കോഴിക്കോട്: കൊല്ലത്തെ സ്വകാര്യ ആശുപത്രിയില് ചോരക്കുഞ്ഞുങ്ങളെ മാറിപ്പോയതും ഡിഎന്എ ടെസ്റ്റിലൂടെ തിരിച്ചുകിട്ടിയതും തുടര്ന്നുണ്ടാവുന്ന അപ്രതീക്ഷിത സംഭവങ്ങളും ആവിഷ്കരിക്കുന്ന ചിത്രം ‘കനി’ പ്രേക്ഷകരിലേക്ക്. ഇന്ന് വൈകുന്നേരം കാലിക്കട്ട് പ്രസ് ക്ലബ്ബില് ചിത്രത്തിന്റെ യൂ ട്യൂബ് റിലീസ് നടക്കും. നടിയും ആക്ടിവിസ്റ്റുമായ പാര്വതി, എഴുത്തുകാരി ഇന്ദു മേനോന് തുടങ്ങിയവര് പങ്കെടുക്കും.എഴുത്തുകാരി ഡോ. ശ്രീകല മുല്ലശ്ശേരി കഥയെഴുതി നിര്മിക്കുന്ന ചിത്രം സംവിധാനം ചെയ്തത് മാധ്യമ പ്രവര്ത്തകനായ ഷൈബിന് ഷഹാനയാണ്.കൊല്ലത്തെ സ്വകാര്യ ആശുപത്രി അധികൃതര് ചിത്രത്തിനെതിരെ രംഗത്തുവന്നിരുന്നു. ചിത്രത്തിന്റെ അണിയറ പ്രവര്ത്തകര്ക്ക് ഭീഷണിയും ഉണ്ടായിരുന്നു. തങ്ങളുടെ ആശുപത്രിക്ക് പറ്റിയ പിഴവ് കൂടുതല് ചര്ച്ചയാവാതിരിക്കാനുള്ള ശ്രമമായിരുന്നു ഇതെന്ന് ചിത്രത്തിനു പിന്നില് പ്രവര്ത്തിച്ചവർ പറയുന്നു. അരണിക്കൂര് ദൈര്ഘ്യമുള്ള ചിത്രത്തില് നിര്മ്മല് പാലാഴി പതിവ് തമാശ വേഷങ്ങള് വിട്ട് ഗൗരവക്കാരനാവുന്നു. കേരളത്തെ പൊട്ടിച്ചിരിപ്പിച്ച ”ഇങ്ങളിതെന്താണ് ബാവ്വേട്ടാ ‘ ഡയലോഗിലൂടെ ശ്രദ്ധേയനായ നിര്മ്മലിന്റെ തികച്ചും വേറിട്ട വേഷമാണിതെന്ന് അണിയറക്കാര്…
Read MoreCategory: Kozhikode
പാർട്ടിയിൽ തിരിച്ചെത്താനുള്ള കൗണ്സിലറുടെ നീക്കത്തിന് തടയിട്ട് സിപിഎം’ ഒമ്പതുപേർക്ക് അംഗത്വം നൽകി തിരിച്ചെടുത്തു
നിലന്പൂർ: 2014 ലെ ഏരിയ കമ്മിറ്റി തെരഞ്ഞെടുപ്പുമായി ബന്ധപ്പെട്ട് കലാപക്കൊടിയുയർത്തി സിപിഎം വിട്ടവരിൽ ഒന്പത് പേർക്ക് കാൻഡിഡേറ്റ് അംഗത്വം നൽകി തിരിച്ചെടുക്കാൻ തീരുമാനിച്ചു. കഴിഞ്ഞ ദിവസം ചേർന്ന നിലന്പൂർ ലോക്കൽ കമ്മിറ്റി യോഗത്തിലാണ് തീരുമാനം. എന്നാൽ പാർട്ടിവിട്ട മുൻ ഓഫീസ് സെക്രട്ടറിയും നിലവിൽ നഗരസഭ കൗണ്സിലറുമായ പി.ഗോപാലകൃഷ്ണനെ തിരിച്ചെടുക്കാൻ പാർട്ടി തയാറായില്ല. ഇപ്പോൾ പാർട്ടിയുമായി സഹകരിച്ചുപോരുന്ന ഗോപാലകൃഷ്ണനെ തിരിച്ചുകൊണ്ടുവരണമെന്നാണ് ഏരിയ നേതൃത്വത്തിലെ പ്രബലവിഭാഗം താൽപ്പര്യപ്പെടുന്നത്. നിലവിലെ ലോക്കൽ സെക്രട്ടറി അടക്കമുള്ളവർക്കെതിരെ അഴിമതി ആരോപിച്ചാണ് ഗോപാലകൃഷ്ണൻ ഉൾപ്പടെയുള്ളവർ പാർട്ടിവിട്ടത്. അന്ന് പാർട്ടി ജില്ല കമ്മിറ്റി അംഗവും നിലവിലെ ഏരിയ കമ്മിറ്റി അംഗവുമായ വ്യക്തി ഉൾപ്പടെയാണ് ഗോപാലകൃഷ്ണന്റെ മടങ്ങിവരവിന് ഇപ്പോൾ തടയിട്ടിരിക്കുന്നത്. ബിജെപിയുമായി അവിഹിതബന്ധം സ്ഥാപിച്ചാണ് ഗോപാലകൃഷ്ണൻ കൗണ്സിലറായതെന്ന ആരോപണമാണ് ലോക്കൽ കമ്മിറ്റിയിലെ ഒരുവിഭാഗം ഇദ്ദേഹത്തിനെത്തിരെ ഉന്നയിച്ചത്. ഈ ആരോപണത്തെ മറികടക്കാൻ അനുകൂല പക്ഷത്തിനായില്ല. ഇതോടെ ഗോപാലകൃഷ്ണന്റെ സിപിഎമ്മിലേക്കുള്ള മടങ്ങിവരവ്…
Read Moreവടകരയിലെ സ്കൂൾ വിദ്യാർഥിനിക്ക് ലണ്ടനിലെ സംഗീത സർട്ടിഫിക്കറ്റ് ; സെന്റ് ആന്റണീസ് ഗേൾസ് ഹൈസ്കൂൾ ഒമ്പതാം ക്ലാസ് വിദ്യാർഥിനി അനവദ്യയാണ് സർട്ടിഫിക്കറ്റിന് അർഹയായത്
വടകര: വടകര സെന്റ് ആന്റണീസ് ഗേൾസ് ഹൈസ്കൂൾ ഒന്പതാം ക്ലാസ് വിദ്യാർഥിനി അനവദ്യ എസ്.ലക്ഷ്മിക്ക് ലണ്ടനിലെ ട്രിനിറ്റി കോളജിന്റെ സംഗീത സർട്ടിഫിക്കറ്റ്. പ്ലെക്ട്രം ഗിറ്റാറിൽ ലെവൽ ഒന്നിൽ ഗ്രേഡ് രണ്ട് സർട്ടിഫിക്കറ്റാണ് ലഭിച്ചത്. സംഗീതം അഭ്യസിക്കുന്നവരുടെ വലിയ അഭിലാഷമാണ് ലോകത്തെ തന്നെ പ്രമുഖ പാശ്ചാത്യ സംഗീത കലാലയമായ ലണ്ടൻ ട്രിനിറ്റി കോളജിന്റെ സർട്ടിഫിക്കറ്റ് ലഭിക്കുക എന്നത്. മുന്നോട്ടുള്ള പ്രയാണത്തിൽ എട്ട് ഗ്രേഡ് വരെയുണ്ട്. ട്രിനിറ്റി കോളജ് പ്രതിനിധിയുടെ സാന്നിധ്യത്തിൽ കേരളത്തിൽ തന്നെയാണ് പരീക്ഷ നടക്കുന്നത്. വടകര ശ്രീരഞ്ജിനി അക്കാദമി ഓഫ് ആർട്സിൽ നിന്ന്് ഗിറ്റാറിൽ പരിശീലനം നേടുന്ന അനവദ്യ സ്കൂൾ കലോത്സവങ്ങളിലും തിളങ്ങിയിട്ടുണ്ട്. ഗിറ്റാറിൽ അതീവ താൽപര്യമുള്ള ഈ മിടുക്കി അടുത്ത ഗ്രേഡ് നേടാനുള്ള തീവ്ര പരിശീലനത്തിലാണ്. തിരുവള്ളൂർ ശാന്തിനികേതൻ ഹയർ സെക്കന്ററി സ്കൂൾ അധ്യാപകൻ വടയക്കണ്ടി നാരായണന്റെയും ലേജുവിന്റെയും മകളാണ്.
Read Moreചില്ഡ്രന്സ് പാര്ക്ക് പദ്ധതി ഉപേക്ഷിച്ചു ; വാണിമേല് പഞ്ചായത്തിന് ലോക ബാങ്ക് അനുവദിച്ച 21 ലക്ഷം രൂപ പാഴായി
നാദാപുരം: കഴിഞ്ഞ ഭരണ സമിതിയുടെ കാലത്ത് തുടങ്ങിയ ചില്ഡ്രന്സ് പാര്ക്ക് പദ്ധതി വാണിമേല് പഞ്ചായത്ത് ഉപക്ഷിച്ചു. ഇതോടെ വാണിമേല് പഞ്ചായത്തിന്റെ പദ്ധതി വിഹിതത്തില് 21 ലക്ഷം രൂപ നഷ്ടമായി.ചില്ഡ്രന്സ് പാര്ക്കിന്റെ പണി നടത്തിപ്പില് ക്രമക്കേടുള്ളതായി വിജിലന്സ് റിപ്പോര്ട്ട് നല്കിയതിനാല് ഒരു വര്ഷത്തോളം പ്രവൃത്തി നിലച്ചിരുന്നു. ഇതിനായി വകയിരുത്തിയ തുക മാറ്റി ചെലവഴിക്കാതെ കാത്തിരുന്നതിനാലാണ് പദ്ധതി വിഹിതം നഷ്ടമായത്. വാണിമേല് പഞ്ചായത്തിന്റെ അതിര്ത്തിയില് വാണിമേല് പാലത്തിനുസമീപം പുഴയോട് ചേര്ന്ന സ്ഥലത്ത് കുട്ടികള്ക്കുള്ള വിനോദ കേന്ദ്രമായി പാര്ക്ക് സ്ഥാപിക്കാന് എന്.കെ.മൂസ്സ പ്രസിഡന്റായിരിക്കുമ്പോഴാണ് പദ്ധതി ആരംഭിച്ചത്. രണ്ട് ഘട്ടങ്ങളിലായി നടപ്പിലാക്കുന്ന പദ്ധതിക്ക് 21 ലക്ഷം രൂപയും വകയിരുത്തി. പദ്ധതിയുടെ കണ്സള്ട്ടന്സിയായി തൃശൂര് കേന്ദ്രമായി പ്രവര്ത്തിക്കുന്ന കോസ്റ്റ് ഫോര്ഡ് എന്ന സ്ഥാപനത്തെ നിശ്ചയിച്ചു. എന്നാല് കോസ്റ്റ് ഫോര്ഡിനെ തന്നെ നിര്വഹണ ഏജന്സിയാക്കിയത് ഗുരുതരമായ ക്രമക്കേടാണെന്ന് വിജിലന്സ് കണ്ടെത്തുകയായിരുന്നു. പദ്ധതിക്കു വേണ്ടി ഇതുവരെ ചെലവഴിച്ച…
Read Moreആരോഗ്യമന്ത്രി നല്കിയ ഉറപ്പുകൾ നടപ്പാക്കിയില്ല; സമരവുമായി ഹെൽത്ത് നഴ്സുമാർ വീണ്ടും സെക്രട്ടേറിയറ്റ് നടയിലേക്ക്
കണ്ണൂർ: കഴിഞ്ഞ ഡിസംബറിൽ നടത്തിയ രാപ്പകൽ സമരത്തിൽ ആരോഗ്യമന്ത്രി നല്കിയ ഉറപ്പുകൾ പാലിക്കാത്തതിനെത്തുടർന്ന് രാപ്പകൽ സമരവുമായി ജൂണിയർ പബ്ലിക് ഹെൽത്ത് നഴ്സുമാർ (ജെപിഎച്ച്എൻ) വീണ്ടും സെക്രട്ടറിയേറ്റ് പടിക്കലേക്ക്. കേരള സ്റ്റേറ്റ് ജൂണിയർ പബ്ലിക് ഹെൽത്ത് നഴ്സസ് റാങ്ക് ഹോൾഡേഴ്സ് അസോസിയേഷന്റെ നേതൃത്വത്തിൽ 22 മുതൽ സെക്രട്ടറിയേറ്റിനു മുന്നിൽ അനിശ്ചിതകാല പ്രതിഷേധ രാപ്പകൽ സമരം ആരംഭിക്കാനാണ് തീരുമാനം. 2017 ജൂലൈ 14നും ഇക്കഴിഞ്ഞ ജനുവരിയിലും ഇറങ്ങിയ ഉത്തരവുകളിലെ പിഴവുകൾമൂലം റാങ്ക് ലിസ്റ്റുകളിൽനിന്നുള്ള നിയമനം തടസപ്പെട്ടതിനെതിരേയും മലയോര മേഖലകളിൽ 3,000 പേർക്കും മറ്റുസ്ഥലങ്ങളിൽ 5,000 പേർക്കും ഒരു ജൂണിയർ പബ്ലിക് ഹെൽത്ത് നഴ്സ് എന്ന നിലയിൽ തസ്തിക സൃഷ്ടിക്കാനുള്ള ആരോഗ്യവകുപ്പ് ഡയറക്ടറുടെ സർക്കുലറിന്റെ അടിസ്ഥാനത്തിൽ സമയബന്ധിതമായി നടപടികൾ ഉണ്ടാകണമെന്നും ആവശ്യപ്പെട്ടാണ് സമരം. ഗ്രേഡ് ഒന്നിൽ ഉണ്ടാകുന്ന എല്ലാ ഒഴിവുകളും ജെപിഎച്ച്എൻ റാങ്ക് ലിസ്റ്റുകളിൽനിന്നും നിയമിച്ചിരുന്ന 2017 ജൂലൈ 14വരെ ഉണ്ടായിരുന്ന…
Read Moreഉറങ്ങിക്കിടന്നിരുന്ന വിദ്യാര്ഥിനിയുടെ ആഭരണം ജനലിലൂടെ കവര്ന്നു; വീട്ടുകാരുടെ പരാതിയിൽ പോലീസ് അന്വേഷണം തുടങ്ങി
പയ്യന്നൂര്: ഉറങ്ങിക്കിടന്നിരുന്ന വിദ്യാര്ഥിനിയുടെ ആഭരണം കവര്ന്നു.കുഞ്ഞിമംഗലം പാണച്ചിറമേലിലെ ഒഴികണ്ടത്തില് രവീന്ദ്രന്റെ മകള് മമതയുടെ(19) കൈച്ചെയിനാണ് കവര്ന്നത്.ഇന്നു പുലര്ച്ചെ 3.45നാണ് സംഭവം. പയ്യന്നൂരിലെ ഏവിയേഷന് അക്കാഡമിയിലെ വിദ്യാര്ഥിനിയായ മമത ജനലരികിലെ കട്ടിലില് കിടന്നുറങ്ങുകയായിരുന്നു. ജനൽ തുറന്ന നിലയിലായിരുന്നു. മമതയുടെ കൈച്ചെയിൻ തന്ത്രത്തില് അഴിച്ചെടുത്ത മോഷ്ടാവ് കഴുത്തിലുണ്ടായിരുന്ന മാലയും മുറിച്ചെടുത്തു. ഇതിന് ശേഷം മാല ഊരിയെടുക്കാനുള്ള ശ്രമത്തില് ഞെട്ടിയുണര്ന്ന വിദ്യാര്ഥിനി ഒച്ചവെച്ച് അമ്മയുടെ അടുത്തേക്ക് ഓടുകയായിരുന്നു. ശബ്ദം കേട്ട് പിതാവ് രവീന്ദ്രനും ഉണര്ന്നതോടെ മോഷ്ടാവ് ഓടി രക്ഷപ്പെടുകയായിരുന്നു.കാറ്റ് കടക്കാനായി തുറന്നിട്ടിരുന്ന ജനലിനോട് ചേര്ന്നുള്ള മുകളിലെ വെന്റിലേഷനിലൂടെ കയ്യിട്ടാണ് അടച്ചിട്ടിരുന്ന ജനല്പാളി തുറന്ന് അതിലൂടെ മോഷണം നടത്തിയത്.വിവരമറിഞ്ഞയുടനെയെത്തിയ പയ്യന്നൂര് എഎസ്ഐ ടോമിയുടെ നേതൃത്വത്തിലൂള്ള പോലീസ് സംഘം പ്രദേശത്ത് വ്യാപകമായ തെരച്ചില് നടത്തിയിട്ടും മോഷ്ടാവിനെ കണ്ടെത്താനായില്ല.
Read Moreപിഎം പ്രവര്ത്തകരെ കാര് കയറ്റി കൊലപ്പെടുത്താൻ ശ്രമിച്ചകേസ്; പോലീസില് കീഴടങ്ങിയ പ്രതിയുടെ തിരിച്ചറിയല് പരേഡ് നടത്തി
നാദാപുരം: തൂണേരി മുടവന്തേരി പനാട താഴ പള്ളി പരിസരത്ത്സിപിഎം പ്രവര്ത്തകരെ കാര് കയറ്റി കൊലപ്പെടുത്താന് ശ്രമിച്ച കേസില് ഒളിവില് പോവുകയും നേപ്പാള് വഴി നാട്ടിലെത്തി പോലീസില് കീഴടങ്ങുകയും ചെയ്ത പ്രതിയുടെ തിരിച്ചറിയല് പരേഡ് നടത്തി.2017 ഫെബ്രുവരി 19 നു മുടവന്തേരി സ്വദേശികളായ പടിക്കോത്ത് ഹാസിഫ് , മുഹമ്മദ് എന്നിവരെയാണ് നാലോളം വരുന്ന സംഘം അക്രമിച്ച് പരിക്കേല്പ്പിച്ചത്. കേസില് പ്രതിയായ വളയം ജാതിയേരി സ്വദേശി മാന്താറ്റില് അജ്മല് (24) വടകര സബ്ജയിലില് മര്ദ്ദനമേറ്റ യുവാക്കള് വടകര ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് മുമ്പാകെ തിരിച്ചറിഞ്ഞു.കൃത്യത്തില് നേരിട്ട് പങ്കെടുത്ത അഞ്ചു പേരില് ഒരാളാണ് അജ്മല് , സംഭവത്തിന് ശേഷം വിദേശത്തേക്ക് കടന്ന ഇയാള് നേപ്പാള് വഴി നാട്ടിലെത്തി കഴിഞ്ഞയാഴ്ച്പോലീസില് കീഴടങ്ങുകയായിരുന്നു. അജ്മലിനെ അടുത്ത ദിവസം തെളിവെടുപ്പിനായി പോലീസ് കസ്റ്റഡിയില് വാങ്ങുെമന്ന്നാദാപുരം സിഐ പറഞ്ഞു. കേസില് നേരത്തെ മൂന്ന് പേര് അറസ്റ്റ്…
Read Moreഅധ്യാപകന്റെ അശ്ലീല പ്രസംഗം: ഫറൂഖ് കോളജിലേക്ക് വത്തക്കയുമായി പെണ്കുട്ടികള് മാര്ച്ച് നടത്തി
കോഴിക്കോട്: ഫാറൂഖ് കോളേജ് വിദ്യാര്ഥിനികളെ വസ്ത്രധാരണത്തിന്റെ പേരില് അശ്ലീല രീതിയില് ചിത്രീകരിച്ച് അപമാനിച്ച അധ്യാപകനെതിരെ നടപടിയാവശ്യപ്പെട്ട് പെണ്കുട്ടികള് ‘വത്തക്ക’ മാര്ച്ച് നടത്തി. എസ്എഫ്ഐ ‘ മാതൃകം’ ജില്ലാ കമ്മിറ്റിയുടെ ആഭിമുഖ്യത്തില് രാവിലെ 11.30 ന് ഫാറൂഖ് ട്രെയ്നിംങ് കോളേജിലേക്ക് മാര്ച്ച് നടത്തിയത്. ഫാറൂഖ് കോളേജ് മേലാവാരത്ത് നിന്നും മാര്ച്ച് ആരംഭിച്ചമാര്ച്ച് കോളജ് ഗേറ്റിനുമുന്നില് അവസാനിച്ചു.ഇന്ന് രാവിലെ എബിവിപി പ്രവര്ത്തകരും കോളജിലേക്ക് മാര്ച്ച് നടത്തിയിരുന്നു. കോളജിലെ മുസ്ലിം പെണ്കുട്ടികളുടെ വസ്ത്രധാരണരീതിയെ അശ്ലീലം കലര്ന്ന ചേരുവകള് ചേര്ത്ത് ഉപമിച്ചും അധിക്ഷേപിച്ചും ഫാറൂഖ് കോളേജ് മാനേജ്മെന്റിന് കീഴിലെ ട്രെയിനിംഗ് കോളജിലെ അധ്യാപകന് നടത്തിയ പ്രസംഗത്തിന്റെ ശബ്ദരേഖയാണ് പുറത്തായത്. പെണ്കുട്ടികള് പര്ദയും മഫ്തയും ധരിച്ച് ശരീരം പ്രദര്ശിപ്പിക്കുകയാണെന്നും അടിയില് ലഗിന്സ് ധരിച്ച് പര്ദ പൊക്കിപ്പിടിച്ച് നടക്കുന്നുവെന്നും പ്രസംഗത്തില് അധിക്ഷേപിക്കുന്നു. മഫ്തക്ക് പകരം ഷാള് ചുറ്റുകയാണ്. പുരുഷനെ ഏറ്റവും ആകര്ഷിക്കുന്ന പെണ്ണിന്റെ മാറിടം കാട്ടാനാണ്…
Read Moreകത്തിക്കരിഞ്ഞ മൃതദേഹം ; ഉത്തരം കിട്ടാതെ ക്രൈംബ്രാഞ്ചും; ആധാറിന്റെ വിവരങ്ങള് ലഭിക്കാനുള്ള നിയമവശം പരിശോധിക്കുന്നു
സ്വന്തംലേഖകന് കോഴിക്കോട്: ആറുമാസംമുന്പ് പറമ്പില് ബസാര് പോലൂരിൽ കാടുമൂടിയ പ്രദേശത്ത് കണ്ടെത്തിയ കത്തിക്കരിഞ്ഞ മൃതദേഹം സംബന്ധിച്ചുള്ള അന്വേഷണത്തില് ഉത്തരം തേടി ക്രൈംബ്രാഞ്ചും അലയുന്നു . ലോക്കല് പോലീസ് മൂന്നുമാസം രാപ്പകല് അന്വേഷിച്ചിട്ടും ഉത്തരം കിട്ടാതിരുന്ന കേസാണിപ്പോള് ക്രൈംബ്രാഞ്ച് അന്വേഷിക്കുന്നത്. 168 സെന്റീ മിറ്റര് പൊക്കവും എണ്പത് കിലോയിലധികം ഭാരവുമണ്ടായിരുന്ന മൃതദേഹം ആരുടേതാണെന്നോ ആരാണ് കൊലപ്പെടുത്തിയതെന്നോ കണ്ടെത്താനാണിതുവരേയും കഴിയാത്തത്. മരിച്ചയാളുടെ കൈവിരലിലെ രേഖകള് ഉപയോഗിച്ച് ആധാര് വഴി തിരിച്ചറിയാനാവുമെന്ന് കേസന്വേഷിച്ച ചേവായൂര് പോലീസ് കരുതി. എന്നാല് ആധാര് വിവരങ്ങള് നല്കാന് ആധാര് ഡാറ്റാബാങ്ക് തയാറായില്ല. തുടര്ന്നാണ് കേസ് ഒന്നരമാസം മുമ്പ് ക്രൈംബ്രാഞ്ചിന് കൈമാറിയത്. ആധാര് വിവരങ്ങള് ലഭിക്കാനുള്ള മറ്റു മാര്ഗങ്ങളാണ് ക്രൈംബ്രാഞ്ചും തേടുന്നത്. ജീവിച്ചിരിക്കുന്ന ഓരാളുടെ വിവരങ്ങളല്ല പകരം മരിച്ചയാളെ തിരിച്ചറിയാനുള്ള വിവരങ്ങളാണ് ആവശ്യപ്പെടുന്നതെന്ന് വ്യക്തമാക്കി ഇനിയും ആധാര് വിവരങ്ങള് ശേഖരിക്കാനാണ് ക്രൈംബ്രാഞ്ചും ആലോചിക്കുന്നത്. ആധാര് വിവരങ്ങള് വഴി…
Read Moreജിദ്ദയിൽ മലയാളി വിദ്യാര്ഥിനി മുങ്ങിമരിച്ചു; കുട്ടികളോടൊത്ത് നീന്തൽകുളത്തിൽ കളിക്കുന്നതിനിടെ താഴ്ന്നു പോകുകയായിരുന്നു
ജിദ്ദ: ജിദ്ദയിൽ കുടുംബ സംഗമത്തിനിടെ മലയാളി വിദ്യാര്ഥിനി നീന്തൽകുളത്തിൽ മുങ്ങിമരിച്ചു.കോഴിക്കോട് കൊടുവള്ളി കളരാന്തിരി സ്വദേശി പൊയിൽതൊടുക അബ്ദുൽ ലത്തീഫിന്റെ മകൾ ഫിദ (14) ആണ് മരിച്ചത്. ജിദ്ദയിലെ മവാരിദ് സ്കൂളിൽ പത്താം ക്ലാസ് വിദ്യാര്ഥിനിയായിരുന്നു. ശനിയാഴ്ച രാത്രി റിഹേലയിൽ നടന്ന കൊടുവള്ളി കെഎംസിസി കുടുംബ സംഗമത്തിനിടെയാണ് അപകടം. കുട്ടികള് ഒരുമിച്ച് നീന്താനിറങ്ങിയതായിരുന്നു. എല്ലാവരും കയറിയിട്ടും ഫിദയെ കാണാതായതിനെ തുടര്ന്ന് അന്വേഷിച്ചപ്പോഴാണ് വെള്ളത്തില് മുങ്ങിമരിച്ച നിലയില് കണ്ടെത്തിയത്.
Read More