ഹരിപ്പാട്: യുഡിഎഫ് സർക്കാരിന്റെ കാലത്ത് നടന്ന പോലിസ് നിയമന തട്ടിപ്പിൽ ആഭ്യന്തര മന്ത്രിയായിരുന്ന രമേശ് ചെന്നിത്തല പങ്ക് ആന്വേഷിക്കണമെന്ന് സിപിഐ ഹരിപ്പാട് മണ്ഡലം സമ്മേളനം പ്രമേയത്തിലൂടെ ആവശ്യപ്പെട്ടു. സർക്കാർ അന്വേഷണം ത്വരിതപ്പെടുത്തി കുറ്റക്കാർക്കെതിരെ കർശന ശിക്ഷാ നടപടികൾ സ്വീകരിക്കണം. ഹരിപ്പാട് മണ്ഡലത്തിന്റെ വിവിധ പ്രദേശങ്ങൾ രൂക്ഷമായ കുടിവെള്ള ക്ഷാമം നേരിടുകയാണ്. മഴക്കാലം കഴിഞ്ഞയുടൻ തന്നെ രൂക്ഷമായ വരൾച്ചയാണ്. ശുദ്ധജല സ്രോതസ്സുകൾ സംരക്ഷിച്ചും വിവിധ കുടിവെള്ള പദ്ധതികൾ സമയബന്ധിതമായി പൂർത്തികരിച്ചും കുടിവെള്ളത്തിന്റെ ഗുണനിലവാരം ഉറപ്പ് വരുത്തിയും കുടിവെള്ള ക്ഷാമത്തിന് ശ്വാശ്വതമായ പരിഹാരം കാണുന്നമെന്നും സമ്മേളനം ആവശ്യപ്പെട്ടു. കുമാരപുരത്ത് നടന്ന സമ്മേളനം സെക്രട്ടറിയായി കെ. കാർത്തികേയനെ തെരഞ്ഞെടുത്തു. മണ്ഡലം കമ്മിറ്റി അംഗങ്ങളായി പി.ബി. സുഗതൻ, യു. ദിലീപ്, ഒ.എ. ഗഫൂർ , മഞ്ജു വിജയൻ, വി. രാമകൃഷ്ണൻ, കാത്തിരത്ത് ഗോപാലകൃഷ്ണൻ, ടി.കെ അനിരുദ്ധൻ ,വടക്കടം സുകുമാരൻ, ഭാസ്ക്കരപിള്ള, ഗോപി ആലപ്പാട്,…
Read MoreCategory: Alappuzha
ഇനി കാറ്റും മഴയേയും പേടിക്കാതെ..! പ്ലാസ്റ്റിക് കൂരയിൽ നിന്നും ഭിന്നശേഷിക്കാരിയായ അഭിരാമിക്കും കുടുംബത്തിനും രക്ഷകരായി റോട്ടറി ക്ലബ്
ചെങ്ങന്നൂര്: അഭിരാമിക്ക് ഇനി കാറ്റും മഴയും ഏല്ക്കാത്ത കെട്ടുറപ്പുള്ള ഭവനം സ്വന്തമാകാന് പോകുന്നു. ജന്മനാ ഭിന്നശേഷിക്കാരിയായ ഒമ്പതു വയസുകാരി അഭിരാമിക്ക് ചെങ്ങന്നൂര് റോട്ടറി ക്ലബ്ബാണ് പുതിയ ഭവനം നിര്മിച്ചു നല്കുന്നത്. ആലാ പഞ്ചായത്തിലെ കിണറുവിള കോളനിയില് ബാല നിവാസില് കൂലിപ്പണിക്കാരനായ എം.ആര്. അനീഷിന്റെയും പി.ആര്. ചിത്രയുടേയും രണ്ടാമത്തെ മകളാണ് അഭിരാമി. ജന്മനാ ശരീരം തളര്ന്നതിനെ തുടര്ന്ന് പെണ്ണുക്കര ഗവ. യുപി സ്കൂളിലെ മൂന്നാംക്ലാസ് വിദ്യാര്ഥിനിയായ അഭിരാമി സര്വ ശിക്ഷാ അഭിയാന്റെ ഗൃഹാധിഷ്ഠിത വിദ്യാഭ്യാസ സമ്പ്രദായം അനുസരിച്ചാണ് പഠനം നടത്തി വന്നിരുന്നത്. സ്കൂളില് സ്ഥിരമായി വന്നു പോകാന് കഴിയാത്ത അവസ്ഥയാണ്. മകളെ വീട്ടില് തനിച്ചാക്കി ജോലിക്ക് പോകാന് ചിത്രയ്ക്ക് കഴിയില്ല. മൂത്തമകന് ആദികേശ് ഏഴാംക്ലാസ് വിദ്യാര്ഥിയാണ്. നാലു സെന്റ് സ്ഥലത്ത് സ്ഥിതി ചെയ്യുന്ന ചെറിയ ഒരു കൂരയിലാണ് ഇവരുടെ താമസം. കൂലിപ്പണിയില് നിന്നും അനീഷിന് കിട്ടുന്ന വരുമാനം മാത്രമാണ്…
Read Moreമനുഷത്വമില്ലാതെ പോലീസ്..! കാണാതായ പിതാവിനെ തിരക്കിയെത്തിയ മക്കൾ കണ്ട കാഴ്ച ഞെട്ടിക്കുന്നത്; അനാട്ടമി കുട്ടികൾ പഠിക്കുന്ന മോർച്ചറിയിൽ ; ട്രെയിനിൽ മരിച്ചയാളെ അജ്ഞാതമൃതദേഹമാക്കിയ പോലീസ് കഥയിങ്ങനെ…
അടൂർ: കോട്ടയം മെഡിക്കൽ കോളജിൽ പോലീസ് എത്തിച്ച രോഗി മരണപ്പെട്ടത് പുറംലോകം അറിയാതെ അജ്ഞാതനായി മുദ്രകുത്തി മൃതദേഹം അനാട്ടമി വിഭാഗത്തിന് കൈമാറിയത് പിഴവെന്ന് മനുഷ്യാവകാശ കമ്മീഷൻ. കഴിഞ്ഞ എപ്രിൽ ഏഴിനു നാട്ടിലേക്കുള്ള യാത്രാ മധ്യേ അമിത രക്തസമ്മർദ്ദം മൂലം വിശാഖപട്ടണം – കൊല്ലം ട്രെയിനിൽ അബോധാവസ്ഥയിലായ പറന്തൽ മിത്രപുരം സുശാന്ത് ഭവനിൽ എം.കെ. ഭാസ്കരനെ ആലുവാ ജില്ലാ ആശുപത്രിയിലും തുടർന്ന് കോട്ടയം മെഡിക്കൽ കോളജിലും എത്തിച്ചെങ്കിലും മരണപ്പെട്ടു. സഹയാത്രികർ ഭാസ്കരന്റെ ബാഗ് ആർപിഎഫിനെ ഏൽപിച്ചുവെങ്കിലും അത് പരിശോധിച്ച് ബന്ധുക്കളെ വിവരം അറിയ്ക്കുന്നതിനു പോലീസ് ശ്രമിച്ചതുമില്ല.ഭാസ്കരനെ ട്രെയിൻ യാത്രയ്ക്കിടയിൽ കാണാതായെന്ന പരാതിയെ തുടർന്നു ഏറണാകുളം നോർത്ത് ആർപിഎഫ് നടത്തിയ അന്വേഷണത്തിലാണ് ഭാസ്കരൻ മരണപ്പെട്ട വിവരം ആർപിഎഫ് അറിയുന്നത്. തുടർന്നു ഭാസ്കരൻ മരണപ്പെട്ട വിവരം അറിഞ്ഞ് ബന്ധുക്കൾ കോട്ടയം മെഡിക്കൽ കോളജിലെ അനാട്ടമി മോർച്ചറിയിൽ വന്ന് മൃതദേഹം കണ്ട് തിരിച്ചറിഞ്ഞു…
Read Moreപ്രതിപക്ഷനേതാവിന്റെ മണ്ഡലത്തിലേക്ക് വെള്ളം തരില്ല..! ഹരിപ്പാട് കുടിവെള്ളപദ്ധതിയെ എതിർത്ത സിപിഎം പ്രാദേശിക നേതൃത്വം വെട്ടിൽ
മാന്നാർ: ഹരിപ്പാട് കുടിവെള്ള പദ്ധതിക്കായി പന്പാനദയിലെ മാന്നാർ മുല്ലശേരിക്കടവിൽ നിന്നും വെള്ളം കൊണ്ടുപോകുന്നതിനെ എതിർത്ത സിപിഎം പ്രാദേശിക നേതൃത്വം വെട്ടിലായി.പ്രതിപക്ഷ നേതാവിന്റെ മണ്ഡലത്തിലേക്ക് മാന്നാറിൽ നിന്ന് വെള്ളം കൊണ്ടുപോകേണ്ട കാര്യമില്ലെന്നും മാന്നാറിന്റെ പടിഞ്ഞാറൻ പ്രദേശങ്ങളിൽ വർഷങ്ങളായി നിലനിൽക്കുന്ന കുടിവെള്ള ക്ഷാമം പരിഹരിക്കുവാൻ നടപടികൾ ഉണ്ടാകണമെന്നുമാണ് സിപിഎം പ്രാദേശിക നേതൃത്വം വാദിച്ചിരുന്നത്. കഴിഞ്ഞ ആഴ്ചയിൽ ചേർന്ന പഞ്ചായത്ത് കമ്മറ്റിയിൽ സിപിഎം അംഗങ്ങൾ വെള്ളം കൊണ്ടുപോകുന്നതിനെ ശക്തമായി എതിർത്തിരുന്നു. സിപിഎമ്മിന്റെ ഗ്രാമപഞ്ചായത്തംഗങ്ങളിൽ രണ്ട് പേർ സിപിഎം ഏരിയാ കമ്മറ്റിയംഗങ്ങളുമാണ്. എന്നാൽ കഴിഞ്ഞ ദിവസം സമാപിച്ച സിപിഎം മാന്നാർ ഏരിയാ സമ്മേളനത്തിൽ ഹരിപ്പാട് കുടിവെള്ള പദ്ധതി നടപ്പിലാക്കണമെന്ന് പ്രമേയം പാസാക്കി. സിപിഎം സംസ്ഥാന-ജില്ലാ നേതൃത്വം പദ്ധതി നടപ്പിലാക്കണമെന്ന അഭിപ്രായമുള്ളവരാണ്. സംസ്ഥാന സർക്കാരിന്റെ ഒരു പദ്ധതിയാണ് ഇതെന്നും ഇതിന്റെ നേട്ടം സർക്കാരിനാണെന്നുമാണ് കമ്മറ്റികൾ വിലയിരുത്തിയത്. ഇക്കാര്യങ്ങൾ എംഎൽഎ സർവ്വകക്ഷിയോഗം വിളിച്ച് കാര്യങ്ങൾ വിശദീകരിച്ചതുമാണ്.…
Read Moreവേഗക്കൂടുതലോ? ആംബുലൻസ് സ്കൂട്ടറിൽ ഇടിച്ചുണ്ടായ അപകടത്തിൽ അന്യസംസ്ഥാന തൊഴിലാളി മരിച്ചു; രോഗിയുമായി വന്ന ആംബുലൻ എതിരേ വന്ന സ്കൂട്ടറിനെ ഇടിച്ചു തെറിപ്പിക്കുകയായിരുന്നു
കായംകുളം: രോഗിയുമായി പോയ ആംബുലൻസും സ്കൂട്ടറും കൂട്ടിയിടിച്ചുണ്ടായ അപകടത്തിൽ മരിച്ചത് കോഴിക്കടയിലെ ജീവനക്കാരനായ തമിഴ്നാട് സ്വദേശി റികേഷ് (27 )ആണെന്ന് തിരിച്ചറിഞ്ഞു. കരീലക്കുളങ്ങര ജംഗ്ഷന് സമീപമുള്ള കോഴിക്കടയിലെ തൊഴിലാളിയായിരുന്നു. സ്കൂട്ടറിൽ പോകുന്പോൾ ഇന്നലെ രാത്രി പത്തോടെ സ്കൂട്ടർ ആംബുലൻസുമായി കൂട്ടിയിടിക്കുകയായിരുന്നു. ആംബുലൻസിൽ സഞ്ചരിച്ച മൂന്നുപേർക്ക് പരുക്കേറ്റു. ദേശീയ പാതയിൽ കരീലകുളങ്ങരക്കു വടക്കുഭാഗത്തു വച്ചായിരുന്നു അപകടം. കരുനാഗപ്പള്ളി തഴവയിൽ നിന്നും രോഗബാധിതനായ അബൂബേക്കർ കുഞ്ഞുമായി ആലപ്പുഴ മെഡിക്കൽ കോളേജാശുപത്രിയിലേക്കു പോയ ആംബുലൻസ് എതിരെ വന്ന സ്കൂട്ടറിൽ ഇടിക്കുകയായിരുന്നു. റികേഷിനെ ഹരിപ്പാട് താലൂക്കാശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ആംബുലൻസിൽ ഉണ്ടായിരുന്ന അബൂബേക്കർ കുഞ്ഞിനേയും ഒപ്പമുണ്ടായിരുന്ന മുഹമ്മദ് കുഞ്ഞ്, കുഞ്ഞുമോൻ, സുബേർ കുട്ടി എന്നിവരെയും പരിക്കുകളോടെ ആലപ്പുഴ മെഡിക്കൽ കോളേജാശുപത്രിയിൽ പ്രവേശിപ്പിച്ചു. ഇടിയുടെ ആഘാതത്തിൽ സ്കൂട്ടർ നിശേഷം തകർന്നു.
Read Moreമുന്നറിയിപ്പ് അവഗണിച്ചു..! കരിമരുന്ന് പ്രകടനത്തിനിടെ അപകടം: നാലുപേർക്ക് പരിക്ക്; വെടിക്കെട്ട് നടത്തരുതെന്ന ഉത്സവ കമ്മറ്റികൾക്ക് പോലീസ് മുന്നറിയിപ്പ് നൽകിയിരുന്നു
ഹരിപ്പാട്: കരിമരുന്ന് പ്രകടനത്തിനിടെ ഗുണ്ട് പൊട്ടിത്തെറിച്ച് നാലുപേർക്ക് പരിക്ക്. ചേപ്പാട് കാഞ്ഞൂർ ദുർഗാദേവീ ക്ഷേത്രത്തിലെ ഉത്സവത്തോടനുബന്ധിച്ച് ഇന്ന് പുലർച്ചെ മൂന്നിന് നടന്ന കരിമരുന്ന് പ്രകടനത്തിനിടയിലാണ് ഗുണ്ട് തെറിച്ച് വീണ് പൊട്ട് അപകടമുണ്ടായത്. ക്ഷേത്രത്തിന്റെ കിഴക്കേനടയിലെ ഗോപുരത്തിതിലും തുടർന്ന് നിലത്തും വീണുമാണ് ഗുണ്ട് പൊട്ടിച്ചിതറിയത്. അപകടത്തിൽ സ്ത്രീകളുൾപ്പെട് നാലുപേർക്ക് പരിക്കേറ്റു. കണ്ണിന് സാരമായി പരിക്കേറ്റ അജിത്ത് (28) ആലപ്പുഴ വണ്ടാനം മെഡിക്കൽ കോളേജ് ആശുപത്രിയിൽ ചികിത്സ തേടി. തിരുവിതാംകൂർ ദേവസ്വം ബോർഡിന്റെ കീഴിലുള്ള ക്ഷേത്രത്തിലെ ഉത്സവസമാപനവും കോലം വരവുമായിരുന്നു ഇന്നലെ. പത്ത് ദിവസത്തെ ഉത്സവം നടക്കുന്ന ഈ ക്ഷേത്രത്തിൽ കിഴക്കും പടിഞ്ഞാറും രണ്ടു കരക്കാരുടെ നേതൃത്വത്തിൽ നടക്കുന്ന ഉത്സവ ചടങ്ങുകളിലെ പ്രധാന ഇനങ്ങളാണ് അവസാന രണ്ടു ദിവസങ്ങളിലായി നടക്കുന്ന കോലം വരവും വെടിക്കെട്ടും. വെടിക്കെട്ട് നടത്തരുതെന്ന ഉത്സവ കമ്മറ്റികൾക്ക് കരീലക്കുളങ്ങര പോലീസ് മുന്നറിയിപ്പ് നോട്ടീസ് നൽകിയിരുന്നു.
Read Moreസഹജീവികൾക്ക് സാന്ത്വനസ്പർശമായി വിദ്യാർഥികൾ..! തലവടി ഗവൺമെന്റ് സ്കൂളിന് സമീപമുള്ള സ്നേഹഭവനിലെ അന്തേവാസികൾക്കൊപ്പം പുതുവർഷം ആഘോഷിച്ച് വിദ്യാർഥികളും അധ്യാപകരും
എടത്വ: പുതുവർഷത്തിൽ സഹജീവികളോടുള്ള സ്നേഹം പങ്കുവച്ച് തലവടി ഗവ. വൊക്കേഷണൽ ഹൈസ്കൂൾ വിദ്യാർഥികളും അധ്യാപകരും.സ്കൂളിലെ ജൂണിയർ റെഡ് ക്രോസ് സംഘടനയുടെ നേതൃത്വത്തിലായിരുന്നു വിദ്യാർഥികളും അധ്യാപകരും ചേർന്ന് സ്കൂളിന്റെ സമീപത്തുള്ള ആനപ്രന്പാൽ സ്നേഹഭവൻ സന്ദർശിച്ചത്. വിദ്യാർഥികളും അധ്യാപകരും ചേർന്ന് സമാഹരിച്ച 8000 ത്തോളം രൂപയും വസ്ത്രങ്ങളും അന്തേവാസികൾക്ക് നൽകുകയും ചെയ്തു.തുടർന്ന് വിദ്യാർഥികൾ വിവിധ കലാപരിപാടികളും അവതരിപ്പിച്ചു. അന്തേവാസികൾകൊപ്പം ഇരുന്ന് ഉച്ചഭക്ഷണവും കഴിച്ച ശേഷമാണ് വിദ്യാർഥികളും അധ്യാപകരും മടങ്ങിയത്. കുട്ടനാട് ബ്ലോക്ക് പഞ്ചായത്ത് അംഗം സിന്ധു മഹേഷ് പരിപാടി ഉദ്ഘാടനം ചെയ്തു. അധ്യാപകരായ എ. ബി. ലിയ, ശ്രീലേഖ, കെ.എസ്. ഓമന, രതിമോൾ എന്നിവർ നേതൃത്വം നൽകി.
Read Moreപീഡന ശ്രമത്തിനിടെ കൊലപ്പെടുത്തി, അവരുടെ വീട്ടില് തന്നെ കുളിച്ചു; അന്ന് താന് അങ്ങനെ ചെയ്തത് മദ്യ ലഹരിയില്, ജലജാ വധക്കേസില് പ്രതിയുടെ വെളിപ്പെടുത്തല്
ഹരിപ്പാട്: മുട്ടം ജലജാസുരൻ വധക്കേസ് പ്രതിയെ വീട്ടിലെത്തിച്ച് തെളിവെടുപ്പ് നടത്തി. ഇന്നലെ വൈകിട്ട് 3.30 ഓടെ തിരുവനന്തപുരം ജില്ലാ ജയിലിൽ നിന്നും ഹരിപ്പാട് ഒന്നാം ക്ളാസ് മജിസ്ട്രേറ്റ് ജി.പ്രവീണ് കുമാറിന് മുന്നിൽ ഹാജരാക്കിയ പ്രതി മുട്ടം പീടികപ്പറന്പിൽ സജിത്തിനെ മൂന്ന് ദിവസത്തേക്ക് ക്രൈംബ്രാഞ്ച് കസ്റ്റഡിയിൽ വിട്ടു. ആറ് ദിവസത്തേക്ക് കസ്റ്റഡിയിൽ വേണമെന്നാണ് ക്രൈം ബ്രാഞ്ച് ആവശ്യപ്പെട്ടത്. തുടർന്ന് വൈകിട്ട് 5.30 ഓടെയാണ് കൊലനടന്ന മുട്ടം ഭാരതിയിൽ എത്തിച്ചത്. 2015 ഓഗസ്റ്റ് 13നാണ് ജലജ കൊല്ലപ്പെട്ടത്. മദ്യലഹരിയിലായിരുന്ന സുജിത് ജലജയുടെ വീട്ടില് മറ്റാരും ഇല്ലാതിരുന്ന സമയത്തെത്തി അവരെ കീഴ്പ്പെടുത്താന് ശ്രമിക്കുകയായിരുന്നു. എന്നാല് അവര് ശക്തമായി എതിര്ത്തതോടെ കൊലപ്പെടുത്തുകയായിരുന്നു. കൃത്യത്തിന് ശേഷം മുകള് നിലയിലെ കുളി മുറിയിപ്പോയി കുളിക്കുകയും ചെയ്തു. മാവേലിക്കര സബ് ജയിലില് നിന്ന് സുജിതിനെ കഴിഞ്ഞ ദിവസം തിരുവനന്തപുരം സെന്ട്രല് ജയിലിലേയ്ക്ക് മാറ്റിയിരുന്നു. വൻ പൊലീസ് കാവലിലാണ്…
Read Moreവൈദ്യുതി ലൈൻകമ്പി കഴുത്തിൽ ചുറ്റി ബൈക്ക് യാത്രികനു പരിക്ക്; കെഎസ്ഇ ബി ജീവനക്കാർ റോഡിനു കുറുകെ ലൈൻ വലിക്കുന്നതിനിടെയാണ് അപകടം സംഭവിച്ചത്; രക്ഷിക്കണമെന്ന് അപേക്ഷിച്ചിട്ടും ജീവനക്കാർ വെറും കാഴ്ചക്കാരായി; ഒടുവിൽ
തുറവൂർ: ഇലക്ട്രിക്ക് പോസ്റ്റിൽ നിന്നുള്ള ലൈൻ കഴുത്തിൽ ചുറ്റിയതിനെ തുടർന്ന് ബൈക്ക് മറിഞ്ഞ് യാത്രക്കാരന് പരിക്ക്. തുറവുർ വടക്ക് എൻസിസി കവല സ്വാദേശി ഷിനാഫിനാണ് പരിക്കേറ്റത്. ഇന്നലെ രാവിലെ പതിനൊന്നോടെയായിരുന്നു സംഭവം. തുറവുർ കവലയ്ക്ക് കിഴക്കുഭാഗത്തായി വൈദ്യുതി പോസ്റ്റിൽ നിന്ന് റോഡിനു കുറുകെ ലൈൻ വലിക്കുന്പോൾ ബൈക്കിൽ വരുകയായിരുന്ന ഷിനാഫിന്റെ കഴുത്തിൽ കന്പി ഉടക്കുകയും ബൈക്ക് നിയന്ത്രണം വിട്ട് മറിയുകയുമായിരുന്നു. പരിക്കേറ്റ ഇയാളെ ആശുപത്രിയിൽ എത്തിക്കുവാൻ വൈദ്യുതി വകുപ്പ് ജീവനക്കാർ ആദ്യം തയാറായില്ല. തുടർന്ന് പരിക്കേറ്റയാൾ കേണപേക്ഷിച്ചിട്ടാണ് ഇയാളെ ഒരു മണിക്കൂറിനു ശേഷം അടുത്തുള്ള തുറവുർ ആശുപത്രിയിലേയ്ക്ക് കൊണ്ടുപോയത്. വൈദ്യുതി വകുപ്പു ജീവനക്കാരുടെ അനാസ്ഥയാണ് അപകടത്തിനിടയാക്കിയതെന്ന ആക്ഷേപം ഉയർന്നിട്ടുണ്ട്. റോഡിന് കുറുകെ വൈദ്യുത ലൈൻ വലിക്കുന്പോൾ ഗതാഗതം തടയേണ്ടതാണ് എന്നാൽ ഇത് ചെയ്യാതിരുന്നതാണ് അപകടത്തിനിടയാക്കിയത്. ബൈക്ക് യാത്രക്കാരൻ ഹെൽമറ്റ് വച്ചിരുന്നതിനാലാണ് കൂടുതൽ അപകടത്തിൽപ്പെടാതെ രക്ഷപ്പെട്ടത്.
Read Moreപ്രിൻസിപ്പൽ അതിക്ഷേപിച്ചതിനെ തുടർന്ന് വിദ്യാർഥിനി ജീവനൊടുക്കിയ സംഭവം: മുഖ്യമന്ത്രിക്കും സംസ്ഥാന പോലീസ് മേധാവിക്കും പരാതി നൽകി മാതാപിതാക്കൾ
ആലപ്പുഴ: പത്താംക്ലാസ് വിദ്യാർഥിനി ജീവനൊടുക്കിയ സംഭവവുമായി ബന്ധപ്പെട്ട് മാതാപിതാക്കൾ മുഖ്യമന്ത്രിക്കും സംസ്ഥാന പോലീസ് മേധാവിക്കും പരാതി നൽകി. ട്യൂഷൻ സെന്റർ പ്രിൻസിപ്പൽ അതിക്ഷേപിച്ചതാണ് കുട്ടി ജീവനൊടുക്കാനിടയാക്കിയതെന്നാരോപിച്ചാണ് പരാതി നൽകിയിരിക്കുന്നത്. പ്രിൻസിപ്പലിനെതിരെ ആത്മഹത്യാ പ്രേരണാകുറ്റം ചുമത്തി കേസെടുക്കണമെന്നാണ് ഇവരുടെ ആവശ്യം. സംഭവം സംബന്ധിച്ച് ആലപ്പുഴ ഡിവൈഎസ്പിക്ക് നൽകിയ പരാതിയുടെ അടിസ്ഥാനത്തിൽ പോലീസ് അന്വേഷണം ആരംഭിച്ചു. മാതാപിതാക്കളുടെയും രക്ഷാകർത്താക്കളുടെയും മൊഴി കഴിഞ്ഞദിവസം പോലീസ് രേഖപ്പെടുത്തിയിരുന്നു. അതേസമയം ട്യൂഷൻ സെന്റർ പ്രിൻസിപ്പളിനെതിരെ നിക്ഷിപ്ത താത്പര്യത്തോടെ ചിലർ അപവാദ പ്രചരണങ്ങൾ നടത്തുകയാണെന്ന് അധ്യാപക രക്ഷകർത്താസമിതി ആരോപിച്ചു. സംഭവത്തിൽ സ്വതന്ത്ര അന്വേഷണം നടത്തി കുറ്റക്കാരെ നിയമത്തിനുമുന്നിൽ കൊണ്ടുവരണമെന്ന് ജില്ലാ കോണ്ഗ്രസ് കമ്മറ്റി പ്രസിഡന്റ് എം. ലിജു ആവശ്യപ്പെട്ടു.
Read More