തിരുവനന്തപുരം: ഉപതെരഞ്ഞെടുപ്പിൽ വിജയച്ച അഞ്ച് പുതിയ എംഎൽഎമാർ നിയമസഭയിൽ സത്യപ്രതിജ്ഞ ചെയ്തു. കെ.യു.ജനീഷ് കുമാർ (കോന്നി), വി.കെ.പ്രശാന്ത് (വട്ടിയൂർകാവ്), എം.സി.ഖമറുദ്ദീൻ (മഞ്ചേശ്വരം), ഷാനിമോൾ ഉസ്മാൻ ( അരൂർ), ടി.ജെ.വിനോദ് (എറണാകുളം) എന്നിവരാണ് സത്യപ്രതിജ്ഞ ചെയ്തത്.
ജനീഷ് കുമാറും വി.കെ.പ്രശാന്തും സഗൗരവ പ്രതിജ്ഞ ചെയ്തപ്പോൾ ഷാനിമോൾ ഉസ്മാനും ടി.ജെ. വിനോദും ദൈവനാമത്തിലാണ് സത്യപ്രതിജ്ഞ ചെയ്തത്. ഭാഷാ ന്യൂനപക്ഷങ്ങൾ ഏറെയുള്ള മഞ്ചേശ്വരം മണ്ഡലത്തിൽ നിന്ന് തെരഞ്ഞെടുക്കപ്പെട്ട എം.സി.ഖമറുദ്ദീൻ കന്നട ഭാഷയിലാണ് സത്യപ്രതിജ്ഞ ചെയ്തത്.
