കോഴിക്കോട്: കോഴിക്കോട്- പാലക്കാട് ദേശീയ പാതയിൽ കെഎസ്ആര്ടിസി ബസും കാറും കൂട്ടിയിടിച്ച് ഒരാൾ മരിച്ചു. കാർ ഡ്രൈവറായ ചെർപ്പുളശേരി സ്വദേശി മുഹമ്മദ് ഫാസിൽ (26) ആണ് മരിച്ചത്.പുലർച്ചെ നാലു മണിയോടെ രാമപുരം സ്കൂൾ പടിയിൽ ആയിരുന്നു അപകടം. അപകടത്തിൽ രണ്ടു പേർക്കു പരിക്കേറ്റു. ഇവരെ പെരിന്തൽമണ്ണ മൗലാന ആശുപത്രിയിൽ പ്രവേശിപ്പിച്ചു.
Read MoreCategory: Kozhikode
ആളുകളെ തടഞ്ഞുനിര്ത്തി പുസ്തകവില്പ്പന; പൊറുതിമുട്ടി യാത്രക്കാർ; എക്സിക്യുട്ടീവ് വില്പ്പന’യ്ക്കെതിരേ കച്ചവടക്കാർ
കോഴിക്കോട്: ആളുകള്ക്ക് വന്നിരിക്കാനും സ്വൈര്യമായി സംസാരിക്കാനുമായി അടുത്തിടെ നവീകരിച്ച മിഠായിത്തെരുവില് ആളുകളെ തടഞ്ഞുനിർത്തി അനധികൃത പുസ്തക വിൽപ്പന. എസ്കെ പൊറ്റക്കാട് പ്രതിമയ്ക്കുസമീപം കോടികള് ചിലവഴിച്ച് സജ്ജമാക്കിയ ഇരിപ്പിടങ്ങൾക്കുസമീപമാണ് ജനത്തിന് സ്വൈര്യക്കേടുണ്ടാക്കുന്ന പുസ്തകവിൽപ്പന. സ്വകാര്യ കമ്പനിയുടെ പുസ്തകങ്ങള് വില്ക്കുന്നതിനുവേണ്ടിയുള്ള ഇടമായി മിഠായിത്തെരുവ് മാറിക്കഴിഞ്ഞു. തെരുവോരകച്ചവടക്കാരെ ഒഴിപ്പിച്ച് അവര്ക്ക് മറ്റിടങ്ങളില് സൗകര്യമൊരുക്കിയത് ഇതിനുവേണ്ടിയായിരുന്നോ എന്ന ചോദ്യമാണ് ഉയരുന്നത്. കച്ചവടക്കാര് ഇതിനകം തന്നെ ഈ ”എക്സിക്യുട്ടീവ് വില്പ്പന’യ്ക്കെതിരേ രംഗത്തു വന്നുകഴിഞ്ഞു. ഫീല്ഡ് സ്റ്റാഫുകളെ ഇറക്കിവിട്ടാണ് സ്വകാര്യ കമ്പനി വിക്കിപീഡിയ നോളജ് പുസ്തകം വിറ്റഴിക്കുന്നത്.പത്തിലേറെ പേരാണ് നഗരത്തില് ഏറ്റവും കൂടുതല് പേര് എത്തുന്ന വ്യാപാര സിരാകേരന്ദമായ മിഠായിത്തെുവില് തമ്പടിച്ചിരിക്കുന്നത്. കുടുംബമായി എത്തുന്നവരെപോലും തടഞ്ഞുനിര്ത്തി മാര്ക്കറ്റിംഗ് നടത്തുകയാണിവര്. വരുമ്പോഴും പോകുമ്പോഴുമുള്ള ഈ “ശല്യം’ കാരണം സംസാരിക്കാന് പോലും നില്ക്കാതെ പലരും ഒഴിഞ്ഞുമാറുന്നതും പതിവാണ്. രണ്ടായിരത്തിനു പുറത്ത് വിലയുള്ള പുസ്തകം പ്രത്യേക ഓഫര് പ്രകാരം 499…
Read Moreബിഎസ്എൻ എൽ നെറ്റ് വര്ക്ക് പണിമുടക്കി; പെന്ഷന് വിതരണം താറുമാറായി; മണിക്കൂറുകളോളം കാത്തുനിന്ന് വൃദ്ധരും രോഗികളും
കോഴിക്കോട്: വിഷുനാളുകളില് പെന്ഷന് വാങ്ങാന് സിവിൽസ്റ്റേഷനിലെ പെൻഷൻ ട്രഷറിയില് എത്തിയവര്ക്ക് ദുരിതം. ഇന്ന് രാവിലെ മുതല് ബിഎസ്എന്എല് നെറ്റ് വര്ക്ക് പണിമുടക്കിയതോടെ പെന്ഷന് വിതരണം താറുമാറായി.രാവിലെ എത്തിയവര്ക്ക് മണിക്കൂറുകളോളം കാത്തുനില്ക്കേണ്ടിവന്നു. കുടിവെള്ളം പോലുമില്ലാതെ വൃദ്ധരും രോഗികളുമായവർ അവശരായി. വിഷുസീസണായതിനാല് പതിവിലേറെ തിരക്കുണ്ടായിരുന്നു.ടോക്കണ് വിതരണം മെല്ലെപ്പോക്കിലായതോടെപലരോടും തൊട്ടടുത്ത ദിവസം വരാന് അധികൃതര് നിര്ദേശിച്ചു. വിഷുവിന് മുന്പ് ഇന്നും നാളെയും മാത്രമാണ് ട്രഷറി പ്രവര്ത്തിക്കുന്നത്. നെറ്റ് വര്ക്ക് തകരാറിലാകുന്നത് ട്രഷറിയില് പുതിയ കാര്യമല്ല. നിരവധി തവണ പരാതിപ്പെട്ടിട്ടും പ്രശ്നം പരിഹരിക്കാന് അധികൃതര് ശ്രമിക്കാറില്ലെന്ന് ട്രഷറിയിലെ ഉദ്യോഗസ്ഥര് തന്നെ പറയുന്നു. പ്രശ്നം പരിഹരിക്കാന് ഇവിടെ സ്ഥിരമായി ബിഎസ്എന്എലില്നിന്നുള്ള ഉദ്യോഗസ്ഥന് ഉണ്ടാകാറുണ്ട്. എന്നിട്ടും ഇവിടെ എത്തുന്നവര്ക്ക് കാത്തുനില്ക്കേണ്ട അവസ്ഥയാണുള്ളത്.
Read Moreജാഗ്രതയോടെ സൈബര് സെല്; ഒരുവര്ഷം മുമ്പ് നഷ്ടപ്പെട്ട ഫോണ് വീണ്ടെടുത്തു നൽകി; ഇൗ വര്ഷം സൈബര് സെല്ലില് എത്തിയത് മുന്നൂറോളം പരാതികള്
സ്വന്തംലേഖകന് കോഴിക്കോട്: സൈബര് സെല്ലിന്റെ അന്വേഷണത്തിനൊടുവില് ഒരു വര്ഷം മുമ്പ് നഷ്ടപ്പെട്ട മൊബൈല് ഫോണ് ഉടമയ്ക്കു തിരിച്ചു കിട്ടി. കഴിഞ്ഞ വര്ഷം ഏപ്രില് മൂന്നിന് പാലക്കാട് നെന്മാറയില് നിന്നും നഷ്ടപ്പെട്ട സാംസംഗ് ഗാലക്സി മൊബൈല് ഫോണാണ് കോഴിക്കോട് പുറക്കാട്ടിരി സ്വദേശിയ്ക്ക് തിരികെ ലഭിച്ചത്. ഒരു വര്ഷത്തെ അന്വേഷണത്തിന്റെ ഭാഗമായാണ് ഫോണ് ഇപ്പോഴും ഉപയോഗിക്കുന്നുണ്ടെന്ന വിവരം കോഴിക്കോട് സിറ്റി സൈബര് സെല്ലിനു ലഭിച്ചത്. തുടര്ന്ന് കസബ സിഐ പി. പ്രമോദ് ഫോണ് ഉപയോഗിക്കുന്ന ആളെ കണ്ടെത്തി തിരികെ വാങ്ങുകയായിരുന്നു. ഉപയോഗിച്ചയാള് ഫോണ് മോഷ്ടിച്ചതല്ലെന്ന് വിശദീകരിച്ചതിന്റെ അടിസ്ഥാനത്തില് തുടര്നടപടികള് സ്വീകരിച്ചിട്ടില്ല. ഫോണ് നഷ്ടപ്പെട്ടതിനെ തുടര്ന്നു ഉടമ അന്നു തന്നെ നെന്മാറ പോലീസില് വിവരം നല്കിയിരുന്നു . എന്നാല് അടുത്ത ദിവസം സ്റ്റേഷനിലെത്തി പരാതി നല്കാനായിരുന്നു പോലീസ് നിര്ദേശിച്ചത്. കോഴിക്കോട് ജില്ലക്കാരനായതിനാല് പാലക്കാടെത്തി ഫോണ് നഷ്ടപ്പെട്ടന്ന് പരാതി നല്കാന് കഴിയാത്തതിനാല് കോഴിക്കോട്…
Read Moreമലപ്പുറത്ത് പുത്തൻ ഫുട്ബോൾ ജ്വരം! മകനു മെസ്യൂട്ട് ഓസിലിന്റെ പേരിട്ടു; ഫേസ്ബുക്ക് അധികൃതർ വീട്ടിലെത്തി
മകനു ആഴ്സണൽ ക്ലബ് താരം മെസ്യൂട്ട് ഓസിലിന്റെ പേരിട്ടു മലപ്പുറത്ത് പുത്തൻ ഫുട്ബോൾ ജ്വരം. മഞ്ചേരിക്കടുത്തു ഷാപ്പിൻകുന്ന് എടലോളി ഇൻസമാം ഉൾ ഹഖ് തന്റെ മകനു പേരിട്ടതു ആഴ്സണൽ ക്ലബിന്റെ മധ്യനിരതാരം മെസ്യൂട്ട് ഓസിലിന്റെ പേരാണ്. ജർമൻതാരമായ മെസ്യൂട്ട് ഓസിൽ എന്ന നാമകരണത്തിൽ ചെറിയൊരു മാറ്റം വരുത്തി ’മെഹദ് ഓസിൽ’ എന്നാണ് പേരിട്ടിരിക്കുന്നത്. ആഴ്സണലിനോടും ഓസിലിനോടുമുള്ള ആരാധന മൂത്താണ് ഇൻസമാം ഉൾ ഹഖ് മകനു ഒരു മാസം ആയപ്പേഴേക്കും ഓസിലിന്റെ പേരിട്ടത്. ഈ പേരിപ്പോൾ ലണ്ടനിലെ ആഴ്സണലിന്റെ ഒൗദ്യോഗിക ഫെയ്സ്ബുക്ക് പേജിൽ മെഹ്ദ് ഓസിലിനെ ടാഗ് ചെയ്ത് പങ്കുവയ്ക്കുകയും ചെയ്തിരിക്കുകയാണ്. സംഗതി ഇത്രത്തോളം എത്തുമെന്നു പിതാവ് ഇൻസമാം ഉൾ ഹഖും കുടുംബവും കരുതിയിരുന്നില്ല. ആഴ്സണൽ മുഖ്യപരിശീലകൻ ആഴ്സെൻ വെംഗറുടെ പേരിടാനായിരുന്നു സുഹൃത്തുക്കൾ നിർദേശിച്ചത്. ഒടുവിൽ ഇൻസമാം ഓസിലിന്റെ പേര് കണ്ടെത്തുകയായിരുന്നു. ഇതിപ്പോൾ ആഴ്സണലിന്റെ എമിറേറ്റ്സ് സ്റ്റേഡിയം വരെ…
Read Moreറോഡ് വികസനത്തിനായി സ്വന്തം കെട്ടിടം പൊളിച്ചു നൽകി നാട്ടിൽ താരമായി ഹംസുഹാജി
പെരിന്തൽമണ്ണ: റോഡിനായി സ്വന്തം കെട്ടിടം പൊളിച്ചു നൽകി പാറക്കളത്തിൽ ഹംസു ഹാജി. ഇതേത്തുടർന്നു പാറൽ കിഴക്കേ മണലായ റോഡ് പ്രവൃത്തി ഒന്നാംഘട്ടം അവസാനിച്ചു. ഹംസഹാജിക്കു പുറമെ റോഡിനിരുവശങ്ങളിലും താമസിക്കുന്നവർ കഷ്ട,നഷ്ടങ്ങൾ നോക്കാതെ സ്ഥലംവിട്ടു നൽകിയതാണ് പ്രവൃത്തി പെട്ടെന്നു പൂർത്തിയാക്കാൻ സഹായിച്ചത്. ജില്ലാപഞ്ചായത്ത് 40 ലക്ഷം, ബ്ലോക്ക് പഞ്ചായത്ത് ആറു ലക്ഷം, എംഎൽഎ ഫണ്ടിൽ നിന്നു 30 ലക്ഷം രൂപ എന്നിങ്ങനെയാണ് ഫണ്ട് അനുവദിച്ചത്. ഒന്നാംഘട്ടമായി പാറൽ പെരുവക്കടവ് വരെയാണ് പ്രവൃത്തി പൂർത്തീകരിച്ചത്. രണ്ടാംഘട്ടമായി കിഴക്കേ മണലായ വരെ പ്രവൃത്തി പൂർത്തിയാക്കുന്നതിനു എംഎൽഎ ഫണ്ടിനു പുറമെ എംപി ഫണ്ടിൽ നിന്നു അഞ്ചു ലക്ഷം, പതിനെട്ടാം വാർഡ് ഫണ്ടിൽ നിന്നു നാലു ലക്ഷം എന്നിങ്ങനെ വകയിരുത്തിയിട്ടുണ്ട്. വികസനവിപ്ലവത്തിനു സഹായിച്ച ജില്ലാപഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സണ് ടി.ഹാജറുമ്മ, ബ്ലോക്ക് പഞ്ചായത്ത് വൈസ്പ്രസിഡന്റ് ടി.കെ.സദഖ, പഞ്ചായത്ത് മെംബർമാരായ വി.കെ.നാസർ, പി.ടി.ലക്ഷ്മി, കെ.പി.ഹസീന…
Read Moreദേശീയപാത വികസനം; സ്ഥലം ഏറ്റെടുക്കുന്നതു ഭൂവുടമകളുടെ അക്കൗണ്ടിൽ പണംവന്ന ശേഷമെന്നു കളക്ടർ
മലപ്പുറം: ദേശീയപാത സ്ഥലമെടുപ്പ് സംബന്ധിച്ച ജനങ്ങളുടെ ആശങ്കയകറ്റാൻ എല്ലാ പഞ്ചായത്തുകളിലും ഭൂവുടമകളുടെ യോഗം വിളിച്ചു ചേർക്കാൻ ജില്ലാ കളക്ടറുടെ അധ്യക്ഷതയിൽ ചേർന്ന യോഗത്തിൽ ധാരണയായി. ഭൂവുടമകളുടെ ബാങ്ക് അക്കൗണ്ടിൽ പണം വന്ന ശേഷം മാത്രമേ ഭൂമി ഏറ്റെടുക്കുകയുള്ളൂവെന്ന് യോഗത്തിൽ കളക്ടർ അമിത് മീണ ഉറപ്പുനൽകി. ജനങ്ങളുടെ എല്ലാ ആശങ്കകളും തീർക്കും. ഏറ്റെടുക്കപ്പെടുന്ന ഭൂമിയുടെയും വസ്തുവകകളുടെയും നഷ്ടപരിഹാരം നൽകി കഴിഞ്ഞു നവംബർ അവസാനത്തോടെ മാത്രമേ പ്രവൃത്തികൾ ആരംഭിക്കുകയുള്ളൂവെന്നും അദ്ദേഹം പറഞ്ഞു. പൊന്നാനി നഗരസഭ, വെളിയങ്കോട്, പെരുന്പടപ്പ്, കാലടി, തവനൂർ പഞ്ചായത്തുകളിലെ ഭൂവുടമകളുടെ യോഗം ഇന്നും നാളെയും മറ്റന്നാളുമായി വിളിച്ചു ചേർക്കും. വെളിയങ്കോട് പൊന്നാനി പഞ്ചായത്തുകളിലെ ഭൂവുടമകളുടെ യോഗം ഇന്നു ഉച്ചക്കു രണ്ടിനു പാലപ്പെട്ടി ഗവണ്മെന്റ് ഹൈസ്കൂളിൽ നടക്കും. പൊന്നാനി നഗരസഭയിലെ ഭൂവുടമകളുടെ യോഗം നാളെ ഉച്ചയ്ക്കു 2.30നു പൊന്നാനി താലൂക്ക് ഓഫീസ് കോണ്ഫറൻസ് ഹാളിൽ ചേരും. വെള്ളിയാഴ്ച ഉച്ചക്കുശേഷം…
Read Moreമദ്യപാനത്തിനിടെ സിപിഎം അക്രമി സംഘം എന്നറിയപ്പെടുന്ന പ്രവർത്തകർ തമ്മിലടിച്ചു; ഒരാൾക്ക് കുത്തേറ്റു
വടകര: അഴിയൂർ കോറോത്ത് റോഡിൽ സിപിഎം പ്രവർത്തകർ തമ്മിലടിച്ചു. സംഭവത്തിൽ ഒരാൾക്ക് കുത്തേറ്റു. ഇയാളെ മാഹി ഗവ.ആശുപത്രിയിൽ പ്രവേശിപ്പിച്ചു. പറന്പത്ത് കിഷോറിനാണ് (38) പരിക്ക്. പാറപറന്പത്ത് ലക്ഷംവീട് കോളനി പരിസരത്ത് ഇന്നലെ രാത്രി മദ്യപിക്കുന്നതിനിടയിലാണ് സംഭവമെന്ന് ചോന്പാല പോലീസ് അറിയിച്ചു. പഴയകാര്യങ്ങളെ കുറിച്ചുള്ള സംസാരം തർക്കത്തിലും കത്തിക്കുത്തിലും കലാശിക്കുകയായിരുന്നു. കിഷോറിന്റെ കാലിന് ആഴത്തിൽ കുത്തേറ്റു. ഇതു സംബന്ധിച്ച് ലക്ഷംവീട് കോളനിയിലെ ഫസലൂവിന്റെ പേരിൽ കേസെടുത്തു.ഒരു വർഷം മുന്പു ഫസലുവിനെ അക്രമിച്ചതിനു കിഷോറിന്റെ പേരിൽ കേസുണ്ട്. ഇതേ ചൊല്ലിയുള്ള സംസാരത്തിനിടയിലാണ് കിഷോറിനു കുത്തേറ്റതെന്ന് പോലീസ് അറിയിച്ചു. സിപിഎം അക്രമി സംഘത്തിലെ കണ്ണികളായാണ് ഇരുവരും അറിയപ്പെടുന്നത്. പല കേസുകളിലും പ്രതികളാണ് ഇവർ. കോറോത്ത് റോഡിലും പരിസര പ്രദേശങ്ങളിലും അടുത്ത കാലത്തായി വർധിച്ചുവരുന്ന സാമുഹികവിരുദ്ധ പ്രവർത്തനം സംബന്ധിച്ച് നിരവധി പരാതികൾ പോലീസിന് ലഭിച്ചിട്ടും ശക്തമായ നടപടി സ്വീകരിക്കാത്തതാണ് അക്രമങ്ങൾ ആവർത്തിക്കുന്നതെന്ന് നാട്ടുകാർ…
Read Moreശ്രീജിത്തിന്റെ മരണംപോലീസ് ശൈലിയുടെ ഏറ്റവും ഒടുവിലത്തെ ദുരന്തം: എം.എം.ഹസ്സന്
കോഴിക്കോട്: സിപിഎമ്മിന്റെ ആജ്ഞാനുവര്ത്തികളായി കുറ്റാന്വേഷണം നടത്തുന്ന കേരളത്തിലെ പോലീസ് ശൈലിയുടെ ഏറ്റവും ഒടുവിലത്തെ ദുരന്തമാണ് വാരാപ്പുഴയിലെ ശ്രീജിത്തിന്റെ മരണമെന്ന് കെപിസിസി പ്രസിഡന്റ് എം.എം. ഹസ്സന്.ജനമോചനയാത്രയോടനുബന്ധിച്ച് ഇന്ന് രാവിലെ കോഴിക്കോട്ട് നടത്തിയ വാര്ത്താസമ്മേളനത്തില് സംസാരിക്കുകയായിരുന്നു അദ്ദേഹം. പോലീസിലെ ക്രിമിനലുകളുടെ നടപടിയുടെ ആവര്ത്തനമാണ് ശ്രീജിത്തിന്റെ മരണം. പോലീസ് മേധാവികള്ക്ക് കാര്യങ്ങളെക്കുറിച്ച് വ്യക്തമായി മനസ്സിലായിട്ടും തുടര് നടപടികള് വെറും സസ്പെന്ഷനില് ഒതുക്കിയത് ഒത്തുതീര്പ്പിന്റെ ഭാഗമായണ്. ഇക്കാര്യത്തില് ജുഡീഷ്വറിയുടെ മേല് നോട്ടത്തിലുള്ള അന്വേഷണമാണ് വേണ്ടത്. വാരാപ്പുഴ സംഭവത്തില് മുതലെടുപ്പ് നടത്താനാണ് ബിജെപി ഹര്ത്താല് നടത്തിയത്. രോഗിയായ പിഞ്ചുകുഞ്ഞിനപ്പോലും തടഞ്ഞത് ഭീകരതയാണ്ആര്എസ്എസും ബിജെപിയും അഖിലേന്ത്യാതലത്തില് നടത്തുന്ന അസഹിഷ്ണുതയാണ് വേറൊരു തലത്തില് സിപിഎമ്മും കേരളത്തില് നടപ്പിലാക്കുന്നതെന്നും ഹസ്സന് പറഞ്ഞു.
Read Moreപാലക്കാട് അടക്കം അഞ്ചു റെയിൽവേ സ്റ്റേഷനുകൾ നവീകരിക്കും; നവീകരണത്തിന്റെ രൂപരേഖ തയാറാക്കാൻ കണ്സൾട്ടിംഗ് ഏജൻസിയെ നിയമിക്കുമെന്ന് അൽഫോൻസ് കണ്ണന്താനം
കോട്ടയം: കോട്ടയം അടക്കം അഞ്ചു റെയിൽവേ സ്റ്റേഷനുകൾ നവീകരിക്കുന്നു. കോട്ടയം, ചെങ്ങന്നൂർ, എറണാകുളം, കോഴിക്കോട്, പാലക്കാട് റെയിൽവേ സ്റ്റേഷനുകൾ നവീകരിക്കാനാണ് പദ്ധതിയെന്ന് കേന്ദ്ര മന്ത്രി അൽഫോൻസ് കണ്ണന്താനം വ്യക്തമാക്കി. ഇന്നലെ അദേഹം കോട്ടയം റെയിൽവേ സ്റ്റേഷൻ സന്ദർശിച്ചു. മുപ്പതു കോടി രൂപ മുടക്കിയാണ് കോട്ടയം റെയിൽവേ സ്റ്റേഷൻ നവീകരിക്കുന്നത്. അൻപതു ലക്ഷത്തോളം ശബരിമല തീർഥാടകരെത്തുന്ന മധ്യകേരളത്തിലെ ഏറ്റവും തിരക്കേറിയ റെയിൽവെ സ്റ്റേഷൻ പരിമിതികളിൽ വീർപ്പുമുട്ടുന്ന സാഹചര്യത്തിലാണ് അടിയന്തരമായ കേന്ദ്രസഹായം മന്ത്രി വാഗ്ദാനം ചെയ്യുന്നത്. നവീകരണത്തിന്റെ ഭാഗമായി നിലവിലെ ഗുഡ്ഷെഡ് ഭാഗത്ത് രണ്ടാമതൊരു പ്രവേശന കവാടം നിർമിക്കും. പുതിയ കവാടം, പ്ലാറ്റ്ഫോം, എക്സ്കലേറ്റർ, വിശ്രമമുറി, അടുക്കള എന്നിവയെല്ലാം നവീകരണത്തിനു വിധേയമാക്കും. നവീകരണത്തിനു രൂപരേഖ തയാറാക്കാൻ വൈകാതെ കണ്സൾട്ടിംഗ് ഏജൻസിയെ നിയമിക്കും. സ്റ്റേഷൻ പൂർണമായി പരിശോധിച്ചശേഷം ആവശ്യങ്ങൾ ഏതൊക്കെയെന്നു കണ്ടറിഞ്ഞ് ആധുനിക രീതിയിലേക്ക് സ്റ്റേഷൻ മാറ്റും വിധമുള്ള രൂപരേഖയാണ് ഏജൻസി…
Read More