തേഞ്ഞിപ്പലം: കടക്കാട്ടുപാറയിൽ യുവതി ഭർതൃ വീട്ടിൽ തൂങ്ങിമരിച്ചതു ഭർതൃവീട്ടുകാരുടെ പീഢനത്തെ തുടർന്നാണെന്ന് ആരോപിക്കുന്ന പരാതിയിൽ തേഞ്ഞിപ്പലം പോലീസ് കേസെടുത്ത് അന്വേഷണം തുടങ്ങി. കടക്കാട്ടുപറ പട്ടയിൽ ചക്കനാരന്പത്ത് വിനീതിന്റെ ഭാര്യ അഞ്ചുരാജ്(23)ആണ് ഈ മാസം 22ന് ഭർത്താവിന്റെ വീട്ടിൽ തൂങ്ങിമരിച്ചത്. മരണം സംബന്ധിച്ച് യുവതിയുടെ അമ്മ നൽകിയ പരാതിയിലാണ് പോലീസ് അന്വേഷണം ആരംഭിച്ചത്. ഭർതൃവീട്ടിലെ പീഡനമാണ് മകൾമരിക്കാൻ കാരണമെന്നും പീഡനങ്ങൾ സംബന്ധിച്ച് മകൾ തന്നോട് പറഞ്ഞിരുന്നുവെന്നും പരാതിയിൽ പറയുന്നു. പ്രാഥമിക അന്വേഷണത്തിൽ ഭർതൃവീട്ടിലെ താമസം യുവതിക്ക് അത്ര സുഖകരമായിരുന്നില്ലെന്ന് പ്രാഥമിക അന്വേഷണത്തിൽ വ്യക്തമായതായി പോലീസ് പറഞ്ഞു.
Read MoreCategory: Kozhikode
ഇരുട്ടിൽ നിന്നും വെളിച്ചത്തിലേക്ക്..! മലപ്പുറത്ത് ജുമഅ നമസ്കാരത്തിനു നേതൃത്വം നൽകിയ ജാമിദയ്ക്ക് വധഭീഷണി; വനിതകൾക്ക് ഖുത്ബ നടത്താനോ ഇമാം നിൽക്കാനോ അനുവാദമില്ലെന്നു മുസ്ലീം പണ്ഡിതർ
മലപ്പുറം: വെള്ളിയാഴ്ച ജുമുഅ നമസ്കാരത്തിനു വനിത നേതൃത്വം നൽകിയതു പണ്ഡിതർക്കിടയിൽ പുതിയ വിവാദത്തിനു തിരികൊളുത്തുന്നു. മലപ്പുറം ജില്ലയിലെ വണ്ടൂരിൽ ഖുർആൻ സുന്നത്ത് സൊസൈറ്റിയുടെ കേന്ദ്ര കമ്മിറ്റി ഓഫീസിലായിരുന്നു നമസ്കാരം. സംഘടനയുടെ ജനറൽ സെക്രട്ടറി ജാമിദയാണ് ഇമാം ആയത്. നമസ്കാരത്തിനു നേതൃത്വം നൽകുക സാധാരണ പുരുഷൻമാരാണ്. എന്നാൽ ഇത്തരമൊരു നിർബന്ധം ഖുർആനിൽ ഇല്ലെന്നാണ് ഖുർആൻ സുന്നത്ത് സൊസൈറ്റിയുടെ വാദം. പൗരോഹിത്യത്തിനെതിരായ നിലപാടിന്റെ ഭാഗമായാണ് ജുമാഅ നമസ്കാരത്തിനു നേതൃത്വം നൽകിയതെന്ന് ജാമിദ പറയുന്നു. നമസ്കാരത്തിനു നേതൃത്വം നൽകുന്നത് മറ്റിടങ്ങളിലേക്ക് വ്യാപിപ്പിക്കുമെന്നും ജാമിദ പറഞ്ഞു. അമേരിക്കയിലെ നവോഥാന മുസ്ലിം വനിത നേതാവായിരുന്ന ആമിന വദൂദ് ആണ് ആദ്യമായി ജുമുഅയ്ക്ക് നേതൃത്വം നൽകിയത്. ഈ മാതൃക ഇന്ത്യയിലും നടപ്പാക്കാനാണ് ചേകന്നൂർ മൗലവിയുടെ ആദർശം പിന്തുടരുന്ന ഖുർആൻ സുന്നത്ത് സൊസൈറ്റിയുടെ ശ്രമം. വിഷയം സോഷ്യൽ മീഡിയയിലൂടെ പുറത്തു വന്നതോടെ മുസ്്ലിം പണ്ഡിതർ വിമർശനവുമായി രംഗത്തു…
Read Moreലുക്കൗട്ട് നോട്ടീസ് തുണയായി..! വിദ്യാർഥിനിയെ പീഡിപ്പിച്ച ശേഷം മുങ്ങിയ അധ്യാപകൻ എയർ പോർട്ടിൽ പിടിയിൽ; വിദേശത്തേക്ക് കടക്കാന് ശ്രമിക്കുന്നതിനിടെ എമിഗ്രേഷൻ ഉദ്യോഗസ്ഥർ പിടികൂടുകയായിരുന്നു
പയ്യോളി: പീഡനക്കേസില് പ്രതിയായ അധ്യാപകന് വിദേശത്തേക്ക് കടക്കാന് ശ്രമിക്കുന്നതിനിടെ പോലീസ് പിടിയിലായി. മേപ്പയൂര് കല്പത്തൂര് നെല്ലിയുള്ള പറമ്പില് എ.റിയാസ് (37) നെയാണ് പോലീസ് അറസ്റ്റ് ചെയ്തത്. മേപ്പയൂര് ഗവ.ഹൈസ്കൂള് അധ്യാപകനായ ഇയാള് ഇതേ സ്കൂളിലെ വിദ്യാര്ഥിനിയെ പീഡിപ്പിച്ചതിനാണ് പിടിയിലായത്. ഇക്കഴിഞ്ഞ നവംബറിലാണ് കേസിനാസ്പദമായ സംഭവം നടന്നത്. വിദ്യാര്ഥിനിയെ പീഡിപ്പിച്ച സംഭവത്തില് പോലീസ് കേസെടുത്ത ശേഷം ഇയാള് ഒളിവില് പോകുകയായിരുന്നു. ഇതിനെ തുടര്ന്ന് പോലീസ് ലുക്ക് ഔട്ട് നോട്ടീസ് പുറപ്പെടുവിച്ചിരുന്നു. രാത്രി കരിപ്പൂര് വിമാനത്താവളത്തില് നിന്ന് വിദേശത്തേക്ക് കടക്കാന് ശ്രമിക്കുന്നതിനിടെയാണ് എമിഗ്രേഷന് ഉദ്യോഗസ്ഥര് ഇയാളെ തടഞ്ഞുവച്ചു. വിവരം ലഭിച്ചതിന്റെ അടിസ്ഥാനത്തില് പോലീസെത്തി ഇയാളെ അറസ്റ്റ് ചെയ്യുകയായിരുന്നു.പ്രതിയെ അറസ്റ്റ് ചെയ്യാത്തതിനെ തുടര്ന്ന് നിരവധി സംഘടനകള് സമരം നടത്തിയിരുന്നു. അറബി അധ്യാപകനായ ഇയാള് വിവാഹിതനും മൂന്ന് കുട്ടികളുടെ പിതാവുമാണ്. പയ്യോളി സിഐ ദിനേശ് കോറോത്താണ് കേസ് അന്വേഷിക്കുന്നത്.
Read Moreഭരണരാഷ്ട്രീയ തണലിൽ..! കോടിയേരിയുടെ കുടുംബത്തിന്റെ കള്ളപ്പണ ശ്രോതസ് സ്വതന്ത്ര ഏജൻസി അന്വേഷിക്കണമെന്ന് ആർഎംപിഐ സംസ്ഥാന സെക്രട്ടറി എൻ.വേണു
വടകര: സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകൻ ബിനോയ് കോടിയേരി ബിസിനസ് സാമ്രാജ്യം കെട്ടിപ്പൊക്കിയതും ധന ശ്രോതസ്സും കളങ്കിത വ്യവസായ ശൃംഖലയുമായുള്ള ബന്ധവും സ്വതന്ത്ര ഏജൻസി അന്വേഷിക്കണമെന്ന് ആർഎംപിഐ സംസ്ഥാന സെക്രട്ടറി എൻ.വേണു ആവശ്യപ്പെട്ടു. ഭരണരാഷ്ട്രീയ രംഗത്തെ ഉന്നത സ്വാധീനത്തിന്റെ മറവിൽ വൻ വ്യവസായികളുമായി ബന്ധം സ്ഥാപിക്കുകയും അവരുടെ ബിനാമി ഇടപാടുകളിലൂടെ കോടികൾ സമാഹരിക്കുകയും ചെയ്തിരിക്കുകയാണ്. പാവപ്പെട്ടവന്റെ പേരു പറഞ്ഞ് രാഷ്ട്രീയം കളിക്കുന്ന ഇവർ ആഡംബര ജീവിതമാണ് നയിക്കുന്നത്. ദുബായി കന്പനിയിൽ നിന്നു കോടികൾ തട്ടിയ കേസ് തട്ടിപ്പിന്റെ ചെറിയ ഭാഗം മാത്രമാണ്. ഭരണരാഷ്ട്രീയ നേതൃത്വത്തിന്റെ തണലിൽ ഇവർ സന്പാദിച്ച കള്ളപ്പണം സ്വതന്ത്ര ഏജൻസി അന്വേഷിക്കണമെന്നും ഒത്തു തീർപ്പ് ശ്രമങ്ങളെ ചെറുക്കണമെന്നും വേണു പ്രസ്താവനയിൽ പറഞ്ഞു.
Read Moreഎസ്എംഎസിന് 46 രൂപ, പോസ്റ്റൽ ചാർജ് 350…! മലപ്പുറം പാസ്പോർട്ട് സേവാ കേന്ദ്രത്തിൽ അനധികൃത പണപ്പിരിവ് : പ്രതിഷേധവുമായി ഒഐസിസി
മലപ്പുറം: പാസ്പോർട്ട് സേവാകേന്ദ്രത്തിൽ അപേക്ഷകരെ ചൂഷണം ചെയ്ത് പണം വാങ്ങുന്നതിനെതിരെ ഒഐസിസി രംഗത്തെത്തി. സേവാകേന്ദ്രത്തിലെ അനധികൃത പണപ്പിരിവിനെതിരെ ജിദ്ദ ഒഐസിസി മലപ്പുറം മുനിസിപ്പൽ കമ്മിറ്റി അധികൃതർക്ക് നിവേദനം നൽകി. പാസ്പോർട്ട് കേടുവരാതെ സൂക്ഷിക്കുന്നതിനുള്ള പൗച്ച്, അപേക്ഷകർക്ക് മൊബൈലിലൂടെ അറിയിപ്പുകൾ നൽകുന്നതിനുള്ള എസ്എംഎസ് എന്നിവയുടെ പേരിൽ സേവാകേന്ദ്രത്തിൽ അപേക്ഷകരിൽ നിന്നു അനധികൃതമായി പണം ഈടാക്കുന്നതായി മുനിസിപ്പൽ കമ്മിറ്റി പ്രസിഡന്റ് യു.എം.ഹുസൈൻ, അബ്ബാസ് അലി കൊന്നോല, ഹുസൈൻ പാന്തൊടി, മുനീർ പെരിന്താറ്റീരി എന്നിവർ നൽകിയ നിവേദനത്തിൽ പറഞ്ഞു. നിവേദനം അസിസ്റ്റന്റ് പാസ്പോർട്ട് ഓഫീസർക്ക് കൈമാറി. പണം നിർബന്ധപൂർവം വാങ്ങുന്നില്ലെന്ന് ജീവനക്കാർ പറയുന്നുണ്ടെങ്കിലും മിക്ക അപേക്ഷകരും പണം നൽകാൻ നിർബന്ധിതരാകുന്നുണ്ട്. പാസ്പോർട്ട് പൗച്ചുകൾ നിർബന്ധപൂർവം അടിച്ചേൽപ്പിക്കുകയാണ്. നാല് എസ്എംഎസിന് 45 രൂപയാണ് ഒരാളിൽ നിന്നു ഈടാക്കുന്നത്. എസ്എംഎസിന് ഒരുരൂപയിൽ താഴെ മാത്രം ചെലവുവരുന്പോഴാണ് വൻതുക ഈടാക്കുന്നത്. പാസ്പോർട്ട് അയച്ചുകൊടുക്കുന്നതിനുള്ള പോസ്റ്റേജ് ചാർജ്…
Read Moreരോഗത്തെക്കുറിച്ചുളള ആശങ്കയെത്തുടർന്ന് യുവാവ് മെഡിക്കല് കോളജിലെ ശുചിമുറിയില് തൂങ്ങിമരിച്ചു; നെഫ്രോളജി വിഭാഗം ഐസിയുവില് കഴിഞ്ഞിരുന്ന സജീവ് കുമാറാണ് മരിച്ചത്
കോഴിക്കോട്: മെഡിക്കല് കോളജ് ആശുപത്രിയില് ചികിത്സയില് കഴിഞ്ഞിരുന്ന രോഗി ജീവനൊടുക്കിയ നിലയിൽ. ചാലപ്പുറം കൊളമശരി ഹൗസില് സജീവ് കുമാറി (44)നെയാണ് ഇന്ന് പുലര്ച്ചെ നെഫ്റോളജി വിഭാഗത്തിലെ ശുചിമുറിയില് തൂങ്ങി മരിച്ച നിലയില് കണ്ടത്. നെഫ്രോളജി വിഭാഗം ഐസിയുവില് ചികില്സയിലായിരുന്നു സജീവ് കുമാര് .ഇന്നലെ രാത്രി 12 -ഓടെ ബാത്ത് റൂമിലേക്കെന്നുപറഞ്ഞാണ് പോയത്. സമയമേറെ കഴിഞ്ഞിട്ടും പുറത്തേക്ക് വരാത്തതിനെ തുടര്ന്ന് ആശുപത്രി ജീവനക്കാര് നോക്കിയപ്പോഴാണ് തൂങ്ങിമരിച്ച നിലയില് കണ്ടെത്തിയത്. ബന്ധുമാത്രമാണ് ഇദ്ദേഹത്തിനൊപ്പമുണ്ടായിരുന്നത്. രോഗം സംബന്ധിച്ച ടെന്ഷന് ആയിരിക്കാം ആത്മഹത്യയലിലേക്ക് നയിച്ചതെന്ന് ഡോക്ടര്മാര് അറിയിച്ചു. മെഡിക്കല് കോളജ് പോലീസ് സ്ഥലത്തെത്തി തുടര് നടപടികള് സ്വീകരിച്ചശേഷം മൃതദേഹം ബന്ധുക്കള്ക്ക് വീട്ടുനല്കി.
Read Moreമതേതര പാർട്ടികളുടെ ഐക്യം വേണം..! ഇടതുപാർട്ടികൾ മാത്രം വിചാരിച്ചാൽ ബിജെപിയെ തോൽപ്പിക്കാനാവില്ലെന്ന് ആനി രാജ
കാസർഗോഡ്: ഇടതുപക്ഷ പാർട്ടികൾ മാത്രം വിചാരിച്ചാൽ ബിജെപി-ആർഎസ്എസ് സംഘടനകളെ നേരിട്ട് എതിർത്തുതോൽപ്പിക്കാനാവില്ലെന്നു സിപിഐ ദേശീയ നിർവാഹകസമിതിയംഗം ആനി രാജ. സിപിഐ കാസർഗോഡ് ജില്ലാ സമ്മേളനത്തിന്റെ ഭാഗമായി സംഘടിപ്പിച്ച വനിതാസമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു അവർ. ഇടതുപക്ഷത്തിന്റെ തെറ്റുകൾ ആരെങ്കിലും ചൂണ്ടിക്കാട്ടിയാൽ അവർ ഇടതുപക്ഷക്കാരല്ലെന്ന് സിപിഐ ഒരിക്കും പറയുകയില്ലെന്നും ബിജെപിയെ നേരിടാൻ ദേശീയതലത്തിൽ മതേതര പാർട്ടികളുടെ ഐക്യം വേണമെന്നും ആനി രാജ കൂട്ടിച്ചേർത്തു.
Read Moreഈ സമയത്ത് ഇറങ്ങി നടക്കണ്ട, വേഗം വിട്ടോ…! ഭട്ട് റോഡ് ബീച്ചില് സദാചാര ഗുണ്ടാ വിളയാട്ടം; രാത്രികാലങ്ങളില് യുവാക്കൾ സംഘടിച്ചെത്തി ഭീഷണിപ്പെടുത്തുന്നതായി നാട്ടുകാർ
കോഴിക്കോട്: കോഴിക്കോട് ഭട്ട് റോഡ് ബീച്ചില് സദാചാരന്മാര് വിലസുന്നു. കഴിഞ്ഞദിവസം നാലുപേരടങ്ങിയ പെണ്കുട്ടികളോടാണ് ഒരു സംഘം അപമര്യാദയായി പെരുമാറിയത്. ഈ സമയത്ത് ഇറങ്ങിനടക്കേണ്ട വേഗം വിട്ടോളാനായിരുന്നു നിര്ദേശം. ഒടുവില് ഇവര്ക്ക് തിരിച്ചുപേകേണ്ടിവന്നു. ഭട്ട് റോഡ് ബീച്ചും പരിസരവും ഇങ്ങനെ രാത്രികാലങ്ങളില് പെണ്കുട്ടികള്ക്ക് ഇറങ്ങിനടക്കാന് പറ്റുന്ന സ്ഥലമല്ലത്രെ. എന്തിനും തയ്യാറായി വന്ന ചെറുപ്പക്കാരെ കണ്ടതോടെ പെണ്കുട്ടികള്ക്കും ഭയമായി.ഇവര് സദാചാരം കളിക്കാന് നിന്നതോടെ പെണ്കുട്ടികള് ഇവിടെ നിന്നും പിന്വാങ്ങുകയായിരുന്നു. ഭട്ട് റോഡ് ബീച്ചിലും പരിസരത്തും രാത്രികാലങ്ങളില് യുവാക്കളും മറ്റും സംഘടിച്ചുനിന്ന് സാമൂഹ്യ വിരുദ്ധ പ്രവര്ത്തനങ്ങള് ഏര്പ്പെടുന്നത് പതിവാണെന്ന് പ്രദേശവാസികള് പറയുന്നു.പരസ്യമായ മദ്യപാനവും ഉണ്ടാകാറുണ്ട്. പരിചയമില്ലാത്തെ ആളുകളെ കണ്ടാല് ‘ഞെട്ടിച്ചു’വിടുകയും ഇവരുടെ വിനോദമാണ്.
Read Moreഡിമാൻഡ് വർധി പ്പിച്ച് തെങ്ങ് കയറ്റക്കാരും ..! നാളികേരത്തിന്റെ ഉൽപാദനം കുറഞ്ഞു; തേങ്ങയുടെ വില കുതിക്കുന്നു; കിലോയ്ക്ക് വില 45 മുതൽ 50 വരെ; ഇളനീരിനും വെളിച്ചെണ്ണയ്ക്കും വില കൂടി
ചങ്ങരംകുളം: നാളികേരത്തിന്റെ വില കത്തിക്കയറിയതോടെ വെളിച്ചെണ്ണക്കും വില കുതിക്കുന്നു. വിപണിയിൽ പത്തും പതിനഞ്ചും രൂപ വിലയുണ്ടായിരുന്ന നാളികേരത്തിന് 45ഉം 50ഉം ആണ് കിലോയുടെ വില. നാളികേരത്തിന് ഡിമാൻഡ് വർധിച്ചതോടെ തെങ്ങ് കയറുന്നവരുടെയും ഡിമാൻഡ് വർധിച്ച് തുടങ്ങിയത് ഇളനീർ വിപണിയിലും വില വർധനയ്ക്ക് കാരണമായിട്ടുണ്ട്. 20ഉം 30ഉം രൂപ വിലയുണ്ടായിരുന്ന ഇളനീർ 50 രൂപ വരെയാണ് നിലവിലെ വിൽപ്പന. പാതയോരങ്ങളിൽ ചൂട് കൂടിയതോടെ ഇളനീർ കച്ചവടക്കാരുടെ എണ്ണം കൂടിയെങ്കിലും വിൽപനയ്ക്ക് ആവശ്യമായ ഇളനീർ ലഭിക്കാത്തത് കച്ചവടത്തെയും ബാധിച്ച് തുടങ്ങിയിട്ടുണ്ട്. നാളികേരത്തിന് ഡിമാൻഡ് വർധിച്ചതോടെ വെളിച്ചെണ്ണ വിലയും കുതിച്ച് കയറുകയാണ് 190 ഉണ്ടായിരുന്ന വെളിച്ചെണ്ണ കിലോക്ക് 210 രൂപ ആയിട്ടുണ്ട്. വിലയില്ലാതിരുന്ന നാളികേര കൃഷിയെ കർഷകർ കാര്യമായി ശ്രദ്ധിക്കാതിരുന്നതും നാളികേരത്തിന്റെ വിളവ് കുറഞ്ഞതും നാളികേരത്തിന് ഡിമാൻഡ് വർധിക്കാൻ കാരണമായെന്നാണ് വിലയിരുത്തൽ. നാളികേരത്തിന്റെ ഉൽപാദനം കുറഞ്ഞതാണ് പെട്ടെന്നുള്ള വിലക്കയറ്റത്തിന് കാരണമെന്നാണ് കർഷകരും…
Read Moreപോലീസോ, കെഎസ്ആര്ടിസിയോ..? എല്ലാം നിയമത്തി ന്റെ വഴിക്ക് പോകട്ടെ എന്ന് കെഎസ്ആര്ടിസി; കേമന്മാര് ആരെന്ന് ഇനി കോടതി തീരുമാനിക്കും
കോഴിക്കോട്: അര്ധരാത്രി വിദ്യാര്ഥിനിയെ ഇറക്കാതെ പാഞ്ഞ മിന്നല് ബസ് ജീവനക്കാരുടെ കേസ് കോടതിയില് . പോലീസ് സ്റ്റേഷനില് ഹാജരാകാന് തയാറാവാതിരുന്ന കെഎസ്ആര്ടിസി ജീവനക്കാര് ഇനി കോടതി നടപടി നേരിടേണ്ടിവരും.കേസ് ഒഴിവാക്കണമെന്നാവശ്യപ്പെട്ട് കെഎസ്ആര്ടിസി അധികൃതര് നിരന്തരം സമര്ദം നടത്തിവരുന്നതിനിടെയാണ് ഈ നടപടി. ജീവനക്കാര് ഇനി കോടതിയില് നേരിട്ടോ വക്കീല് വഴിയോ ഹാജരാകേണ്ടിവരും. രണ്ടിടത്ത് പോലീസ് കൈകാണിച്ചിട്ടും ബസ് നിര്ത്താതെ പോയതും കെസെടുത്ത പോലീസ് സ്റ്റേഷനില് ഹാജരാകാന് തയ്യാറാവത്തതും നിയമ സംവിധാനത്തോടുള്ള വെല്ലുവിളിയായായാണ് പോലീസ് പറയുന്നത്. എന്നാല് ജീവനക്കാര് സ്റ്റേഷനില് ഹാജരാകേണ്ടതില്ലെന്നാണ് ഉന്നത ഉദ്യോഗസ്ഥരുടെ നിര്ദേശം. ഫലത്തില് വിഷയം രണ്ട് വകുപ്പുകള് തമ്മിലുള്ള ഈഗോ ക്ലാഷിലേക്ക് നീങ്ങുകയാണ്. ചോമ്പാല പോലീസില് ഹാജരാകേണ്ടതില്ലെന്ന് കെഎസ്ആര്ടിസി ഉന്നത ഉദ്യോഗസ്ഥര് നിര്ദേശിച്ചതായി ആരോപണ വിധേയരായജീവനക്കാര് തന്നെ പറയുന്നു. കേസ് കോടതിയിലെത്തിയതോടെ ജീവനക്കാരുടെ സര്വീസ് ബുക്കില് അത് രേഖയായിമാറുകയും ചെയ്യും. തങ്ങള് കൈകാണിച്ചാലും മിന്നല് ബസ്…
Read More