആ​യി​ഷ മോ​ഷ്‌​ടാ​ക്ക​ളു​ടെ ആ​ക്ര​മ​ണ​ത്തി​ന് ഇ​ര​യാ​യി കൊ​ല്ല​പ്പെ​ട്ട​ത്.

വ​യോ​ധി​ക കൊ​ല്ല​പ്പെ​ടു​ന്ന​തി​ന് ആ​ഴ്ച​ക​ൾ​ക്ക് മു​ന്പ് പ്ര​തി​ക​ൾ വ​യോ​ധി​ക​യു​ടെ വീ​ടി​ന് അ​ടു​ത്ത് നി​ർ​മാ​ണ ജോ​ലി​ക്കാ​യി എ​ത്തി​യി​രു​ന്നു. വ​യോ​ധി​ക ത​നി​ച്ചാ​ണ് താ​മ​സി​ക്കു​ന്ന​തെ​ന്ന് മ​ന​സി​ലാ​യ​തോ​ടെ മൂ​ന്നു ദി​വ​സ​മാ​യി വ​യോ​ധി​ക​യെ പ്ര​തി​ക​ൾ നി​രീ​ക്ഷി​ച്ചു വ​രി​ക​യാ​യി​രു​ന്നു.

അ​വ​സാ​നം മോ​ഷ​ണം ന​ട​ത്തേ​ണ്ട തീ​യ​തി​യും സ​മ​യ​വും നി​ശ്ച‍​യി​ച്ചു. വീ​ടി​നു പു​റ​ത്തേ​ക്ക് എ​ങ്ങ​നെ​യെ​ങ്കി​ലും ആ​യി​ഷ​യെ ഇ​റ​ക്ക​ണം. വീ​ടി​ന്‍റെ വാ​തി​ൽ പൊ​ളി​ച്ച് അ​ക​ത്തു ക​യ​റി​യാ​ൽ സ​മീ​പ​വാ​സി​ക​ൾ ശ​ബ്ദം കേ​ട്ട് എ​ണീക്കു​മെ​ന്നും പ്ര​തി​ക​ൾ​ക്ക് മ​ന​സി​ലാ​യി.

പ്രാ​ർ​ഥ​ന​യ്ക്കാ​യി എ​ല്ലാ ദി​വ​സ​വും പു​ല​ർ​ച്ചെ ആ‍​യി​ഷ എ​ഴു​ന്നേ​ൽ​ക്കു​ന്ന​താ​യി പ്ര​തി​ക​ൾ മ​ന​സി​ലാ​ക്കി. തു​ട​ർ​ന്ന്, ആ​യി​ഷ​യെ വീ​ടി​ന് പു​റ​ത്തി​റ​ക്കാ​നു​ള്ള മാ​ർ​ഗ​മാ​യി​രു​ന്നു പ്ര​തി​ക​ൾ ആ​ലോ​ചി​ച്ച​ത്. ‌പ്ര​തി​ക​ൾ ക​ണ്ടെ​ത്തി​യ മാ​ർ​ഗ​ത്തി​ലൂ​ടെ ത​ന്നെ​യാ​ണ് ആ​യി​ഷ വീ​ടി​ന് പു​റ​ത്തി​റ​ങ്ങി​യ​ത്.

സെ​പ്റ്റം​ബ​ർ 22 രാ​ത്രി​യി​ൽ വാ​രം ച​തു​ര​ക്കി​ണ​റി​നു സ​മീ​പ​മു​ള്ള ആ​യി​ഷ​യു​ടെ വീ​ട് ല​ക്ഷ്യ​മാ​ക്കി ര​ണ്ടം​ഗ​സം​ഘം ഓ​ട്ടോ​റി​ക്ഷ​യി​ൽ നീ​ങ്ങി.

(തു​ട​രും)