ഏഷ്യാനെറ്റില്‍ സംപ്രേക്ഷണം ചെയ്യുന്ന ബഡായി ബംഗ്ലാവിലൂടെ പ്രേക്ഷകരുടെ ഇഷ്ടം പിടിച്ചു പറ്റിയ താരമാണ് ആര്യ. ബിഗ്‌ബോസ് മലയാളത്തിലും താരം പങ്കെടുത്തിരുന്നു.
തന്റെ പ്രണയബന്ധം തകര്‍ന്നതും അതിനെത്തുടര്‍ന്ന് താന്‍ കടുത്ത വിഷാദത്തിലായതുമെല്ലാം നടി അടുത്തിടെ തുറന്നു പറഞ്ഞിരുന്നു.
എന്നാല്‍ തന്നെ പ്രണയിച്ച് വഞ്ചിച്ചയാള്‍ ഇപ്പോള്‍ തന്റെ സുഹൃത്തിനെ പ്രണയിക്കുകയാണെന്നും ആര്യ വെളിപ്പെടുത്തുന്നു.
ആര്യയുടെ വാക്കുകള്‍ ഇങ്ങനെ…’ബിഗ് ബോസ് ഷോയില്‍ നിന്നും എനിക്കൊരു പ്രണയമുണ്ടായിരുന്നു. അദ്ദേഹത്തെ ജാന്‍ എന്നാണ് വിളിക്കുക’ ആര്യ സൂചിപ്പിക്കുന്നു.
ഒരു വലിയ ബ്രേക്കപ്പും ഡിപ്രഷനും ഒക്കെ കഴിഞ്ഞ് തിരിച്ചെത്തിയതേയുള്ളു. അത് ജീവിതത്തിലെ ഒരു അന്യായ പറ്റിക്കല്‍ ആയിരുന്നു.
താന്‍ ഒരു 75 ദിവസം മാറി നിന്ന്, തിരിച്ചു എത്തിയപ്പോള്‍ കാണുന്നത് വേറൊരു വ്യക്തിയെയാണ്. അയാള്‍ തന്റെ സുഹൃത്തുമായി പ്രണയത്തിലായി.
നാലാം ക്ലാസു മുതല്‍ തന്റെ ബെസ്റ്റ് ഫ്രണ്ട് ആയിരുന്നു ആ കൂട്ടുകാരിയെന്നും ആര്യ പറയുന്നു. ജാനിന് ആ കൂട്ടുകാരിയെ പരിചയപ്പെടുത്തിക്കൊടുത്തത് താനാണെന്നും താരം പറഞ്ഞു.
ഇന്ന് മറ്റൊരു വിവാഹത്തിന് താന്‍ തയ്യാറാണെന്ന് ആര്യ പറയുന്നു. വിവാഹം കഴിക്കാന്‍ താല്‍പര്യമുണ്ട്. ഒരു പാര്‍ട്ണര്‍ വേണമെന്ന് ആഗ്രഹമുണ്ട്.
ലൈഫ് ഒരാളുമായി ഷെയര്‍ ചെയ്യണമെന്ന് അതിയായ ആഗ്രഹമുണ്ട്. അന്നത്തെ ആര്യ ആയിരിക്കില്ല ഇനിയുള്ള ആര്യ എന്ന് അറിയാമെന്നും താരം പറയുന്നു.
ഒരു കോപ്രമൈസ്ഡ് റിലേഷനില്‍ നില്‍ക്കാന്‍ പറ്റില്ലായിരുന്നതു കൊണ്ടാണ് ആദ്യ ഭര്‍ത്താവുമായി പിരിഞ്ഞതെന്നും തങ്ങള്‍ ഇപ്പോഴും സംസാരിക്കാറുണ്ടെന്നും ആര്യ പറയുന്നു.
തന്റെ പ്രണയത്തെ കുറിച്ചും ജാനിനെ കുറിച്ചും ആര്യ മുമ്പ് വെളിപ്പെടുത്തിയപ്പോള്‍ തന്നെ സോഷ്യല്‍ മീഡിയ ആര്യയുടെ ജാനിനെ കണ്ടെത്താന്‍ അന്വേഷണം തുടങ്ങിയിരുന്നു.
പിന്നീട് ബിഗ് ബോസില്‍ നിന്ന് പുറത്തിറങ്ങിയപ്പോള്‍ ജാനിനെ വെളിപ്പെടുത്തുമെന്ന് ആര്യ പറഞ്ഞെങ്കിലും അത് ഉണ്ടായില്ല.
ജാനിന് തന്റെ മകളെ ഒരുപാട് ഇഷ്ടമാണെന്നും ആര്യ പറയുന്നു. ജാനിനെ കുറിച്ച് കൂടുതല്‍ പറയുന്നില്ലെന്നും, അത് അദ്ദേഹത്തിന്റെ സ്വകാര്യതയെ ബാധിക്കുമെന്നും ആര്യ പറയുന്നു.
ജാനുമായുള്ള ബന്ധം അവസാനിപ്പിച്ചതായി ഇതിനോടകം നിരവധി അഭിമുഖങ്ങളില്‍ ആര്യ വക്തമാക്കിയിരുന്നു. ആളുകളെ ശരിക്ക് മനസിലാക്കാനാകാത്തത് ഒരു പോരായ്മയാണെന്നും ആര്യ സമ്മതിക്കുന്നു. അതുകൊണ്ടാണ് താന്‍ വഞ്ചിക്കപ്പെട്ടതെന്നും താരം പറയുന്നു.
