അഞ്ചുതവണ പുന്നമടയിലെ ജല വേഗപ്പോരിൽ നെഹ്റുവിന്റെ കൈയൊപ്പ് പതിഞ്ഞ വെള്ളിക്കപ്പ് നേടിയ ചരിത്രമുള്ള ജവഹർ തായങ്കരി ഇത്തവണ പുന്നമടയിലെത്തുന്നത് പുതുചരിത്രമെഴുതാൻ. നെഹ്റുട്രോഫി ചരിത്രത്തിലെ ഏറ്റവും പ്രായം കുറഞ്ഞ ക്യാപ്റ്റന്റെ കീഴിൽ മത്സരിച്ച ചുണ്ടനെന്ന ചരിത്രമെഴുതാൻ കൂടിയാണ് ദാവീദ് പുത്ര ബോട്ട് ക്ലബ് തുഴയുന്ന ചുണ്ടന്റെ വരവ്. 81 തുഴക്കാരും അഞ്ച് അമരക്കാരും 11 നിലക്കാരുമുള്ള ചുണ്ടനെ നയിക്കുന്നത് നെഹ്റുട്രോഫി ജലമേളയെ ഒന്നര പതിറ്റാണ്ടിലധികമായി തന്റെ ജീവിതത്തിന്റെ ഭാഗമാക്കിയ പ്രവാസി മലയാളിയായ ആലപ്പുഴ തത്തംപള്ളി സ്വദേശി സുനിൽ വഞ്ചിക്കലിന്റെ മകനും ഹയർ സെക്കൻഡറി വിദ്യാർഥിയുമായ കെനസ് ജോസഫ് സുനിലാണ്. നെഹ്റുട്രോഫി ചരിത്രത്തിലെ പ്രായം കുറഞ്ഞ ക്യാപ്റ്റനാണെങ്കിലും അതിന്റെ സഭാ കന്പമൊന്നുമില്ലാതെ ടീമംഗങ്ങൾക്കൊപ്പം നാളുകളായി പരിശീലനത്തിലാണ് ആലപ്പുഴ ലിയോ തേർട്ടീന്ത് സ്കൂളിലെ ഹയർ സെക്കൻഡറി വിദ്യാർഥിയായ കെനസ്. ചുണ്ടൻ വള്ളത്തിന്റെ ക്യാപ്റ്റനായും ടീമിന്റെ സ്പോണ്സറായും 16 വർഷമായി ജലോത്സവ രംഗത്തുള്ള…
Read MoreCategory: Alappuzha
ദുബായിൽ നീന്തൽക്കുളത്തിൽ എൻജിനിയറായ മലയാളി യുവാവ് മുങ്ങിമരിച്ചു; അവധി ദിവസം സുഹൃത്തുകളുടെ കുടുംബത്തോടൊപ്പം ടൂറിനെത്തിയപ്പോഴായിരുന്നു അപകടം
ചെങ്ങന്നുർ: ചെറിയനാട് നാക്കോലക്കൽ ഉരുളിപ്പുറത്ത് മെൽവിൻ ഭവനിൽ മാത്യു ഏബ്രഹാം വൽസമ്മ മാത്യു ഏബ്രഹാം ദന്പതികളുടെ മകൻ മെൽവിൻ മാത്യു (28) ആണ് മുങ്ങി മരിച്ചത്. ദുബാ യ് അൽ ഫുഫ്ത്തേൽ കന്പനിയിൽ മൂന്നു വർഷമായി എൻജിനിയറായി ജോലി ചെയ്തുവരുകയായിരുന്നു. രണ്ടു വർഷം മുൻപ് ആണ് വിവാഹിതനായത്. എൻജിനിയറിംഗ് ബിരുദധാരിയായ ഭാര്യ നിഷയും ദുബായിൽ മെൽവിനോടൊപ്പമായിരുന്നു. അവധി ദിനമായ ഇന്നലെ സുഹൃത്തുക്കളായ മറ്റ് മൂന്ന് കുടുംബങ്ങളോടൊപ്പം ടൂറിന് പുറപ്പെട്ടതാണ്. നീന്തൽകുളത്തിൽ കുളിക്കാൻ ഇറങ്ങിയതാണ്. ഏക സഹോദരൻ. വിമൽ മാത്യു.സംസ്കാരം പിന്നീട്.
Read Moreവീഴാറായ ആൽമരം ഭീഷണിയാകുന്നു; തങ്കി-ആറാട്ടുവഴി റോഡിൽ ചരിഞ്ഞു നിൽക്കുന്ന ഈ മരത്തിന് അറുപതുവർഷത്തിലേറെ പഴമുണ്ടെന്ന് നാട്ടുകാർ
ചേർത്തല: വീഴാറായ ആൽമരം ജനങ്ങളെ ഭീതിയിലാക്കുന്നു. തങ്കി-ആറാട്ടുവഴി റോഡിൽ അപ്പംതൂക്കിക്കവല ബസ് സ്റ്റോപ്പിനു സമീപമുള്ള കൂറ്റൻ ആൽമരമാണ് ജനങ്ങളുടെ ജീവന് ഭീഷണിയായിരിക്കുന്നത്. ഏതു നിമിഷവും നിലംപതിക്കാവുന്ന അവസ്ഥയിൽ ചരിഞ്ഞു നിൽക്കുകയാണ്. ഈ മരത്തിന് അറുപതു വർഷത്തിനുമേൽ പഴക്കം ഉണ്ടെന്ന് നാട്ടുകാർ പറയുന്നു. അനേകം വാഹനങ്ങളും ചേർത്തല, തങ്കി, അന്ധകാരനഴി, പള്ളിത്തോട്, ചെല്ലാനം,തോപ്പുംപടി, എറണാകുളം, കലൂർ തുടങ്ങി സ്ഥലങ്ങളിലേക്ക് അനേകം ബസ് സർവീസും ഉള്ള റൂട്ടിലാണ് അപകടാവസ്ഥയിലായ മരം നിർക്കുന്നത്. സമീപമുള്ള കച്ചവട സ്ഥാപങ്ങളും, ക്രിസ്തുരാജ ചാപ്പലിനും ഭീഷണിയായി നിൽക്കുകയാണ് അപകടാവസ്ഥയിലായ ആൽമരം.
Read Moreപറഞ്ഞത് മുഴുവന് കള്ളം! കോടീശ്വരിയായ യുവതിയുടെ തിരോധാനം; മുഖ്യപ്രതി സെബാസ്റ്റ്യനെ നുണപരിശോധനയ്ക്ക് വിധേയമാക്കും
ചേർത്തല: ദുരൂഹ സാഹചര്യത്തിൽ കാണാതായ കടക്കരപ്പള്ളി സ്വദേശി ബിന്ദു പത്മനാഭനെ കാണാതായ കേസിൽ ഒന്നാം പ്രതി സെബാസ്റ്റ്യനെ നുണപരിശോധനയ്ക്കു വിധേയനാക്കുന്നതിനുവേണ്ടി പോലീസ് നീക്കം ആരംഭിച്ചു. ഇതിനുമുന്നോടിയായി 17നു ഹാജരാകാൻ പോലീസ് നോട്ടീസ് നൽകിയിട്ടുണ്ട്. ബിന്ദുവിനെപ്പറ്റി സെബാസ്റ്റ്യൻ പറഞ്ഞ പല വിവരങ്ങളും പോലീസ് വിശ്വസിച്ചിട്ടില്ല. ഇയാൾ നല്കിയിട്ടുള്ള മൊഴികൾ പലതും പരസ്പര വിരുദ്ധമാണ്. നുണപരിശോധനയ്ക്കു സമ്മതമാണെന്നു സെബാസ്റ്റ്യൻ അറിയിച്ചാൽ പരിശോധനയ്ക്കായി പോലീസ് ചേർത്തല കോടതിയിൽ അപേക്ഷ നൽകും. കോടതിയിലും സെബാസ്റ്റ്യൻ സമ്മതം അറിയിച്ചാൽ ഫോറൻസിക് ബ്യൂറോയുമായി ബന്ധപ്പെട്ടു തുടർ നടപടിയെടുക്കും.
Read Moreറോഡിൽ വ്യാജവാഹനങ്ങൾ പെരുകുന്നു ; കുറ്റക്കാർക്കെതിരെ കർശന നടപടി സ്വീകരിക്കുമെന്നു ജോയിന്റ് ആർടിഒ
ചേർത്തല: പെർമിറ്റും ടാക്സും ഇൻഷ്വറൻസും ഇല്ലാതെ റോഡിൽ വാഹനങ്ങൾ യഥേഷ്ടം യാത്ര നടത്തുന്നുവെന്ന റിപ്പോർട്ടിനെ തുടർന്ന് മോട്ടോർവാഹനവകുപ്പ് ഉദ്യോഗസ്ഥർ പരിശോധന കർശനമാക്കി. പെർമിറ്റ് എടുക്കാതെയും ടാക്സ് അടക്കാതെയും സർവീസ് നടത്തിയ വോൾവോ ബസ് മോട്ടോർ വാഹന വകുപ്പ് ഇന്നലെ പിടികൂടി 1,03,700 രൂപ പിഴ ഈടാക്കി. എസ്ആർഎം ട്രാവൽസിന്റെ പേരിൽ പോണ്ടിച്ചേരിയിൽ രജിസ്റ്റർ ചെയ്തിട്ടുള്ള ബസാണ് മാരാരിക്കുളത്ത് നടത്തിയ വാഹനപരിശോധനയ്ക്കിടെ പിടിയിലായത്. പെർമിറ്റും ഇൻഷ്വറൻസും ടാക്സും അടയ്ക്കാതെ നിരവധി വാഹനങ്ങളാണ് സംസ്ഥാനത്തുടനീളം യാത്ര നടത്തുന്നത്. ഒന്നിലധികം വാഹനങ്ങൾ ഉള്ളവർ ഏതെങ്കിലും ഒരു വാഹനത്തിന് മാത്രം ഇൻഷുറൻസും ടാക്സും പെർമിറ്റും എടുത്തതിനുശേഷം അതിൽ വാഹനത്തിന്റെ നന്പർ തിരുത്തി മറ്റ് വാഹനങ്ങളിലും ഉപയോഗിക്കുന്നതായി കണ്ടെത്തിയിട്ടുണ്ട്. ഇരുചക്രവാഹനങ്ങൾ, ടാക്സികൾ തുടങ്ങി നിരവധി വാഹനങ്ങളാണ് ഇൻഷ്വറൻസ് പോലും ഇല്ലാതെ ഓടുന്നതെന്നാണ് കണ്ടെത്തിയിരിക്കുന്നത്. സ്കൂൾ ബസുകൾ വരെ ഇത്തരത്തിൽ സർവീസ് നടത്തുന്നതായി കണ്ടെത്തിയിട്ടുണ്ട്. കഴിഞ്ഞദിവസം…
Read Moreരണ്ടേകാൽ കിലോ കഞ്ചാവുമായി രണ്ടുപേർ പിടിയിൽ; കഞ്ചാവ് എത്തിച്ചത് വിദ്യാർഥികൾക്കായി; ഓട്ടോ റിക്ഷയിൽ കറങ്ങിനടന്നായിരുന്നു കഞ്ചവടം
ആലപ്പുഴ: രണ്ടേകാൽ കിലോഗ്രാം കഞ്ചാവുമായി തിരുവല്ല സ്വദേശികൾ പിടിയിലായ സംഭവത്തിൽ കഞ്ചാവ് എത്തിച്ചിരുന്നത് വിദ്യാർഥികൾക്കായിട്ടെന്ന് മൊഴി. ആലപ്പുഴ എക്സൈസ് സ്പെഷൽ സ്ക്വാഡ് അന്പലപ്പുഴ, തകഴി, തിരുവല്ല പ്രദേശങ്ങളിൽ ഇന്നലെ നടത്തിയ റെയ്ഡിൽ ഓട്ടോറിക്ഷയിൽ കടത്തിക്കൊണ്ടുവന്ന രണ്ടേകാൽ കിലോഗ്രാം കഞ്ചാവുമായി രണ്ടു തിരുവല്ല സ്വദേശികൾ പിടിയിലാവുകയായിരുന്നു. കഴിഞ്ഞ ദിവസങ്ങളിൽ എക്സൈസ് ഷാഡോ അംഗങ്ങൾ നടത്തിയ വിവരശേഖരണത്തിൽ നിന്നും അന്പലപ്പുഴ, തകഴി, എടത്വ ഭാഗങ്ങളിൽ ഓട്ടോറിക്ഷയിൽ കഞ്ചാവ് വില്പന നടക്കുന്നു എന്ന വിവരം ലഭിച്ചിരുന്നു. ഇതേത്തുടർന്ന് ആലപ്പുഴ എക്സൈസ് സ്പെഷൽ സ്ക്വാഡ് സർക്കിൾ ഇൻസ്പെക്ടർ വി. റോബർട്ടിന്റെ നേത്യത്വത്തിൽ നടത്തിയ പരിശോധനയിലാണ് കഞ്ചാവ് ഓട്ടോറിക്ഷയിൽ കടത്തിക്കൊണ്ടുവന്ന് സ്കൂൾ-കോളജ് വിദ്യാർഥികൾക്ക് വില്പന നടത്തിവന്ന തിരുവല്ല താലൂക്കിൽ കുറ്റപ്പുഴ വില്ലേജിൽ കുറ്റപ്പുഴ വാലുപറന്പിൽ വീട്ടിൽ ബിനോയിയെ(34) ഓട്ടോറിക്ഷ സഹിതം പിടികൂടിയത്. ഇയാളുടെ ഓട്ടോയിൽ നിന്നും കാൽക്കിലോയോളം കഞ്ചാവ് കണ്ടെടുത്തു. തുടർന്ന് നടത്തിയ അന്വേഷണത്തിൽ…
Read Moreപെയ്തൊഴിയാതെ ദുരിതം; ക്യാമ്പുകളിൽ നിന്ന് ഭവനങ്ങളിലേക്ക് മടങ്ങിയവർക്ക് വീണ്ടും ദുരിതം വിതച്ച് പേമാരി; പ്രളയഭീതിയിൽ വീണ്ടും അപ്പർകുട്ടനാട്
മാന്നാർ: ദുരിതാശ്വാസ ക്യാന്പുകളിൽ നിന്ന് ഭവനങ്ങളിലേക്ക് മടങ്ങിയവർക്ക് വീണ്ടും ദുരിതം വിതച്ച് പേമാരി. അപ്പർകുട്ടനാടൻ മേഖലയിൽ ഉൾപ്പെടുന്ന മാന്നാർ, ചെന്നിത്തല പഞ്ചായത്തുകളിൽ മഴക്കെടുതി വിതച്ച ദുരിതം ഏറെയാണ്. രണ്ടാഴ്ചത്തെ ക്യാന്പ് വാസം കഴിഞ്ഞ് പ്രളയബാധിതർ വീടുകളിലേക്ക് മടങ്ങി ജീവിതം തിരികെ പിടിക്കുവാനുള്ള ശ്രമങ്ങൾ നടത്തി വരുന്നതിനിടയിലാണ് വീണ്ടും പ്രളയ ഭീഷണി ഉയർന്നിരിക്കുന്നത്. മാന്നാറിന്റെ പടിഞ്ഞാറൻ പ്രദേശങ്ങളായ പാവുക്കര, വള്ളക്കാലി, മേൽപ്പാടം ഭാഗങ്ങൾ കഴിഞ്ഞ വെള്ളപ്പൊക്കത്തിൽ പൂർണമായും ഒറ്റപ്പെട്ടിരുന്നു. ഈ ഭാഗങ്ങളിൽ 1500 കുടുംബങ്ങളാണ് ആറ് ക്യാന്പുകളിലായി കഴിഞ്ഞത്. വീടുകളിൽ വെള്ളം കയറി നശിച്ചവർ അറ്റകുറ്റ പണികൾ നടത്തി വാസയോഗ്യമാക്കി താമസം തുടങ്ങിയപ്പോഴേക്കും വീണ്ടും വീടുകളിൽ വെള്ളം കയറിയത് ജനങ്ങളെ ബുദ്ധിമുട്ടിലാഴ്ത്തി. ആദ്യ ദുരിതത്തിന്റെ സർക്കാർ സഹായം ലഭിച്ച് തുടങ്ങിയപ്പോഴേക്കുമാണ് വീണ്ടും പ്രളയക്കെടുതി ഉണ്ടായിരിക്കുന്നത്. ചെന്നിത്തല, ഇരമത്തൂർ, വള്ളാംകടവ് പ്രദേശങ്ങൾ വീണ്ടും വെള്ളത്തിലായത് ദുരിതം ഇരട്ടിച്ചു. വീണ്ടും ക്യാന്പുകളെ…
Read Moreഡീസൽ ക്ഷാമം: കെഎസ്ആർടിസി ചേർത്തല ഡിപ്പോയുടെ പ്രവർത്തനം താളം തെറ്റുന്നു; 10 ഓളം ഷെഡ്യൂളുകൾ ഇന്നലെ മുടങ്ങി
ചേർത്തല: ഡീസൽക്ഷാമത്തെ തുടർന്ന് ചേർത്തലയിൽ കെഎസ്ആർടിസി സർവീസുകളുടെ താളം തെറ്റി. ദിനംപ്രതി 8000 മുതൽ 10000 വരെ ലിറ്റർ ഡീസൽ ആവശ്യമുള്ള ചേർത്തല ഡിപ്പോയിൽ 1984 ലിറ്റർ മാത്രമാണ് ഇന്നലെ അവശേഷിച്ചത്. രണ്ട് പന്പുകളിലായി 35000 ലിറ്റർ ശേഖരിക്കുന്നതിനുള്ള സൗകര്യമാണ് ഇവിടെയുള്ളത് . ചേർത്തല ഡിപ്പോയിൽ നിന്ന് മാത്രം 88 കഐസ്ആർടിസി ഷെഡ്യൂളും ഏഴ് കെയുആർടിസി ഷെഡ്യൂളും ദിനം പ്രതി ഓപ്പറേറ്റ് ചെയ്യുന്നുണ്ട്. ഡീസൽ ക്ഷാമത്തെ തുടർന്ന് 10 ഓളം ഷെഡ്യൂളുകൾ ഇന്നലെ കാൻസൽ ചെയ്തു. എറണാകുളം ജില്ലയിലും ഡീസൽ ക്ഷാമം രൂക്ഷമായത് യാത്രക്കാരെ ബാധിച്ചു. ബസുകൾ കുറവായതിനാൽ യാത്രാക്ലേശം രൂക്ഷമായി. ചാലക്കുടി, പുതുക്കാട്, അങ്കമാലി, ആലുവ, ആലപ്പുഴ, കായംകുളം, ഹരിപ്പാട് ഡിപ്പോകളിൽ ഡീസൽ പൂർണമായി തീർന്നതോടെ സർവീസുകൾ പലതും മുടങ്ങി. ഇന്നലെ രാത്രി ഒന്പതോടെ ചേർത്തല ഡിപ്പോയിൽ ഡീസൽ എത്തിയതിനെ തുടർന്ന് ഇതിന്റെ ക്രമീകരണങ്ങൾക്കായി ഇന്നലെ…
Read Moreനെഹ്റുട്രോഫി വള്ളംകളി; സച്ചിന്റെ സമയംനോക്കി പുതിയ തീയതി; ഈ മാസം 18നും 21നും ഇടയ്ക്കു നടത്താൻ തീരുമാനം
ആലപ്പുഴ: ഈ വർഷത്തെ നെഹ്റു ട്രോഫി ജലോത്സവം ഈ മാസം 18നും 21നും ഇടയ്ക്കു നടത്താൻ തീരുമാനം. മന്ത്രി ഡോ. തോമസ് ഐസക്കിന്റെ സാന്നിധ്യത്തിൽ ഇന്നലെ ആലപ്പുഴ കളക്ടറേറ്റിൽ ചേർന്ന നെഹ്റുട്രോഫി ബോട്ട് റേസ് സൊസൈറ്റി എക്സിക്യൂട്ടീവ് യോഗമാണ് ഇതുസംബന്ധിച്ച തീരുമാനമെടുത്തത്. ഈ മാസം 11നു നടക്കേണ്ടിയിരുന്ന ജലോത്സവത്തിന്റെ ഒരുക്കങ്ങളെല്ലാം പൂർത്തിയായെങ്കിലും കനത്ത മഴയുടെയും വിവിധ ഡാമുകളുടെ ഷട്ടറുകൾ തുറക്കുകയും ചെയ്തതിന്റെ പശ്ചാത്തലത്തിൽ വെള്ളപ്പൊക്ക ഭീഷണി നിലനിൽക്കുന്നതിനാലാണ് മാറ്റിവച്ചത്. ജലമേളയിലെ മുഖ്യാതിഥിയായ സച്ചിൻ തെണ്ടുൽക്കറിന് എത്താനുള്ള സൗകര്യം കൂടി കണക്കിലെടുത്തായിരിക്കും മൽസര തീയതി തീരുമാനിക്കുകയെന്നും ഇക്കാര്യത്തിൽ അന്തിമ തീരുമാനം ഇന്നുണ്ടാകുമെന്നും മന്ത്രി തോമസ് ഐസക് പിന്നീട് മാധ്യമപ്രവർത്തകരോടു പറഞ്ഞു. നെഹ്റുട്രോഫി മാറ്റിവയ്ക്കുന്നത് വഴി 30ലക്ഷം രൂപയുടെ അധിക ബാധ്യതയുണ്ടാകുമെന്നും മന്ത്രി വ്യക്തമാക്കി. ടിക്കറ്റ് ബുക്ക് ചെയ്തവർക്കു ജലോത്സവം കാണാൻ സൗകര്യം നൽകും. 13 മത്സരങ്ങളെ ഉൾപ്പെടുത്തി ചാന്പ്യൻസ്…
Read Moreപമ്പാ ഡാമും തുറന്നു ; തീരങ്ങളിൽ വെള്ളപ്പൊക്കം; അപ്പർ കുട്ടനാട്, കുട്ടനാട് ഭാഗങ്ങളിൽ വെള്ളം ഉയരുന്നു
പത്തനംതിട്ട: ശബരിഗിരി പദ്ധതിയിലെ പന്പ ഡാമും തുറന്നു. പരമാവധി സംഭരണ ശേഷിയായ 986.33 മീറ്ററിൽ നിലനിർത്തി ഡാമിന്റെ ഷട്ടറുകൾ ഇന്ന് രാവിലെ തുറന്നുവിട്ടു. കക്കി ഡാമിൽ പരമാവധി ജലനിരപ്പായ 981.46 മീറ്ററിൽ നിലനിർത്തി ആനത്തോട് ഷട്ടറുകൾ തുറന്ന നിലയിലാണ്. നാല് ഷട്ടറുകളും തുറന്നു. മൂഴിയാറിൽ പരമാവധി സംഭരണ ശേഷിയായ 195.63 മീറ്ററിൽ നിലനിർത്തി ഡാം ഷട്ടറുകൾ തുറക്കുകയും അടക്കുകയും ചെയ്യുന്നു. സംഭരണികളിൽ നിന്നുള്ള വെള്ളം എത്തിയതോടെ പന്പാ നദി കര കവിഞ്ഞു. താഴ്ന്ന പ്രദേശങ്ങളിൽ വെള്ളം കയറി. നദിയിലെ ജലനിരപ്പ് രണ്ടു മീറ്ററോളം ഉയർന്നിട്ടുണ്ട്. ആറന്മുള ഉൾപ്പെടെ വെള്ളപ്പൊക്കം ഭീക്ഷണിയിൽ ആണ്. റാന്നി ഭാഗത്ത് നദി കര കവിഞ്ഞു. അപ്പർ കുട്ടനാട്, കുട്ടനാട് ഭാഗത്തും വെള്ളം കയറി വരുന്നു.
Read More