പ്രിയയുടെ സൈറ്റടിയില്‍ വീണവരില്‍ പ്രമുഖ അന്താരാഷ്ട്ര കമ്പനികളും ! ഇന്‍സ്റ്റഗ്രാമില്‍ ‘അഡാര്‍’ നായികയെ കാത്തിരിക്കുന്നത് ‘അഡാര്‍’ അവസരങ്ങള്‍…

 

തൃശൂര്‍: ഒരൊറ്റ കണ്ണിറുക്കലിലൂടെ പ്രിയാ വാര്യര്‍ ഇന്‍സ്റ്റഗ്രാമില്‍ മറികടന്നത് പ്രമുഖ കമ്പനികളെ. ഇന്‍സ്റ്റഗ്രാമിന്റെ ഇന്‍ഫല്‍വന്‍സര്‍ മാര്‍ക്കറ്റിങ്ങിലൂടെ സുന്ദരിയെ കാത്തിരിക്കുന്നത് ”അഡാര്‍” അവസരങ്ങളാണ്. ഇന്‍സ്റ്റഗ്രാമിലൂടെ പ്രമോഷന് പുറമേ പരസ്യവരുമാനവും താരത്തിനു കിട്ടിത്തുടങ്ങി.

ഉപഭോക്താക്കളെ സ്വാധീനിക്കാന്‍ ശേഷിയുള്ള വ്യക്തികള്‍ വലിയ ബ്രാന്‍ഡ് ഉത്പന്നങ്ങളെ കുറിച്ച് സമൂഹമാധ്യമങ്ങള്‍ വഴി പോസ്റ്റ് ചെയ്യുന്ന രീതിയാണ് ഇന്‍ഫല്‍വന്‍സര്‍ മാര്‍ക്കറ്റിങ്. ഒറ്റ ദിവസംകൊണ്ട് ഇന്‍സ്റ്റഗ്രാമില്‍ ഏറ്റവുമധികം ഫോളോവേഴ്സിനെ നേടിയ സെലിബ്രിറ്റികളുടെ പട്ടികയില്‍ മൂന്നാം സ്ഥാനത്താണു പ്രിയ.

ഇന്‍സ്റ്റഗ്രാമില്‍ ഒറ്റ ദിവസം കൊണ്ട് പ്രിയയെ പിന്തുടരാന്‍ തുടങ്ങിയത് 6.06 ലക്ഷത്തിലേറെ പേരാണ്. യു.എസ്. ടിവി താരമായ കെയില്‍ ജെന്നര്‍ (8.8 ലക്ഷം), ഫുട്ബോള്‍ താരം ക്രിസ്റ്റിയാനോ റൊണാള്‍ഡോ (6.8 ലക്ഷം) എന്നിവരാണു പട്ടികയിലെ ആദ്യ രണ്ടു സ്ഥാനക്കാര്‍. 38 ലക്ഷം പേരാണ് ഇന്‍സ്റ്റഗ്രാമില്‍ പ്രിയയെ പിന്തുടരുന്നത്. ലോക സുന്ദരി മാനുഷി ചില്ലറിന് പോലും 28 ലക്ഷം ഫോളോവേഴ്സ് മാത്രം.

ഈയൊരു ജനപ്രീതിയാണ് പ്രിയയെ നോട്ടമിടാന്‍ പ്രമുഖ ബ്രാന്‍ഡുകളെ പ്രേരിപ്പിക്കുന്നത്. ഇന്‍സ്റ്റഗ്രാമില്‍ പ്രിയയുടെ പോസ്റ്റുകള്‍ക്ക്് പത്തു ലക്ഷം ലൈക്കുകളും ഇരുപതിനായിരത്തിനു മുകളില്‍ കമന്റുകളും ലഭിക്കുന്നുണ്ട്.

വിരാട് കോഹ്ലി അടക്കമുള്ള നിരവധി താരങ്ങള്‍ ഇത്തരത്തില്‍ നിരവധി ഉല്‍പ്പന്നങ്ങളുടെ പ്രചാരണം സമൂഹമാധ്യമങ്ങള്‍ വഴി ചെയ്യുന്നുണ്ട്. വമ്പന്‍ കമ്പനികളായ വന്‍പ്ലസ്, പ്രിങ്കിള്‍സ് എന്നിവയെയാണ് പ്രിയ എന്‍ഡോഴ്സ് ചെയ്യുന്നത്. ദിവസവും പ്രിയയെ തേടി നിരവധി അവസരങ്ങളാണ് വരുന്നത്.

പരസ്യങ്ങള്‍ പരമാവധി ആളുകളിലെത്താന്‍ സഹായിക്കുന്ന പ്രശസ്തരാണ് ഇന്‍ഫല്‍വന്‍സേഴ്സ് ആയി തെരഞ്ഞെടുക്കപ്പെടുന്നത്. കമ്പനിയുടെ ബ്രാന്‍ഡ് പ്രമോട്ട് ചെയ്യാന്‍ പറ്റുന്ന സെലിബ്രിറ്റികള്‍, ബ്ലോഗര്‍മാര്‍, ട്വീറ്റര്‍മാര്‍, മാധ്യമപ്രവര്‍ത്തകര്‍ തുടങ്ങി സമൂഹത്തില്‍ സ്വാധീനം ചെലുത്തുന്നവരെയെല്ലാം തെരഞ്ഞെടുക്കാറുണ്ട്.

ഈ വര്‍ഷം 92 ശതമാനം മാര്‍ക്കറ്റിംഗ് കമ്പനികളും ഇന്‍ഫല്‍വന്‍ഷ്യല്‍ മാര്‍ക്കറ്റിംഗ് പ്രചാരണത്തിലേക്ക് നീങ്ങുമെന്നാണു സൂചന. പ്രിയ അഭിനയിച്ച തമിഴ് മ്യൂസിക്കല്‍ ആല്‍ബവും ശ്രദ്ധിക്കപ്പെട്ടു കഴിഞ്ഞു. കഴിഞ്ഞമാസം പുറത്തിറങ്ങിയ ”നീ വാനം നാന്‍ മെഴെ” എന്ന മ്യൂസിക്കല്‍ വീഡിയോ ആല്‍ബം പ്രിയയ്ക്കൊപ്പം െവെറലായി മാറി.

പ്രിയയും നിതിന്‍ എന്‍.നായരും അഭിനയിച്ച ആല്‍ബം ലഹരി മ്യൂസിക്ക് ആണ് പുറത്തിറക്കിയത്. റിഷി കപൂര്‍ പ്രവചിച്ചത് പോലെ നാളെയുടെ സൂപ്പര്‍താരമെന്ന നിലയിലേക്കാണ് പ്രിയയുടെ കുതിപ്പ്. ഈ പോക്ക് പോയാല്‍ ബോളിവുഡ് താരസുന്ദരികള്‍ക്ക് പോലും പ്രിയ ഭീഷണിയാകുമെന്നുറപ്പ്.

 

Related posts