ഹരിപ്പാട്:- കീരിക്കാട് രാമപുരം കിഴക്കേ നെടിയത്ത് വീട്ടിൽ പത്മകുമാരി (62)യെയാണ് ഇന്നലെ വൈകിട്ട് 3.30 മണിയോടെ താമസിച്ചിരുന്ന മുറിയിൽ മരിച്ച നിലയിൽ കാണപ്പെട്ടത്.മുൻ ആംഗൻവാടി ജീവനക്കാരിയാണ്. മൃതദേഹത്തിന് രണ്ടു ദിവസത്തെ പഴക്കമുണ്ട്. അഴുകിത്തുടങ്ങിയിരുന്നു. വർഷങ്ങളായി ഭർത്താവും മകളുമായി പിണങ്ങി മാതാവ് ലക്ഷ്മിക്കുട്ടിയമ്മയോടും സഹോദരൻ മോഹൻകുമാറിന്റെ കുടുംബത്തോടുമൊപ്പമായിരുന്നു താമസം. ഇവരുടെ ഭർത്താവ് ചന്ദ്രൻ പിള്ളയും മകൾ അപർണയും കായംകുളത്താണ് താമസം.കടുത്ത പ്രമേഹരോഗിയായ ഇവർക്ക് ഇടയ്ക്കിടെ ബോധക്ഷയമുണ്ടാകുമായിരുന്നു എന്നും പറയുന്നു. സ്ഥിരം മദ്യപാനിയായ സഹോദരൻ മദ്യപിച്ച് വീട്ടിൽ വഴക്കുണ്ടാക്കുമായിരുന്നു എന്നും ഭാര്യയേയും മകളെയും ഉപദ്രവിച്ച് വീട്ടിൽ നിന്ന് ഇറക്കിവിട്ടിരുന്നു. 30-ാം തീയതി രാവിലെ 8 മണി വരെ ഇവരെ പുറത്തു കണ്ടിരുന്നുവെന്നും ഇവർ സൂക്ഷിച്ചിരുന്ന 3500 രൂപ കണ്ടില്ലെന്നും സഹോദരൻ മദ്യപിക്കാൻ എടുത്തു കൊണ്ടുപോയി എന്നു പറഞ്ഞ് നിലവിളിച്ചതായും സംസാരമുണ്ട്. ഈ കാരണത്താൽ ആഹാരവും മരുന്നും കഴിച്ചിരുന്നില്ലെന്നും സംശയമുണ്ട്. മദ്യപിച്ച്…
Read MoreCategory: Alappuzha
ഞാനാരാ മോൻ..! സിപിഎം ആലപ്പുഴ ജില്ലാ സമ്മേളനത്തിൽ വിഭാഗീയത അനുവദിക്കില്ല; മുഖ്യമന്ത്രി പിണറായി മൂന്നു ദിവസം കായംകുളത്ത്
കായംകുളം :സി പി എം ആലപ്പുഴ ജില്ലാ സമ്മേളനത്തിൽ യാതൊരു വിഭാഗീയതയും അനുവദിക്കില്ലെന്ന കർശന നിലപാടിലേക്ക് പാർട്ടി നേതൃത്വം ഇടപെടുന്നു.ജനുവരി 13 മുതൽ 15 വരെയാണ് കായംകുളത്ത് ജില്ലാ സമ്മേളനം നടക്കുക.സമ്മേളനം നിരീക്ഷിക്കാൻ മുഖ്യമന്ത്രി പിണറായി വിജയൻ മൂന്നു ദിവസം കായംകുളത്ത് ക്യാന്പ് ചെയ്യുമെന്നാണ് പാർട്ടി കേന്ദ്രങ്ങൾ നൽകുന്ന സൂചന. സമ്മേളനം ഉദ്ഘാടനം ചെയ്യുന്നത് മുഖ്യന്ത്രി പിണറായി വിജയനാണ്.കൃഷ്ണപുരം ഗവേഷണ കേന്ദ്രത്തിലാണ് മുഖ്യമന്ത്രിയ്ക്ക് തങ്ങാനുള്ള ക്രമീകരണം ഇപ്പോൾ നടത്തുന്നത്.ജില്ലയിലെ ചിലയിടങ്ങളിൽ പാർട്ടി നിർദേശം അവഗണിച്ച് ലോക്കൽ സമ്മേളനങ്ങളിൽ തെരെഞ്ഞെടുപ്പ് നടന്നു. ചാരുംമൂട് ഉൾപ്പടെ ചില ഏരിയാ കമ്മിറ്റികളിലും വിഭാഗീയത ശക്തമായി.ഇവിടെ സമ്മേളനത്തിന് സമാപനം കുറിച്ച് നടന്ന പ്രകടനത്തിൽ നിന്നും മൂന്നു ലോക്കൽ കമ്മിറ്റികളിലെ അംഗങ്ങൾ വിട്ട് നിലക്കുകയുണ്ടായി.ജില്ലയിലെ മറ്റിടങ്ങളിലും ചില പ്രശ്നങ്ങൾ നിലനിൽക്കുന്നുണ്ട് . കഴിഞ്ഞ ജില്ലാ സമ്മേളനം ചാരുംമൂട്ടിൽ ആണ് നടന്നത് .അന്ന് ജില്ലാ സെക്രട്ടറിയുടെ…
Read Moreഅമ്പട മൊതലാളി..! ഇറച്ചിമാലിന്യം തള്ളാനെത്തിയ ആളെ നാട്ടുകാർ കാത്തിരുന്ന് പിടികൂടി; ആൾക്കൂട്ടം കണ്ട് രക്ഷപ്പെട്ടയാളെ പിടികൂടി നോക്കിയപ്പോൾ നാട്ടുകാർ പറഞ്ഞു
ഹരിപ്പാട്: റോഡരികിൽ ഇറച്ചിമാലിന്യം തളളാനെത്തിയ ആളെ നാട്ടുകാർ പിടികൂടി പോലീസിൽ ഏല്പിച്ചു. ചേപ്പാട് ജങ്ഷന് കിഴക്ക് റെയിൽവേ ക്രോസിന് തെക്ക് ഭാഗത്തായി മാലിന്യം തളളാനെത്തിയ ആളെയാണ് പിടികൂടി പോലീസിന് കൈമാറിയത്. ഞായറാഴ്ച രാത്രി ഒൻപതുമണിയോടെയാണ് മാലിന്യം ഉപേക്ഷിക്കാനെത്തിയ പളളിപ്പാട്ട് കോഴിക്കട നടത്തുന്നയാളെ നാട്ടുകാർ പിൻതുടർന്ന് പിടിച്ചത്. വളരെ നാളായി റെയിൽവേയ്ക്ക് സമാന്തരമായുളള റോഡ് മാലിന്യനിക്ഷേപകേന്ദ്രമാണ്. പ്രദേശവാസികൾ വളരെയധികം ബുദ്ധിമുട്ട് അനുഭവിച്ചുവരികയായിരുന്നു. കോഴിക്കടകളിലെ അവശിഷ്ടങ്ങളാണ് രാത്രിയിൽ ചാക്കിലും കിറ്റുകളിലുമാക്കി കൊണ്ടുവന്ന് ഉപേക്ഷിക്കുന്നത്. അഴുകിയ മാംസത്തിന്റെ ദുർഗന്ധം കാരണം വഴിനടക്കാൻപോലും കഴിയാത്ത ഗതികേടിലായിരുന്നു നാട്ടുകാർ. ദുരിതം വർധിച്ചതോടെനാട്ടിലെ ചെറുപ്പക്കാർ സംഘടിച്ച് മാലിന്യം ഉപേക്ഷിക്കുന്നവരെ പിടികൂടാൻ തീരുമാനിച്ചു. ഒരാഴ്ചയായി ഇവർ കാത്തിരിപ്പിലായിരുന്നു. ഇതിനിടെയാണ് സ്കൂട്ടറിൽ മാലിന്യവുമായി ആളെത്തിയത്. രക്ഷപ്പെടാൻ ശ്രമിച്ച ഇയാളെ മാർത്തോമാ പളളിക്ക് സമീപം വച്ച് പിൻതുടർന്നെത്തിയാണ് പിടികൂടിയത്. കരീലക്കുളങ്ങര പോലീസ് കേസെടുത്തു.
Read Moreഇരിക്കട്ടെ ഒരു കേസുകൂടി..! കഞ്ചാവുകേസ് പ്രതി പാറവുകാരനെ തള്ളിയിട്ടശേഷം മതിചാടി രക്ഷപ്പെട്ടു; പിന്നാലെ ഓടിയ പോലീസുകാരന് പരുക്ക്; പ്രതിക്കായി തെരച്ചിൽ ഉൗർജിതമാക്കി
ആലപ്പുഴ: പാറാവുകാരനെ തള്ളിയിട്ടശേഷം കടന്നുകളഞ്ഞ പ്രതിയ്ക്കായി പോലീസ് തെരച്ചിൽ ഉൗർജിതമാക്കി. കോഴിക്കോട് തീക്കുനിവേളം ഒതലത്ത് വീട്ടിൽ അജനാസിനെ പിടികൂടാനായാണ് സൗത്ത് പോലീസ് തെരച്ചിൽ ഉൗർജിതമാക്കിയത്. ഇന്നലെ ഉച്ചയോടെയാണ് ഇയാൾ സ്റ്റേഷനിൽ നിന്നും പാറാവുകാരനെ തള്ളിയിട്ടശേഷം ഓടി രക്ഷപ്പെട്ടത്. ഇയാളെ പിടികൂടുന്നതിനായി പിന്നാലെയോടിയ പോലീസ് ഉദ്യോഗസ്ഥന് പരിക്കേറ്റിരുന്നു. ഇന്നലെ രാവിലെ 8.30 ഓടെ ആലപ്പുഴ റെയിൽവേ സ്റ്റേഷനിൽ നിന്നുമാണ് അജനാസിനെ 20 ഗ്രാം കഞ്ചാവുമായി പിടികൂടിയത്. ഇയാളെ കൂടുതൽ ചോദ്യം ചെയ്യുന്നതിനായി സ്റ്റേഷനിലെത്തിച്ചു. ഉച്ചയോടെ ഡ്യൂട്ടിയിലുണ്ടായിരുന്ന ഉദ്യോഗസ്ഥർ ഉച്ചഭക്ഷണം കഴിക്കാൻ പോയ സമയത്ത് സ്റ്റേഷനിൽ നിർത്തിയിരിക്കുകയായിരുന്ന ഇയാൾ പാറാവുകാരനെ തള്ളിയിട്ടശേഷം സമീപത്തെ മതിൽ ചാടി രക്ഷപ്പെടുകയായിരുന്നു. ഇയാൾ എത്തിച്ചേരാൻ സാധ്യതയുള്ള സ്ഥലങ്ങളിലൊക്കെ പോലീസ് പരിശോധന നടത്തുന്നുണ്ട്. സ്റ്റേഷനിൽ നിന്നും കടന്നുകളഞ്ഞതുമായി ബന്ധപ്പെട്ട് മറ്റൊരു കേസും സൗത്ത് പോലീസ് രജിസ്റ്റർ ചെയ്തിട്ടുണ്ട്.
Read Moreസ്ഥാനമാനങ്ങൾ ഏറാം മൂളികൾക്ക്..! ചേപ്പാട്ട് സിപിഐ പ്രവർത്തകർ കൂട്ടത്തോടെ പാർട്ടിവിടുന്നു; പാർട്ടിക്കുളളിൽ ജനാധിപത്യ സ്വാതന്ത്ര്യം അനുവദിക്കുന്നില്ലെന്ന് വിട്ടുപോകുന്ന പ്രവർത്തകർ
ഹരിപ്പാട്: ചേപ്പാട്ട് സി.പി.ഐ പ്രവർത്തകർ കൂട്ടത്തോടെ പാർട്ടിവിടുന്നു. മുൻ ലോക്കൽ കമ്മിറ്റി സെക്രട്ടറി ആർ.കൃഷ്ണകുമാറിന്റെ നേതൃത്വത്തിലാണ് പ്രവർത്തകർ പാർട്ടി വിട്ട് പുറത്തുപോകുന്നത്. കമ്മ്യൂണിസ്റ്റ് പാർട്ടിക്ക് നിരക്കാത്ത പ്രവൃത്തികളാണ് സി.പി.ഐ നേതൃത്വം കാണിക്കുന്നതെന്നാണ് പുറത്തുപോകുന്നവർ പറയുന്നത്. നിയമസഭാ തിരഞ്ഞെടുപ്പിൽ ഹരിപ്പാട് മണ്ഡലത്തിലെ സ്ഥാനാർഥിയെ വിജയിപ്പിക്കാനായി കയ്യും മെയ്യും മറന്നു പ്രവർത്തിച്ച തങ്ങളെ ഇല്ലായ്മ ചെയ്യാനാണ് നേതൃത്വം ശ്രമിച്ചുകൊണ്ടിരിക്കുന്നത്.ആർ.കൃഷ്ണകുമാറിനെതിരെ ചേപ്പാട് ലോക്കൽ കമ്മിറ്റിയുടെ പേരിൽ പോസ്റ്റർ പ്രചരിച്ചിരുന്നു. നവംബർ 16ന് ചേർന്ന ലോക്കൽ കമ്മിറ്റി യോഗത്തിൽ പാർട്ടിഫണ്ടിന്റെ വരവ് ചെലവു കണക്കുകൾ ഏകകണ്ഠമായി പാസാക്കിയതാണ്. തുടർന്ന് നടന്ന ലോക്കൽ സമ്മേളനവും കണക്കുകൾ അംഗീകരിച്ചു. നിജസ്ഥിതി ഇതായിരിക്കെ വ്യക്തിഹത്യ നടത്താനാണ് പോസ്റ്റർ പ്രചരിച്ചിച്ചതെന്നാണ് കൃഷ്ണകുമാറിനെ അനുകൂലിക്കുന്നവർ പറയുന്നത്. പാർട്ടിക്കുളളിൽ ജനാധിപത്യ സ്വാതന്ത്ര്യം അനുവദിക്കുന്നില്ലെന്നും പ്രവർത്തനമികവ് നോക്കാതെ ഏറാം മൂളികളായവർക്കാണ് സ്ഥാനമാനങ്ങൾ നല്കുന്നതെന്നും വിടുന്നവർ ആരോപണം ഉന്നയിക്കുന്നു.
Read Moreവീടിന്റെ ഗേറ്റ് വീണ് നാലു വയസുകാരി മരിച്ചു; പണി നടക്കുന്ന പുതിയ വീടിനു മുന്നിൽ താത്കാലികമായി ഉറപ്പിച്ചുവച്ചിരുന്ന ഗേറ്റാണ് സനയുടെ തലയിൽ വീണത്
അടൂർ: നിര്മാണത്തിലിരിക്കുന്ന വീടിന്റെ ഗേറ്റ് മറിഞ്ഞുവീണ് നാലു വയസുകാരിക്ക് ദാരുണമരണം. മണ്ണടി മുകളുവിളയില് ജാഫര്ഖാന്റെ മകള് സന ഫാത്തിമ(നാല്)യാണ് ഇന്നലെ രാവിലെ മരിച്ചത്. ഇവരുടെ വീടിനോടു ചേര്ന്ന് ജാഫര്ഖാന്റെ സഹോദരന് സെയ്ദിന്റെ നിര്മാണത്തിലിരിക്കുന്ന വീടിന്റെ ഗേറ്റ് സന ഫാത്തിമയുടെ തലയിലേക്കു വീണാണ് അപകടം. ഗേറ്റ് താത്കാലികമായി ഉറപ്പിച്ചുവച്ചിരിക്കുകയായിരുന്നു. രാവിലെ ഗേറ്റ് സന ഫാത്തിമ പിടിച്ചുനീക്കാന് ശ്രമിക്കുമ്പോഴാണ് ഇളകി തലയിലേക്കു വീണത്. ഉടന്തന്നെ കൊട്ടാരക്കരയിലുള്ള സ്വകാര്യ ആശുപത്രിയിലേക്കു കൊണ്ടുപോയെങ്കിലും ജീവൻ രക്ഷിക്കാനായില്ല. ജനുവരി ഏഴിന് ഗൃഹപ്രവേശം നടത്താനായി വീടിന്റെ നിർമാണം പുരോഗമിക്കുകയായിരുന്നു. മാതാവ്: ബീമ. സഹോദരന്: സഫ്വാന് ഖാൻ.
Read Moreഒളിഞ്ഞുനോട്ടും തുടര്ന്നു; പരാതികള് പെരുകി! ചെങ്ങന്നൂര് പോലീസും നാട്ടുകാരും രാത്രികാലങ്ങളില് നിരീക്ഷണം ശക്തമാക്കി; എല്ലാം കഴിഞ്ഞ് മടങ്ങിയ സൂഫി കുടുങ്ങി
ചെങ്ങന്നൂർ: മോഷണശ്രമവും വീടുകളിൽ ഒളിഞ്ഞു നോട്ടവും പതിവാക്കിയ യുവാവിനെ പോലീസ് അറസ്റ്റു ചെയ്തു. ചെറിയനാട് ചെറുവല്ലൂർ സിബി മൻസിലിൽ സൂഫി (29) ആണ് ചെങ്ങന്നൂർ പോലീസിന്റെ വലയിലായത്. കഴിഞ്ഞദിവസം നെടുവരംകോട് ആലാ പെണ്ണുക്കര ചെറിയനാട് ഭാഗങ്ങളിൽ നിരവധി വീടുകളിൽ മോഷണശ്രമവും വീടുകളിൽ ഒളിഞ്ഞുനോട്ടവും വ്യാപകമായിരുന്നു. പരാതികൾ പെരുകിയതോടെ ചെങ്ങന്നൂർ പോലീസും നാട്ടുകാരും രാത്രികാലങ്ങളിൽ നിരീക്ഷണം ശക്തമാക്കിയിരുന്നു. വീടുകളിലെ നിരീക്ഷണ കാമറകളും പ്രവർത്തനസജ്ജമാക്കുകയും ചെയ്തു. ഇതോടെയാണ് രാത്രികാലങ്ങളിൽ വീടിന്റെ പിൻഭാഗത്തുകൂടി പതുങ്ങിയെത്തി ഒളിഞ്ഞു നോട്ടവും മടങ്ങാനൊരുങ്ങുന്പോൾ മോഷണ സാധ്യതയും പരിശോധിക്കുന്ന കള്ളന്റെ ദൃശ്യം ഒരു നിരീക്ഷണ കാമറയിൽ പതിഞ്ഞത്. എസ്ഐ എം. സുധിലാലിന്റെ നോതൃത്വത്തിലുള്ള പോലീസ് സംഘമാണ് ശനിയാഴ്ച പുലർച്ചയോടെ അറസ്റ്റു ചെയ്തത്.
Read Moreഫോണ് വിളിച്ചാൽ എടുക്കാറില്ല, പരാതി പറഞ്ഞാൽ ഉള്ള വെള്ളവും ഇല്ലാതാകും; കുടിവെള്ള പൈപ്പുപൊട്ടി ശുദ്ധജലം നഷ്ടപ്പെടുന്നു
എടത്വ: കുടിവെള്ള പൈപ്പുപൊട്ടി ശുദ്ധജലം നഷ്ടപ്പെടുന്നു. തലവടി പഞ്ചായത്തിന്റെ വിവിധ സ്ഥലങ്ങളിലാണ് പൈപ്പ് പൊട്ടിക്കിടക്കുന്നത്. ജലവിതരണ കേന്ദ്രത്തിലേക്കു ഫോണ് വിളിച്ചാൽ എടുക്കാറില്ലെന്നും പരാതി ബുക്കിൽ എഴുതിയിട്ടാൽ ആ പ്രദേശത്തേക്കുള്ള ജലവിതരണം നിർത്തുകയും ചെയ്യുമെന്ന് ഉപഭോക്താക്കൾ. തലവടി വെള്ളക്കിണറിനു സമീപവും, തലവടി ഗ്രാമപഞ്ചായത്തിനു സമീപം വാര്യത്തുകലുങ്കിലും സ്ഥാപിച്ചിട്ടുള്ള വാൽവുതകർന്ന് ആയിരക്കണക്കിനു ലിറ്റർ കുടിവെള്ളമാണ് തോട്ടിലേക്കും, പാടശേഖരങ്ങളിലേക്കും ഒഴുകിപ്പോകുന്നത്. പരാതി പറഞ്ഞാൽ ഈ പ്രദേശത്തേക്കുള്ള കുടിവെള്ളം മൊത്തമായി വാട്ടർ അഥോറിറ്റി അധികൃതർ ഇല്ലാതാക്കുമെന്നും പ്രദേശവാസികൾ പരാതി പറയുന്നു. പാടശേഖത്തിലെ കർഷകരും ഉപഭോക്താക്കളും നിരന്തരമായി പരാതിപ്പെട്ടതിനെ തുടർന്ന് വാൽവുകൾ നന്നാക്കാനെത്തിയില്ലെങ്കിലും ഈ പ്രദേശത്തേക്കുള്ള കുടിവെള്ള വിതരണം അധികൃതർ നിർത്തി വച്ചിരിക്കുകയാണ്. വാൽവുകൾ തകർന്നതു കൂടാതെ ഇടവഴികളിൽ മിക്കയിടത്തും പൈപ്പുപൊട്ടി റോഡിലൂടെ ശുദ്ധജലം ഒഴുകി പോകുന്ന കാഴ്ചയും കാണാം. വെള്ളം റോഡിലേക്ക് ഒഴുകാൻ തുടങ്ങിയിട്ട് മാസങ്ങളായിട്ടുണ്ടെന്നാണ് നാട്ടുകാർ പറയുന്നത്. നീരേറ്റുപുറം-കിടങ്ങറ റോഡിൽ പത്തിലേറെ…
Read Moreഇനിയും മിണ്ടാതിരിക്കാനാവില്ല..! പാഴ്വസ്തുവിനെയാണ് ഇത്രയും കാലം സിപിഎം ചുമന്നതെന്നും ഇനിയിത് സഹിക്കുവാൻ പറ്റില്ല ; സിപിഐയുടെ മുന്നണി മര്യാദ ലംഘനം വച്ചുപൊറുപ്പിക്കാനാവില്ലെന്നും കുട്ടനാട് ഏരിയാസമ്മേളനം
കാവാലം: മുന്നണിയിലെ രണ്ടാമത്തെ കക്ഷിയായ സിപിഐക്കും എൻസിപിക്കും സിപിഎം കുട്ടനാട് ഏരിയാ സമ്മേളനത്തിൽ ശക്തമായ വിമർശനം.ഇന്നലെ കാവാലത്താരംഭിച്ച സമ്മേളനത്തിന്റെ തുടക്കത്തിൽ തന്നെ സിപിഎം തങ്ങളുടെ നിലപാട് വ്യക്തമാക്കി. ചാലയിൽ പുരയിടത്തിൽ പ്രത്യേകം തയാറാക്കിയ പന്തലിൽ ആരംഭിച്ച പ്രതിനിധി സമ്മേളനം ഉദ്ഘാടനം ചെയ്ത സിപിഎം സംസ്ഥാന സമിതിയംഗവും മുൻ എംപിയുമായ സി.എസ്. സുജാതയാണ് സിപിഐക്കെതിരെ വിമർശനം ഉന്നയിച്ചത്. ഘടകകക്ഷികൾ മുന്നണി മര്യാദ ലംഘിക്കുന്പോൾ മിണ്ടാതിരിക്കാനാവില്ലെന്നാണ് ഇന്നലെ സിപിഐക്കെതിരെ സുജാത പരോക്ഷമായി പറഞ്ഞത്. എൽഡിഎഫിലെ ചില കക്ഷികളിൽ നിന്നും സർക്കാരിന് അവമതിപ്പുണ്ടാക്കാനുള്ള ബോധപൂർവമായ ശ്രമങ്ങൾ ഉണ്ടാകുന്നുണ്ട്. ഇത് മുന്നണിയുടെ കെട്ടുറപ്പിനെ ബാധിക്കുമെന്ന് കരുതിയാണ് ഇത്തരം സന്ദർഭങ്ങളിൽ മിണ്ടാതിരിക്കുന്നത്. സിപിഎം ആണ് മുന്നണിയെ നയിക്കുന്നത്. അതിനാൽ ഇത്തരം നടപടികൾ അധികമായാൽ പാർട്ടിക്ക് നിലപാട് സ്വീകരിക്കേണ്ടി വരുമെന്നും അവർ മുന്നറിയിപ്പു നൽകി. സമ്മേളനത്തിൽ മുൻ ഗതാഗത മന്ത്രിയും കുട്ടനാട് എംഎൽഎയുമായ തോമസ് ചാണ്ടിക്ക്…
Read Moreജാതി മത ശക്തികളെ തങ്ങൾക്കൊപ്പം കൂട്ടില്ലെന്ന കോടിയേരിയുടെ പ്രസ്താവന 2017ലെ ഏറ്റവും വലിയ തമാശയെന്ന് വെള്ളാപ്പള്ളി
ചേർത്തല: ജാതി മത ശക്തികളെ തങ്ങൾക്കൊപ്പം കൂട്ടില്ലെന്ന സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മതേതര വാദം 2017- ലെ വലിയ തമാശയാണെന്ന് എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ പറഞ്ഞു. എസ്എൻഡിപി യോഗം ചേർത്തല യൂണിയന്റെ ആഭിമുഖ്യത്തിൽ പാതിരാമണൽ ദ്വീപിൽ നടത്തിയ ഏകദിന പഠന ക്യാന്പ് ഉദ്ഘാടനം ചെയ്യുകയായിരുന്നു അദ്ദേഹം. ജാതി മത ശക്തികളെ സംരക്ഷിച്ചും താലോലിച്ചും കൂടെ കൂട്ടിയിട്ടാണ് സിപിഎം നേതാവിന്റെ മതേതര വാദം. പിന്നോക്ക വിഭാഗങ്ങളുടെ സംഘടനകളിൽ മാത്രമാണ് സിപിഎം വർഗീയത കാണുന്നത്. മുൻ യൂണിയൻ കൗണ്സിലർ കെ.വി. സാബുലാൽ അധ്യക്ഷനായി. യൂണിയൻ കണ്വീനർ കെ.കെ. മഹേശൻ, വി. ശശികുമാർ, തുളസീദായി വിശ്വനാഥൻ, ജയകുമാർ തുടങ്ങി യവർ പ്രസംഗിച്ചു. പ്രീതി നടേശൻ ഭദ്രദീപ പ്രകാശനം നടത്തി. ബിജു പുളിക്കലേത്ത്െ, സൈജു കൊല്ലം, പി.എസ്.എൻ ബാബു എന്നിവർ ക്ലാസെടുത്തു.
Read More