ചേർത്തല: കടക്കരപ്പള്ളി സ്വദേശിനി ബിന്ദുപത്മനാഭന്റെ ദുരൂഹ തിരോധാനവുമായി ബന്ധപെട്ട ഭൂമിതട്ടിപ്പു കേസിലെ മുഖ്യപ്രതിക്കു ജാമ്യം ലഭിച്ചു. പള്ളിപ്പുറം സ്വദേശി സി.എം സെബാസ്റ്റ്യനാണ് (59) കോടതി ഉപാധികളാടെ ജാമ്യം അനുവദിച്ചത്. ചേർത്തല ജുഡീഷ്യൽ ഫസ്റ്റ്ക്ലാസ് മജിസ്ട്രേറ്റ് കോടതി ഒന്ന് ജഡ്ജി അരുണ്കുരുവിളയാണ് ജാമ്യം അനുവദിച്ചത്. ജില്ലവിട്ടു പോകരുത്, തിങ്കൾ, ബുധൻ ദിവസങ്ങളിൽ അന്വേഷണ ഉദ്യോഗസ്ഥനു മുന്നിൽ ഹാജരാകണം എന്നീ നിബന്ധനകളോടെയാണ് ജാമ്യം. കാണാതായ ബിന്ദുപത്മനാഭന്റെ പേരിൽ ഇടപ്പള്ളിയിലുള്ള 11സെന്റ് ഭൂമി ആൾമാറാട്ടം നടത്തി വ്യാജ പവർഓഫ് അറ്റോർണി ഉണ്ടാക്കി തട്ടിയെടുത്ത കേസിലും അനുബന്ധമായുള്ള മൂന്നു കേസുകളിലുമാണ് ജാമ്യം ലഭിച്ചിരിക്കുന്നത്. ഒരുമാസത്തോളം ഒളിവിലായിരുന്ന സെബാസ്റ്റ്യൻ ജൂലൈ ഏഴിനു എറണാകുളം കോടതിയിൽ കീഴടങ്ങാനെത്തിയപ്പോഴാണ് പോലീസ് വലയിലായത്.
Read MoreCategory: Alappuzha
എന്തേ മിണ്ടാത്തേ..! സൂര്യന് താഴെയുള്ളതിനെക്കുറിച്ചെല്ലാം അറിവുണ്ടെന്ന് സ്വയം നടിക്കുന്ന മന്ത്രി തോമസ് ഐസക് തണ്ണീർമുക്കം ബണ്ടിനെക്കുറിച്ചു മിണ്ടുന്നില്ലെന്ന് ബിജെപി
ചേർത്തല: തണ്ണീർമുക്കം ബണ്ടിന്റെ മണൽച്ചിറയിലെ മണലിന്റെ ആഴവും മൂല്യവും തിട്ടപ്പെടുത്താൻ ശാസ്ത്രീയ മാർഗങ്ങൾ സ്വീകരിക്കണമെന്ന് ബിജെപി സംസ്ഥാന ജനറൽ സെക്രട്ടറി എ.എൻ രാധാകൃഷ്ണൻ പറഞ്ഞു. ബിജെപി ചേർത്തല- അരൂർ നിയോജക മണ്ഡലം കമ്മിറ്റികളുടെ ആഭിമുഖ്യത്തിൽ തണ്ണീർമുക്കം ബണ്ടിലേക്ക് നടത്തിയ മാർച്ചും ധർണയും ഉദ്ഘാടനം ചെയ്യുകയായിരുന്നു അദ്ദേഹം. മഴക്കെടുതി മൂലം ദുരിതമനുഭവിക്കുന്ന കുട്ടനാടൻ ജനതയെ നേരിൽ കാണാൻ മുഖ്യമന്ത്രി തയ്യാറാകണം. സൂര്യന് താഴെയുള്ളതിനെ കുറിച്ചെല്ലാം അറിവുണ്ടെന്ന് സ്വയം നടിക്കുന്ന മന്ത്രി തോമസ് ഐസക് സ്വന്തം നാട്ടിലെ തണ്ണീർമുക്കം ബണ്ടുമായി ബന്ധപ്പെട്ട പ്രശ്നങ്ങളിൽ ഇടപെടാത്തതെന്താണെന്നും അദ്ദേഹം ചോദിച്ചു. നിയോജക മണ്ഡലം പ്രസിഡന്റ് സാനു സുധീന്ദ്രൻ അധ്യക്ഷനായി. ദക്ഷിണമേഖലാ പ്രസിഡന്റ് വെളളിയാകുളം പരമേശ്വരൻ, ജില്ലാ പ്രസിഡന്റ് കെ. സോമൻ, ജനറൽ സെക്രട്ടറി എം.വി ഗോപകുമാർ, ടി. സജീവ് ലാൽ, സുമി ഷിബു, അരുണ് കെ. പണിക്കർ, എം.എസ് ഗോപാലകൃഷ്ണൻ, ബി. ബാലാനന്ദ്,…
Read Moreവെള്ളപ്പൊക്കവും കടൽക്ഷോഭവും; ആലപ്പുഴയിൽ ദുരിതാശ്വാസ ക്യാമ്പിൽ കഴിയുന്നത് 7745 പേർ
ആലപ്പുഴ: വെള്ളപ്പൊക്കവും കടൽക്ഷോഭവും മൂലം ജില്ലയിൽ ദുരിതാശ്വാസ ക്യാന്പുകളിൽ കഴിയുന്നത് 7745 പേർ. 40 ക്യാന്പുകളിലായാണ് 1919 കുടുംബങ്ങളിലെ 7745 പേർ ദിവസങ്ങളായി ദുരിതാശ്വാസ ക്യാന്പുകളിൽ കഴിയുന്നത്. അന്പലപ്പുഴ താലൂക്കിൽ മാത്രം 26 ദുരിതാശ്വാസ ക്യാന്പുകളിലായി 1641 കുടുംബങ്ങളാണ് കഴിയുന്നത്. മഴയുടെ ശക്തി കുറഞ്ഞതോടെ കഴിഞ്ഞദിവസം താലൂക്ക് പരിധിയിൽ ആരംഭിച്ച ദുരിതാശ്വാസ ക്യാന്പുകൾ ഭൂരിഭാഗവും പിരിച്ചുവിട്ടിരുന്നെങ്കിലും കഴിഞ്ഞദിവസം ജില്ലയുടെ തീരപ്രദേശത്തുണ്ടായ കനത്ത കടൽക്ഷോഭത്തെത്തുടർന്ന് തീരവാസികൾക്കായി വീണ്ടും ക്യാന്പുകൾ തുറക്കുകയായിരുന്നു. കുട്ടനാട്ടിൽ ക്യാന്പുകളെക്കൂടാതെ 223 കഞ്ഞിവീഴ്ത്തൽ കേന്ദ്രങ്ങൾ നിലവിൽ പ്രവർത്തിക്കുന്നുണ്ട്. പതിനായിരങ്ങളാണ് ഈ കേന്ദ്രങ്ങളെ ആശ്രയിക്കുന്നത്. കഴിഞ്ഞ ദിവസങ്ങളിൽ കുട്ടനാട്ടിലെ ജലനിരപ്പിന് കാര്യമായ കുറവുണ്ടായിരുന്നെങ്കിലും വീണ്ടും മഴ കനക്കുകയും കിഴക്കൻ വെള്ളത്തിന്റെ വരവ് ശക്തമാകുകയും ചെയതതോടെ ജലനിരപ്പിന് വീണ്ടും ഉയർന്നതോടെ ജനങ്ങളുടെ ദുരിതത്തിന് ശമനമാകാത്ത അവസ്ഥയാണ്.
Read Moreഎന്നു തീരും ഈ പണി? പത്തനംതിട്ട കെഎസ്ആർടിസി ടെർമിനലിന്റെ നിർമാണം ശബരിമല സീസണ് ആരംഭിക്കുന്നതിന് മുമ്പെന്ന് അധികൃതർ; കഴിഞ്ഞ വർഷം ഇതുതന്നെയാണ് പറഞ്ഞതെന്ന് നാട്ടുകാർ
പത്തനംതിട്ട: ജില്ലാ ആസ്ഥാനത്ത് അത്യാധുനിക സൗകര്യങ്ങളോടെ തുടങ്ങാൻ ഉദ്ദേശിക്കുന്ന കെഎസ്ആർടിസി സമുച്ചയത്തിന്റെ നിർമാണം മന്ദഗതിയിൽ. നിലവിൽ പ്രധാന കെട്ടിടത്തിന്റെ പ്ലാസ്റ്ററിംഗ് ജോലികൾ നടക്കുന്നെങ്കിലും പ്ലംബിംഗ്, ഇലക്ട്രിക്കൽ ജോലികൾ കൂടി പൂർത്തിയാകാനുണ്ട്. റോഡിൽ നിന്നും പ്രധാന കെട്ടിടത്തിലേക്ക് പണിയാൻ ഉദ്ദേശിക്കുന്ന ക്രോസ് റാന്പിന്റെ നിർമാണം തുടങ്ങിയിട്ടില്ല. പ്രായമായവർക്കും ഭിന്നശേഷിക്കാർക്കും നേരിട്ട് സ്റ്റാൻഡിലേക്ക് പ്രവേശിക്കാനുള്ളതാണ് ഈ സംവിധാനം. നിലവിൽ പ്ലാസ്റ്ററിംഗ് ജോലികളും, ടൈൽ പാകുന്ന ജോലികളുമാണ് നടക്കുന്നത്. ശബരിമല സീസണ് ആരംഭിക്കുന്നതിന് മുന്പായി പണികൾ പൂർത്തിയാക്കുമെന്നാണ് പറയുന്നത്. കഴിഞ്ഞവർഷവും അധികൃതർ ഇതുതന്നെ ആവർത്തിച്ചതിനാൽ നാട്ടുകാർക്ക് വലിയ പ്രതീക്ഷയില്ല. 15000 ചതുരശ്ര അടിയിലാണ് ടെർമിനലിന്റെ നിർമാണം പൂർത്തിയാകുന്നത്. മൂന്ന് നിലയുള്ള കെട്ടിടത്തിന്റെ താഴ്ഭാഗം പൂർണമായും വ്യാപാര സ്ഥാപനങ്ങൾക്കായി ലേലം ചെയ്തു നൽകി. രണ്ടാമത്തെ നിലയും വാടകയ്ക്കു നൽകാനാണ്. മൂന്നാമത്തെ നില ഓഫീസായി പ്രവർത്തിക്കും. എഎൽഎ ഫണ്ടിൽ നിന്നും കെഎസ്ആർടിസി തനതു ഫണ്ടിൽ…
Read Moreമാലിന്യ നിർമാർജന മാർഗങ്ങളോട് മുഖം തിരിച്ച് ജനം; മാലിന്യ നിക്ഷേപകേന്ദ്രമായി റോഡുകൾ
ആലപ്പുഴ: ജൈവ- അജൈവ മാലിന്യങ്ങൾ സംസ്കരിക്കുന്നതിനായുള്ള സംവിധാനങ്ങളോട് മുഖം തിരിച്ച് ജനം. തദ്ദേശ സ്വയംഭരണ സ്ഥാപനങ്ങളുടെ നേതൃത്വത്തിലാരംഭിച്ച മാലിന്യ നിർമാർജന പദ്ധതികളോടാണ് ആദ്യത്തെ ആവേശം ഇപ്പോൾ പൊതുജനത്തിനില്ലാത്തത്. പലയിടങ്ങളിലും മുൻകാലങ്ങളിലേതുപോലെ മാലിന്യങ്ങൾ പ്ലാസ്റ്റിക് ചാക്കുകളിലും കിറ്റുകളിലുമാക്കി വലിച്ചെറിയുന്ന സ്ഥിതിയായി വീണ്ടും. ആലപ്പുഴ നഗരസഭയിൽ ജൈവ -അജൈവ മാലിന്യങ്ങൾ സംസ്കരിക്കുന്നതിനായി നിർമല ഭവനം- നിർമല നഗരം പദ്ധതിപ്രകാരം നഗരത്തിന്റെ വിവിധ ഭാഗങ്ങളിൽ മാലിന്യങ്ങൾ ശേഖരിക്കുന്നതിനായുള്ള കേന്ദ്രങ്ങൾ പ്രവർത്തിക്കുന്നുണ്ടെങ്കിലും നഗരത്തിലെ ഇടവഴികളും ചെറു റോഡുകളും ഇപ്പോഴും മാലിന്യ നിക്ഷേപ കേന്ദ്രങ്ങളാണ്. രാത്രിയിലും പുലർച്ചെയുമാണ് ഇത്തരത്തിലുള്ള മാലിന്യ നിക്ഷേപം ഏറെയും നടക്കുന്നത്. പൊതുയിടങ്ങളിൽ മാലിന്യങ്ങൾ നിക്ഷേപിക്കുന്നവർക്കെതിരെ പിഴ ചുമത്തുന്നതടക്കമുള്ള നടപടികൾ തദ്ദേശസ്വയംഭരണ സ്ഥാപനങ്ങൾക്ക് സ്വീകരിക്കാമെങ്കിലും ഇതിനു തയാറാകാത്തതാണ് മാലിന്യനിക്ഷേപം പാതയോരങ്ങളിൽ വർധിക്കാൻ കാരണം. നേരത്തെ ആലപ്പുഴ നഗരസഭ രാത്രികാല മാലിന്യ നിക്ഷേപം തടയുന്നതിനായി പ്രത്യേക സ്ക്വാഡിനെ നിയോഗിക്കുകയും ഇവരുടെ കാര്യക്ഷമമായ പ്രവർത്തനം…
Read Moreറെയിൽവേ മേൽപ്പാലം അനിവാര്യം; ഹരിപ്പാട് – വീയപുരം ലിങ്ക് ഹൈവേയിൽ ഗതാഗതക്കുരുക്ക് രൂക്ഷം
ഹരിപ്പാട്: തിരക്കേറിയ ഹരിപ്പാട് വീയപുരം കടപ്രാ ലിങ്ക് ഹൈവേയിൽ റെയിൽവേ മേൽപ്പാലത്തിനായി മുറവിളി ഉയരാൻ തുടങ്ങിയിട്ട് വർഷങ്ങളേറെയായി. ശാസ്താംമുറി തൃപ്പക്കുടം ലവൽ ക്രോസിൽ വൻതോതിലാണ് യാത്രാക്കുരുക്ക് അനുഭവപ്പെടുന്നത്. പ്രതിദിനം പല പ്രാവശ്യമായി മണിക്കൂറുകളോളം ലെവൽ ക്രോസ് അടഞ്ഞ് യാത്രക്കാരുടെ സമയം കവരുന്നതോടെ കണക്കുകൂട്ടലുകൾ താളം തെറ്റുകയാണ്. അന്പലപ്പുഴ ഹരിപ്പാട് റയിൽവെ ലൈൻ ഇരട്ടിപ്പിക്കുന്ന ജോലികൾ യുദ്ധകാലാടിസ്ഥാനത്തിൽ പുരോഗമിക്കുകയാണ്. നിർമാണം അവസാന ഘട്ടത്തിലേക്ക് കടക്കുന്പോൾ ലെവൽ ക്രോസുകളുടെ ഭാഗത്തെ നിർമാണ പ്രവർത്തനങ്ങളാണ് ഇനിയും നടക്കേണ്ടത്. ഗേറ്റ്കീപ്പർ പോസ്റ്റുകളുടെ പണിയും ഏകദേശം പൂർത്തീകരിച്ചു. ഇരട്ടവരി പാത കമ്മീഷൻ ചെയ്യുന്നതോടെ ഇതുവഴിയുള്ള ട്രെയിൻ സർവീസുകൾ വർധിക്കും. അതോടെ നിലവിൽ അനുഭവപ്പെടുന്ന ബുദ്ധിമുട്ടിന്റെ മൂന്നിരട്ടിയാകും അനുഭവപ്പെടുക. ലിങ്ക് ഹൈവേ രാജ്യാന്തര നിലവാരത്തിലേക്കു ഉയർത്തുമെന്ന തരത്തിലുള്ള ചർച്ചകളാണ് ഇപ്പോൾ നടക്കുന്നത്. ഹരിപ്പാട്-എടത്വ-വീയപുരം, ഹരിപ്പാട്-മേൽപ്പാടം-മാന്നാർ, ഹരിപ്പാട്-വീയപുരം-കടപ്ര എന്നിങ്ങനെ നിരവധി തിരക്കേറിയ റോഡുകളെ തമ്മിൽ ബന്ധിപ്പിക്കുന്ന റോഡാണിത്.…
Read Moreദേവസ്വം ബോർഡ് അനാസ്ഥ തുടരുന്നു ; വേദനകൾ കടിച്ചമർത്തി മാവേലിക്കരയുടെ ഗജരാജൻ
മാവേലിക്കര: ദേവസ്വം മാവേലിക്കര സബ്ഗ്രൂപ്പിലെ ഗജകേസരി ഉണ്ണികൃഷ്ണന്റെ ആരോഗ്യനില ദിനം പ്രതി വഷളാകുന്നുവെന്ന് ആക്ഷേപം. ദഹനക്കുറവും ശോധനയില്ലായ്മയും കാരണം ആനയുടെ ആരോഗ്യസ്ഥിതി വഷളായിക്കൊണ്ടിരിക്കുന്ന അവസ്ഥയിലും വിദഗ്ധ ചികിത്സ ലഭ്യമാക്കാതെ ദേവസ്വത്തിന്റെ അനാസ്ഥ തുടരുകയാണ്. പല്ലുകൾ ഇളകി പോയതിനാൽ പനന്പട്ട, ഓല എന്നീ ആഹാരങ്ങൾ ചവച്ചരയ്ക്കാൻ സാധിക്കാത്തതിനാൽ പുല്ലു മാത്രമേ ആനയ്ക്കു നൽകാവ ൂ എന്ന് ദേവസ്വം ഡോക്ടർ നിർദ്ദേശിച്ചിട്ടു വർഷങ്ങളായെങ്കിലും നടപടി ഒന്നുമായിട്ടില്ല. ഇത്തവണത്തെ മദപ്പാടിനു ശേഷം അഴിച്ച ഉണ്ണികൃഷ്ണന്റെ നില വളരെ മോശമാണെന്ന അഭിപ്രായമാണ് ആന പ്രേമികൾക്കുള്ളത്. പൊതുവെ ശാന്ത സ്വഭാവക്കാരനായ ആന വളരെ ഉത്സാഹിയുമായിരുന്നു. എന്നാൽ ഇപ്പോൾ ആവശ്യമായ തീറ്റയെടുക്കാൻ പോലും വയ്യാത്ത അവസ്ഥയാണ് ആനയ്ക്കുള്ളത്. ആനയ്ക്കു കഴിക്കുന്ന ആഹാരത്തിന്റെ 45 ശതമാനം മാത്രം ദഹനമാണ് നടക്കുന്നതെന്നു ഡോക്ടർമാരും പറയുന്നു. കണ്ടിയൂർ ക്ഷേത്രത്തിലെത്തിയ ദേവസ്വം മെന്പറോടും, ഡോക്ടറോടും, ഫോറസ്റ്റ് ഓഫീസറോടും ആനയുടെ ഇപ്പോഴത്തെ ആരോഗ്യ…
Read Moreസാധനം വാങ്ങാനെത്തിയവർ ഡ്യൂട്ടി പെയ്ഡ് ഷോപ്പിൽ നിന്ന് അരലക്ഷം രൂപ അപഹരിച്ചു; കാഷ് കൗണ്ടറിൽ നിന്നും പണം എടുത്തുകൊണ്ട് ഓടിപ്പോകുകയായിരുന്നു
പത്തനംതിട്ട: നഗരത്തിലെ ഡ്യൂട്ടിപെയ്ഡ് ഷോപ്പിൽനിന്ന് 50,000 രൂപ കവർന്ന സംഘം കാറിൽ മുങ്ങി. സംഘത്തെ പോലീസും നാട്ടുകാരും പിന്തുടർന്നെങ്കിലും പിടികൂടാനായില്ല.പത്തനംതിട്ട സെൻട്രൽ ജംഗ്ഷനിലെ റോയൽ ഡ്യൂട്ടിപെയ്ഡ് ഷോപ്പിൽ ഇന്നലെ രാത്രി 7.30ഓടെയാണ് സംഭവം. കടയിൽ സാധനങ്ങൾ വാങ്ങാനെന്ന പേരിലെത്തിയ രണ്ടു പേരാണ് മോഷണം നടത്തിയത്. കോട്ടും ടൈയും ധരിച്ചെത്തിയ ഇവർ കടയുടമയോട് അറബിയോ ഇംഗ്ലീഷോ അറിയുമോ എന്ന് ചോദിച്ചു. തങ്ങളുടെ കൈവശം ഉണ്ടായിരുന്ന നിരോധിച്ച നോട്ടുകൾ എടുത്തുകാട്ടി മാറിത്തരാമോ എന്നു ചോദിച്ചു. ഈ സമയം കാഷ് കൗണ്ടറിൽനിന്ന് കടയുടമയെടുത്ത 50,000 രൂപയുടെ ഒരുകെട്ട് നോട്ട് തട്ടിപ്പറിച്ച് ഇവർ ഓടുകയായിരുന്നു. എവർഗ്രീൻ ഹോട്ടലിന് സമീപം പാർക്ക് ചെയ്ത കാറിൽ കയറി മോഷ്ടാക്കൾ രക്ഷപ്പെട്ടു. ഇതര സംസ്ഥാന ജില്ലയിലെ രജിസ്ട്രേഷനുള്ളതാണ് കാർ. ഈ സമയം നഗരത്തിലുണ്ടായിരുന്ന പോലീസ് സംഘവും നാട്ടുകാരും പിന്തുടരാൻ ശ്രമിച്ചെങ്കിലും പിടികൂടാനായില്ല. നഗരത്തിലെ കടകളിൽ സ്ഥാപിച്ച സിസി…
Read Moreകേരളത്തിലേക്ക് കഞ്ചാവ് ഒഴുകുന്നു; ലക്ഷ്യം വിദ്യാർഥികൾ; ചെറുകിട വിൽപ്പനക്കാർ പിടിയിലാകുന്നുണ്ടെങ്കിലും ഇവരുടെ സ്രോതസ് കണ്ടെത്താൻ കഴിയാത്തത് പോലീസിനെ വലയ്ക്കുന്നു
തിരുവല്ല: ലഹരി മാഫിയ വിദ്യാലയങ്ങളിലേക്ക് ലക്ഷ്യമിടുന്നു; സ്കൂൾ വിദ്യാർഥികളടക്കം വലയിൽ.മദ്യം ഉപഭോഗത്തേക്കാള് കഞ്ചാവിലേക്കുള്ള ചുവടുമാറ്റം യുവതലമുറയോടൊപ്പം സ്കൂൾ വിദ്യാർഥികളിലും ഭയനാകമായ രീതിയിൽ വർധിച്ചുവരുന്നതായി എക്സൈസ് ഇന്റലിജൻസ് വിഭാഗവും റിപ്പോർട്ട് ചെയ്തു.ജില്ലയുടെ വിവിധ ഭാഗങ്ങളില് നിന്നായി സ്കൂള് വിദ്യാര്ത്ഥികള് അടക്കമുള്ള നിരവധി പേരെയാണ് പോലീസും എക്സൈസും കഞ്ചാവ് വില്പനയുടെയും ഉപയോഗത്തിന്റെയും പേരിൽ പിടികൂടിയിട്ടുള്ളത്. റാന്നിയില് സ്കൂള് വിദ്യാർഥികള്ക്ക് കഞ്ചാവ് വില്ക്കാന് കാറിലെത്തിയ ഇടപ്പാവൂര് അമ്പാട്ട് വീട്ടില് രാഹുല്, തിരുവല്ലയില് സ്കൂള് പരിസരത്ത് വിദ്യാർഥികള്ക്ക് കഞ്ചാവു വില്പന നടത്തിയ കുറ്റപ്പുഴ മാടമുക്ക് ചിറയില്പറമ്പില് ജനു എന്നിവരാണ് അവസാനമായി പോലീസിന്റെ വലയില് കുടുങ്ങിയത്. കഞ്ചാവ് പൊടിക്കുന്ന ഉപകരണവും അത് ചുരുട്ടി വലിക്കാന് ഉപയോഗിക്കുന്ന പേപ്പറുകളും ഇവരില് നിന്നും പോലീസ് കണ്ടെടുത്തു. മദ്യലഭ്യത കുറഞ്ഞതും മദ്യപിച്ച് വാഹനം ഓടിക്കുന്നവര്ക്കെതിരെ നടപടി പോലീസ് ശക്തമാക്കുകയും ചെയ്തതോടെയാണ് മറ്റ് ലഹരി മാർഗങ്ങളിലേക്ക് യുവാക്കള് തിരിഞ്ഞതെന്നാണ് വിലയിരുത്തല്.…
Read Moreകടൽകലിയിൽ വിറച്ച് തീരം; കടൽഭിത്തി നിർമാണവും അറ്റകുറ്റപ്പണിയും കടലാസിലൊതുങ്ങി; തീരദേശവാസികൾ ദേശീയപാത ഉപരോധിച്ചു
അന്പലപ്പുഴ: കടൽഭിത്തിയുടെ അറ്റകുറ്റപണികൾ നടത്താത്തതും, ഭിത്തി ഇല്ലാത്ത സ്ഥലങ്ങളിൽ ഭിത്തി നിർമിക്കാത്തതും മത്സ്യതൊഴിലാളികളുടെ ജീവിതത്തിന് ഭീഷണിയാകുന്നു. ഇന്നലെ പുറക്കാട്, അന്പലപ്പുഴ, പുന്നപ്ര തീരത്തുണ്ടായ കടൽക്ഷോഭം കടൽഭിത്തിയോ, ജിയോ ട്യൂബ് സ്ഥാപിക്കാത്ത സ്ഥലങ്ങളിലായിരുന്നു. ഒരു മാസം മുൻപ് കടൽക്ഷോഭം ഉണ്ടായപ്പോഴും ഉടൻ കടൽഭിത്തിയുടെ അറ്റകുറ്റപണികൾ നടത്തുമെന്ന് അധികൃതർ ഉറപ്പു നല്കിയിരുന്നതാണ്. ഇന്നലെയുണ്ടായ വേലിയേറ്റത്തിൽ ആറോളം വീടുകൾ തകരുകയും, 200ൽപരം കുടുംബങ്ങളെ ദുരിതാശ്വാസ ക്യാന്പുകളിലേക്ക് മാറ്റുകയും ചെയ്തു. ഏതാനും മാസം മുന്പുണ്ടായ കടലാകമണത്തിലെ 100ൽപരം കുടുംബങ്ങൾ വണ്ടാനം ആശുപത്രിയിലെ ലക്ചർ ഹാളിലെ ദുരിതാശ്വാസ ക്യാന്പിൽ കഴിയുന്നതു കൂടാതെയാണ് വീണ്ടും ക്യാന്പിലേക്ക് ആളുകൾ എത്തിക്കൊണ്ടിരിക്കുന്നത്. പുറക്കാട് എസ്വിഡി യുപി സ്കുൾ, പുറക്കാട് എഎസ്എം എൽപിസ്കൂൾ, എകെഡിഎസ് 57 എന്നിവിടങ്ങളിലേക്ക് നൂറോളം കുടുംബങ്ങളെ മാറ്റിപാർപ്പിച്ചിരിക്കുന്നത്. വർഷങ്ങൾക്കു മുന്പുണ്ടായ കടൽക്ഷോഭത്തിൽ വീടും, സ്ഥലവും നഷ്ടപ്പെട്ട 137 കുടുംബങ്ങൾ ഇപ്പോഴും വിവിധ ക്യാന്പുകളിൽ കഴിയുകയാണ്. കടൽക്ഷോഭത്തിൽ…
Read More