ചേർത്തല: ഭർത്താവ് വീടിനുള്ളിൽ തൂങ്ങിമരിച്ച നിലയിൽ കാണപ്പെട്ടതിനെ തുടർന്ന് ഭാര്യയെ അന്വേഷിച്ചിറങ്ങിയ പോലീസ് ക്ഷേത്രത്തിൽ നിന്നും കാമുകനോടൊപ്പം പിടികൂടി. കാഞ്ഞിരപ്പള്ളി സ്വദേശിനിയായ ഇരുപതുകാരിയെയും മണിമല സ്വദേശിയായ കാമുകനെയുമാണ് ചേർത്തല പോലീസ് പിടികൂടി ബന്ധുക്കൾക്കൊപ്പം വിട്ടത്. കാഞ്ഞിരപ്പള്ളി സ്വദേശിയായ ഭർത്താവിനെ ഇന്നലെ രാവിലെയാണ് വീടിനുള്ളിൽ തൂങ്ങിമരിച്ച നിലയിൽ കണ്ടത്. മൂന്നുദിവസത്തെ പഴക്കമുള്ളതായാണ് സൂചന. ഇതോടെയാണ് വീട്ടുകാരും നാട്ടുകാരും ഭാര്യയെ അന്വേഷിച്ചത്. തുടർന്ന് പോലീസിൽ പരാതിയും നൽകി. ബന്ധുക്കളുടെ സൂചന പ്രകാരം രഹസ്യവിവരം ലഭിച്ച പോലീസ് ചേർത്തലയ്ക്കു സമീപത്തെ ക്ഷേത്രത്തിന് സമീപം ഇവരെ പിടികൂടുകയായിരുന്നു. ഭർത്താവുമായി അകൽച്ചയുണ്ടായിരുന്നെങ്കിലും ഒരുമിച്ചാണ് താമസിച്ചിരുന്നതെന്ന് പോലീസ് പറഞ്ഞു. ആശുപത്രിയിൽ ബന്ധുവിനോടൊപ്പം കൂട്ടനിൽക്കുന്പോഴാണ് മറ്റൊരു രോഗിക്ക് കൂട്ടുനിൽക്കുവാനെത്തിയ ആളുമായി പരിചയപ്പെടുന്നത്. എന്നാണ് ഇവർ വീട്ടിൽ നിന്നു പോയതെന്നതും ഭർത്താവിന്റെ മരണത്തിൽ എന്തെങ്കിലും ദുരൂഹതയുണ്ടോയെന്നും പോലീസ് അന്വേഷിക്കുന്നുണ്ട്.
Read MoreCategory: Alappuzha
വാഹനാപകടങ്ങള് ഒഴിവാക്കുന്നതിന് സേഫ്സോണ് പദ്ധതിയുമായി മോട്ടോർ വാഹന വകുപ്പ്
പത്തനംതിട്ട: വാഹനാപകടങ്ങള് ഒഴിവാക്കുന്നതിന് മോട്ടോര് വാഹന വകുപ്പിന്റെ ആഭിമുഖ്യത്തില് മുന് വര്ഷങ്ങളിലേതുപോലെ സേഫ്സോണ് പദ്ധതി നടപ്പാക്കും. ഇലവുങ്കല് കേന്ദ്രീകരിച്ചുള്ള സേഫ്സോണ് പദ്ധതിയുടെ കണ്ട്രോള് ഓഫീസില് നിന്ന് വാഹന അപകടങ്ങള് കുറയ്ക്കുന്നതിനുള്ള പട്രോളിംഗുകളും ഡ്രൈവര്മാര്ക്കുള്ള ബോധവത്ക്കരണം, കേടാകുന്ന വാഹനങ്ങള് റിപ്പയര് ചെയ്യുന്നതിനുള്ള സഹായം, ഡ്രൈവര്മാര് ഉറങ്ങാതിരിക്കുന്നതിനുള്ള ചുക്കുകാപ്പി വിതരണം തുടങ്ങി സുരക്ഷിത യാത്ര ഉറപ്പാക്കുന്നതിനുള്ള എല്ലാ സംവിധാനങ്ങളും മോട്ടോര് വാഹനവകുപ്പ് ഏര്പ്പെടുത്തും. പ്രളയത്തില് വന് നാശം സംഭവിച്ച ജില്ലയിലെ റോഡുകള് പുനരുദ്ധരിക്കാന് പൊതുമരാമത്ത് വകുപ്പ് യുദ്ധകാലാടിസ്ഥാനത്തിലുള്ള പ്രവര്ത്തനങ്ങളാണ് നടത്തിയതെന്ന് ജില്ലാകളക്ടർ പി.ബി. നൂഹ് പറഞ്ഞു. ളാഹ മുതല് ചാലക്കയം വരെയുള്ള ഭാഗങ്ങളില് കാര്യമായ കേടുപാടുകള് സംഭവിച്ചിരുന്നു. ഇവയൊക്കെത്തന്നെ തീര്ഥാടന കാലത്തിന് മുമ്പ് ഗതാഗതയോഗ്യമാക്കാന് കഴിഞ്ഞു. ഇതോടൊപ്പം ജില്ലയിലെ മറ്റ് പ്രധാന ശബരിമല റോഡുകളുടെ അറ്റകുറ്റപ്പണികളും പൂര്ത്തിയായി വരുന്നു. തീര്ഥാടന കാലത്ത് നിലയ്ക്കല്, പമ്പ, സന്നിധാനം എന്നിവിടങ്ങളിലെ ഭക്ഷണ സാധനങ്ങളുടെ…
Read Moreജലവിതരണ പദ്ധതിക്കായി കുഴിയെടുത്തു ഗ്രാമീണ റോഡുകൾ തകർന്നനിലയിൽ; യാത്രാക്ലേശം പരിഹരിക്കാൻ നടപടി സ്വീകരിക്കണമെന്ന ആവശ്യവുമായി നാട്ടുകാർ
റാന്നി: പെരുനാട് – അത്തിക്കയം ജലവിതരണ പദ്ധതിയുടെ പൈപ്പ് സ്ഥാപിക്കലിനായി കുഴിയെടുത്തതുമൂലം നാറാണംമൂഴി, പെരുനാട് പഞ്ചായത്തുകളിലെ ഗ്രാമീണ പാതകളും പൊതുമരാമത്ത് റോഡുകളും നാശോന്മുഖമായി. മാസങ്ങൾക്കു മുന്പ് ആരംഭിച്ച പണിയാണിത്. പ്രധാന റോഡുകളിൽ പോലും പൈപ്പ് സ്ഥാപിക്കൽ ഇതേവരെ പൂർത്തിയായിട്ടില്ല. ഗ്രാമീണ പാതകളിലാകട്ടെ വർഷങ്ങളായി ഉപയോഗിച്ചു വന്ന കോൺക്രീറ്റ് റോഡുകൾ പോലും അപ്പാടെ വെട്ടിക്കുഴിച്ച് തകർത്തിട്ട് പലയിടത്തും പൈപ്പുകൾ പോലും സ്ഥാപിക്കാതെ കരാറുകാരൻ സ്ഥലംവിട്ടു. ഗ്രാമീണ പാതകളിൽ വാഹനം ഓടിക്കാനാകാത്ത സ്ഥിതിയാണിപ്പോൾ. രണ്ടു പഞ്ചായത്തുകളിലെയും പൊതുമരാമത്ത് റോഡുകൾ അപ്പാടെ പൈപ്പ് സ്ഥാപിക്കലിന്റെ പേരിൽ വെട്ടിക്കുഴിച്ചു. കുഴിച്ച് പൈപ്പിട്ട ഭാഗത്ത് ശരിയായി കുഴിയടയ്ക്കാത്തതിനാൽ വാഹനങ്ങൾ കുഴിയിൽപെടുന്നതും പതിവാണ്. മാസങ്ങൾക്ക് മുന്പ് പൈപ്പിട്ട് മൂടി ഉടനെ അത്തിക്കയം – മടന്തമൺ റോഡിൽ ടാറിംഗ് നടത്തിയപ്പോൾ കുഴി ഉറയ്ക്കാത്തതു മൂലം വാഹനം കയറിയ റോഡുഭാഗം ഓടപോലെ നീളത്തിൽ കുഴിഞ്ഞു താണു. പെരുനാട് –…
Read Moreചേർത്തലയിൽ ഷോപ്പിംഗ് കോംപ്ലക്സിലെ ചെറിയ കടമുറിക്ക് അഡ്വാൻസ് 50 ലക്ഷം; ചെറുകിടവ്യാപാരികൾ ആശങ്കയിൽ
ചേർത്തല: ചേർത്തലയിൽ വ്യാപാര ആവശ്യത്തിനായി ഒരു ചെറിയ കടമുറിക്ക് അഡ്വാൻസ് തുക 50 ലക്ഷം ആയപ്പോൾ ആശങ്കയിലാകുന്നത് ചെറുകിട വ്യാപാരികൾ. നഗരസഭയുടെ മുൻവശമുള്ള ഷോപ്പിംഗ് കോംപ്ലക്സിലെ കടമുറികൾ പോയത് ഇതുവരെ ചേർത്തലയിൽ നടക്കാത്ത റിക്കാർഡ് തുകയ്ക്കാണ്. നഗരസഭയുടെ ചരിത്രത്തിൽ ആദ്യമായാണ് ഒരു ചെറിയ കടമുറിയുടെ ലേലം 50 ലക്ഷത്തിന് അടുത്ത് എത്തുന്നത്. പുതിയ വ്യാപാരസമുച്ചയത്തിൽ 26 കടമുറികളാണ് ഉള്ളത്. ഇന്നലെ നടന്ന ലേലത്തിൽ ഏഴുകടമുറികളാണ് ലേലം പോയത്. ഇതിലൂടെ നഗരസഭയ്ക്ക് 1.97 കോടി രൂപ ലഭിച്ചു. എ വിഭാഗത്തിൽപ്പെട്ട അഞ്ചു കടമുറികളും സി വിഭാഗത്തിൽപ്പെട്ട രണ്ടുകടമുറികളുമാണ് ഇന്നലെ ലേലം നടന്നത്. അതിൽ എ വിഭാഗത്തിലെ ഒന്നാം കടമുറി പോയത് 49 ലക്ഷത്തി അൻപതിനായിരം രൂപയ്ക്കാണ്. നഗരസഭയുടെ മുന്നിൽ സ്ഥിതിചെയ്യുന്ന ഷോപ്പിംഗ് കോംപ്ലക്സ് നഗരഹൃദയത്തും കഐസ്ആർടിസി ബസ് സ്റ്റാന്റിന് സമീപത്തും സ്ഥിതിചെയ്യുന്നതുകൊണ്ടാണ് ഇത്രയും തുക ഉയർന്നതെന്നാണ് കരുതുന്നത്. ഇതിനുമുന്പ്…
Read Moreചിത്തിര ആട്ടത്തിരുനാളിനു ശബരിമലയിൽ സ്ത്രീയെ തടഞ്ഞ സംഭവത്തിൽ അറസ്റ്റ് തുടരുമെന്നു പോലീസ്; പ്രതികളുടെ പുതിയ ആൽബം പുറത്തുവിട്ടു; യഥാർഥ ഭക്തരായി എത്തിയത് 200 പേരെന്ന് പോലീസ്
പത്തനംതിട്ട: ശബരിമലയിലെ സ്ത്രീ പ്രവേശനം അനുവദിച്ച സുപ്രീം കോടതി വിധിക്കെതിരേ പ്രതിഷേധിച്ചവർക്കെതിരേ നടപടി തുടരുമെന്നു പോലീസ്. ഇതിന്റെ ഭാഗമായി 150 പേരുടെ ചിത്രങ്ങൾ അടങ്ങിയ പുതിയ വെരിഫിക്കേഷൻ ആൽബം പോലീസ് പ്രസിദ്ധീകരിച്ചു. സന്നിധാനത്തു കഴിഞ്ഞ ദിവസം 52 വയസുള്ള സ്ത്രീയെ തടഞ്ഞ കേസിൽ പത്തനംതിട്ട പോലീസ് തയാറാക്കിയ 150 പേരുടെ ചിത്രങ്ങൾ അടങ്ങിയ ആൽബം പോലീസ് എല്ലാ ജില്ലകളിലേക്കും അയച്ചുകൊടുത്തു. സ്ത്രീയെ തടഞ്ഞ സംഭവത്തിൽ ഉൾപ്പെട്ടവരുടെ ചിത്രങ്ങളാണു തിരിച്ചറിയാനായി പോലീസിന് അയച്ചു കൊടുത്തത്. ഇതിൽപ്പെട്ടവരെ തിരിച്ചറിഞ്ഞാൽ അറസ്റ്റ് ചെയ്തു പത്തനംതിട്ട പോലീസിനു കൈമാറാനാണു നിർദേശം. സന്നിധാനത്തെ സംഘർഷത്തിൽ അന്ന് 200 പേർക്കെതിരേ സന്നിധാനം പോലീസ് കേസെടുത്തിരുന്നു. ഇതിൽ ഒരാളെ അറസ്റ്റു ചെയ്തിട്ടുണ്ട്. സ്ത്രീയെ തടയുന്ന സമയത്തു തിക്കിത്തിരക്കിയ ആൾക്കൂട്ടത്തിൽ ഉൾപ്പെട്ട എല്ലാവരുടെയും ചിത്രങ്ങൾ ആൽബത്തിൽ ഉൾപ്പെടുത്തിയിട്ടുണ്ട്. ഇവരെല്ലാം കേസിൽ കുടുങ്ങും. ജാമ്യമില്ലാ വകുപ്പുകളാണ് എല്ലാവർക്കുമെതിരെ ചുമത്തിയിരിക്കുന്നത്. വിവിധ…
Read Moreപത്ത് വർഷത്തിന്ശേഷം ആവിധിയെത്തി; മോഷണം തടയാൻ ശ്രമിക്കുന്നതിനിടെ വീട്ടമ്മയെ കൊലപ്പെടുത്തിയ കേസിൽ ഒന്നാം പ്രതിക്ക് ജീവപര്യന്തം
പത്തനംതിട്ട: മോഷണശ്രമത്തിനിടെ പുല്ലാട് മുട്ടുമണ് ഐരക്കാവ് ചിറ്റേഴത്ത് വീട്ടിൽ ഏലിയാമ്മ (65) യെ കുത്തിക്കൊലപ്പെടുത്തിയ കേസിൽ ഒന്നാം പ്രതിക്ക് ജീവപര്യന്തം. രണ്ടാം പ്രതിക്ക് 13 മാസം തടവും. പത്തനംതിട്ട അഡീഷണൽ സെഷൻസ് കോടതി (നാല്) ജഡ്ജി സോനു സി. പണിക്കരാണ് ശിക്ഷ വിധിച്ചത്. ഒന്നാം പ്രതി മാരാമണ് കുറന്തയിൽ രാമചന്ദ്രന് (48) ജീവപര്യന്തം തടവും 20,000 രൂപ പിഴയും അടയ്ക്കണം. ഇതരവകുപ്പുകളിലും കോടതി പ്രതിക്കു പ്രത്യേക ശിക്ഷകൾ വിധിച്ചിട്ടുണ്ട്.രണ്ടാം പ്രതി നാരങ്ങാനം പുത്തൻപുരയിൽ ജോണിക്ക് (42) വിവിധ വകുപ്പുകളിലായി 13 മാസം തടവും പിഴയും വിധിച്ചിട്ടുണ്ട്. 2008 സെപ്റ്റംബർ 22നാണ് കേസിനാസ്പദമായ സംഭവം. ഏലിയാമ്മയുടെ വീട്ടിൽ സെപ്റ്റിക് ടാങ്ക് ക്ലീനിംഗിനെത്തിയ രാമചന്ദ്രൻ വീട്ടിൽ റബർ ഷീറ്റ് ഉണങ്ങി വച്ചിരിക്കുന്നതു കണ്ടിരുന്നു. ഇതു മോഷ്ടിക്കാനായി രണ്ടാംപ്രതി ജോണിയെയും കൂട്ടി ജീപ്പിൽ വീടിനു സമീപമെത്തി. പ്രതികളെ കണ്ട ഏലിയാമ്മ മോഷണം…
Read Moreസുപ്രീംകോടതി @13 ; ശബരിമല യുവതീ പ്രവേശനവുമായി ബന്ധപ്പെട്ട പുനഃപരിശോധന ഹർജി: കണ്ണുംനട്ട് പ്രതിഷേധക്കാരും പോലീസും
ബിജു കുര്യൻ പത്തനംതിട്ട: ശബരിമല യുവതീ പ്രവേശനവുമായി ബന്ധപ്പെട്ടു സുപ്രീംകോടതിയിൽ പുനഃപരിശോധന ഹർജികൾ പരിഗണിക്കുന്ന 13നു വേണ്ടി കാത്തിരിക്കുകയാണ് പോലീസും സമരക്കാരും.രണ്ടുമാസം നീളുന്ന മണ്ഡല, മകരവിളക്കുകാലം ഇപ്പോഴത്തെ സാഹചര്യത്തിൽ പോലീസിനും പ്രതിഷേധക്കാർക്കും നിർണായകമാണ്. യുവതീ പ്രവേശനത്തെ സംബന്ധിച്ച് നിലവിലുള്ള വിധിയെ സംബന്ധിച്ച് സുപ്രീംകോടതി 13ന് ഉച്ചകഴിഞ്ഞ് പുനഃപരിശോധന ഹർജികൾ പരിഗണിക്കുന്പോൾ എന്താണ് നിലപാട് എടുക്കുകയെന്നതിനെ ആശ്രയിച്ചായിരിക്കും തുടർന്നുള്ള സുരക്ഷയും പ്രതിഷേധപരിപാടികളും. എന്നാൽ 16നു വൈകുന്നേരം നട തുറക്കുന്ന സാഹചര്യത്തിൽ മുൻകൂട്ടിയുള്ള തയാറെടുപ്പുകൾ പോലീസും പ്രതിഷേധക്കാരും നടത്തുന്നുണ്ടെന്നുള്ളത് ശ്രദ്ധേയം. പോലീസിന്റെ ഉന്നതതല യോഗം ഇന്നു ചേരും. ചിത്തിര ആട്ടവിശേഷത്തിന് ഏർപ്പെടുത്തിയ സുരക്ഷാ സംവിധാനങ്ങൾ പരാജയപ്പെടുകയും പ്രതിഷേധക്കാർ ശബരിമല കൈയടക്കുകയും ചെയ്ത സാഹചര്യത്തിൽ തീർഥാടക ബാഹുല്യമേറുന്ന മണ്ഡലകാലത്ത് പഴുതടച്ചുള്ള സുരക്ഷ ശബരിമലയിൽ എങ്ങനെ നടപ്പാക്കാമെന്നതാണ് പ്രധാന ആലോചന. സാധാരണഗതിയിൽ നിയോഗിക്കുന്ന പോലീസ് സേന ശബരിമലയിലേക്കു മതിയാകില്ല. പ്രതിഷേധങ്ങൾ തുടരുകയാണെങ്കിൽ കൂടുതൽ…
Read Moreവെണ്മണിയിൽ സംഘർഷാവസ്ഥ തുടരുന്നു എൻഎസ്എസ്, സിപിഎം ഹർത്താൽ പൂർണം
ചെങ്ങന്നൂർ: വെണ്മണി കല്യാത്രയിൽ സിപിഎം – ബിജെപി സംഘർഷത്തിൽ ഇരുവിഭാഗം പ്രവർത്തകർക്ക് പരിക്കേൽക്കുകയും സമീപത്തെ എൻഎസ്എസിന്റെ ഉടമസ്ഥതയിലുള്ള ക്ഷേത്രത്തിന് നേരെ ആക്രമണം ഉണ്ടാകുകയും ചെയ്ത സംഭവങ്ങളിൽ പ്രതിഷേധിച്ച് സിപിഎം, എൻഎസ്എസ് എന്നീ സംഘടനകളുടെ ആഹ്വാനം ചെയ്ത ഹർത്താൽ വെണ്മണി പഞ്ചായത്തിൽ ആരംഭിച്ചു. കടകന്പോളങ്ങൾ എല്ലാം തന്നെ അടഞ്ഞുകിടക്കുകയാണ്. എന്നാൽ വാഹനഗതാഗതം നടക്കുന്നുണ്ട്. ഇന്നലെ രാത്രിയുണ്ടായ സംഘർഷത്തിനുശേഷം എങ്ങും അനിഷ്ടസംഭവങ്ങൾ റിപ്പോർട്ട് ചെയ്തിട്ടില്ല. എന്നാൽ സംഘർഷസാധ്യത തുടരുന്ന സാഹചര്യത്തിൽ സ്ഥലത്ത് പോലീസ് കനത്ത സുരക്ഷ ഏർപ്പെടുത്തിയിട്ടുണ്ട്. കല്യാത്ര ജംഗ്ഷനിൽ ഇന്നലെ നടന്ന സംഘർഷത്തിൽ സിപിഎം പ്രവർത്തകരായ ജില്ലാ പഞ്ചായത്തംഗം ജെബിൻ.പി.വർഗീസ(30)്, ബ്ലോക്ക് പഞ്ചായത്ത് അംഗം ശ്യാാംകുമാർ(45), സെൻസിലാൽ(33) എന്നിവർക്കും ആർഎസ്എസ് പ്രവർത്തകരായ വെണ്മണി വേലന്തറയിൽ രാജേഷ്(36), പുല്ലേലിൽ അനൂപ്(30), സുരേഷ് ഭവനത്തിൽ സുരേഷ്(35) എന്നിവർക്കും പരിക്കേറ്റിരുന്നു. ഇതിൽ രാജേഷിന്റെ പരിക്ക് ഗുരുതരമാണെന്നാണ് പോലീസിൽ നിന്ന് ലഭിക്കുന്ന വിവരം. കല്ലും…
Read Moreബൈക്ക് മിനിലോറിയിലിടിച്ച് കത്തി എന്ജിനീയറിംഗ് വിദ്യാര്ഥികൾ മരിച്ചു; ബൈക്കും ലോറിയും അമിത വേഗതയിലായിരുന്നെന്ന് ദൃക്സാക്ഷികള്
ഹരിപ്പാട്: ദേശീയ പാതയില് നങ്ങ്യാര്കുളങ്ങര ജംഗ്ഷന് സമീപം ബൈക്ക് ലോറിയിലിടിച്ചുണ്ടായ അപകടത്തില് രണ്ട് എന്ജിനീയറിംഗ് കോളജ് വിദ്യാര്ഥികള് മരിച്ചു കോയമ്പത്തൂരില് എഞ്ചിനീയറിങ്ങിന് പഠിക്കുന്ന മാവേലിക്കര കല്ലുമല നടപ്പള്ളില് വീട്ടില് ശങ്കര് കുമാര് (20), ചെങ്ങന്നൂര് മുളക്കുഴ കിരണ് നിവാസില് കിരണ് കൃഷ്ണന് (19) എന്നിവരാണ് മരിച്ചത്. ഇവര് സഞ്ചരിച്ചിരുന്ന ബൈക്ക് തിരുവനന്തപുരത്ത് നിന്ന് ഗൃഹോപകരണങ്ങളുമായി എറണാകുളത്തിന് പോയ ലോറിയുമായി കൂട്ടിയിടിച്ച് കത്തുകയായിരുന്നു. പൊള്ളലേറ്റാണ് ശങ്കര്കുമാര് മരിച്ചത്. ഒപ്പമുണ്ടായിരുന്ന കിരണ് കൃഷ്ണന് വണ്ടാനം മെഡിക്കല് കോളജിലേക്കുള്ള വഴിമദ്ധ്യേയുമാണ് മരിച്ചത്. ഇന്ന് രാവിലെ ഏഴോടെയായിരുന്നു അപകടം. കോയമ്പത്തൂരില് നിന്ന് ചെങ്ങന്നൂരിലേക്ക് വരും വഴിയാണ് ഇവര് അപകടത്തില്പ്പെട്ടത്. ബൈക്കും ലോറിയും അമിത വേഗതയില് ആയിരുന്നെന്ന് ദൃക്സാക്ഷികള് പറഞ്ഞു. അപകടത്തെ തുടര്ന്ന് ദേശീയപാതയില് അര മണിക്കൂറോളം ഗതാഗതം തടസപ്പെട്ടിരുന്നു.
Read Moreഫേസ്ബുക്കിലൂടെ പരിചയപ്പെട്ട പെൺകുട്ടിയെ വിവാഹ വാഗ്ദാനം നൽകി സുഹൃത്തുക്കൾ ചേർന്ന് പീഡിപ്പിച്ച സംഭവം; കാമുകനും കൂട്ടുകാരനും പോലീസ് പിടിയിൽ
മല്ലപ്പള്ളി: പ്രായപൂർത്തിയാകാത്ത പെൺകുട്ടിയെ വിവാഹ വാഗ്ദാനം നല്കി തട്ടിക്കൊണ്ടുപോയി പീഡിപ്പിച്ച കേസിലെ പ്രതികൾ അറസ്റ്റിൽ. പെൺകുട്ടിയെ തട്ടിക്കൊണ്ടുപോയി ലോഡ്ജിൽ താമസിപ്പിച്ച് പീഡിപ്പിച്ച ചെറിയനാട് കൊല്ലക്കടവ് വലിയകിഴക്കേതിൽ അനൂപ് (ഷാ – 23), എണ്ണയ്ക്കാട് പെരിയിലപ്പുറത്ത് ലേഖ ഭവനിൽ സുനീഷ് കൃഷ്ണൻ (32) എന്നിവരെയാണ് കീഴ്വായ്പൂര് പോലീസ് ഇൻസ്പെക്ടർ കെ. സലീമിന്റെ നേതൃത്വത്തിലുള്ള സംഘം അറസ്റ്റു ചെയ്തത്. പെൺകുട്ടിയെ ഫേസ്ബുക്ക് വഴിയാണ് ഇവർ പരിചയപ്പെട്ടത്. കോടതിയിൽ ഹാജരാക്കിയ ഇരുവരെയും റിമാൻഡു ചെയ്തു.
Read More