ചേർത്തല: ലോറിമോഷണക്കേസുമായി ബന്ധപ്പെട്ട് ചേർത്തല പോലീസിന്റെ പിടിയിലായ പ്രതികളെ ഇന്ന് കോടതിയിൽ ഹാജരാക്കും. സംസ്ഥാനത്തിന്റെ വിവിധ ഭാഗങ്ങളിൽ നിന്നുമായി ഏഴ് ലോറികൾ മോഷ്ടിച്ച കേസിൽ എറണാകുളം വടക്കൻപറവൂർ കളരിത്തറ വീട്ടിൽ ബൈജു(ടോറസ് ബൈജു44), തമിഴ്നാട് പെരുന്പള്ളൂർ കൗൾപാളയം അരിയല്ലൂർ മെയിൻ റോഡ്, 2/310 എ വീട്ടിൽ സെൽവകുമാർ (38) എന്നിവരാണ് ചേർത്തല പോലീസിന്റെ പിടിയിലായത്. കേസിലെ മറ്റ് രണ്ട് പ്രതികൾ ആലുവ, തിരുവനന്തപുരം സ്റ്റേഷനുകളിൽ പോലീസ് കസ്റ്റഡിയിലുണ്ട്. ദേശീയപാതയിലൂടെ കാറിൽ സഞ്ചരിക്കുന്ന ബൈജു പുതിയ ലോറികൾ പാർക്ക് ചെയ്തിരിക്കുന്നത് കണ്ടാൽ കൈവശമുള്ള വിവിധതരം താക്കോലുകൾ ഉപയോഗിച്ച് തുറക്കുവാൻ ശ്രമിക്കുകയും വിജയിച്ചാൽ ഇതുമായി തമിഴ്നാട്ടിൽ സെൽവകുമാറിന് എത്തിക്കുകയുമാണ് ചെയ്തിരുന്നത്. ഇത്തരത്തിൽ ഒരു ലോറി കൊടുത്താൽ രണ്ട് ലക്ഷം രൂപയാണ് സെൽവകുമാർ നൽകിയിരുന്നതെന്ന് എസ്ഐ ജി.അജിത് കുമാർ പറഞ്ഞു. ഇത്തരത്തിൽ ലഭിക്കുന്ന ലോറിയുടെ രൂപമാറ്റം വരുത്തുകയും എൻജിൻ, ചേസിസ് നന്പറുകൾ…
Read MoreCategory: Alappuzha
അപകടങ്ങൾ തുടർക്കഥയായ ടികെ റോഡിൽ ട്രാഫിക് ലൈറ്റ് സ്ഥാപിച്ചു ; എംപിയുടെ ഫണ്ടിൽ നിന്ന് അനുവദിച്ച ഒമ്പതു ലക്ഷം രൂപ വിനിയോഗിച്ചാണ് ട്രാഫിക് ലൈറ്റ സ്ഥാപിച്ചത്
കോഴഞ്ചേരി: ടികെ റോഡിൽ കോഴഞ്ചേരി പഴയതെരുവിൽ ട്രാഫിക് ലൈറ്റ് സ്ഥാപിച്ചു. പഴയതെരുവിൽ അപകടങ്ങൾ തുടർക്കഥയായതോടെയാണ് ട്രാഫിക് ലൈറ്റ് സ്ഥാപിക്കാൻ തീരുമാനിച്ചത്. ആന്റോ ആന്റണി എംപിയുടെ ഫണ്ടിൽ നിന്ന് അനുവദിച്ച ഒന്പത് ലക്ഷം രൂപ വിനിയോഗിച്ചാണ് ട്രാഫിക് ലൈറ്റ ്സ്ഥാപിച്ചത്. പഴയതെരുവിൽ ജില്ലാ വ്യവസായകേന്ദ്രം റോഡിലേക്ക് വാഹനങ്ങൾ പ്രവേശിക്കുന്ന ഭാഗത്താണ് അപകടം ഏറെയുണ്ടായത്. മുത്തൂറ്റ് ആശുപത്രി റോഡിൽ നിന്ന് വ്യവസായ കേന്ദ്രം റോഡിലേക്ക്് ടികെ റോഡ് മുറിച്ചുകടക്കുന്പോൾ എതിർഭാഗത്തുനിന്നു വരുന്ന വാഹനങ്ങൾ ഇടിച്ചാണ് അപകടങ്ങളുണ്ടായിക്കൊണ്ടിരുന്നത്. അപകടപരന്പരകളേ തുടർന്ന് പൗരസമിതി പ്രക്ഷോഭവുമായി രംഗത്തുവരികയും ജനപ്രതിനിധികൾ ഇടപെട്ട് ട്രാഫിക് ലൈറ്റ് സ്ഥാപിക്കാൻ തീരുമാനിക്കുകയായിരുന്നു. തീരുമാനം വന്ന് മാസങ്ങൾ കഴിഞ്ഞിട്ടും ലൈറ്റ് സ്ഥാപിക്കാൻ കാലതാമസമുണ്ടായി. കഴിഞ്ഞദിവസമാണ് ഇതിനുള്ള ജോലികൾ ആരംഭിച്ചത്. കെൽട്രോണിന്റെ ചുമതലയിലാണ് ജോലികൾ നടന്നത്. പഴയതെരുവിൽ പോലീസിനെ നിയോഗിച്ചായിരുന്നു ട്രാഫിക് നിയന്ത്രണം. ലൈറ്റ് വരുന്നതോടെ പോലീസിന്റെ സേവനം ഒഴിവാകും. ഇന്നലെ മുതൽ…
Read Moreകല്ലട ജലസേചന പദ്ധതിയിൽ നിന്നും കൊടുമണ് ഉപകനാലുകളിലേക്കുള്ള പൈപ്പുകൾ നശിക്കുന്നു; കർഷകർ പ്രതിസന്ധിയിൽ
കൊടുമണ്: ഉപകനാലുകളിൽ വെള്ളമെത്തിക്കുന്നതിനു സ്ഥാപിച്ച പൈപ്പുകൾ ഉപയോഗശൂന്യമായി. വർഷങ്ങളായി പൈപ്പുകൾ ഉപയോഗശൂന്യമായി കിടക്കുകയാണെങ്കിലും അധികൃതരുടെ ഭാഗത്തു നിന്നും യാതൊരു നടപടിയും സ്വീകരിച്ചിട്ടില്ലന്ന് നാട്ടുകാർ. കൊടുമണ് കിഴക്ക് കോയിക്കൽ ഏലായിലാണ് കല്ലട ജലസേചന പദ്ധതിയുടെ പൈപ്പുകൾ സ്ഥാപിച്ചിട്ടുള്ളത്. കൊടുമണ്ചിറ ഭാഗത്തുള്ള കെഐപി കനാലുകളിലും പറകുന്ന് ഭാഗത്തുള്ള ഉപകനാലുകളിലും വെള്ളമെത്തിക്കാനുള്ള പദ്ധതിയുടെ ഭാഗമായിട്ടാണ് പൈപ്പുകൾ സ്ഥാപിച്ചത്. വർഷങ്ങൾക്കു മുന്പ് സ്ഥാപിച്ച പൈപ്പുകളുടെ അറ്റകുറ്റപ്പണികൾ നടത്താത്തതാണു പൈപ്പുകൾ ഇത്തരത്തിൽ നശിച്ചുപോകാൻ കാരണമായതെന്ന് കർഷകർ ആരോപിക്കുന്നു. ഒരു കിലോമീറ്ററോളം പൈപ്പ്ലൈൻ പാടശേഖരങ്ങളിലൂടെ വലിച്ചിട്ടുണ്ട്. പൈപ്പുലൈനിന്റെ പല ഭാഗങ്ങളിലുമുള്ള പൊട്ടൽ ജലം പാഴായി പോകുന്നതിന് കാരണമാകുന്നു. അടിക്കടി ഉണ്ടാകുന്ന പൊട്ടലുകൾ പരിഹരിക്കാൻ സിമന്റ് വച്ച് അടച്ച് പരിഹാരം കണ്ടെങ്കിലും പ്രയോജനമുണ്ടായില്ല. ശക്തമായി പൈപ്പിലൂടെ ജലം എത്തിയപ്പോൾ സിമന്റ് അടരുകയും പൊട്ടൽ വലുതാകുകയും ചെയ്തു. കൊടുമണ് ചിറ, വള്ളുവയൽ, ചേരുവ, അങ്ങാടിക്കൽ എന്നിവിടങ്ങളിലെ കർഷകർക്ക് പൈപ്പ്ലൈൻ…
Read Moreകനത്ത ചൂടിൽ കൊക്കാത്തോട് വറ്റിവരണ്ടു; അഞ്ഞൂറോളം കുടുംബങ്ങളുടെ കുടിവെള്ളം മുട്ടും; പഞ്ചായത്തിന്റെ വിവിധ ഭാഗങ്ങളിൽ കുടിവെള്ളത്തിനായി ടാങ്കുകൾ സ്ഥാപിച്ചങ്കെിലും ജനങ്ങൾക്ക് പ്രയോജനപ്രദമല്ലെന്ന്
കോന്നി: വേനൽ കനത്തതോടെ കൊക്കാത്തോട് പ്രദേശത്ത് കുടിവെള്ളക്ഷാമം രൂക്ഷമാകുന്നു. അരുവാപ്പുലം പഞ്ചായത്തിലെ മൂന്നും നാലും വാർഡുകളാണ് കൊക്കാത്തോട് പ്രദേശത്തുള്ളത്. അഞ്ഞൂറോളം കുടുംബങ്ങൾ താമസിക്കുന്നുണ്ട്. വേനൽ കടുത്താൽ കുടിവെള്ളം ഇന്നും ഇവർക്ക് കിട്ടാക്കനിയാണ്. പഞ്ചായത്തിന്റെ വിവിധ ഭാഗങ്ങളിൽ കുടിവെള്ളത്തിനായി ടാങ്കുകൾ സ്ഥാപിച്ചങ്കെിലും ജനങ്ങൾക്ക് പ്രയോജനപ്രദമാകുന്നില്ല. പഞ്ചായത്തിൽ ജലഅഥോറിറ്റിയുടെ പൈപ്പുലൈൻ സ്ഥാപിക്കാത്തതും കുടിവെള്ള ക്ഷാമത്തിന്റെ തീവ്രത കൂട്ടുന്നു. കുടിവെള്ളത്തിനായി നാട്ടുകാർ ചെറിയ തോടുകളെയും നദികളെയുമാണ് ആശ്രയിക്കുന്നത്. വറ്റിവരണ്ട തോടുകളിൽ ചെറിയ കുളങ്ങൾ കുത്തിയും കുടിവെള്ളം ശേഖരിക്കുന്നവരും ഏറെയുണ്ട്. വെള്ളം കിട്ടാതെ പ്രദേശത്തെ കാർഷികവിളകൾ കരിഞ്ഞു തുടങ്ങിയിട്ട് ആഴ്ചകളായി. നെല്ലിക്കപാറ, നീരാമകുളം, കോട്ടാംപാറ, വലിയപ്പൂപ്പൻതോട്, കാഞ്ഞിരപ്പാറ എന്നിവിടങ്ങളിലാണ് ജനങ്ങൾ കുടിവെള്ളത്തിനായി നെട്ടോട്ടം ഓടുന്നത്. പ്രദേശത്ത് കുടിവെള്ളത്തിനായി ടാങ്കുകൾ സ്ഥാപിച്ചെങ്കിലും വെള്ളം എത്തുന്നില്ലന്നാണ് നാട്ടുകാർ പരാതിപെടുന്നത്. കുടിവെള്ള പ്രശ്നത്തിന് അടിയന്തര നടപടി സ്വീകരിക്കണമെന്നും നാട്ടുകാർ ആവശ്യപ്പെട്ടു.
Read Moreജനവാസ കേന്ദ്രത്തിലെ തോട്ടിൽ കോഴി വേസ്റ്റ് തള്ളിയ നിലയിൽ; ദുർഗന്ധം മൂലം പ്രദേശവാസികൾക്ക് ജീവിക്കുവാൻ സാധിക്കാത്ത അവസ്ഥ; മാലിന്യങ്ങൾ നീക്കം ചെയ്ത് ദുരിതങ്ങൾ ഒഴിവാക്കിത്തരണമെന്ന് നാട്ടുകാർ
തുറവൂർ: ജനവാസ കേന്ദ്രത്തിലെ പൊതുതോട്ടിൽ കോഴിക്കടയിലെ മാലിന്യം തള്ളി. തുറവുർ പഞ്ചായത്ത് ഒന്നാം വാർഡിൽ പള്ളിത്തോട് വാലയിൽ പ്രദേശത്തെ പൊതുതോട്ടിലാണ് കഴിഞ്ഞ ദിവസം രാത്രി കോഴി ഇറച്ചി വില്പനശാലയിലെ അവശിഷ്ടങ്ങൾ പ്ലാസ്റ്റിക് ചാക്കിൽകെട്ടി തള്ളിയത്. ഇതു ചീഞ്ഞുള്ള ദുർഗന്ധം മൂലം പ്രദേശവാസികൾക്ക് ജീവിക്കുവാൻ സാധിക്കാത്ത അവസ്ഥയാണ്. പള്ളിത്തോട് പൊഴിച്ചാൽ റോഡുമുക്ക് കാക്കശേരി പൊഴിച്ചാൽതോട് മാലിന്യങ്ങൾ കൊണ്ട് നിറഞ്ഞിരിക്കുകയാണ്. തോടിന്റെ വശങ്ങളിൽ താമസിക്കുന്നവർ കൈയേറിയതുമൂലം തോട്ടിലെ ഒഴുക്കു നിലച്ചു. ആറുമീറ്റർ വീതിയുണ്ടായിരുന്ന തോട് നിലവിൽ ചില സ്ഥലങ്ങളിൽ ഒരുമീറ്റർ വീതി പോലും ഇല്ല. നാട്ടുകാർ നിരവധി തവണ തുറവുർ പഞ്ചായത്ത് അധികൃതർക്കു പരാതി നൽകിയിട്ടും യാതൊരു നടപടിയും എടുക്കുന്നില്ല എന്ന മാത്രമല്ല തോടു കൈയേറ്റവും മാലിന്യം തള്ളലും ഇപ്പോഴും തുടരുകയാണ്. ജില്ലാ ഭരണകൂടം അടിയന്തരമായി ഇടപെട്ട് തോടു കൈയേറ്റം ഒഴിപ്പിച്ച് ഈ തോട്ടിലെ മാലിന്യങ്ങൾ നീക്കം ചെയ്ത് ജനങ്ങളുടെ…
Read Moreകുടിക്കാൻ ഒരു തുള്ളി വെള്ളമില്ലാതെ കുട്ടനാട്ടുകാർ; നീലംപേരൂർ, കാവാലം, പുളിങ്കുന്ന് ഗ്രാമപഞ്ചായത്തുകളിൽ വാട്ടർ അഥോറിറ്റിയുടെ കുടിവെള്ള നിലച്ചിട്ട് പത്തു വർഷം; ലിറ്ററിന് ഒരു രൂപ നിരക്കിൽ വെള്ളം വാങ്ങേണ്ട അവസ്ഥയെന്ന് നാട്ടുകാർ
മങ്കൊന്പ്: വേനൽ കടുത്തതോടെ കുട്ടനാട്ടുകാർ കുടിവെള്ളത്തിനായി നെട്ടോട്ടത്തിൽ. താലൂക്കിന്റെ വടക്ക്, പടിഞ്ഞാറൻ പ്രദേശങ്ങളായ നീലംപേരൂർ, കാവാലം, പുളിങ്കുന്ന്, കൈനകരി എന്നിവിടങ്ങളിലാണ് കുടിവെള്ളക്ഷാമം ഏറ്റവുമധികം അനുഭവിക്കുന്നത്. നീലംപേരൂർ, കാവാലം, പുളിങ്കുന്ന് എന്നീ ഗ്രാമപഞ്ചായത്തുകളിൽ വാട്ടർ അഥോറിറ്റിയുടെ കുടിവെള്ള വിതരണം നിലച്ചിട്ട് പത്തു വർഷമെങ്കിലുമായി. ഒരു വ്യാഴവട്ടക്കാലമായി ഇവിടുത്തെ ജനങ്ങൾ കുടിവെള്ളം വിലയ്ക്കു വാങ്ങിയാണ് ഉപയോഗിക്കുന്നത്. നീലംപേരൂർ, കാവാലം ഗ്രാമപഞ്ചായത്തുകളിൽ ലിറ്ററൊന്നിനു 50 പൈസ മുതൽ 80 പൈസ വരെ നിരക്കിലാണ് വിൽപ്പനയെങ്കിൽ, പുളിങ്കുന്ന് ഗ്രാമപഞ്ചായത്തിൻറെ ചില പ്രദേശങ്ങളിൽ ലിറ്ററൊന്നിന് ഒരു രൂപവരെയാണ് വില. എന്നാൽ പുളിങ്കുന്ന് ഗ്രാമപഞ്ചായത്തിന്റെ ഒന്നാംവാർഡ് ഉൾപ്പെടുന്ന വേണാട്ടുകാട് പ്രദേശത്ത് റോഡ് സൗകര്യമില്ലാത്തതിനാൽ വെള്ളം വിലയ്ക്കു വാങ്ങാൻ പോലും കിട്ടാറില്ല. ഈ സാഹചര്യത്തിൽ ആറ്റിലെയും, തോട്ടിലെയും വെള്ളമാണ് ഇവിടുത്തുകാർ ഉപയോഗിച്ചിരുന്നത്. എന്നാൽ വേനൽ കനത്ത് ജലാശയങ്ങളിൽ ഉപ്പു നിറഞ്ഞതോടെ ഇവരുടെയും കുടിവെള്ളം മുട്ടി. ഇപ്പോൾ റവന്യു…
Read Moreആറന്മള എയർപോർട്ടിൽ വീണ്ടും കൊയ്ത് ഉത്സവം; മല്ലപ്പുഴശേരി പന്നിവേലിച്ചിറയിലെ പാടശേഖരങ്ങൾ കൊയ്ത്തിന് പാകമായി; നെൽകൃഷി പുനരാരംഭിച്ചതിന്റെ രണ്ടാം വാർഷികം മന്ത്രി വി.എസ്.സുനില്കുമാര് ഉദ്ഘാടനം ചെയ്യും
പത്തനംതിട്ട: ആറന്മുളയിലെ വയലുകളില് നെല്കൃഷി പുനരാരംഭിച്ചതിന്റെ രണ്ടാം വാര്ഷികവും കൊയ്ത്തുത്സവവും നാളെ ഉച്ചയ്ക്ക് 12ന് മന്ത്രി വി.എസ്.സുനില്കുമാര് മല്ലപ്പുഴശേരി പന്നിവേലിച്ചിറ പാടശേഖരത്ത് ഉദ്ഘാടനം ചെയ്യും. വീണാ ജോര്ജ് എംഎല്എയുടെ അധ്യക്ഷതയില് ചേരുന്ന സമ്മേളനത്തില് ജില്ലാ പഞ്ചായത്ത് പ്രസിഡന്റ് അന്നപൂര്ണാദേവി, തിരുവിതാംകൂര് ദേവസ്വം ബോര്ഡ് പ്രസിഡന്റ് എ.പത്മകുമാര് എന്നിവര് മുഖ്യപ്രഭാഷണം നടത്തും. കൃഷി വകുപ്പ് ഡയറക്ടര് എ.എം.സുനില് കുമാര് റിപ്പോര്ട്ട് അവതരിപ്പിക്കും. ബ്ലോക്ക് പഞ്ചായത്ത് പ്രസിഡന്റുമാരായ എം.ബി.സത്യന്, പി. കെ തങ്കമ്മ ടീച്ചര്, ഗ്രാമപഞ്ചായത്ത് പ്രസിഡന്റുമാരായ ഐഷാ പുരുഷോത്തമന്, മിനി ശ്യാം മോഹന്, മല്ലപ്പുഴശേരി ഗ്രാമപഞ്ചായത്ത് പ്രസിഡന്റിന്റെ ചുമതലയുള്ള ഗീതാ കൃഷ്ണന്, പ്രിന്സിപ്പല് കൃഷി ഓഫീസര് ഷൈലാ ജോസഫ്, കൃഷി അസിസ്റ്റന്റ് ഡയറക്ടര് ജോര്ജ് ബേബി, വിവിധ രാഷ്ട്രീയ കക്ഷി നേതാക്കള്, പാടശേഖര സമിതി ഭാരവാഹികള് തുടങ്ങിയവര് പങ്കെടുക്കും.
Read Moreഫിലിപ്പ് ജോണിന്റെ രാജിക്കത്ത് വിവാദം വ്യാജം ; സ്വാർഥതാല്പര്യങ്ങൾക്കു വേണ്ടി ചില നിലപാടുകൾ സ്വീകരിച്ചപ്പോൾ ഭൂരിപക്ഷതീരുമാനത്തിൽ ചുമതലയിൽ നിന്നും മാറ്റി; സംഭവത്തിന്റെ സത്യാവസ്ഥയെക്കുറിച്ച് ബിഡിജെഎസ്
മാവേലിക്കര: ബിഡിജഐസ് ചെങ്ങന്നൂർ നിയോജക മണ്ഡലം പ്രസിഡൻായിരുന്ന ഫിലിപ്പ് ജോണിന്റെ രാജിക്കത്ത് വിവാദം വ്യാജമെന്ന് ബിഡിജഐസ് ജില്ലാ കമ്മറ്റി. നിയോജകം മണ്ഡലം പ്രസിഡന്റ് ഫിലിപ്പ് ജോണിനെ കഴിഞ്ഞ മൂന്നുമാസക്കാലമായി സംഘടനാ ചുമതലയിൽ നിന്ന് മാറ്റി നിർത്തിയിരിക്കുകയായിരുന്നുവെന്നും ജില്ലാ പ്രസിഡന്റ് ഷാജി എം. പണിക്കർ അറിയിച്ചു. പ്രവർത്തകരെ ഏകോപിപ്പിക്കുന്നതിനുള്ള വീഴ്ചയും സംഘടന പ്രവർത്തനത്തിന്റെ ദൗർബല്യവും മണ്ഡലം കമ്മറ്റി യോഗത്തിൽ ചർച്ച ചെയ്യുകയും ചെയ്തിരുന്നു. പഞ്ചായത്ത് സമിതിയെ ചലിപ്പിക്കാതെ ചില സ്വാർഥതാല്പര്യങ്ങൾക്കു വേണ്ടി ചില നിലപാടുകൾ സ്വീകരിച്ചു പോന്നപ്പോൾ മണ്ഡലത്തിലെ ഭൂരിപക്ഷം പ്രവർത്തകരും മണ്ഡലം പ്രസിഡന്റിന്റെ പ്രവർത്തനത്തെ ശക്തമായി വിമർശിക്കുകയും തെറ്റു തിരുത്തുന്നതിനുള്ള നിർദേശവും ചർച്ച ചെയ്തിരുന്നു. അതിന്റെ ഭാഗമായിട്ടാണ് അദ്ദേഹത്തെ മണ്ഡലം പ്രസിഡന്റിന്റെ ചുമതലയിൽ നിന്നും മാറ്റി നിർത്തിയത്. പകരം വൈസ് പ്രസിഡന്റ് രാജു മാലിക്കിനു ചുമതല നൽകിയിരുന്നു. ഈ സാഹചര്യത്തിൽ പ്രവർത്തനത്തിൽ നിന്ന് മാറിനിന്നയാൾ രാജി വച്ചുകൊണ്ട്…
Read Moreഅത്താഴപ്പഷ്ണിക്കാരുണ്ടോ? അത്താഴക്കൂട്ടമങ്ങെത്തും; സ്വന്തം നേട്ടങ്ങളും സുഖവും മാത്രമായി വർത്തമാനകാലഘട്ടം മാറുമ്പോൾ സമൂഹത്തിന് മുന്നിൽ നന്മയുടെ കൈത്താങ്ങാവുകയാണ് ആലപ്പുഴക്കാരുടെ അത്താഴക്കൂട്ടായ്മ
വി.എസ്.രതീഷ് ആലപ്പുഴ: തോരാതെ പെയ്യുന്ന മഴയായാലും കനത്ത മഞ്ഞാണെങ്കിലും പൊള്ളുന്ന വേനലാണെങ്കിലും രാത്രി ഏഴാകുന്പോൾ വട്ടപ്പള്ളിയിൽ നിന്നും ഒരു ഓട്ടോ ടാക്സി നഗരത്തിലേക്കിറങ്ങും. പ്രദേശവാസിയായ എ.ആർ. നൗഷാദ് ഡ്രൈവർ സീറ്റിലിരിക്കുന്പോൾ ഇടതുവശത്തിരിക്കുന്നവർ മാറിക്കൊണ്ടിരിക്കും. ഈ വാഹനമെത്തുന്നതും കാത്ത് സക്കറിയാ ബസാറിലും ആറാട്ടുവഴിയിലും വഴിച്ചേരിയിലും ബോട്ടുജെട്ടിയിലും ജനറൽ ആശുപത്രിയിലുമായി 65ഓളം പേരാണ് കാത്തിരിക്കുന്നത്. രോഗം മൂലവും പ്രായാധിക്യം മൂലവും മാനസിക അസ്വാസ്ഥ്യങ്ങളാലും തെരുവിലലയുന്നവർക്ക് ഒരു നേരത്തെ ഭക്ഷണവുമായാണ് ഈ ഓട്ടോ ടാക്സി ഓടിയെത്തുന്നത്. 2015 ഒക്ടബോർ അഞ്ചിന് 12 പേർക്ക് ഭക്ഷണം നല്കി തുടങ്ങിയ പദ്ധതിയിൽ ഇന്ന് 65ലേറെപ്പേർക്കാണ് അത്താഴം നല്കുന്നത്. രാത്രി ഭക്ഷണം നല്കുന്നതിനാൽ അത്താഴക്കൂട്ടമെന്ന പേരിലാണ് എ.ആർ. നൗഷാദിന്റെ നേതൃത്വത്തിൽ ഈ കൂട്ടായ്മ രൂപം കൊണ്ടത്. 14 വർഷം ഗൾഫിൽ പ്രവാസിയായിരുന്ന നൗഷാദ് 2013 ൽ നിതാഖത്തുമൂലം നാട്ടിലെത്തുകയും പിന്നീട് ഓട്ടോടാക്സി ഡ്രൈവറാകുകയുമായിരുന്നു. ഓട്ടം പോയി…
Read Moreനൂറനാട്ട് തെരുവുനായ്ക്കളുടെ ആക്രമണത്തിൽ പത്ത് പേർക്ക് പരിക്ക്; സശീലയുടെ മുഖമാസകലം തെരുവുനായ്ക്കൾ കടിച്ചുകീറി; കടിയേറ്റവരിൽ കൂടുതലും സ്ത്രീകൾ
ചാരുംമൂട് (ആലപ്പുഴ): നൂറനാട്, കായംകുളം മേഖലകളിൽ തെരുവുനായ്ക്കളുടെ വിളയാട്ടം. പത്തോളം പേർക്ക് തെരുവുനായ്ക്കളുടെ കടിയേറ്റു. കടിയേറ്റ ചിലർക്കു മാരകമായി മുറിവേറ്റു. ഏഴുപേരെ ആലപ്പുഴ വണ്ടാനം മെഡിക്കൽ കോളജിൽ പ്രവേശിപ്പിച്ചു. നൂറനാട് കല്ലിട്ടതിൽ സുശീല, കുഴിയത്ത് വീട്ടിൽ ദീപ, കല്ലിട്ടതിൽ രമ എന്നിവരെയാണ് നായ കൂടുതൽ കടിച്ചുകീറിയത്. സുശീലയുടെ മുഖമാസകലം തെരുവുനായ്ക്കൾ കടിച്ചുകീറി. കടിയേറ്റവരിൽ കൂടുതലും സ്ത്രീകളാണ്. വീടിനു പരിസരത്ത് ഇന്നലെ വൈകുന്നേരമാണ് ഇവർക്കു കടിയേറ്റത്. ഇതിനിടെ കായംകുളം പെരിങ്ങാലയിലും ഇന്നലെ രണ്ടുപേർക്ക് കടിയേറ്റു. പെരുങ്ങാല തോട്ടാശേരിൽ പ്രസന്നകുമാരി (68), പുത്തൻകണ്ടത്തിൽ ലീലാമ്മ (50) എന്നിവർക്കാണ് കടിയേറ്റത്. ഇവരെയും വണ്ടാനം മെഡിക്കൽ കോളജിൽ പ്രവേശിപ്പിച്ചു. കഴിഞ്ഞ ദിവസങ്ങളിലും ഈ മേഖലയിലും നിരവധി പേർക്കു കടിയേറ്റിരുന്നു. തെരുവു നായ്ക്കളുടെ ആക്രമണത്തിൽ നടുങ്ങിയിരിക്കുകയാണു പ്രദേശവാസികൾ.
Read More