പൂച്ചാക്കൽ: ആശുപത്രികളിൽ വേണ്ടത്ര ആംബുലൻസുകളില്ലാത്തതിനാൽ രോഗികൾ വലയുന്നു. അപകടത്തിൽപ്പെടുന്നവരെ ആശുപത്രികളിൽ എത്തിക്കാൻ നിസ്സഹായരായി ഓട്ടോയ്ക്കും, കാറിനും കൈ നീട്ടേണ്ട അവസ്ഥയാണ്. ഇങ്ങനെയുള്ള വാഹനങ്ങൾ അപകടത്തിൽ പെടുന്നവരെ കയറ്റാൻ പലപ്പോൾ വിസമ്മതിക്കാറുമുണ്ട്. തൈക്കാട്ടുശേരി ബ്ലോക്ക് പഞ്ചായത്ത് പരിധിയിൽ മൂന്നു സാമൂഹിക ആരോഗ്യ കേന്ദ്രങ്ങളുള്ളതിൽ മൂന്നിലും ആംബുലൻസില്ലെന്നതാണ് പ്രശ്നം. അരൂക്കുറ്റി സാമൂഹിക ആരോഗ്യ കേന്ദ്രത്തിൽ ’108’ ആംബുലൻസ് പദ്ധതി ഉണ്ടായിരുന്നെങ്കിലും ആംബുലൻസ് അപകടത്തിൽപെട്ട് നന്നാക്കാൻ കൊണ്ടുപോയത് തിരിച്ചുവന്നില്ല. ഇതിന്റെ കാരണം അധികൃതർക്കു പോലും അറിയില്ല. തൈക്കാട്ടുശേരി സാമൂഹിക ആരോഗ്യ കേന്ദ്രത്തിൽ ടി.എൻ.സീമ എംപിയുടെ പ്രാദേശിക വികസന പദ്ധതിയിൽ ഉൾപ്പെടുത്തി ആംബുലൻസ് അനുവദിച്ചെങ്കിലും ഡ്രൈവർക്ക് ശന്പളം നൽകാനും മറ്റു ചെലവുകൾക്കും ആശുപത്രി വികസന സമിതിക്കു ഫണ്ടില്ലെന്ന കാരണത്താൽ തിരിച്ചയച്ചു. പെരുന്പളം ദ്വീപ് സാമൂഹിക ആരോഗ്യ കേന്ദ്രത്തിലും ആംബുലൻസില്ല. അത്യാവശ്യ സമയത്ത് ഉപയോഗിക്കാൻ ബോട്ട് ആംബുലൻസ് മാത്രമാണുള്ളത്. ഇതാണെങ്കിൽ ഉപയോഗിക്കാതെ ജെട്ടിയിൽ കിടന്നു…
Read MoreCategory: Alappuzha
തോട്ടപ്പള്ളി തീരം തെരഞ്ഞെടുക്കാൻ ഉള്ള കാരണം ഇങ്ങനെ..! പല്ലന തീരത്ത് കടലാമകൾ പ്രജനനത്തിനായി എത്തിത്തുടങ്ങി; വംശനാശ ഭീഷണി നേരിടുന്ന ഒലിവ് റിഡ് ലി ഇനത്തിൽപെട്ട കടലാമകളാണ് കരയിലേക്ക് എത്തിയത്
ആലപ്പുഴ: വംശനാശ ഭീഷണി നേരിടുന്ന കടലാമകൾ പ്രജനനത്തിനായി തോട്ടപ്പള്ളി പല്ലന തീരങ്ങളിലേക്ക് എത്തിത്തുടങ്ങി. പല്ലന കുമാരകോടി ജംഗ്ഷനു പടിഞ്ഞാറു വശത്തുനിന്നും ഇന്നു പുലർച്ചെ 2.30 ഓടെ മുട്ടയിടാൻ തീരത്തെത്തിയ ഒലിവ് റിഡ് ലി ഇനത്തിൽ പെട്ട കടലാമ 142 മുട്ടകൾ കരയിൽ നിക്ഷേപിച്ച് കടലിലേക്കു മടങ്ങി. കടലാമ നിരീക്ഷണത്തിനായി എത്തിയ ഗ്രീൻ റൂട്ട്സ് പ്രവർത്തകരായ സജിജയമോഹൻ, എം.ആർ. ഓമനക്കുട്ടൻ, വി. പ്രശോഭ്കുമാർ എന്നിവരാണ് കടലാമ മുട്ടയിടാൻ കയറിയത് തിരിച്ചറിഞ്ഞത്. ഏകദേശം ഒരു മണിക്കൂറോളം കടലാമയ്ക്കു മറ്റുശല്യങ്ങൾ ഉണ്ടാകാതിരിക്കാൻ കാവൽ നിന്ന് ഈ മുട്ടകൾ ശേഖരിച്ചു ഹാച്ചറിയിലേക്കു മാറ്റി. ഈ സീസണിൽ പല്ലന തീരത്തുനിന്നു മാത്രം മൂന്നുകൂട് കടലാമ മുട്ടകളാണ് ലഭിച്ചത്. ആലപ്പുഴ ജില്ലാ സോഷ്യൽ ഫോറസ്ട്രി വിഭാഗത്തിന്റെ കൂടി സഹകരണത്തോടെയാണ് ഗ്രീൻ റൂട്സ് പ്രവർത്തകർ കടലാമ സംരക്ഷണം നടത്തുന്നത്. ഒരു തീരത്തുനിന്നും വിരിഞ്ഞുപോകുന്ന കടലാമകൾ മുട്ടയിടാറാകുന്പോൾ അതേ…
Read Moreആതിരയുടെ രാത്രി സഞ്ചാരം എങ്ങോട്ട് ..! പെൺകുട്ടിയെ രാത്രികാലങ്ങളിൽ ബന്ധുവായ സ്ത്രീ കൂട്ടിക്കൊണ്ടുപോകൽ; ഒടുവിൽ നാട്ടുകാർ ഇടപെട്ട് യുവതി തടഞ്ഞുവെച്ച് പോലീസിൽ ഏൽപ്പിച്ചു
ആലപ്പുഴ: ബന്ധുവായ പ്രായപൂർത്തിയാകാത്ത പെണ്കുട്ടിയെ രാത്രി കടത്തിക്കൊണ്ടുപോകാൻ ശ്രമിച്ച യുവതിയെ നാട്ടുകാർ പിടികൂടി പോലീസിലേൽപ്പിച്ചു. പുന്നപ്ര സ്വദേശി ആതിരയെയാണ് നഗരസഭാംഗത്തിന്റെ നേതൃത്വത്തിൽ നാട്ടുകാർ പിടികൂടി വനിത പോലീസിലേൽപ്പിച്ചത്. രോഗിയായ മാതാവിനും ശാരിരിക ന്യൂനതയുള്ള പിതാവിനുമൊപ്പം കഴിയുന്ന പെണ്കുട്ടിയെ യുവതി കുറച്ചുനാളുകളായി രാത്രി വീട്ടിൽ നിന്നും കൂട്ടിക്കൊണ്ടുപോകുന്നുണ്ടായിരുന്നു. സംഭവം ശ്രദ്ധയിൽപ്പെട്ട നാട്ടുകാർ ഇന്നലെ രാത്രി ഇവരെ പിടികൂടുകയായിരുന്നു. കസ്റ്റഡിയിലെടുത്ത യുവതിയെ പോലീസ് ചോദ്യം ചെയ്തുവരുകയാണ്.
Read Moreനിങ്ങൾക്കും പരീക്ഷിച്ച് നോക്കാം..! നെൽകർഷകർക്ക് ആശ്വാസമായി സോളർ കെണി; കീടങ്ങളെ തുരത്താൻ ഇനി രാസകീടനാശിനികൾ വേണ്ട; പരിസ്ഥിതി സൗഹൃദ സോളാർ കെണിക്കുറിച്ചറിയാം
കൊടുമണ്: നെൽകൃഷി നശിപ്പിക്കുന്ന പ്രാണികളെ തുരത്താൻ സ്ഥാപിച്ച സോളാർ വിളക്കുകൾ കർഷകർക്ക് ആശ്വാസമാകുന്നു. നെൽകൃഷിക്ക് നാശം ഉണ്ടാക്കുന്ന കീടങ്ങളെ സോളാർ കെണികൊണ്ട് തുരത്താനാകും. കീടങ്ങളെയും പ്രാണികളെയും തുരത്താൻ രാസകീടനാശിനികളാണ് കർഷകർ പൊതുവെ പാടശേഖരങ്ങളിൽ തളിച്ചിരുന്നത്. പാടശേഖരങ്ങളിൽ സോളാർകെണികൾ സ്ഥാപിച്ചതോടെ രാസകീടനാശിനികളുടെ പ്രയോഗം ഒരുപരിധി വരെ ഒഴിവാക്കാൻ സാധിക്കുമെന്ന് കർഷകർ പറയുന്നു. കീടനാശിനികളുടെ പ്രയോഗം കാരണം അന്തരീക്ഷവും മണ്ണും വിളകളും ഒരേപോലെ മലിനപ്പെട്ടിരുന്നു. ഇത് ഒഴിവാക്കാനാണ് കൃഷിവകുപ്പ് പാടശേഖരങ്ങളിൽ ഇത്തരത്തിലൊരു പദ്ധതി ആവിഷ്കരിച്ചത്. സോളാർ വിളക്ക് നെൽകൃഷിക്കാണ് ഏറെ പ്രയോജനപ്പെടുന്നത്. ഒരു സോളാർ പാനൽ, എൽഇഡി ബൾബ്, വായ്ഭാഗം വലകൊണ്ട് മൂടിയ കപ്പ് എന്നിവ ഘടിപ്പിച്ച സ്റ്റാൻഡ് പാടശേഖരങ്ങളിൽ ഉറപ്പിക്കുന്നു. സൗരോർജം ആഗിരണം ചെയ്ത് കെണിയിലെ ബാറ്ററി ചാർജാവുകയും രാത്രി കാലങ്ങളിൽ പാനലിലെ ബൾബ് കത്തുകയും ചെയ്യും. വെളിച്ചം കണ്ട് സോളാറിലേക്ക് ആകർഷിക്കുന്ന പ്രാണികൾ വലമൂടിയ കപ്പിലേക്ക് വീഴുന്നു.…
Read Moreബസിൽ യാത്രക്കാരിക്ക് നേരെ അശ്ലീല ആംഗ്യം കാട്ടിയ ഡ്രൈവറെ അറസ്റ്റു ചെയ്തു; കരുനാഗപ്പള്ളി സ്വദേശി നൗഷാദാണ് പിടിയിലായത്
അടൂർ: യാത്രക്കാരിയായ വനിതാ ഡോക്ടർുക്കു നേരെ അശ്ലീല ആംഗ്യം കാട്ടിയെന്ന പരാതിയിൽ സ്വകാര്യ ബസ് ഡ്രൈവറെ അറസ്റ്റ് ചെയ്തു. കരുനാഗപ്പളളി-അടൂർ-കൊടുമണ്-പത്തനംതിട്ട റൂട്ടിലോടുന്ന ശ്രീദേവി ബസിലെ ഡ്രൈവർ കരുനാഗപ്പള്ളി തഴവ ചീരൻകുളത്ത് പുത്തൻവീട്ടിൽ നൗഷാദി(30)നെയാണ് അടൂർ ഡിവൈഎസ്പി ആർ ജോസ്, കൊടുമണ് അഡീഷണൽ എസഐ രാജീവ് ചേർന്ന് കരുനാഗപ്പളളിയിൽ നിന്ന് അറസ്റ്റ് ചെയ്തത്. സ്ത്രീത്വത്തെ അപമാനിക്കൽ, അശ്ലീലച്ചുവയോടെയുള്ള ആംഗ്യം കാണിക്കൽ എന്നിവയാണ് ഇയാൾക്കെതിരേ ചുമത്തിയിട്ടുള്ള കുറ്റമെന്ന് ഡിവൈഎസ്പി പറഞ്ഞു. ഞായറാഴ്ച രാവിലെ അടൂരിൽ നിന്ന് കൊടുമണ്ണിലേക്ക് യാത്ര ചെയ്ത കൊല്ലം സ്വദേശിയായ വനിതാ ആയുർവേദ ഡോക്ടറെയാണ് നൗഷാദ് സീറ്റിന് പിന്നിലേക്ക് അംഗവിക്ഷേപം കാണിച്ചത്. ഏഴംകുളം മുതൽ കൊടുമണ് വരെയായിരുന്നു പ്രദർശനം. ഡോക്ടർ മൊബൈൽഫോണിൽ പകർത്തിയ വീഡിയോ ദൃശ്യം സുഹൃത്തായ മറ്റൊരു ഡോക്ടർ സമൂഹമാധ്യമങ്ങളിൽ പോസ്റ്റ് ചെയ്തു. പിന്നാലെ പത്തനംതിട്ട ആർടിഒ, ജില്ലാ പോലീസ് മേധാവി എന്നിവർക്ക് ഇ-മെയിൽ മുഖേനെ…
Read Moreതകർത്തു..തിമിർത്തു..പൊളിച്ചു..! കാണികൾക്ക് നവ്യാനുഭവമായി മന്ത്രി ജി സുധാകരന്റെ വരികൾക്കൊപ്പം ചുവട് വച്ച് എംപിയും എംഎല്എയും; ആലപ്പുഴ ജില്ലാസമ്മേളനത്തിലെ തിരുവാതിരയിലാണ് പ്രതിഭാഹരിയും സുജാതയും പങ്കെടുത്തത്
കായംകുളം: മന്ത്രി ജി.സുധാകരൻ രചിച്ച പാട്ടിന്റെ വരികൾക്കൊപ്പം എംഎൽഎയും മുൻ എംപിയുമടങ്ങുന്ന അംഗനമാരുടെ സംഘം ചുവടുവച്ച മെഗാതിരുവാതിര വേറിട്ടതായി. സിപിഎം ആലപ്പുഴ ജില്ലാ സമ്മേളനത്തിന് മുന്നോടിയായി ദേശീയ പാതയോരത്തെ കായംകുളം ഗോകുലം മൈതാനിയിലാണ് കസവ് മുണ്ടും മുല്ലപ്പൂവും ചൂടിയെത്തിയ എഴുനൂറോളം വരുന്ന മങ്കമാർ മെഗാതിരുവാതിരയിൽ ചുവടുവച്ചത്. ഇന്നലെ വൈകുന്നേരം അഞ്ചോടെയായിരുന്നു തിരുവാതിര. പൊതുമരാമത്ത് മന്ത്രി ജി സുധാകരൻ ചിട്ടപ്പെടുത്തിയ വരികൾ ചെട്ടികുളങ്ങര പഞ്ചായത്ത് പ്രസിഡന്റ് കൃഷ്ണമ്മയും സംഘവുമാണ് ആലപിച്ചത്. പാട്ടിന്റെ വരികൾക്കൊപ്പം എംഎൽഎ പ്രതിഭാ ഹരിയും മുൻ എംപി സി.എസ്. സുജാതയും കസവുമുണ്ടുടുത്ത് അംഗനമാർക്കൊപ്പം മൈതാനിയിൽ ചുവടുവച്ചതോടെ കാണികൾക്ക് ഇത് നവ്യാനുഭവമായി. ജില്ലയിലെ വിവിധ ലോക്കൽ കമ്മറ്റികളിൽ നിന്നുമെത്തിയ പാർട്ടി പ്രവർത്തകരായ വനിതകളും മഹിളാ അസോസിയേഷൻ അംഗങ്ങളും,ജനപ്രതിനിധികളുമാണ് തിരുവാതിരയിൽ അണിനിരന്നത്. ആലപ്പുഴയുടെ കമ്മ്യുണിസ്റ്റ് വിപ്ലവ ചരിത്രവും, പുന്നപ്ര വയലാർ സമരവും, കേരളത്തിന്റെ സാംസ്ക്കാരിക പൈതൃകവും ഉൾപ്പെടുത്തിയ വരികളായിരുന്നു…
Read Moreസ്ഥിരം യാത്രക്കാരിയായ വനിതാ ഡോക്ടറെ അശ്ലീല ആംഗ്യങ്ങൾ കാട്ടിയ ഡ്രൈവർക്കെതിരേ നടപടി; ഡ്രൈവറുടെ ലൈസൻസ് സസ്പെൻഡ് ചെയ്തു
പത്തനംതിട്ട: സ്ഥിരം യാത്രക്കാരിയായ വനിതാ ഡോക്ടറോട് ബസ് ഡ്രൈവർ അശ്ലീല ആംഗ്യം കാട്ടിയതായി പത്തനംതിട്ട ആർടിഒയ്ക്ക് പരാതി. പത്തനംതിട്ട ജില്ലാ ആയുർവേദ ആശുപത്രിയിലെ വനിതാ ഡോക്ടറാണ് ഡ്രൈവർക്കെതിരെ സുഹൃത്തായ പുരുഷ ഡോക്ടർ മുഖാന്തിരമായി പരാതി നൽകിയത്. ഇന്നലെ രാവിലെ 9. 30 ഓടെ കൊടുമൺ – പത്തനംതിട്ട റൂട്ടിൽ ഓടുന്ന ശ്രീദേവി ബസിലെ ഡ്രൈവർ സീറ്റിന് പിന്നിലിരുന്ന വനിതാ ഡോക്ടറെ ഹീനമായ തരത്തിലുള്ള അശ്ലീല ആംഗ്യങ്ങൾ കാണിക്കുകയായിരുന്നു. സീറ്റിൽ ഇരുന്നയുടൻ തന്നെ ബസിന്റെ റിയർ വ്യു മിററിലൂടെ നിരീക്ഷിച്ച് വലത് കൈ പിന്നിലേക്ക് വളച്ച് നിരവധി തവണ അശ്ലീല ആംഗ്യം കാണിച്ചു. ഭയന്ന് പോയ ഡോക്ടർ ഇയാളുടെ പ്രവൃത്തികൾ മൊബൈലിൽ പകർത്തി സുഹൃത്തായ ഡോക്ടർ മുഖാന്തിരം പത്തനംതിട്ട ആർടിഒയ്ക്ക് പരാതി നൽകുകയുമായിരുന്നു. പിന്നീട് ഈ വീഡിയോകൾ ഫേസ് ബുക്കിലും പോസ്റ്റ് ചെയ്തു. പരാതിയെ തുടർന്ന് ഡ്രൈവറുടെ ലൈസൻസ്…
Read Moreവെട്ടിനിരത്തൽ തുടരുന്നു..! ആലപ്പുഴ ജില്ലാ സമ്മേളനത്തിൽ നിന്നും വിഎസ് വിട്ടുനിന്നു; മൂന്നു ദിവസത്തെ സമ്മേളന പ്രതിനിധികളുടെ പട്ടികയിൽ ആദ്യം വിഎസിന്റെ പേരില്ലായിരുന്നെന്ന് ആക്ഷേപം
കായംകുളം(ആലപ്പുഴ): സിപിഎം ആലപ്പുഴ ജില്ലാ സമ്മേളനത്തിനു മുന്നോടിയായി സംഘടിപ്പിച്ച സെമിനാറിന്റെ ഉദ്ഘാടന ചടങ്ങിൽനിന്നു മുതിർന്ന നേതാവ് വി.എസ്. അച്യുതാനന്ദൻ വിട്ടുനിന്നു. കായംകുളം ദേവികുളങ്ങരയിൽ സംഘടിപ്പിച്ച “നവോത്ഥാന മൂല്യങ്ങളും വർത്തമാന കേരളീയ സമൂഹവും’ എന്ന വിഷയത്തിലുള്ള സെമിനാറിന്റെ ഉദ്ഘാടനത്തിൽനിന്നാണ് വി.എസ് വിട്ടുനിന്നത്. അനാരോഗ്യംമൂലമാണ് വി.എസ് വിട്ടുനിന്നതെന്നാണ് ഒൗദ്യോഗിക വിശദീകരണം. എന്നാൽ സ്വന്തം ജില്ലയിൽ നടക്കുന്ന സമ്മേളനത്തിൽ മുതിർന്ന നേതാവായിട്ടുപോലും വി.എസിന് മതിയായ പ്രാതിനിധ്യം ലഭിച്ചില്ലന്ന പ്രതിഷേധം ജില്ലയിലെ പാർട്ടിക്കുള്ളിലെ ഒരു വിഭാഗത്തിനുണ്ട്. ഇതുപ്രകടമാകുന്ന തരത്തിൽ പ്രതിഷേധ സൂചകമായിട്ടാണ് വി.എസ് വിട്ടുനിന്നതെന്നും സൂചനയുണ്ട്. കൂടാതെ, ആദ്യം തീരുമാനിച്ച മൂന്നു ദിവസം പങ്കെടുക്കുന്ന സമ്മേളന പ്രതിനിധികളുടെ പട്ടികയിൽ, ജില്ലയിലെ മുതിർന്ന നേതാവായിട്ടുപോലും വിഎസിന്റെ പേരില്ലായിരുന്നു. പിന്നീട് പാർട്ടിക്കുള്ളിൽനിന്നുതന്നെ പ്രതിഷേധം ഉയർന്നതിനെ തുടർന്നു മൂന്നുദിവസം പങ്കെടുക്കുന്ന സമ്മേളന പ്രതിനിധികളുടെ ലിസ്റ്റിൽ വിഎസിനെ ഉൾപ്പെടുത്തുകയായിരുന്നു.
Read Moreവാർത്താപ്രാധാന്യത്തിനായിരുന്നെങ്കിൽ..! വി.ടി ബൽറാം തുണിയുരിഞ്ഞ് ഓടിയെങ്കിൽ കൂടുതൽ വാർത്തയായേനെ; അഹങ്കാരത്തിന് കൈയും കാലും വച്ചയാളാണ് സുധീരനെന്ന് വെള്ളാപ്പളളി
ചേർത്തല: വി.ടി ബൽറാം എംഎൽഎ ചാനലുകാരെ വിളിച്ചു വരുത്തിയ ശേഷം സ്വന്തം തുണിയുരിഞ്ഞിട്ട് ഓടിയിരുന്നെങ്കിൽ ഇതിനേക്കാൾ വാർത്താപ്രാധാന്യം ലഭിക്കുമായിരുന്നെന്ന് എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ പറഞ്ഞു. എസ്എൻഡിപി യോഗം വാർഷികസമ്മേളനത്തിനു ശേഷം മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. ബൽറാമിന്േറത് അനവസരത്തിൽ പറഞ്ഞ അനാവശ്യമാണ്. എകെജിയും സുശീല ഗോപാലനും മരിച്ചു മണ്ണടിഞ്ഞു. വാർത്ത കിട്ടാൻ വേണ്ടി ബാലിശമായ കാര്യങ്ങൾ പറയുന്നത് ശരിയല്ല. വി.എം സുധീരനുമായി നോക്കുന്പോൾ എം.എം ഹസൻ ജനകീയനാണ്. അണികളെ ഒത്തൊരുമിച്ച് കൊണ്ടുപോകാൻ അദ്ദേഹത്തിനു കഴിയുന്നുണ്ട്. വി.ഡി സതീശൻ യജമാനഭക്തിയുള്ളയാളാണ്. ഇതാണ് സുധീരന് വേണ്ടി ശബ്ദമുയർത്താൻ കാരണം. മണിയാശാന്റെ ഭാഷ സുധീരനെതിരെ ഞാൻ പറഞ്ഞിട്ടില്ല. അഹങ്കാരത്തിന് കൈയും കാലും വച്ചയാളാണ് സുധീരൻ. സമുദായത്തെയും വ്യക്തിപരമായി എന്നെയും തുടർച്ചയായി വേട്ടയാടുകയാണ്. ഓഖി ദുരന്തമുഖത്ത് മുഖ്യമന്ത്രി പൊടുന്നനെ എത്തരുതെന്ന് അദ്ദേഹത്തിന്റെ സുരക്ഷാ ചുമതലയുള്ളവരാണ് നിർദ്ദേശിച്ചത്. അവിടെയെത്തിയ അദ്ദേഹത്തെ അപമാനിച്ചത്…
Read Moreപാവങ്ങളെ ശരിയാക്കും..! പിണറായി സർക്കാരിന്റെ പ്രധാന വികസന അജണ്ട പാവങ്ങളുടെ സംരക്ഷണം: മന്ത്രി തോമസ് ഐസക്
കായംകുളം : പിണറായി സർക്കാരിന്റെ പ്രധാന വികസന അജണ്ട പാവങ്ങൾക്ക് സന്പൂർണ സംരക്ഷണം ഒരുക്കുക എന്നുള്ളതാണന്ന് ധനമന്ത്രി ഡോ. ടി എം തോമസ് ഐസക്. സിപിഐ എം ആലപ്പുഴ ജില്ലാ സമ്മേളനത്തിന്റെ ഭാഗമായി കരീലക്കുളങ്ങരയിൽ നടത്തിയ സെമിനാർ ഉദ്ഘാടനം ചെയ്യുകയായിരുന്നു അദ്ദേഹം. ഇടതുപക്ഷത്തിന്റെ അടിത്തറ പാവപ്പെട്ടവരും സാധാരണക്കാരുമാണ് അവരെ സംരക്ഷിക്കുന്ന തരത്തിലേ എല്ലാ വികസന പ്രവർത്തനങ്ങളും നടപ്പാക്കൂ എന്നും അദ്ദേഹം പറഞ്ഞു. ആലപ്പുഴയിൽ അഞ്ച് ലക്ഷം ടൂറിസ്റ്റുകളാണ് വിനോദ സഞ്ചാരത്തിനായി വന്നു പോകുന്നത്. അതിനാൽ ടൂറിസത്തിന്റെ സാധ്യതകളിലൂടെയും പൈതൃക നഗരമെന്ന നിലയിലും ആലപ്പുഴയുടെ മുഖച്ഛായ മാറ്റുമെന്നും മന്ത്രി പറഞ്ഞു. മന്ത്രി ജി സുധാകരൻ അധ്യക്ഷത വഹിച്ചു. മന്ത്രി കടന്നപ്പള്ളി രാമചന്ദ്രൻ മുഖ്യപ്രഭാഷണം നടത്തി. സിപിഎം ജില്ലാ സെക്രട്ടറി സജി ചെറിയാൻ, സംസ്ഥാനകമ്മിറ്റിയംഗം സി.എസ്.സുജാത, എംഎൽഎമാരായ എ.എം. ആരിഫ്, ആർ. രാജേഷ്, യു. പ്രതിഭാഹരി, ജില്ലാ പഞ്ചായത്ത് പ്രസിഡന്റ്…
Read More