കടുത്തുരുത്തി: കടുത്തുരുത്തി-പെരുവ റോഡില് കാവുങ്കല് ജംഗ്ഷനും മങ്ങാട് കുരിശുപള്ളിക്കുമിടയില് റോഡിലേക്ക് തള്ളി നില്ക്കുന്ന കലുങ്കിന്റെ കല്ക്കെട്ട് അപകടകാരണമാകുന്നു. ഇതില് വാഹനങ്ങള് ഇടിച്ച് അപകടം പതിവായെന്ന് നാട്ടുകാര് പറയുന്നു.
അടുത്തിടെ നിരവധി വാഹനങ്ങളാണ് ഈ കലുങ്കില് തട്ടിയിട്ടുള്ളതെന്ന് യാത്രക്കാര് പറഞ്ഞു. മറ്റു വാഹനങ്ങള്ക്ക് സൈഡ് കൊടുക്കുമ്പോഴാണ് അപകട സാധ്യത കൂടുതലുള്ളത്.
വെളിച്ചമില്ലാത്ത ഭാഗത്ത് രാത്രികാലങ്ങളില് വഴിയിലേക്ക് ഇറങ്ങി നില്ക്കുന്ന കലുങ്കിനന്റെ സൈഡ് ഡ്രൈവര്മാര്ക്ക് കാണാന് പറ്റാത്ത സ്ഥിതിയാണ്. അപകട ഭീഷിണിയായ കലുങ്കിന്റെ സൈഡിലെ കെട്ട് പൊളിച്ചു വീതി കൂട്ടി നിര്മിക്കണമെന്നാണ് നാട്ടുകാരുടെ ആവശ്യം.
