പത്തനംതിട്ട: തിരുവല്ല – റാന്നി റൂട്ടിൽ കെഎസ്ആർടിസിക്ക് ഒരു സുന്ദരി വണ്ടിയുണ്ട്. രാവിലെ 5.50ന് റാന്നിയിൽ നിന്നും പ്രതിദിന സർവീസാണിത്. തിരുവല്ല ഡിപ്പോയുടെ ബസിന്റെ ഷെഡ്യൂൾ രാവിലെ 11നു തുടങ്ങുന്നതാണ്.സാധാരണ കെഎസ്ആർടിസി സർവീസുകളെ വെല്ലുന്ന ബസിന്റെചന്തം കണ്ട് നാട്ടുകാര് സ്നേഹത്തോടെ വിളിച്ച പേരാണ് സുന്ദരിവണ്ടിയെന്ന്. നഷ്ടങ്ങളും പ്രതിസന്ധികളും മാത്രം കേട്ടുപോന്നിട്ടുള്ള കെഎസ്ആര്ടിസി മേഖലയില് നിന്ന് ആരും കേട്ടാല് അത്ഭുതപ്പെടുന്ന പ്രവർത്തന മികവിന്റെ നേട്ടമാണ് (ആര്എസ്കെ 440) കെഎല് -15 9913 നമ്പരിലുള്ള ഈ സുന്ദരിക്കുള്ളത്. ഒരു ദിവസം 20,021 രൂപ റെക്കോര്ഡ് വരുമാനം നേടി കെഎസ്ആര്ടിസി സിഎംഡിയില് നിന്ന് അവാര്ഡ് നേടിയ വണ്ടിയാണിത്. ഇതുകൊണ്ടൊന്നും തീരുന്നില്ല ഈ സുന്ദരിയുടെ വിശേഷങ്ങള്. റാന്നി, തിരുവല്ല, ചെങ്ങന്നൂര്, ചങ്ങനാശേരി എന്നിങ്ങനെ നാല് റൂട്ടുകളിലാണ് വണ്ടിയോടുന്നത്. മ്യൂസിക് സിസ്റ്റവും യാത്രക്കാര്ക്ക് കുടിവെള്ളവും എന്ന് വേണ്ട ആനവണ്ടിയുടെ സ്ഥിരം ചിത്രം മനസില് നിന്ന്…
Read MoreCategory: Alappuzha
രണ്ടര കിലോമീറ്റർ സഞ്ചരിക്കാൻ രണ്ടര മണിക്കൂർ ; തിരുവല്ലയിലൂടെയുള്ള യാത്ര ദുഷ്കരമാകുന്നു; താൽക്കാലിക കുഴയടയ്ക്കൽ അപകടങ്ങൾക്ക് കാരണമാകുന്നു
തിരുവല്ല: എംസി റോഡിലെ കുഴികളടയ്ക്കാൻ താത്കാലിക ശ്രമം, ഗതാഗതക്കുരുക്കിനു പരിഹാരമായില്ല.എംസി റോഡില് കെഎസ്ആര്ടിസി സ്റ്റാൻഡിന് മുന്പിലും രാമന്ചിറയിലുമുള്ള പടുകുഴികളടക്കം മെറ്റില് നിരത്തി താത്കാലികമായി പരിഹരിക്കാനാണ് ശ്രമം. എന്നാൽ കുഴികളിലിട്ട മെറ്റല് വാഹനങ്ങള് കയറി റോഡില് നിരന്നത് ഇരുചക്ര വാഹന യാത്രക്കാര്ക്ക് അപകടക്കെണിയായി മാറി. നഗരത്തിലെ ഗതാഗതക്കുരുക്ക് പലപ്പോഴും ക്രമസമാധാന പ്രശ്നങ്ങള്ക്കും കാരണമാകുന്നു. കഴിഞ്ഞ ദിവസം സ്റ്റാൻഡിലേക്കു വന്ന കെഎസ്ആര്ടിസി ബസ് കാറില് ഉരഞ്ഞത് വാക്കേറ്റത്തിന് കാരണമായിരുന്നു. നഗരത്തിലെ രണ്ടര കിലോമീറ്റര് ദൂരം കടന്നുകിട്ടാന് മണിക്കൂറുകള് വേണമെന്നതാണ് സ്ഥിതി. അടിയന്തര ചികിത്സ ലഭ്യമാക്കേണ്ട രോഗികളുമായി എത്തുന്ന ആംബുലന്സുകള് വാഹനത്തിരക്കില് പെട്ടുപോകുന്നത് ഗുരുതരമായ സാഹചര്യം സൃഷ്ടിക്കുന്നു. രണ്ട് മെഡിക്കല് കോളജുകളടക്കം ആധുനിക സൗകര്യങ്ങളുള്ള ആശുപത്രികള് ഉള്ളതിനാല് മണിക്കൂറില് നിരവധി ആംബുലന്സുകളാണ് അത്യാഹിത രോഗികളുമായി എത്തുന്നത്. ജില്ലയിലും പുറത്തും നിന്നുമായി രോഗികള് എത്തുന്നതും തിരുവല്ലയിലാണ്. തകര്ന്ന റോഡുകള്ക്കു പുറമെ അനധികൃത വാഹന…
Read Moreതണ്ണീർമുക്കം ബണ്ടിൽ കൂടിയുള്ള വാഹന ഗതാഗതം പുനഃസ്ഥാപിച്ചു; മൂന്നാം ഘട്ടത്തിന്റെ ഭാഗമായി നിർമിച്ച പാലത്തിലൂടെ ഉദ്ഘാടനത്തിന് ശേഷം വാഹനഗതാഗതം
ചേർത്തല: തണ്ണീർമുക്കം ബണ്ടിൽ ഇന്നലെ വൈകുന്നേരം മുതൽ നിരോധിച്ചിരുന്ന വാഹനഗതാഗതം ഇന്നു രാവിലെ ഏഴോടുകൂടി പുനസ്ഥാപിച്ചു. തണ്ണീർമുക്കം ബണ്ടിന്റെ മൂന്നാംഘട്ടത്തിന് നിർമിച്ച പാലം ഗതാഗതത്തിന് തുറന്നുകൊടുക്കുന്നതിന്റെ ഭാഗമായി അപ്രോച്ച് റോഡുകൾ തമ്മിൽ ബന്ധിപ്പിക്കുന്നതിനുവേണ്ടിയാണ് ഇന്നലെ വൈകുന്നേരം മുതൽ വാഹനഗതാഗതം നിരോധിച്ചത്. ഇന്നലെ രാത്രിയിൽ തന്നെ അപ്രോച്ച് റോഡുകൾ തമ്മിൽ ബന്ധിപ്പിക്കാനായി. പുതിയതും പഴയതുമായ പാലങ്ങളെ ബന്ധിപ്പിക്കുന്ന ഭാഗം കോണ്ക്രീറ്റ് ചെയ്ത് ഉറപ്പിച്ച് ടൈൽ വിരിച്ചാണ് ഗതാഗതം സജ്ജമാക്കിയത്. ഇന്നു രാവിലെ മുതൽ ഗതാഗതത്തിനായി ബണ്ട് തുറന്നുകൊടുത്തുവെങ്കിലും ഇപ്പോഴും പഴയ മണൽച്ചിറവഴിയാണ് വാഹനം കടത്തിവിടുന്നത്. മൂന്നാം ഘട്ടത്തിന്റെ ഭാഗമായി നിർമിച്ച പാലത്തിൽ കൂടിയുള്ള വാഹനഗതാഗതം ഇനി ഉദ്ഘാടനം നടത്തിയതിനുശേഷം മാത്രമേ ആരംഭിക്കുകയുള്ളൂവെന്നാണ് അധികൃതർ പറയുന്നത്. അതിന്റെ തിയതി ഇതുവരെയും നിശ്ചയിച്ചിട്ടില്ല. അതേസമയം പുതുതായി നിർമിച്ച മൂന്നാംഘട്ടത്തിന്റെ വടക്ക് ഭാഗത്തുള്ള മണൽച്ചിറ പൊളിച്ച് സമീപത്ത് കരയായുള്ള ഭാഗത്തേക്ക് വെള്ളം കയറ്റുന്നതിനുള്ള…
Read Moreമകളെ മർദിക്കുന്നത് തടയാൻ ശ്രമിക്കുന്നതിനിടയിൽ പരിക്കേറ്റ് വൃദ്ധ മരിച്ച സംഭവം; നാലുപേർക്കെതിരെ കേസെടുത്തു; ഹരിപ്പാട് നടന്ന സംഭവം ഇങ്ങനെ…
ഹരിപ്പാട്: മകളേയും പേരക്കുട്ടികളേയും വീടുകയറി ആക്രമിക്കുന്നതു കണ്ട് തടയുന്നതിനിടയിൽ പരിക്കേറ്റ് വൃദ്ധ മരിച്ച സംഭവത്തിൽ നാലുപേർക്കെതിരെ കേസെടുത്തു. വീയപുരം മേല്പാപാടം കോടം കണ്ടത്തിൽ പരേതനായ കൊച്ചുരാമന്റെ ഭാര്യ ഭവാനി (80) മരിച്ച സംഭവത്തിലാണ് വീയപുരം മൈലന്തറയിൽ രഞ്ജു രമണൻ (20), കൊറ്റങ്കേരി ചിറയിൽ ശരത്കൃഷ്ണ (20),ശ്യാം കൃഷ്ണ (19), മണലിൽ (ചിറയിൽ തറയിൽ) അജിത്(20) എന്നിവർക്കെതിരേ വീയപുരം പോലീസ് കേസെടുത്തത്. ഭവാനിയുടെ ബന്ധുവായ പെണ്കുട്ടിയോട് മോശമായി പെരുമാറിയ രഞ്ജു രമണനെ താക്കീത് ചെയ്തതിന്റെ പ്രതികാരമായിട്ടാണ് ഭവാനിയുടെ മകൾ ലീലയേയും മക്കളായ ശ്രീജിത്ത്, രഞ്ജിത്ത് എന്നിവരേയും കഴിഞ്ഞ വെള്ളിയാഴ്ച രാത്രി പത്തോടെ നാലംഗ സംഘം വീടുകയറി ആക്രമിച്ചത്. സംഭവം കണ്ട് തടസം പിടിക്കാനെത്തിയ ഭവാനിയെ അക്രമികൾ തള്ളി വീഴ്ത്തുകയായിരുന്നു. വീഴ്ചയിൽ ഗുരുതരമായി പരിക്കേറ്റ ഭവാനിയെ ആദ്യം പരുമലയിലെ സ്വകാര്യ ആശുപത്രിയിലും തുടർന്ന് വണ്ടാനം മെഡിക്കൽ കോളജ് ആശുപത്രിയിലും പ്രവേശിപ്പിച്ചെങ്കിലും…
Read Moreമരണവീഥിയായി പിഎം റോഡ്; തിട്ട ഇടിഞ്ഞും റോഡു നിറയെ വൻ കുഴികളുമായി പുനലൂർ – മൂവാറ്റുപുഴ സംസ്ഥാന പാതയിലെ യാത്ര ദുരിതപൂർണം
പത്തനംതിട്ട: പുനലൂർ – മൂവാറ്റുപുഴ സംസ്ഥാന പാതയിലെ യാത്ര ദുരിതപൂർണമായി. ശക്തമായ മഴയിൽ റോഡിന്റെ തിട്ട പലഭാഗങ്ങളിലും ഇടിഞ്ഞു താഴ്ന്നു. ഇതോടൊപ്പം വൻ കുഴികളും റോഡിലുടനീളം രൂപപ്പെട്ടു. പത്തനാപുരം മുതൽ റാന്നി – പ്ലാച്ചേരി വരെയുള്ള ഭാഗത്തെ യാത്രയാണ് ഏറെ നരകതുല്യമായത്. മഴ ശക്തമായതോടെ റോഡിന്റെ നില ഏറെ ശോചനീയമാകുകയായിരുന്നു. കഐസ്ടിപിയുടെ റോഡുവികസന പദ്ധതിയിലുൾപ്പെട്ട പിഎം റോഡിന്റെ പുനലൂർ – പൊൻകുന്നം ഭാഗം അനാഥമായി കിടക്കുകയാണ്. ഫണ്ടിന്റെ അഭാവത്തിൽ റോഡിന്റെ പണികൾ തടസപ്പെട്ടതോടെയാണ് തകർച്ച പൂർണമായത്. വർഷങ്ങളായി റീടാറിംഗോ നവീകരണ ജോലികളോ ഇല്ല. ശബരിമല തീർഥാടനകാലത്ത് കുഴി അടയ്ക്കൽ മാത്രമാണ് നടക്കുന്നത്. മലയോര മേഖലകളിലൂടെയുള്ള സംസ്ഥാനപാതയിൽ കഐസ്ആർടിസിയുടെ ദീർഘദൂര സർവീസുകളുൾപ്പെടെ ഓടുന്നതാണ്. ശബരിമല തീർഥാടനപാതയിലെ പ്രധാന വഴി കൂടിയാണിത്.മൈലപ്രയ്ക്കും മണ്ണാരക്കുളഞ്ഞിക്കും മധ്യേ റോഡിലെ മൂന്നു പ്രധാന വളവുകളും അപകടക്കെണിയായി മാറിയിരിക്കുന്നു. വളവുകളിൽ തിട്ട ചേർന്നാണ് വാഹനങ്ങൾ പോകുന്നത്.…
Read Moreലോറി സമരം തീർന്നതോടെ എല്ലാം ശരിയാക്കി; ഓണക്കാലത്ത് ഭക്ഷ്യവസ്തുക്കളുടെ വിലക്കയറ്റം തടയാൻ കർശന നടപടി സ്വീകരിച്ചെന്ന് മന്ത്രി തിലോത്തമൻ
ചേർത്തല: ഓണക്കാലത്ത് ഭക്ഷ്യവസ്തുക്കളുടെ വിലക്കയറ്റം തടയാനും കുറ്റമറ്റ വിതരണം ഉറപ്പാക്കാനും കർശന നടപടികൾ സ്വീകരിച്ചതായി ഭക്ഷ്യവകുപ്പു മന്ത്രി പി.തിലോത്തമൻ പറഞ്ഞു. ചേർത്തല കാളികുളം ശ്രീവിലാസം എൻഎസ്എസ് കരയോഗത്തിന്റെ അനുമോദന സമ്മേളനം ഉദ്ഘാടനം ചെയ്യുകയായിരുന്നു മന്ത്രി. വിലക്കയറ്റം നിയന്ത്രിക്കാനും മറ്റുമായി രണ്ട് മാസം മുൻപ് മുതൽ സർക്കാർ നടപടികൾ ആരംഭിച്ചതാണ്. എന്നാൽ ലോറി സമരം വന്നതോടെ നടപടികളിൽ ചില കാലതാമസം സംഭവിച്ചു. ഇത് മറികടക്കാനുള്ള സംവിധാനങ്ങൾ സർക്കാർ ആരംഭിച്ചിരുന്നു. ലോറിസമരം അവസാനിച്ച സാഹചര്യത്തിൽ നടപടികളെല്ലാം വേഗത്തിലാക്കിയെന്നും മന്ത്രി കൂട്ടിച്ചേർത്തു. കരയോഗം ഓഡിറ്റോറിയത്തിൽ ചേർന്ന സമ്മേളനത്തിൽ യൂണിയൻ പ്രസിഡന്റ് പ്രഫ. ഇലഞ്ഞിയിൽ രാധാകൃഷ്ണൻ അധ്യക്ഷനായി. സാന്ത്വന സഹായ പദ്ധതിയുടെ മൂന്നാം ഘട്ടവും സാന്ത്വനശ്രീ പദ്ധതിയും നഗരസഭ ചെയർമാൻ പി.ഉണ്ണികൃഷ്ണൻ ഉദ്ഘാടനം ചെയ്തു.
Read Moreലോഡ്ജിൽ മുറിയെടുത്ത് കഞ്ചാവ് കച്ചവടം; പത്തൊമ്പതുകാരൻ ഉൾപ്പെട്ട ക്രിമിനൽ സംഘം അറസ്റ്റിൽ
അടൂർ: ലോഡ്ജിൽ മുറിയെടുത്ത് നെല്ലിമുകൾ, തെങ്ങമം, ആനയടി, മണക്കാല, അടൂർ എന്നിവിടങ്ങൾ കേന്ദ്രീകരിച്ച് കാറിലും സ്കൂട്ടറിലും കറങ്ങി സ്കൂൾ പരിസരത്ത് ഉൾപ്പെടെ കഞ്ചാവ് വിൽപന നടത്തുന്ന അഞ്ചംഗ സംഘത്തെ അടൂർ പോലീസ് അറസ്റ്റു ചെയ്തു. മെഴുവേലി ഇലവുംതിട്ട ഒടിയുഴം പുഷ്പമംഗലത്ത് അരുണ് എന്ന കൃഷ്ണലാൽ (28), ഏറത്ത് നെല്ലിമൂട്ടിൽപടി ശാലോം ചർച്ചിനു സമീപം മങ്ങാട് താഴേതിൽ വീട്ടിൽ ജിത്ത് എന്ന ജിതിൻരാജ് (29), ഏനാദിമംഗലം കുറുന്പകര കുന്നിട ഉഷ ഭവനിൽ ഉമേഷ് കൃഷ്ണൻ (28), ഏഴംകുളം നെടുമണ് കറ്റിയാപുറത്ത് വീട്ടിൽ വിഷ്ണു (20), വള്ളിക്കോട് പുത്തൻകുരിശ് കല്ലുവിള തെക്കേതിൽ ജിത്തുകുമാർ (19) എന്നിവരാണ് അറസ്റ്റിലായത്. മണക്കാലയിൽ പ്രായപൂർത്തിയാകാത്ത ആണ്കുട്ടിക്ക് കഞ്ചാവ് കൈമാറുന്നതിനിടയിലാണ് അടൂർ ഡി.വഐസ്പി ആർ. ജോസിനു ലഭിച്ച രഹസ്യ വിവരത്തെ തുടർന്ന് കൃഷ്ണലാലും ജിതിൻരാജും ഉമേഷ് കൃഷ്ണനും സഞ്ചരിച്ചിരുന്ന ഇയോണ് കാർ സഹിതം ഇവരെ അറസ്റ്റ്…
Read More13 വര്ഷം മുമ്പ് അപേക്ഷ നല്കി, പക്ഷേ..! ഇല്ലാത്ത കണക്ഷന് ബില്ല് നല്കി ആലപ്പുഴ വാട്ടര് അതോറിട്ടിയുടെ ക്രൂരത
ആലപ്പുഴ: ഇല്ലാത്ത കണക്ഷന് ബില്ല് നൽകി ആലപ്പുഴ വാട്ടർ അതോറിട്ടിയുടെ ക്രൂരത. ആലപ്പുഴ പൂന്തോപ്പ് വാർഡ് കണിയാന്പറന്പ് വീട്ടിൽ അനിൽകുമാറിനാണ് 13,000 രൂപ ബിൽ കുടിശിക അടയ്ക്കണമെന്ന് ആവശ്യപ്പെട്ട് വാട്ടർ അഥോറിട്ടി നോട്ടീസ് നൽകിയത്. പണം അടച്ചില്ലെങ്കിൽ റവന്യൂ റിക്കവറി നടപടി സ്വീകരിക്കുമെന്നും ഭീഷണിയുണ്ട്. വീട്ടിൽ വാട്ടർ കണക്ഷൻ ഇല്ലെന്ന് അനിൽകുമാർ പറഞ്ഞെങ്കിലും വാട്ടർ അഥോറിട്ടി സമ്മതിക്കാൻ കൂട്ടാക്കുന്നില്ല. 13 വർഷം മുന്പ് അനിൽകുമാർ വാട്ടർ കണക്ഷനു അപേക്ഷ നല്കിയിരുന്നു. എന്നാൽ കണക്ഷൻ ഇതുവരെ എടുത്തിട്ടില്ല. കഴിഞ്ഞ വർഷമാണ് ബില്ല് അടയ്ക്കണമെന്ന് ആവശ്യപ്പെട്ട് ആദ്യമായി നോട്ടീസ് ലഭിക്കുന്നത്. കണക്ഷൻ എടുത്തിട്ടില്ലെന്നു കാട്ടി വാട്ടർ അഥോറിട്ടി ഓഫീസിൽ രേഖാമൂലം പരാതിയും നൽകി. ഇതിനുശേഷം നടപടി ഒന്നും ഉണ്ടായില്ല. കഴിഞ്ഞ ദിവസമാണ് കുടിശിക ഉൾപ്പെടെ കരം അടയ്ക്കണമെന്ന് ആവശ്യപ്പെട്ട് നോട്ടീസ് ലഭിച്ചതെന്നു അനിൽകുമാർ പറയുന്നു. 30 വർഷം മുന്പു മരിച്ച…
Read Moreവരും തലമുറയ്ക്കായി എല്ലാം ശരിയാക്കുമോ ഈ സർക്കാർ; പ്രതീക്ഷകൾ ബാക്കിവച്ച് പട്ടയം ലഭിക്കുമെന്ന പ്രതീക്ഷയിൽ റാന്നിയിലെ കൈവശകർഷകർ
റാന്നി: പ്രതീക്ഷകൾ ബാക്കിവച്ച് പട്ടയത്തിനുവേണ്ടി കാത്തിരിപ്പിലാണ് റാന്നിയിലെ വലിയൊരുവിഭാഗം കൈവശ കർഷകർ. പതിറ്റാണ്ടുകളായുള്ള ഇവരുടെ കാത്തിരിപ്പിന് രാഷ്ട്രീയകക്ഷികളും ഭരണക്കാരുമെല്ലാം പലപ്പോഴായി വാഗ്ദാനങ്ങളിലൂടെ മറുപടി നൽകാറുണ്ട്.ഇപ്പോഴത്തെ സ്ഥിതിയിൽ സംസ്ഥാന സർക്കാർ കനിഞ്ഞാൽ പട്ടയം ലഭിക്കുമെന്നു തന്നെയാണ് നാട്ടുകാരുടെ ഉറച്ച വിശ്വാസം. സംസ്ഥാനത്ത് 1977 ജനുവരി ഒന്നിനു മുന്പ് വനഭൂമി കൈവശപ്പെടുത്തി സ്ഥിരതാമസമാക്കിയവർക്ക് മുഴുവൻ പട്ടയം നൽകാനുള്ള തീരുമാനം മുൻ സർക്കാർ കൈക്കൊണ്ടിരുന്നു. ഇപ്പോഴത്തെ സർക്കാരിന്റെ നയവും ഇതുതന്നെയാണന്ന് പറയുന്നുണ്ട്. എന്നാൽ ഭൂമി കൈവശപ്പെടുത്തി 60 വർഷത്തോളം സ്ഥിര താമസമാക്കിയ കർഷകർക്ക് പോലും ഇപ്പോഴും പട്ടയം നൽകാതെ നിയന്ത്രണങ്ങളും സാങ്കേതികത്വങ്ങളും നിരത്തുകയാണ് ഉദ്യോഗസ്ഥർ. അതിന് വനം, റവന്യു വകുപ്പുകളുടെ ഒത്താശയും ഉണ്ട്. റാന്നിയിലെ തെക്കേത്തൊട്ടി, വലിയപതാൽ, അരയാഞ്ഞിലിമണ്, പന്പാവാലി, ഏയ്ഞ്ചൽവാലി എന്നീപ്രദേശങ്ങളിലെ കൈവശക്കാർ പതിറ്റാണ്ടുകളായി പട്ടയത്തിന് കാത്തിരിക്കുന്നവരാണ്. തെക്കേത്തൊട്ടിയിൽ 60 വർഷത്തോളമായി കർഷകർ വനഭൂമി സ്വന്തമാക്കിയിട്ട്. ഇവിടെ സർവേ നടത്തി…
Read Moreദുരിതത്തിൽ ആഘോഷം വേണോ? പ്രളയക്കെടുതിയുടെ പശ്ചാത്തലത്തിൽ നെഹ്റുട്രോഫി ജലമേള മറ്റിവയ്ക്കണമെന്ന് ഷുക്കൂർ എംഎൽഎ
ആലപ്പുഴ: കുട്ടനാട്ടിലെ പ്രളയത്തിന്റെ പശ്ചാത്തലത്തിൽ നെഹ്റുട്രോഫി ജലമേള മറ്റിവയ്ക്കണമെന്ന് ആവശ്യം. വള്ളംകളിയുമായി ബന്ധപ്പെട്ട് ചേർന്ന യോഗത്തിൽ മുൻ എംഎൽഎ എ. എ. ഷുക്കൂറാണ് ഈ ആവശ്യം മുന്നോട്ട് വച്ചത്. കുട്ടനാട്ടിലെ വെള്ളപ്പൊക്കകെടുതികളുടെ പശ്ചാത്തലത്തിൽ വള്ളംകളി മറ്റിവയ്ക്കുന്നതാകും ഉചിതമെന്ന് അദ്ദേഹം ചൂണ്ടിക്കാട്ടി. കുട്ടനാട്ടിൽ വീണ്ടും വെള്ളം ഉയർന്നതായാണ് മനസിലാക്കുന്നത്. ഇപ്പോഴത്തെ ദുരിതങ്ങളുടെ പശ്ചാത്തലത്തിൽ കുട്ടനാട് പങ്കാളിത്തമുള്ള വള്ളംകളി ആഘോഷപൂർവ്വം നടത്തുന്നത് ഉചിതമാണോയെന്ന് ആലോചിക്കണമെന്നും ഷുക്കൂർ ആവശ്യപ്പെട്ടു. ചർച്ചയുടെ അടിസ്ഥാനത്തിൽ വെള്ളപ്പൊക്കത്തിന്റെ വ്യാപ്തിയും വരും ദിവസത്തെ സാഹചര്യങ്ങൾ പരിശോധിച്ചും തീരുമാനം എടുക്കാമെന്ന് യോഗത്തിൽ പങ്കെടുത്ത മന്ത്രി ഡോ. ടി. എം തോമസ് ഐസക്ക് അറിയിച്ചു.
Read More