കോഴിക്കോട്: ഹയര് സെക്കന്ഡറിയിലേക്ക് പ്രവേശനം നേടാന് വിദ്യാര്ഥികള് ഏക ജാലകം വഴി അപേക്ഷ സമര്പ്പിക്കുന്നതിന് തിരക്കേറിയപ്പോള് ആശങ്ക പരിഹരിക്കാന് നടപടികളായില്ല. യോഗ്യത നേടിയവരുടെ എണ്ണത്തിനനുസരിച്ച് സീറ്റുകള് ഇല്ലാത്തതാണ് ആശങ്കക്ക് കാരണം. സീറ്റ് വര്ധിപ്പിക്കുന്ന കാര്യത്തില് സര്ക്കാര് ഭാഗത്ത് നിന്ന് അനുകൂല നിലപാട് ഉണ്ടാകുന്നല്ലെങ്കില് ഇന്നത്തെ അവസ്ഥ വെച്ച് വലിയൊരു വിഭാഗം വിദ്യാര്ത്ഥികള് സീറ്റ് കിട്ടാതെ പുറത്ത് നില്ക്കേണ്ടി വരും. ഒരോ ദിവസം കഴിയുന്തോറും ഏക ജാലകം വഴി അപേക്ഷകരേറുകയാണ്. ജില്ലയില് നിന്ന് 43,896 വിദ്യാര്ഥികള് ഹയര് സെക്കന്ഡറി പഠനത്തിന് യോഗ്യരായെങ്കില് ആകെ 27,882 മെറിറ്റ് സീറ്റുകള് മാത്രമാണുള്ളത്. ഇതിനായി ഇതില് കൂടുതല് അപേക്ഷകള് ഓണ് ലൈന് വഴി ലഭിച്ചിട്ടുണ്ട്. മെറിറ്റ് വിഭാഗത്തില് ഇരുപത് ശതമാനം സീറ്റുകള് വര്ധിപ്പിക്കുന്നെന്നാണ് കേള്ക്കുന്നത്. എന്നാല് തന്നേയും നിരവധി പേര് പുറത്ത് തന്നെയായിരിക്കും.എയിഡഡ് സ്കൂളുകളിലെ മാനേജ്മെന്റ് സീറ്റുകളിലേക്കും,അണ് എയിഡഡ് സ്കൂളുകളിലെ സീറ്റുകളിലേക്കും അതത്…
Read MoreCategory: Kozhikode
മുഖം മൂടി ധരിച്ച് പെട്രോള് പമ്പിലെ തോക്കുചൂണ്ടി മോഷണം; അന്വേഷണം കാക്ക രഞ്ജിത്തിലേക്ക്?
മുക്കം( കോഴിക്കോട്): മുക്കം റോഡില് കളന് തോടില് പ്രവര്ത്തിക്കുന്ന പെട്രോള് പമ്പില് തോക്ക് ചൂണ്ടി 1,08,000 രൂപമോഷ്ടിച്ച സംഭവത്തില് അന്വേഷണം അടുത്തിടെ ജയിലില് നിന്നും പുറത്തിറങ്ങിയ കൊടും മോഷ്ടാവ് കാക്ക രഞ്ജിത്തിലേക്ക്. ഇയാള്ക്ക് നേരിട്ടോ അല്ലാതെയോ മോഷണത്തില് പങ്കുണ്ടാവെന്ന നിഗമനത്തിലാണ് പോലീസ്. ഔദ്യോഗികമായി പോലീസ് ഇക്കാര്യം സ്ഥിരീകരിച്ചിട്ടില്ലെങ്കിലും മോഷണ രീതികളിലെ സമാനതകളാണ് കാക്ക രഞ്ജിത്തിലേക്ക് അഷന്വേഷണം നീളാന് കാരണം. സംഭവത്തെ തുടര്ന്ന് അടുത്തിടെ പുറത്തിറങ്ങിയ ജയില്പുള്ളികളുടെ ലിസ്റ്റ് പോലീസ് തയ്യാറാക്കിയിരുന്നു. സംഭവം നടന്ന് ദിവസങ്ങള് പിന്നിട്ടിട്ടും ഇതുവരെ പ്രതികളെ പിടിക്കാന് കഴിയാത്തത് പോലീസിനും തലവേദനയായിരുന്നു. സംഭവ സമയം പെട്രോള് പമ്പിലെ സിസിടിവി കാമറ പ്രവര്ത്തിച്ചിരുന്നില്ല. ഇതാണ് പോലീസിനെ കുഴക്കുന്നത്. നോര്ത്ത് അസി.കമ്മീഷണര് പ്രിഥ്വിരാജിന്റെ മേല്നോട്ടത്തില് കുന്ദമംഗലം പോലീസാണ് കേസ് അന്വേഷിക്കുന്നത്. സമീപ ദിവസങ്ങളില് ജയിലില് നിന്നിറങ്ങിയ മോഷ്ടാക്കളെ കേന്ദ്രീകരിച്ചാണ് ആദ്യഘട്ടത്തില് പ്രധാനമായും അന്വേഷണം നടത്തിയത്. പമ്പിന് സമീപത്തെ…
Read Moreസിപിഎമ്മിനെതിരെ സോഷ്യല് മീഡിയയില് പോസ്റ്റ് ചെയ്തെന്നാരോപിച്ച് കെഎസ്യു പ്രവര്ത്തകന് ക്രൂരമർദനം
നാദാപുരം: സിപിഎം-ലീഗ് പ്രവര്ത്തകര് തമ്മില് സംഘര്്ഷാവസ്ഥ നിലനില്ക്കുന്ന അരൂര് കല്ലും പുറത്ത് കെഎസ്യു പ്രവര്ത്തകന് മര്ദനമേറ്റു.കോണ്ഗ്രസ് പ്രവര്ത്തകന് മലമ്മല് രാജന്റെ മകന് സായന്ത് (16)നാണ് മര്ദനമേറ്റത്. വെള്ളിയാഴ്ച ഉച്ചയ്ക്കുശേഷം മൂന്നരയോടെയാണ് സംഭവം. സിപിഎമ്മിനെതിരെ സോഷ്യല് മീഡിയയില് പോസ്റ്റ് ചെയ്തെന്നാരോപിച്ച് രണ്ടുപേര് ചേര്ന്ന് മര്ദിക്കുകയായിരുന്നെന്ന് സായന്ത് പോലീസിന് മൊഴി നല്കി. പ്രതികള് ഭീഷണിപ്പെടുത്തുകയും ചെയ്തതായി സായന്ത് പറഞ്ഞു. പരിക്കേറ്റ സായന്തിനെ നാദാപുരം ഗവ ആശുപത്രിയില് പ്രവേശിപ്പിച്ചു. സംഭവത്തില് പ്രദേശവാസികളായ രണ്ടുപേര്ക്കെതിരെ കേസെടുത്തതായി പോലീസ് പറഞ്ഞു.
Read Moreരാഷ്ട്രീയ കൊലപാതകം ; പിണറായി കേരളത്തെ ഒന്നാം സ്ഥാനത്തെത്തിച്ചു-എൻ.വേണു
വടകര: കേരളത്തിൽ രണ്ടു വർഷം കൊണ്ട് 25 രാഷ്ട്രീയ കൊലപാതകങ്ങൾ നടന്നു എന്നതാണ് പിണറായി സർക്കാരിന്റെ രണ്ടു വർഷത്തെ ഭരണ നേട്ടമെന്ന് ആർഎംപിഐ സംസ്ഥാന സെക്രട്ടറി എൻ.വേണു. ഭരിക്കുന്ന പാർട്ടി തന്നെ ആയുധം കൈയ്യിലെടുത്ത് കൊലയാളികളായി മാറിയ സാഹചര്യത്തിൽ രാഷ്ടീയ കൊലപാതകം അവസാനിപ്പിക്കാൻ കഴിയില്ല. മാഹിയിലെ രണ്ടു കൊലപാതകങ്ങൾ ഇതാണ് തെളിയിക്കുന്നത്. കൊലയാളി സംഘങ്ങൾക്ക് പൊലീസ് ഒത്താശ ചെയ്യുകയാണ്. ജയിലിൽ കഴിയുന്ന കൊലക്കേസ് പ്രതികൾക്ക് വീരപരിവേഷം നൽകുക വഴി ക്രിമിനലുകൾക്ക് കൊലപാതകം ചെയ്യാനുള്ള ആത്മബലം പകർന്ന് നൽകുകയാണ് സർക്കാർ. കൊലയാളി സംഘങ്ങൾക്ക് അഴിഞ്ഞാടാൻ പൊലീസിന്റെ കയ്യും കാലും കെട്ടിയിരിക്കുകയാണ്. പോലീസിനെ രാഷ്ട്രീയവൽക്കരിച്ച് സ്വതന്ത്രസ്വഭാവം നഷ്ടപ്പെട്ടതിനാൽ ജനങ്ങൾക്ക് സേനയിയിലുള്ള വിശ്വാസം നഷ്ടപ്പെട്ടു കഴിഞ്ഞു. മാഹി കൊലപാതകങ്ങളിലെ യാഥാർഥ പ്രതികളെയും ഗൂഢാലോചനക്കാരെയും പുറത്തു കൊണ്ടുവരാൻ പൊലീസിന് പൂർണ സ്വാതന്ത്ര്യം നൽകണമെന്നും വേണു പ്രസ്താവനയിൽ പറഞ്ഞു.
Read Moreഒരു വീട്ടിൽ 27 പേർ: ചീങ്ങോട് ഓടച്ചോല കോളനിയിൽ ദുരിതം; കോളനിക്കാരുടെ കഷ്ടപ്പാടുകൾ അറിയിച്ചിട്ടും തിരിഞ്ഞുനോക്കാതെ അധികൃതർ
നടവയൽ: പൂതാടി പഞ്ചായത്തിലെ പത്തൊന്പതാം വാർഡിലുള്ള ചീങ്ങോട് ഓടച്ചോല പണിയ കോളനി ദുരുതങ്ങൾക്ക് നടുവിൽ. വാസയോഗ്യമായ വീടും സഞ്ചാരയോഗ്യമായ വഴിയും ഇല്ലാതെ കഷ്ടപ്പെടുകയാണ് കോളനിവാസികൾ. ബിൽ അടയ്ക്കാത്തതിനെത്തുടർന്ന് വൈദ്യുതി ബന്ധം വിച്ഛേദിച്ചതും ദുരിതം വർധിപ്പിക്കുകയാണ്. സന്തോഷ്-അംബിക,മണി-ലത,അയ്യപ്പൻ- ലീലാമണി, വെള്ളി-മൂക്കി, ബെന്നി-തങ്കമ്മ, സുബ്രഹ്മണ്യൻ-ശാന്ത, അഭിലാഷ്-സിന്ധു ദന്പതികളും കുടുംബാംഗങ്ങളുമാണ് കോളനിയിലുള്ളത്. ഒരു കുടുംബത്തിനും വാസയോഗ്യമായ വീടില്ല. നിലംപതിക്കാറായ മൂന്നു വീടുകളിലാണ് ഇത്രയും കുടുംബങ്ങൾ കഴിയുന്നത്. വീടുകളിലൊന്നിൽ പിഞ്ചു കുട്ടികളടക്കം 27 പേരാണ് താമസിക്കുന്നത്. ഈ ദൈന്യം ശ്രദ്ധയിൽപ്പെടുത്തിയിട്ടും അധികാരകേന്ദ്രങ്ങൾക്കു കുലുക്കമില്ല. നാലു വർഷം മുന്പ് കോളനിയിൽ അനുവദിച്ച വീടുകളുടെ പ്രവൃത്തി പൂർത്തിയാക്കുന്നതിനു നടപടി ഉണ്ടാകുന്നില്ല. തറയിൽ ഒതുങ്ങിയിരിക്കയാണ് എല്ലാ വീടുകളുടെയും നിർമാണം. സ്വകാര്യ വ്യക്തികളുടെ കൈവശത്തിലാണ് കോളനിക്ക് ചുറ്റുമുള്ള സ്ഥലം. അതിനാൽ കോളനിക്കു പുറത്തേക്കും തിരിച്ചുമുള്ള യാത്ര സ്വകാര്യവ്യക്തികളുടെ ഒൗദാര്യത്തിലാണ്. ചിങ്ങോട് ജംഗ്ഷനിൽനിന്നു കോളനി പരിസരത്തേക്ക് റോഡുണ്ട്.
Read Moreറംസാൻ: മലപ്പുറത്തു ഇഫ്താറുകൾ ഹരിത മാർഗരേഖ പ്രകാരം; രിത നിയമാവലി പാലിക്കുന്ന മഹല്ലുകൾക്കു സമ്മാനം
മലപ്പുറം: റംസാൻ നോന്പുതുറ ചടങ്ങുകൾ ഹരിതമാർഗരേഖ പാലിച്ചു നടപ്പാക്കാൻ കളക്ടർ അമിത് മീണയുടെ അധ്യക്ഷതയിൽ ചേർന്ന യോഗത്തിൽ തീരുമാനം. മതസംഘടന നേതാക്കളുടെ യോഗത്തിലാണ് ഇതു സംബന്ധിച്ച തീരുമാനമുണ്ടായത്. ക്ഷേത്രങ്ങളിലും ചർച്ചുകളിലും നടക്കുന്ന പരിപാടികളും പൂർണമായും ഹരിത മാർഗരേഖ പാലിക്കണമെന്ന് കളക്ടർ അഭ്യർഥിച്ചു. നോന്പുതുറകൾക്കു ഡിസ്പോസിബ്ൾ ഗ്ലാസുകളും പ്ലേറ്റുകളും പൂർണമായും ഒഴിവാക്കണമെന്നും നിർദേശം നൽകി. സംഘടനകൾ പ്രത്യേക ബോധവത്കരണം നടത്താനും വെള്ളിയാഴ്ച മസ്ജിദുകളിൽ അറിയിപ്പ് നൽകാനും യോഗത്തിൽ തീരുമാനമായി. പൂർണമായും ഹരിത നിയമാവലി പാലിക്കുന്ന മഹല്ലുകൾക്കു സമ്മാനം നൽകും. അതോടൊപ്പം ഹരിത മാർഗരേഖ പാലിക്കുന്ന ക്ഷേത്രങ്ങൾക്കും ചർച്ചുകൾക്കും മഹല്ലുകൾക്കും പ്രശംസപത്രവും സമ്മാനവും നൽകും. ഹരിത മാർഗരേഖ പാലിച്ചു നടപ്പാക്കുന്ന കല്ല്യാണങ്ങൾക്കു കളക്ടറുടെ പ്രശംസാപത്രവും പ്രത്യേക പ്രോത്സാഹനവും നൽകും. കഴിഞ്ഞ വർഷം റംസാനിലെ ആദ്യ വെള്ളിയാഴ്ച കളക്ടർ മസ്ജിദിൽ നേരിട്ടെത്തി ബോധവത്കരണം നടത്തുകയും ഫലം കാണുകയും ചെയ്തിരുന്നു. ചായയും പലഹാരങ്ങളും…
Read Moreഇനി ചുരം കയറാം, 20 മിനിറ്റിനുള്ളില്..! വയനാട് ലക്കിടി വരെ നീളുന്ന 70 കോടിയുടെ കേബിള് കാര് പദ്ധതി
കോഴിക്കോട്: കോഴിക്കോട് ജില്ലയില് നിന്ന് വയനാട്ടിലേക്കുള്ള യാത്ര സുഗമമാക്കുന്ന കേബിള് കാര് പദ്ധതി വരുന്നു.അടിവാരം മുതല് വയനാട് ലക്കിടി വരെ നീളുന്ന റോപ്വേ പദ്ധതിക്ക് താല്പ്പര്യമെടുത്തിട്ടുള്ളത് വയനാട് ചേമ്പര് ഓഫ് കൊമേഴ്സാണ്. 70 കോടിയോളം രൂപയാണ് പദ്ധതിക്ക് ചെലവ് പ്രതീക്ഷിക്കുന്നത്.ദാമോദര് റോപ് വേ ഇന്ഫ്രാ ലിമിറ്റഡ് എന്ന കൊല്ക്കത്ത കമ്പനിക്കായിരിക്കും പദ്ധതിയുടെ നിര്മ്മാണ ചുമതല. വയനാട് ചുരം യാത്ര 20 മിനിട്ടിനുള്ളില് പൂര്ത്തിയാക്കാമെന്നതാണ് കേബിള് കാറിന്റെ സവിശേഷത. ഇതോടെ യാത്രാ ദൂരം 3.6 കിലാമീറ്ററായി ചുരുങ്ങും. ഒരേ സമയം ആറുപേര്ക്ക് യാത്ര ചെയ്യാവുന്ന കാബിനുകളാണ് കേബിള് കാറില് ഒരുക്കുന്നത്. 45 മുതല് 50 വരെ കാബിനുകളാണ് തുടക്കത്തില് ഉണ്ടാവുക. മണിക്കൂറില് 400 പേര്ക്ക് ഈ സൗകര്യം ഉപയോഗപ്പെടുത്താം. ചുരത്തിനു മുകളില് ലക്കിടിയിലും താഴെ അടിവാരത്തും റോപ് വേയില് കയറുന്നിടത്തും ഇറങ്ങുന്നിടത്തും പാര്ക്കിങിന് ഒരേക്കര് സ്ഥലമെങ്കിലും വേണം. ലക്കിടിയില്…
Read Moreഅശാസ്ത്രീയ മണ്ണെടുപ്പ്: കലക്ടറേറ്റിന്റെ ചുറ്റുമതില് വീഴാറായ നിലയില്; ഈ വഴിയിലൂടെയുള്ള യാത്ര മരണത്തെ മുന്നിൽകണ്ടെന്ന് നാട്ടുകാർ
കോഴിക്കോട്: അശാസ്ത്രീയ മണ്ണെടുപ്പ് കാരണം കളക്ടറേറ്റിന്റെ ചുറ്റുമതില് മാനാഞ്ചിറ മലാപ്പറമ്പ് റോഡിലേക്ക് വീഴാറായനിലയില്. വെള്ളിമാടുകുന്ന് -മാനാഞ്ചിറ റോഡ് വീതികൂട്ടുന്നതിനായി വിട്ടു നല്കിയ സ്ഥലത്ത് പത്ത് മീറ്ററോളമാണ് മണ്ണെടുത്ത് താഴ്ത്തിയിട്ടും ഇഷ്ടികകൊണ്ട് പണിത പഴയ ചുറ്റുമതില് നിലനിറുത്തിയതാണ് ജനങ്ങള്ക്ക് ഭീഷണിയാകുന്നത്. കനത്ത മഴയില് വെള്ളം കുത്തിയൊലിച്ച് വന്നാല് മതില് തകരും.മതിലിന്റെ ചില ഭാഗങ്ങള് പൊളിച്ചു മാറ്റിയതും തറ തന്നെ തുരന്ന് മണ്ണെടുക്കുകയും ചെയ്തതോടെ മതിലിന്റെ ബലം കാര്യമായി കുറഞ്ഞിട്ടുണ്ട്. ഒരുമാസത്തോളമായി ഇവിടെ മണ്ണെടുപ്പ് തുടങ്ങിയിട്ട്. മതിലിനോട് ചേര്ന്ന് ഏറെ ബസ് സ്റ്റോപ്പുണ്ട്. ഇതാണ് സിവില് സ്റ്റേഷനിലെ പ്രധാനപ്പെട്ട ബസ് സ്റ്റോപ്പ്. മതില് തകര്ന്നു വീണാല് ഈ ബസ് സ്റ്റോപ്പില് നില്ക്കുന്നരുടെ ജീവനും ഭീഷണിയാണ്. മതിലിനോട് ചേര്ന്നാണ് സിവില് സ്റ്റേഷനിലെ ഓട്ടോ സ്റ്റാന്ഡ്. കെഎസ്ഇബിയുടെ ട്രാന്സ്ഫോര്മറും ഇതിനു സമീപത്തായാണ് സ്ഥിതി ചെയ്യുന്നത്. തുടര്ച്ചയായി മണ്ണിടിച്ചിലും അപകടവും നഗരത്തിന്റെ വിവിധഭാഗങ്ങളില് നിന്നും…
Read Moreരാഷ്ട്രീയ സംഘർഷം നിലനിൽക്കുന്ന പറവണ്ണയിൽ രണ്ടു സിപിഎം പ്രവർത്തകർക്ക് വെട്ടേറ്റ സംഭവം; പ്രതികൾക്കു പിന്നാലെ പോലീസ്; പ്രദേശത്ത് കനത്ത കാവൽ
തിരൂർ: രാഷ്ട്രീയ സംഘർഷം നിലനിൽക്കുന്ന തിരൂരിനടുത്ത വെട്ടം പറവണ്ണയിൽ രണ്ടു സിപിഎം പ്രവർത്തകർക്കു വെട്ടേറ്റ സംഭവത്തിൽ പ്രതികളെ കണ്ടെത്താൻ പോലീസ് അന്വേഷണം ആരംഭിച്ചു. ഇന്നലെ രാത്രി ഒന്പതരയോടെയാണ് സംഭവം. കൂട്ടായി തേവർ കടപ്പുറം സ്വദേശികളായ ഉണ്ണിയാപ്പന്റെ പുരക്കൽ ലത്തീഫിന്റെ മകൻ സൗഫീർ (25), പുളിങ്ങോട് ഹനീഫയുടെ മകൻ അഫ്സാർ (22) എന്നിവർക്കാണു വെട്ടേറ്റത്. പറവണ്ണ റഹ്മത്ത് നഗർ ബീച്ചിൽ കൂട്ടുകാരോടൊപ്പം കിടക്കുകയായിരുന്ന ഇരുവരെയും ആയുധങ്ങളുമായെത്തിയ സംഘം അക്രമിക്കുകയായിരുന്നുവെന്നാണ് ദൃക്സാക്ഷികൾ പറയുന്നത്. സംഘം വരുന്നതു കണ്ടതോടെ പരിഭ്രാന്തരായ സിപിഎം പ്രവർത്തകർ ചിതറിയോടിയെങ്കിലും അഫ്സാറും സൗഫീറും ബീച്ചിലെ മണൽ പരപ്പിൽ വീഴുകയായിരുന്നു. വീണ ഇരുവരെയും അക്രമികൾ വെട്ടുകയായിരുന്നു. രണ്ടു പേരെയും തിരൂർ ജില്ലാ ആശുപത്രിയിൽ എത്തിച്ചെങ്കിലും പരിക്ക് ഗുരുതരമായതിനാൽ കോഴിക്കോട് മെഡിക്കൽ കോളജ് ആശുപത്രിയിലേക്കു മാറ്റി. സൗഫീറിനു തലയുടെ പിറകിലും അഫ്സാറിനു കൈകാലുകൾക്കുമാണ് വെട്ടേറ്റതെന്നു പോലീസ് പറഞ്ഞു. അഫ്സാറിന്റെ കൈവിരലുകൾ…
Read Moreകൃഷിയിടത്തില് സ്റ്റീല് ബോംബ്; തൊഴിലാളികള് രക്ഷപ്പെട്ടത് തലനാരിഴയ്ക്ക്; കണ്ടെടുത്ത ബോംബ് പുതിയതും ഉഗ്ര ശേഷിയുള്ളതുമെന്ന് പോലീസ്
നാദാപുരം: ചുഴലി റോഡില് സ്വകാര്യ വ്യക്തിയുടെ കൃഷിയിടത്തില് ഉപേക്ഷിച്ച നിലയില് സ്റ്റീല് ബോംബ് കണ്ടെത്തി.വളയം പഞ്ചായത്ത് ഓഫീസിന് മുമ്പിലെ പറമ്പിലാണ് ബുധനാഴ്ച ഉച്ചയോടെ സ്റ്റീല് ബോംബ് കണ്ടത്.പറമ്പില് ജോലിയിലേര്പ്പെട്ട തൊഴിലാളികളാണ് ബോംബ് കണ്ടത് തുടര്ന്ന് വളയം പോലീസില് വിവരമറിയിക്കുകയായിരുന്നു.പറമ്പ് കിളക്കുന്നതിനിടയിലാണ് ബോംബ് ശ്രദ്ധയില്പ്പെട്ടത്. വളയം എസ്ഐ പി.എല്.ബിനുലാല്,ബോംബ് സ്ക്വാഡ് എഎസ്ഐ എം.എം.ഭാസ്ക്കരന് എന്നിവരുടെ നേതൃത്വത്തില് കസ്റ്റഡിയിലെടുത്ത് ചേലക്കാട് ക്വാറിയില് നിര്വ്വീര്യമാക്കി. കണ്ടെടുത്ത ബോംബ് പുതിയതും ഉഗ്ര ശേഷിയുള്ളതുമാണെന്ന് പോലീസ് പറഞ്ഞു. മോട്ടോര് ബൈക്കിലോ മറ്റോ ബോംബുമായി പോകുന്നതിനിടയില് പോലീസ് പട്രോളിംഗിനിടയില് റോഡില് നിന്ന് പറമ്പിലേക്ക് എറിഞ്ഞതാവാനാണ് സാധ്യതയെന്ന് പോലീസ് പറഞ്ഞു.മാസങ്ങള്ക്ക് മുമ്പ് വളയത്ത് ബിജെപി പ്രവര്ത്തകന്റെ വീട്ടിന് നേരെ എറിഞ്ഞത് ബുധനാഴ്ച്ച കണ്ടെത്തിയ ബോംബുമായി സാമ്യതയുണ്ടോ എന്ന കാര്യം പരിശോധിക്കുമെന്ന് പോലീസ് പറഞ്ഞു.
Read More