കുണ്ടറ: കല്ലടയിലെ പതിനാറ് കരകളുടെ ദേശദേവത ചിറ്റുമല ശ്രീദുർഗാദേവീ ക്ഷേത്രത്തിലെ ഈ വർഷത്തെ ഇടവചോതി മഹോത്സവം 28, 29 വ്യാഴം, വെള്ളി ദിവസങ്ങളിൽ ക്ഷേത്രം തന്ത്രി ബ്രഹ്മശ്രീ താഴ്മൺ മഠം കണ്ഠരര് രാജീവരര് (ശബരിമല വലിയ തന്ത്രി) അവർകളുടെ മുഖ്യകാർമികത്വത്തിൽ നടക്കും. ഈ ദിവസങ്ങളിൽ ദർശനം നടത്തുന്നതും പൊങ്കാല അർപ്പിക്കുന്നതും കുടുംബങ്ങളിൽ സർവ്വ ഐശ്വര്യം ഉണ്ടാകുമെന്നാണ് വിശ്വാസം.
നാളെ രാവിലെ 4 ന് പള്ളിയുണർത്തൽ, 4.30 ന് നടതുറക്കൽ, 5.00 ന് ഹരിനാമകീർത്തന പാരായണം, ക്ഷേത്രത്തിലെ പതിവ് പൂജകൾക്ക് പുറമെ 5.30 ന് നിർമാല്യദർശനം, 6 ന് ഗണപതിഹോമം, 8 ന് ഭാഗവതപാരായണം, തുടർന്ന് പ്രഭാതഭക്ഷണം. വൈകിട്ട് 6.45 ന് ദീപാരാധന, ഉത്സവ പൂജകൾ, പായസസദ്യ , 7ന് തിരുവാതിരയും കൈകൊട്ടിക്കളിയും.
29ന് രാവിലെ 4 ന് പള്ളിയുണർത്തൽ, 4.30 ന് നടതുറക്കൽ, 5 ന് ഹരിനാമകീർത്തനം, ക്ഷേത്രത്തിലെ പതിവ് പൂജകൾക്ക് പുറമെ 5.30 ന് നിർമാല്യദർശനം, 6 ന് ഗണപതിഹോമം, 7 ന് ഇടവചോതി പൊങ്കാല, 7.30 ന് പ്രഭാതഭക്ഷണം, 8 ന് ഭാഗവത പാരായണം. 10 ന് കളാഭാഭിഷേകം, 12 ന് ഇടവചോതി അന്നദാനം. വൈകിട്ട് 6.00 ന് ചുറ്റുവിളക്ക്, 6.45 ന് : ദീപാരാധന, തുടർന്ന് ആകാശപൂരം, രാത്രി 7.30 ന് ഗാനമേള, (ക്രിസ്റ്റൽ ബീറ്റ്സ്, കൊല്ലം) തിരുവുത്സവം അന്വേഷണങ്ങൾക്ക് +919387285197 (അജി പ്രണവം) നമ്പറിൽ ബന്ധപ്പെടാവുന്നതാണ്.
