നിലന്പൂർ: വയനാട്ടിൽ പോലീസുമായുള്ള ഏറ്റുമുട്ടലിൽ മാവോയിസ്റ്റ് പ്രവർത്തകൻ പാണ്ടിക്കാട്ടെ സി.പി ജലീൽ വെടിയേറ്റു മരിച്ച സാഹചര്യത്തിൽ നിലന്പൂർ വനാതിർത്തികളിൽ സുരക്ഷ ശക്തമാക്കി പോലീസും തണ്ടർബോൾട്ടും. മലപ്പുറം ജില്ലയിൽ മാവോയിസ്റ്റ് ഭീഷണി നിലനിൽക്കുന്ന ഭാഗങ്ങളിലാണ് പ്രത്യേക സുരക്ഷാ സംവിധാനം ഏർപ്പെടുത്തിയത്. സംസ്ഥാനത്ത് ആദ്യമായി മാവോയിസ്റ്റുകൾ പോലീസുമായുള്ള ഏറ്റുമുട്ടലിൽ കൊലചെയ്യപ്പെട്ടത് 2016 നവംബർ 24നാണ് നിലന്പൂർ കരുളായി വനത്തിലെ ഉണക്കപ്പാറയിലാണ്. മാവോയിസ്റ്റ് കേന്ദ്ര കമ്മിറ്റിയംഗം കുപ്പു ദേവരാജ്, അജിത എന്നിവർ വെടിയേറ്റു മരിച്ചത്. രണ്ടരവർഷം തികയും മുന്പു വയനാട്ടിൽ വീണ്ടും പോലീസിന്റെ വെടിയേറ്റ് മാവോയിസ്റ്റ് മരണപ്പെട്ട സാഹചര്യത്തിൽ പ്രത്യാക്രമണം ഉണ്ടാകാനുളള സാധ്യത മുന്നിൽ കണ്ടാണ് സുരക്ഷ ശക്തമാക്കിയത്. സ്റ്റേഷനുകളിൽ കൂടുതൽ തണ്ടർ ബോൾട്ടുകളെ വിന്യസിച്ചിട്ടുണ്ട്. വഴിക്കടവ്, നിലന്പൂർ, എടക്കര പോലീസ് സ്റ്റേഷനുകളിൽ കന്പിവലയോടു കൂടിയ പ്രതിരോധ മതിലുകളാണ് ഒരുക്കിയിരിക്കുന്നത്. നാതിർത്തിയോട് ചേർന്ന് കിടക്കുന്ന വഴിക്കടവ്, പോത്തുകൽ, അമരന്പലം, പൂക്കോട്ടുംപാടം, കാളികാവ്…
Read MoreCategory: Kozhikode
പി.ജയരാജന്റെ സ്ഥാനാർഥിത്വം;കോഴിക്കോട് ജില്ലാ കമ്മിറ്റിയുടെ എതിർപ്പ് മറികടന്ന്
കൊയിലാണ്ടി: വടകര ലോക്സഭാ മണ്ഡലത്തിൽ കണ്ണൂർ ജില്ലാ സെക്രട്ടറിയായ പി.ജയരാജനെ സ്ഥാനാർഥിയാക്കാനുള്ള തീരുമാനം കോഴിക്കോട് ജില്ലാ കമ്മിറ്റിയുടെ എതിർപ്പ് മറികടന്നാണെന്ന് സൂചന സിപിഎം. ജില്ലാ കമ്മിറ്റി മുഹമ്മദ് റിയാസിനെയായിരുന്നു സ്ഥാനാർഥിയായി ആവശ്യപ്പെട്ടത്. എന്നാൽ സംസ്ഥാന കമ്മിറ്റി തീരുമാനം കോഴിക്കോട് ജില്ലാ കമ്മിറ്റിയെ അടിച്ചേൽപ്പിക്കുകയായിരുന്നു എന്നാണ് പറയുന്നത്. പി.ജയരാജന്റെ സ്ഥനാർത്ഥിത്വത്തിനെതിരെ ജില്ലാ കമ്മിറ്റിയിൽ വിമർശനമുയർന്നിരുന്നതായും പറയപ്പെടുന്നു. കാരണം വർഷങ്ങളായി വടകര മണ്ഡലത്തിൽ കണ്ണൂർ ലോബിയാണ് സ്ഥാനാർഥിയെ തീരുമാനിക്കുന്നതെന്നാണ് പറയുന്നത്. നേരത്തെ മത്സരിച്ച ഒ.ഭരതൻ, എ.എം.ഷംസീർ ,എ.കെ.പ്രേമജം ഇവരെല്ലാം കണ്ണൂർ ജില്ലക്കാരായിരുന്നു.സതീദേവിയെ മൽസരിപ്പിച്ചെങ്കിലും, പി. ജയരാജന്റെ സഹോദരിയായിരുന്നു. സഹോദരിക്ക് ശേഷം സഹോദരനെ സ്ഥാനാർഥിയാക്കിയതിലും. പ്രാദേശിക തലങ്ങളിൽ എതിർപ്പുയർന്നതായാണ് വിവരം. കോഴിക്കോട് ജില്ലയിൽ തന്നെ നിരവധി നേതാക്കൾ ഉണ്ടായിട്ടും പി.ജയരാജനെ സ്ഥാനാർഥിയാക്കിയത് ജില്ലയിലെ നേതാക്കളെ നിഷ്പ്രഭമാക്കുന്ന തരത്തിലായിരുന്നു തീരുമാനമെന്നാണ് പറയുന്നത്. മുന്നണി ഘടകകക്ഷികളായ സിപിഐക്കും, ജനതാദളിനും ജയരാജനെ സ്ഥാനാർഥിയാക്കിയതിൽ എതിർപ്പുണ്ടെന്നാണ് പറയുന്നത്.
Read Moreഡോ. മനോജ് – ജയശ്രീ ദമ്പതികളുടെ സ്വപ്നം ചെമ്പനോടയിൽ പൂവണിഞ്ഞു തുടങ്ങി
പേരാമ്പ്ര: ചക്കിട്ടപാറ ഗ്രാമപഞ്ചായത്തിലെ ചെമ്പനോട കടന്തറ പുഴയോരത്തെ ഒരേക്കർ സ്ഥലത്ത് പാവപ്പെട്ട 14 പേർക്കു വീടെന്ന സ്വപ്നം പൂവണിഞ്ഞു തുടങ്ങി. കല്ലാനോട്ടെ ഡോ. വി.കെ. മനോജിന്റെയും ഭാര്യ ജയശ്രീ ടീച്ചറുടെയും മക്കളുടെയും കരുണയുടെയും സ്നേഹത്തിന്റെയും പ്രതീകമാണിത്. ഈ കുടുംബത്തിന്റെ സ്വത്തായിരുന്നു ഈ സ്ഥലം. ഇവരുടെ ഉദ്യമത്തെക്കുറിച്ചു രാഷ്്ട്രദീപിക റിപ്പോർട്ട് നൽകിയിരുന്നു. കഴിഞ്ഞ വർഷം സെപ്റ്റംബറിൽ പെരുവണ്ണാമൂഴിയിൽ നടന്ന ചടങ്ങിൽ 14 കുടുംബങ്ങൾക്കു മന്ത്രി ടി.പി. രാമകൃഷ്ണൻ സ്ഥലത്തിന്റെ ഉടമസ്ഥാവകാശ രേഖ കൈമാറി.സ്ഥലം മാത്രമല്ല ഇവിടെ വീടു പണിതു കൊടുക്കാനും ഈ മാതൃകാ ദമ്പതികൾ സന്നദ്ധരായി. സ്നേഹിതരുടെയും ബന്ധുക്കളുടെയും സഹായം ഇതിനായി അവർ തേടിക്കൊണ്ടിരിക്കുന്നു. ഒട്ടേറെപ്പേർ സഹകരണവും സഹായവും നൽകുന്നുണ്ട്. അങ്ങനെ ഒൻപതു വീടുകളുടെ പണി തുടങ്ങി. ചിലത് ഭിത്തി വരെയായി. തറ കെട്ടിയതും വാനം മാന്തിയിട്ടിരിക്കുന്നതും കൂട്ടത്തിലുണ്ട്. പണത്തിന്റെ ലഭ്യതയനുസരിച്ച് പണികൾ നടന്നു കൊണ്ടിരിക്കുന്നു. അഞ്ചു വീടുകളുടെ…
Read Moreവീരേന്ദ്രകുമാറിനോട് സഹതാപം; ചെറുപാർട്ടികളെ സിപിഎം വിഴുങ്ങിയെന്ന് ചെന്നിത്തല
കോഴിക്കോട്: യുഡിഎഫ് വിട്ടുപോയ ലോക് താന്ത്രിക് ജനതാദളിന് എന്തു കിട്ടിയെന്ന് പ്രതിപക്ഷ നേതാവ് രമേശ് ചെന്നിത്തല. എം.പി.വീരേന്ദ്രകുമാർ ഇക്കാര്യം വ്യക്തമാക്കണം. യുഡിഎഫ് വിട്ട് എൽഡിഎഫിനൊപ്പം പോയ പാർട്ടിക്ക് എന്ത് ഗുണമുണ്ടായെന്ന് പാർട്ടി പ്രവർത്തകർ ആലോചിക്കണമെന്നും വീരേന്ദ്രകുമാറിനോട് സഹതാപം മാത്രമാണെന്നും പ്രതിപക്ഷ നേതാവ് പറഞ്ഞു. ചെറുപാർട്ടികളെ വിഴുങ്ങുന്ന സമീപനമാണ് സിപിഎമ്മിന്റേത്. സിപിഐയും സിപിഎമ്മും അല്ലാതെ മറ്റ് പാർട്ടികൾക്കൊന്നും എൽഡിഎഫിൽ നിലനിൽപ്പില്ലെന്നും രമേശ് ചെന്നിത്തല കുറ്റപ്പെടുത്തി.
Read Moreസർക്കാരിന്റെ നയമില്ലായ്മ; വൈത്തിരി സംഭവം മുഖ്യമന്ത്രി ജനങ്ങളോട് വിശദീകരിക്കണമെന്ന് പ്രതിപക്ഷ നേതാവ്
കോഴിക്കോട്: വൈത്തിരിയിലുണ്ടായ മാവോയിസ്റ്റ് വേട്ടയുമായി ബന്ധപ്പെട്ട സംഭവങ്ങൾ മുഖ്യമന്ത്രി ജനങ്ങളോട് വിശദീകരിക്കണമെന്ന് പ്രതിപക്ഷ നേതാവ് രമേശ് ചെന്നിത്തല. ജനങ്ങളെ വസ്തുതകൾ ബോധ്യപ്പെടുത്താൻ മുഖ്യമന്ത്രി തയാറാവണം. മാവോയിസ്റ്റുകളെ നിയന്ത്രിക്കുന്നതിൽ സർക്കാർ പരാജയപ്പെട്ടെന്നാണ് വൈത്തിരി വെടിവയ്പ് ചൂണ്ടിക്കാട്ടുന്നതെന്നും അദ്ദേഹം പറഞ്ഞു. പിണറായി സർക്കാർ അധികാരത്തിൽ എത്തിയ ശേഷം മൂന്നു മാവോയിസ്റ്റുകളാണ് പോലീസ് വെടിവയ്പിൽ കൊല്ലപ്പെട്ടത്. സർക്കാരിന്റെ നയമില്ലായ്മയാണ് ഇതിലേക്ക് നയിച്ചതെന്നും ചെന്നിത്തല പറഞ്ഞു. മുൻ സർക്കാരിന്റെ കാലത്ത് രൂപേഷിനെയും ഷൈനിയേയും തുള്ളിരക്തം വീഴ്ത്താതെയാണ് പിടികൂടിയത്. അവരെ നിയമത്തിന്റെ മുന്നിലെത്തിക്കാൻ അന്നത്തെ സർക്കാരിനു സാധിച്ചെന്നും അദ്ദേഹം കൂട്ടിച്ചേർത്തു. മുൻപ് മാവോയിസ്റ്റുകൾ കൊല്ലപ്പെട്ടപ്പോൾ സർക്കാരിനെതിരെ ആഞ്ഞടിച്ച സിപിഐ സംസ്ഥാന സെക്രട്ടറി കാനം രാജേന്ദ്രന്റെ നാവ് ഇറങ്ങിപ്പോയോ എന്നും ചെന്നിത്തല ചോദിച്ചു. കാനം ഇതൊന്നും അറിഞ്ഞില്ലെന്നാണ് പറയുന്നത്. അദ്ദേഹം ടിവിയും പത്രവും കാണാറില്ലെ. കാനത്തിന്റെ നിലപാട് തന്നെ അദ്ഭുതപ്പെടുത്തുന്നതായും ചെന്നിത്തല പറഞ്ഞു.
Read Moreമുഖ്യമന്ത്രിക്കെതിരേ വാട്സ്ആപ്പ് പോസ്റ്റ്; സർക്കിൾ ഇൻസ്പെക്ടർക്ക് സസ്പെൻഷൻ
തിരുവനന്തപുരം: സമൂഹമാധ്യമത്തിൽ മുഖ്യമന്ത്രിയെ അവഹേളിച്ച എക്സൈസ് സർക്കിൾ ഇൻസ്പെക്ടർക്ക് സസ്പെൻഷൻ. സുൽത്താൻബത്തേരി എക്സൈസ് സർക്കിൾ ഇൻസ്പെക്ടർ വി. രാജേന്ദ്രനെയാണ് വാട്സ്ആപ്പ് പോസ്റ്റ് പ്രചരിപ്പിച്ചതിന്റെ പേരിൽ സസ്പെൻഡ് ചെയ്തത്. ഭരണഘടനാസ്ഥാപനങ്ങളിലുള്ളവരെ സർക്കാർ ഉദ്യോഗസ്ഥൻ നവമാധ്യമങ്ങളിലൂടെയും അല്ലാതെയും വിമർശിക്കുന്നതും അവഹേളിക്കുന്നതും കുറ്റകരമായതിനാലാണ് അച്ചടക്കനടപടിയെന്ന് എക്സൈസ് കമ്മീഷണർ അറിയിച്ചു.
Read Moreഡൽഹിയിലേക്കും നേരിട്ട് സർവീസ്; കരിപ്പൂരിൽ നിന്ന് 1750 രൂപയ്ക്ക് കണ്ണൂരിലേക്ക് പറക്കാം
കൊണ്ടോട്ടി: കരിപ്പൂരിൽ നിന്ന് ഏപ്രിൽ മുതൽ ഇനി കണ്ണൂരിലേക്കും ഡൽഹിയിലേക്കും കുറഞ്ഞ ചെലവിൽ പറക്കാം. എയർഇന്ത്യയാണ് വേനൽക്കാല ഷെഡ്യൂളിൽ ഡൽഹി-കരിപ്പൂർ-കണ്ണൂർ സെക്ടറിൽ ആഭ്യന്തര സർവീസ് ആരംഭിക്കുന്നത്. രാവിലെ ഒൻപതിന് ഡൽഹിയിൽ നിന്ന് പുറപ്പെടുന്ന വിമാനം ഉച്ചയ്ക്ക് 1.30ന് കരിപ്പൂരിലെത്തിയ ശേഷം കണ്ണൂരിലേക്ക് പോകും. തിരിച്ച് കരിപ്പൂരിലെത്തുന്ന വിമാനം വൈകുന്നേരം 4.30ന് ഡൽഹിയിലേക്ക് പറക്കും. 4000 രൂപയാണ് ഡൽഹി – കരിപ്പൂർ വിമാന നിരക്ക്. കണ്ണൂരിലേക്ക് 4300 രൂപ നൽകണം. കരിപ്പൂർ- കണ്ണൂർ സെക്ടറിലും ഇതോടെ വിമാനത്തിൽ പറക്കാനാകും. 1750 രൂപയാണ് കരിപ്പൂർ-കണ്ണൂർ നിരക്ക്. ആഭ്യന്തര സെക്ടറുകളെ ബന്ധപ്പെടുത്തി വിമാന സർവീസ് വർധിപ്പിക്കുന്നതിന്റെ ഭാഗമായാണ് പുതിയ സർവീസ്. ഡൽഹിയിൽ നിന്ന് കരിപ്പൂരിലേക്ക് നേരിട്ട് സർവീസില്ലാത്തത് യാത്രക്കാർക്ക് ഏറെ ദുരിതമായിരുന്നു.
Read Moreമലയങ്ങാട് തീപിടിത്തം; കത്തിച്ചാമ്പലായത് അമ്പതോളം കർഷകരുടെ 15 ഏക്കര് കൃഷിയിടം
നാദാപുരം: വാണിമേല് പഞ്ചായത്തിലെ മലയങ്ങാട് കൂത്താളി മലയോരത്തെ അഗ്നിയില് പതിനഞ്ചോളം ഏക്കര് കൃഷി ഭൂമി കത്തി ചാമ്പലായി. ഇന്നലെ ഉച്ചേയാടെയാണ്കൃഷിയിടത്തില് തീ ആളിപ്പടര്ന്നത്. പുന്നത്താനം ഫിലിപ്പ്, പാലോളി മത്തായി, വാണിമേല് സ്വദേശികളായ മറ്റ് കര്ഷകരുടെയും കാര്ഷിക വിളകളാണ് കത്തി നശിച്ചത്.അഞ്ച് ഏക്കറോളം റബ്ബര്, കശുമാവ്, കവുങ്ങ്, കുരുമുളക്, മൂന്ന് ഏക്കറോളം തേക്കിന് തോട്ടവുമാണ് കത്തി നശിച്ചത്. സ്വകാര്യ വ്യക്തിയുടെ കൃഷിയിടത്തില് നിന്നാണ് തീ പടര്ന്ന് പിടിച്ചത്.തീ കൃഷിയിടങ്ങളിലേക്ക് പടര്ന്നതോടെ നാട്ടുകാര് ഓടിയെത്തി തീ അണക്കാന് ശ്രമിക്കുകയായിരുന്നു.ഫയര്ഫോഴ്സില് വിവരം അറിയിക്കുകയും ചെയ്തു.ചേലക്കാട് നിന്ന് ഫയര്ഫോഴ്സ് സംഘം മലയങ്ങാട് എത്തിയെങ്കിലും ഫയര്ഫോഴ്സ് വാഹനം സംഭവ സ്ഥലത്ത് എത്താന് കഴിഞ്ഞില്ല. പാറക്കൂട്ടങ്ങള് നിറഞ്ഞ ഇടുങ്ങിയ വഴിയും ചെങ്കുത്തായ കയറ്റവുമായതിനാലാണ് വലിയ വാഹനത്തിന് എത്താന് കഴിയാതെ വന്നത്.രണ്ട് കിലോമീറ്ററോളം കാല് നടയായി എത്തിയാണ് ഫയര് ഫോഴ്സ് അംഗങ്ങള് കുന്നിന് മുകളില് എത്തിയത്.രാത്രി എട്ടിന്കുന്നിന്…
Read Moreനീതിയുക്തവും ഭയരഹിതവുമായ വോട്ടെടുപ്പ് ഉറപ്പുവരുത്താൻ പ്രശ്നബാധിത ബൂത്തുകളുടെ കണക്കെടുത്ത് പോലീസ്
വടകര: നീതിയുക്തവും ഭയരഹിതവുമായ വോട്ടെടുപ്പ് ഉറപ്പുവരുത്തുന്നതിനു പോലീസ് നടപടി തുടങ്ങി. ഇതിന്റെ ഭാഗമായി പ്രശ്നബാധിത ബൂത്തുകളുടെ കണക്ക് തയാറാക്കി ആവശ്യമായ കരുതൽ നടപടി പ്ലാൻ ചെയ്യുകയാണ് പോലീസ്.ഉത്തരമേഖലാ ഐജിയുടെ കീഴിൽ മലബാറിൽ അഞ്ച് ലോകസഭാ മണ്ഡലങ്ങളാണുള്ളത്. ഓരോ മണ്ഡലത്തിലും ആയിരത്തോളം പോളിംഗ് ബൂത്തുകളുണ്ട്. ഇവയുടെ കിടപ്പും പ്രാദേശിക പ്രാധാന്യവും മുൻകാല സവിശേഷതകളും പോലീസ് പരിശോധിക്കുകയാണ്. സംസ്ഥാനത്ത് തന്നെ ഏറ്റവും കൂടുതൽ സംഘർഷസാധ്യതയുള്ള ബൂത്തുകൾ കോഴിക്കോട്, കണ്ണൂർ, കാസർകോട് ജില്ലകളിലായാണ് കിടക്കുന്നത്. തെരഞ്ഞെടുപ്പു കമ്മീഷന്റെ നിർദേശ പ്രകാരം ജില്ലാ ഭരണകൂടവും പോലീസും തയ്യാറാക്കിയ വിശദാംശങ്ങളുടെ അടിസ്ഥാനത്തിലാണ് പ്രശ്നബാധിത ബുത്തുകൾ ഏതൊക്കെയാണെന്ന് കണ്ടെത്തുന്നത്. കാസർകോട്, കണ്ണൂർ, വടകര, കോഴിക്കോട്, വയനാട് എന്നീ ലോകസഭാ മണ്ഡലങ്ങളാണ് ഉത്തരമേഖലാ ഐജിയുടെ കീഴിൽവരുന്നത്. നാലു ജില്ലകളിൽ കോഴിക്കോട് റൂറൽ പോലീസ് പരിധിയിൽ വരുന്ന പ്രദേശങ്ങളിലെ പല ബൂത്തുകളും നേരത്തേ തന്നെ രാഷ്ട്രീയമായും സാമൂദായികമായും പ്രശ്നബാധിതമാണ്.…
Read Moreകാർ വാടകയ്ക്കെടുത്ത് വൻ തട്ടിപ്പ്; നടത്തിപ്പുകാർ മുങ്ങിയത് നൂറോളം ആഡംബര കാറുകളുമായി
ബാബു ചെറിയാൻ കോഴിക്കോട്: റെന്റ് എ കാർ സ്ഥാപനത്തിന്റെ മറവിൽ സംസ്ഥാനത്തിന്റെ വിവിധ ഭാഗങ്ങളിൽ നിന്ന് ആഡംബര കാറുകൾ വാടകയ്ക്കെടുത്ത് കോടികളുടെ തട്ടിപ്പ്. കാറുടമകളുടെ പരാതിയിൽ ആലുവ കേന്ദ്രമായി പ്രവർത്തിക്കുന്ന “സ്പാൻ കാർ’ എന്ന റെന്റ് എ കാർ സ്ഥാപനത്തിന്റെ ഉടമകളായ തൃശൂർ പുറനാട്ടുകര സ്വദേശി ചാത്തകൂടത്ത് വീട്ടിൽ സി.എ.ജിനീഷ്( 35), തൃശൂർ ഈസ്റ്റ്ഫോർട്ട് കിഴക്കുംപാട്ടുകര സ്വദേശി രേവതി നിവാസിൽ വി.എം.സിനോയ്( 37) എന്നിവർക്കെതിരേ ആലുവ ബിനാനിപുരം പോലീസ് ക്രിമിനൽ കേസുകൾ രജിസ്റ്റർ ചെയ്തു. നൂറോളം ആഡംബര കാറുകൾ തട്ടിയെടുത്ത് മുങ്ങിയെന്നാണ് പരാതി. ഇവയിൽ ഇരുപതോളം കാറുകൾ മലപ്പുറം, മഞ്ചേരി, കോഴിക്കോട് ഭാഗങ്ങളിൽനിന്ന് കാർ ഉടമകളുടെ സഹായത്തോടെ പോലീസ് കസ്റ്റഡിയിലെടുത്തു.ആറു മുതൽ 35 ലക്ഷം രൂപവരെ വിലവരുന്ന കാറുകൾ ഇവിടങ്ങളിൽ പണയത്തിന് വച്ചിരിക്കുകയായിരുന്നു. ഒരുലക്ഷം മുതൽ മൂന്നുലക്ഷം രുപവരെയാണ് ഇവർ സ്വകാര്യ ബാങ്കുകളിൽ നിന്ന് പണയമിനത്തിൽ കൈപ്പറ്റിയത്.…
Read More