കൊണ്ടോട്ടി: ജില്ലയിൽ അഞ്ച് വർഷമായി സ്ത്രീപീഡന കേസുകൾ ഗണ്യമായി കുറയുന്നു. സംസ്ഥാനത്ത് ഏറ്റവും കൂടുതൽ ജനസംഖ്യയുള്ള മലപ്പുറം ജില്ലയിൽ 2017 നവംബർ വരെ 1250 സ്ത്രീപീഡന കേസുകളാണ് വിവിധ പോലീസ് സ്റ്റേഷനുകളിൽ രജിസ്റ്റർ ചെയ്തത്. ബലാത്സംഗം, തട്ടികൊണ്ടുപോകൽ, പൂവാലശല്യം, ഉപദ്രവിക്കൽ, ഭർതൃപീഡനം തുടങ്ങിയവയിലാണ് കേസുകളെടുത്തത്. സംസ്ഥാനത്ത് കഴിഞ്ഞ വർഷം കൂടുതൽ കേസുകൾ റിപ്പോർട്ട് ചെയ്തത് എറണാകുളത്താണ്. 1838 കേസുകളാണ് എറണാകുളത്തുണ്ടായത്. തിരുവനന്തപുരത്ത് 1622 കേസും കോഴിക്കോട്ട് 1311 കേസുകളുമുണ്ടായി. മലപ്പുറം ജില്ലയിൽ കഴിഞ്ഞ അഞ്ച് വർഷത്തിനിടെ സ്ത്രീപീഡന കേസുകൾ കുറഞ്ഞു വരികയാണെന്ന് സംസ്ഥാന പോലീസ് ക്രൈം റിപ്പോർട്ടിൽ പറയുന്നു. 2016 ൽ 1419 കേസും 2015-ൽ 1476 കേസുമാണാണ് ജില്ലയിലുണ്ടായത്. 2014-ൽ 1461, 2013-ൽ 1380, 2012-ൽ 1264 കേസുകളുമാണുണ്ടായി. ജില്ലയിൽ സ്ത്രീധനത്തിന്റെ പേരിലുള്ള മരണങ്ങൾ കഴിഞ്ഞ വർഷം മുന്നു കേസുകളുണ്ടായി. സംസ്ഥാനത്ത് ആകെ പത്ത് കേസുകളാണ്…
Read MoreCategory: Kozhikode
ബസ് സമരം “വിദ്യാര്ഥികളിലേക്ക്’ ഒതുങ്ങുന്നു ; മുളയിലേ നുള്ളാന് വിദ്യാര്ഥി സംഘടനകൾ; മുഖ്യമന്ത്രിയുടെ നിലപാട് നിര്ണായകം
സ്വന്തം ലേഖകന് കോഴിക്കോട്: സ്വകാര്യബസ് പണിമുടക്കുമായി ബന്ധപ്പെട്ടു ബസുടമകളുമായി ഇന്നലെ ഗതാഗതമന്ത്രി നടത്തിയചര്ച്ച പൊളിഞ്ഞതോടെ പ്രതിസന്ധി രൂക്ഷം. വിദ്യാര്ഥികളുടെ കണ്സഷന് നിലവിലെ സാഹചര്യത്തില് വര്ധിപ്പിക്കാന് സാധ്യതയില്ല. വിദ്യാര്ഥിസംഘടനകളുടെ എതിര്പ്പുള്ളതിനാലാണിത്. ഇത്തരമൊരു സാഹചര്യം മുളയിലെ നുള്ളാന് എംഎസ്എഫ് ഇന്നലെ ചര്ച്ചനടന്ന കോഴിക്കോട് ഗസ്റ്റ് ഹൗസിലേക്ക് പ്രകടനം നടത്തിയിരുന്നു. എബിവിപിയും എസ്എഫ്ഐയും നിരക്കുവര്ധിപ്പിച്ചാല് പ്രക്ഷോഭത്തിന് ഇറങ്ങേണ്ട സാഹചര്യം ഉണ്ടാകും. നാളെ മുഖ്യമന്ത്രിയെ നേരിട്ട് കാണാനാണ് ബസ് ഉടമകളുടെ തീരുമാനം. മിനിമം ചാര്ജ് 10 രൂപയാക്കണമെന്ന ആവശ്യത്തില് നിന്നും ഇതിനകം ബസുടമകള് പിന്നോട്ടുപോയികഴിഞ്ഞു.കണ്സഷന്റെ കാര്യത്തില് മാത്രമാണ് ഇപ്പോള് തര്ക്കമുള്ളത്. വിദ്യാര്ഥികളുടെ കണ്സഷന് വര്ധിപ്പിക്കുന്നതുള്പ്പെടെയുള്ള കാര്യങ്ങള് പിന്നീട് തീരുമാനിക്കാമെന്ന നിലപാടാണ് സര്ക്കാരിനുള്ളത്. ആദ്യം സമരം പിന്വലിക്കട്ടെ എന്നിട്ട് ചര്ച്ചചെയ്യാമെന്ന നിലപാടാണ് ഗതാഗതമന്ത്രി ഉള്പ്പെടെയുള്ളവര്ക്കുള്ളത്. കണ്സഷന് നിരക്ക് വര്ധിപ്പിച്ചാല് അത് സര്ക്കരിരേയുള്ള സമരത്തിന് വഴിയൊരുക്കുമെന്ന കാര്യവും ഉറപ്പാണ്. വിദ്യാര്ഥികളുടെ യാത്രാനിരക്ക് ഒരു രൂപയില് നിന്നും…
Read Moreഷുക്കൂർ വധം ; ഷംസീർ എംഎൽഎ കുറ്റസമ്മതം നടത്തിയ സാഹചര്യത്തിൽ കസ്റ്റഡിയിലെടുത്തു ചോദ്യം ചെയ്യണം; കൊലനടത്തിയശേഷം അത് ഏറ്റെടുക്കുക എന്ന ഭീകര സംഘനയുടെ രീതി സിപിഎം അനുകരിക്കാൻ തുടങ്ങിയെന്നതിന്റെ തെളിവാണിതെന്ന് ഫിറോസ്
മലപ്പുറം: തളിപ്പറന്പിനടുത്ത് വച്ച് അരിയിൽ ഷുക്കൂറിനെ കൊലപ്പെടുത്തിയ സംഭവത്തിൽ ഡിവൈഎഫ്ഐ സംസ്ഥാന പ്രസിഡന്റും എംഎൽഎയുമായ എൻ. ഷംസീർ പുതിയ വെളിപ്പെടുത്തൽ നടത്തിയ പശ്ചാത്തലത്തിൽ ഷംസീറിനെ കസ്റ്റഡിയിലെടുത്തു ചോദ്യം ചെയ്യണമെന്നു മുസ്ലിം യൂത്ത് ലീഗ് സംസ്ഥാന ജനറൽ സെക്രട്ടറി പി.കെ.ഫിറോസ് വാർത്താസമ്മേളനത്തിൽ ആവശ്യപ്പെട്ടു. കൊലപാതകം നടത്തിയ യഥാർഥ പ്രതികളെക്കുറിച്ച് കൃത്യമായ വിവരങ്ങൾ ഷംസീറിനു അറിയാമെന്നതാണ് അദ്ദേഹത്തിന്റെ വെളിപ്പെടുത്തൽ വ്യക്തമാക്കുന്നത്. സിപിഎം ഇത്രയും കാലമായി പറഞ്ഞിരുന്നതു സിപിഎമ്മിനു സംഭവത്തിൽ പങ്കില്ലെന്നും രാഷ്ട്രീയ പ്രേരിതമായ ആരോപണമാണ് ഉന്നയിക്കപ്പെടുന്നതെന്നുമാണ്. സിപിഎം നടത്തിയതാണ് കൊലപാതകം എന്നു ഷംസീർ കുറ്റസമ്മതം നടത്തിയ സാഹചര്യത്തിൽ പി. ജയരാജൻ, ടി.വി രാജേഷ് എംഎൽഎ എന്നിവർ ഉൾപ്പെടെയുള്ളവരുടെ പങ്ക് ഷംസീറിനെ ചോദ്യം ചെയ്താൽ പുറത്തുവരും. കൊല നടത്തുക മാത്രമല്ല, അതു ഏറ്റെടുക്കുക എന്ന ഭീകര സംഘടനകളുടെ ശൈലി സിപിഎം അനുകരിക്കാൻ തുടങ്ങിയതിന്റെ സൂചന കൂടിയാണ് ഷംസീറിന്റെ വെളിപ്പെടുത്തലിൽ വ്യക്തമാകുന്നത്. പാർട്ടി…
Read Moreപഠനയാത്രാ സംഘത്തിലെ വിദ്യാർഥി വെള്ളത്തിൽ വീണ് മരിച്ചു; ബേപ്പൂർ കിഴക്കേവീട്ടിൽ പത്മനാഭന്റെ മകൻ അക്ഷയ് ആണ് മരിച്ചത്
കോഴിക്കോട്:കോഴിക്കോട് വെസ്റ്റ്ഹിൽ പോളിടെക്നിക്കിൽ നിന്ന് കർണാടകത്തിലേക്ക് പഠനയാത്ര പോയ സംഘത്തിലെ വിദ്യാർഥി വെള്ളത്തിൽ വീണ് മരിച്ചു. ബേപ്പൂർ കിഴക്കേവീട്ടിൽ പത്മനാഭന്റെ മകൻ അക്ഷയ് (20) ആണ് ദണ്ടേലിയിലെ വിനോദ സഞ്ചാര കേന്ദ്രത്തിലെ വെള്ളത്തിൽ വീണ് മരിച്ചത്.
Read Moreനടപ്പാതയില് വാഹനം നിര്ത്തിയത് ചോദ്യം ചെയ്ത എസ്ഐക്ക് സിപിഎം നേതാവിന്റെ മക്കളുടെ തെറിയഭിഷേകം; . ഒടുവില് രാഷ്ട്രീയ സമ്മര്ദത്തിന് വഴങ്ങി കേസെടുക്കാതെ വിട്ടു; ഗുണ്ടാലിസ്റ്റില്പെട്ട് നാടുകടത്താന് മുന് കണ്ണൂര് ഐജി ഉത്തരവിട്ടയാളാണ് നേതാവിന്റെ മകൻ
കോഴിക്കോട്: നടപ്പാതയില് വാഹനം കയറ്റിനിര്ത്തിയത് ചോദ്യം ചെയ്ത എസ്ഐയ്ക്ക് ജില്ലയിലെ ഉന്നത സിപിഎം നേതാവിന്റെ മകന് വക തെറിയഭിഷേകം. ഒടുവില് രാഷ്ട്രീയ സമ്മര്ദ്ദത്തിന് വഴങ്ങി കേസ് എടുക്കാന് പോലും തയ്യാറാകാതെ മുന്പ് ഗുണ്ടാലിസ്റ്റില്പെട്ട് നാടുകടത്താന് മുന് കണ്ണൂര് ഐജിഉത്തരവിട്ട ഇദ്ദേഹത്തെയും ഭാര്യയെയും പോലീസ് വേറുതേ വിട്ടു. ഇന്നലെ രാത്രി 9.45നോടെമാവൂര് റോഡ് കൈരളിതിയറ്റിനുസമീപമാണ് സംഭവം. ഒരു യുവാവും സുഹൃത്തും നടപ്പാതയില് വാഹനം നിര്ത്തിയതോടെയാണ് പ്രശ്നങ്ങളുടെ തുടക്കം. ഇത് ചോദ്യം ചെയ്ത കണ്ട്രോള് റൂം എസ്ഐയോട് തന്റെ തറവാട്ട് സ്വത്താണോ ഇതെന്ന് ചോദിച്ച് ദമ്പതിമാര് ഇടപെടുകയും പോലീസുകാരനെ തെറിവളിക്കുകയുമായിരുന്നു. ഇവരുടെ അടുത്തസുഹൃത്തുക്കളാണ് നടപ്പാതയില് വാഹനം നിര്ത്തിയത്. പരസ്പരം പോര്വിളി തുടങ്ങിയതോടെ വഴിയാത്രക്കാര് കൂടി. ഒടുവില് നാലുപേരെയും പോലീസ് കസബ സ്റ്റേഷനിലേക്ക് കൊണ്ടുപോയെങ്കിലും മിനിട്ടുകള്ക്കകം വെറുതേവിട്ടു. രാഷ്ട്രീയ സമ്മര്ദ്ദത്തെ തുടര്ന്നായിരുന്നു പോലീസ് കേസെടുക്കാന് പോലും തയ്യാറാകാതിരുന്നത്. എസ്ഐയെ സ്ഥലം മാറ്റാന്…
Read Moreസംഘടന രൂപീകരിച്ചതിനു സിപിഎം നേതൃത്വത്തിലുള്ള സഹകരണാശുപത്രിയിൽ നഴ്സുമാർക്ക് പീഡനം; നാല് പ്രവർത്തകർക്ക് ജോലിയിൽ പ്രവേശിക്കാൻ വിലക്ക്
വടകര: സിപിഎം നേതൃത്വത്തിലുള്ള വടകര സഹകരണാശുപത്രിയിൽ നഴ്സസ് അസോസിയേഷൻ രൂപീകരിച്ചതിന്റെ പേരിൽ നഴ്സുമാരെ ദ്രോഹിക്കുന്നതായി പരാതി. അസോസിയേഷൻ നേതാക്കളും പ്രവർത്തകരുമായ നാലു പേരെ ജോലി ചെയ്യുന്നത് വിലക്കിയിരിക്കുകയാണ്. അസോസിയേഷൻ യൂണിറ്റ് പ്രസിഡന്റ് ശാന്തി, ഏരിയാ ജോയിന്റ് സെക്രട്ടറി ജോമോൻ, പ്രവർത്തകരായ പയ്യോളിയിലെ ആര്യ, പാലക്കാട്ട് സ്വദേശി പ്രിയ എന്നിവർക്കാണ് വിലക്ക്. പത്ത് ദിവസം മുന്പാണ് ഇവരോട് ജോലിയിൽ നിന്ന് വിട്ടുനിൽക്കാൻ ആവശ്യപ്പെട്ടത്. എന്നാൽ ഇത് സംബന്ധിച്ച് രേഖാമൂലമുള്ള ഒരു അറിയിപ്പും ഇവർക്ക് ലഭിച്ചതുമില്ല. ഓപ്പറേഷൻ തിയറ്ററിൽ ആവശ്യമായ സൗകര്യം ഒരുക്കിയില്ലെന്ന കാരണം പറഞ്ഞ് ഇവർക്ക് ബോധപൂർവം ജോലി നിഷേധിക്കുകയാണെന്നാണ് പരാതി. കേരളത്തിലുടനീളമുള്ള ആശുപത്രികളിൽ നഴ്സസ് അസോസിയേഷൻ രൂപീകരിച്ച അവസരത്തിൽ വടകര സഹകരണാശുപത്രിയിലും സംഘടനക്ക് രൂപം നൽകിയിരുന്നു. അന്നു മുതൽ സംഘടനയുടെ തലപ്പത്തുള്ളവരോട് പ്രത്യേക സമീപനമാണ് മാനേജ്മെന്റിനെന്ന് പരാതി നേരത്തേയുണ്ട്. സേവന-വേതന വ്യവസ്ഥകൾ പാലിക്കാത്തതിനാൽ സംഘടനയുടെ പ്രവർത്തനം ഈയിടെ…
Read Moreസ്വകാര്യ ബസ് സമരം നടത്തുന്നവരുമായി ചര്ച്ചയ്ക്ക് സര്ക്കാര് മുന്കൈ എടുക്കില്ല; സമരത്തിന് എന്ത് പ്രസക്തിയാണുള്ളതെന്ന് സമരക്കാർ തിരിച്ചറിയണമെന്ന് ഗതാഗതമന്ത്രി
കോഴിക്കോട്: സമരം നടത്തുന്ന സ്വകാര്യ ബസുടമകളുമായി സര്ക്കാര് അങ്ങോട്ട് ചര്ച്ചയ്ക്ക് പേകേണ്ട ആവശ്യമില്ലെന്ന് ഗതാഗതമന്ത്രി എ.കെ.ശശീന്ദ്രന്. സമരത്തിന് എന്ത് പ്രസക്തിയാണുള്ളതെന്ന് അവര് തിരിച്ചറിയണം. നിരക്കുവര്ധനയുമായി ബന്ധപ്പെട്ട് ബസുടമകള്ക്ക് പ്രതിഷേധമുണ്ടെങ്കില് അത് സര്ക്കാരിനെയാണ് ആദ്യം അറിയിക്കേണ്ടതെന്നും മന്ത്രി പറഞ്ഞു. സമരത്തില് കഷ്ടപ്പെടുന്നത് സാധാരണക്കാരും വിദ്യാര്ഥികളുമാണ്. ബസുടമകള് ഇക്കാര്യം തിരിച്ചറിയണം. ചര്ച്ചയ്ക്ക് സര്ക്കാര് മുന്കൈ എടുക്കേണ്ട ആവശ്യമില്ലെന്നും നേരത്തെ തീരുമാനിച്ച സമരവുമായി അവര് മുന്നോട്ടുപോകുകയായിരുന്നുവെന്നും എ.കെ.ശശീന്ദ്രൻ പറഞ്ഞു.
Read Moreമോഷണത്തിനെത്തിയ സംഘം വീട്ടമ്മയെ കാത്തി കാട്ടി ഭീഷണിപ്പെടുത്തി ക്രൂരമായി ബലാത്സംഗം ചെയ്തു; യുവതിയുടെ നഗ്നഫോട്ടോയെടുത്ത് മുങ്ങിയ യുവാക്കൾ പിന്നീട് യുവതിയെ ഫോണിൽ വിളിച്ചു പണം ആവശ്യപ്പെട്ട് ഭീഷണിപ്പെടുത്തി; ഒടുവിൽ പ്രതികൾ പോലീസ് വലയിൽ വീണതിങ്ങനെ…
അരീക്കോട്: വീട്ടമ്മയെ ബലാത്സംഗം ചെയ്തു കവർച്ച നടത്തിയ സംഭവത്തിൽ രണ്ടു യുവാക്കളെ പോലീസ് അറസ്റ്റ് ചെയ്തു. ഒരാഴ്ച മുന്പ് അരീക്കോട് നടന്ന കേസിലാണ് വടകര മയ്യന്നൂർ പനന്പത്ത് ഇസ്മായിൽ (27), മയ്യന്നൂർ തട്ടാരത്തിമീറ്റൽ ഷാനവാസ് (35) എന്നിവര്െ മലപ്പുറം ഡിവൈഎസ്പി ജലീൽ തോട്ടത്തിലിന്റെ നേതൃത്വത്തിലുള്ള പ്രത്യേക അന്വഷണ സംഘം അറസ്റ്റ് ചെയ്തത്. ഫെബ്രുവരി ഏഴിനാണ് സംഭവം. മോഷണം നടത്തുകയെന്ന ലക്ഷ്യത്തോടെ വീടിന്റെ പിൻവാതിൽ കുത്തിത്തുറന്നു അകത്തു കടന്ന മോഷ്ടാക്കൾ കുഞ്ഞുമായി ഉറങ്ങിക്കിടക്കുകയായിരുന്ന യുവതിയെ കടന്നാക്രമിക്കുകയായിരുന്നു. കത്തിക്കാട്ടി യുവതിയെ ഭീഷണിപ്പെടുത്തി വിവസ്ത്രയാക്കി മൊബൈലിൽ ഫോട്ടോയെടുത്തു. പിന്നീട് ക്രൂരമായി കൂട്ട ബലാത്സംഗം ചെയ്യുകയും ആഭരണങ്ങളും പാസ്പോർട്ടും ഫോണും മറ്റു രേഖകളും കവർച്ച ചെയ്ത് രക്ഷപ്പെടുകയായിരുന്നു. പിന്നീട് യുവതിയെ ഫോണിൽ വിളിച്ചു രണ്ടു ലക്ഷം രൂപ നൽകണമെന്നും അല്ലെങ്കിൽ നഗ്്നചിത്രങ്ങൾ സമൂഹമാധ്യമങ്ങളിലൂടെ പരസ്യപ്പെടുത്തുമെന്നു ഭീഷണിപ്പെടുത്തി. തുടർന്നു യുവതി മലപ്പുറം ജില്ലാ പോലീസ്…
Read Moreമുൻ മുഖ്യമന്ത്രി എന്ന നിലയിൽ അറിയപ്പെടാൻ പിണറായി വിജയന് യോഗ്യതയില്ല; ഭാവികേരളം പിണറായിയെ വിളിക്കുക ആരാച്ചാർ എന്നായിരിക്കുമെന്ന് ശോഭാ സുരേന്ദ്രൻ
പയ്യോളി: ഭാവി കേരളത്തിൽ മുൻ മുഖ്യമന്ത്രി എന്ന നിലയിൽ അറിയപ്പെടാൻ പിണറായി വിജയന് യോഗ്യത ഉണ്ടാവില്ലെന്നും കൊലക്കത്തി താഴെയിടാത്തതിനാൽ പിണറായിക്ക് കേരളത്തിന്റെ ആരാച്ചാർ എന്ന് വിശേഷണമായിരിക്കും ലഭിക്കുകയെന്ന് ബിജെപി സംസ്ഥാന ജനറൽ സെക്രട്ടറി ശോഭാ സുരേന്ദ്രൻ പറഞ്ഞു. പിണറായിയും കോടിയേരിയും ഒരു പോലെ കൊലപാതകികളെ പ്രോത്സാഹിപ്പിക്കുകയും സംരക്ഷിക്കുകയും ചെയ്യുന്നു. അതിന്റെ ഒടുവിലത്തെ ഇരയാണ് കണ്ണൂരിൽ കഴിഞ്ഞ ദിവസം കൊല്ലപ്പെട്ട ഷുഹൈബ് . സിപിഎമ്മുകാരാൽ കൊല ചെയ്യപ്പെട്ട ബിഎംഎസ് നേതാവ് സി.ടി.മനോജിന്റെ ആറാമത് ബലിദാന ദിനാചരണ സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അവർ. കൊയിലാണ്ടി നിയോജക മണ്ഡലം പ്രസിഡന്റ് വി.സത്യൻ അധ്യക്ഷത വഹിച്ചു. ബിഎംഎസ് നേതൃത്വത്തിലും അനുസ്മരണം നടത്തി.
Read Moreവേണുവിന്റെ പേരിൽ വധശ്രമത്തിന് കേസെടുത്ത പോലീസ് നടപടി വിവാദത്തിൽ; സിപിഎമ്മിന്റെ ചട്ടുകമായി പോലീസ് അധഃപതിച്ചെന്ന് ആർഎംപി ഐ
വടകര: ആർഎംപിഐ സംസ്ഥാന സെക്രട്ടറി എൻ.വേണുവിന്റെ പേരിൽ വധശ്രമത്തിന് കേസെടുത്ത എടച്ചേരി പോലീസ്നടപടി വിവാദത്തിലേക്ക്. സിപിഎമ്മിന്റെ നിർദേശ പ്രകാരം വേണുവിന്റെ പേരിൽ കള്ളക്കേസ് എടുത്തതായാണ് ആക്ഷേപം. സിപിഎം കുന്നുമ്മക്കര ലോക്കൽ കമ്മിറ്റി അംഗം ബ്രിജിത്ത് ബാബുവിനെ ആക്രമിച്ചതിന്റെ പേരിലാണ് വേണു, ആർഎംപിഐ ഒഞ്ചിയം ഏരിയാ സെക്രട്ടറി കുളങ്ങര ചന്ദ്രൻ ഉൾപെടെ എട്ട് ആളുകളുടെ പേരിൽ വധശ്രമത്തിന് കേസെടുത്തിരിക്കുന്നത്. ബ്രിജിത്ത് ബാബു ആക്രമിക്കപ്പെടുന്ന പതിനൊന്നാം തിയതി ഞായറാഴ്ച രാത്രി വേണു അടക്കമുള്ളവർ ഓർക്കാട്ടേരിയിലെ ആർഎംപിഐ ഏരിയാ കമ്മിറ്റി ഓഫീസിലായിരുന്നുവെന്നാണ് വിവരം. ഓഫീസ് ആക്രമിച്ചതറിഞ്ഞ് വേണുവും കൂട്ടരും അവിടെ എത്തിയതായിരുന്നു. ഇതിനിടയിലാണ് അന്പതോളം വരുന്ന സംഘം ഓഫീസ് വളഞ്ഞത്. പോലീസ് എത്തി ആർഎംപിഐ നേതാക്കളേയും പ്രവർത്തകരേയും സുരക്ഷിതമായി മാറ്റി. കരുതൽ തടങ്കൽ എന്ന നിലയിൽ ഇവരെ പയ്യോളി സ്റ്റേഷനിൽ പാർപിക്കുകയായിരുന്നുവെന്നാണ് പോലീസ് അന്ന് വിശദീകരിച്ചത്. എന്നാൽ, പിറ്റേന്ന് രാവിലെയായതോടെ കഥ…
Read More