കൊയിലാണ്ടി: കൊയിലാണ്ടിയിൽ വിവാഹ തട്ടിപ്പുവീരൻ പിടിയിൽ. കൈതേരി വയൽ പന വല്ലി തൃശിലേരി വയനാട് സ്വദേശി കെ. ഹരിപ്രസാദ് (48) ആണ് എന്നീ കൊയിലാണ്ടി പോലീസിന്റെ പിടിയിലായത്. കെ.ഹരിപ്രസാദ്, ചിതാനന്ദൻ, ചിതൻ, ചിതാനന്ദ ഹരി എന്നി പേരുകളിലാണ് തട്ടിപ്പ്. യുവതിയെ പീഡിപ്പിച്ചതായി ഡിവൈഎസ്പിക്ക് ലഭിച്ച പരാതിയെ തുടർന്ന് കേസ് അന്വേഷണം നടത്തവെയാണ് വെങ്ങളത്ത് ഇയാൾ അറസ്റ്റിലായത്. വിവാഹ വാഗ്ദാനം നൽകി വിവാഹിതരാകാത്തതും വിധവകളുമായ സ്ത്രീകളെ വശീകരിച്ച് കേരളത്തിലും മറ്റ് സ്ഥല ങ്ങളിലും കൊണ്ട് പോയി ലൈംഗികമായും സാമ്പത്തിക മായും ചുഷണം ചെയ്യുകയുമാണ് പതിവ്. ഇന്റർനെറ്റിൽ പരസ്യം നൽകിയാണ് യുവതികളുടെ ഫോൺ നമ്പർ കൈക്കലാക്കിയിരുനന്നത്. ചോദ്യം ചെയ്യലിൽ പ്രതിയുടെ മേൽവിലാസം മാറ്റിയാണ് പറയുന്നതെന്ന് പോലീസ് പറഞ്ഞു. പ്രതിയുടെ ശരിയായ മേൽവിലാസത്തക്കറിച്ച് വിവരവും ലഭിക്കുകയാണെങ്കിൽ ഫ അറിയിക്കണമെന്ന് പോലീസ് അറിയിച്ചു. ഡിവൈഎസ്പി വടകര.9497990123, ഓഫീസ് 0496. 2522466 കൊയിലാണ്ടി പോലീസ്.04962620236.
Read MoreCategory: Kozhikode
ഓഖി ദുരന്തത്തിൽപ്പെട്ട് കോഴിക്കോട് തീരത്തടിഞ്ഞ അവസാന മൃതദേഹവും തിരിച്ചറിഞ്ഞു; പൂന്തുറ വരുവിളാകം പുരയിടം ജോസഫ് ഷെബറിയാറിന്റെ മൃതദേഹം ബന്ധുക്കൾക്ക് വിട്ടുനൽകി
കോഴിക്കോട്: ഓഖി ദുരത്തെ തുടർന്ന് കോഴിക്കോട് തീരത്തടിഞ്ഞ മുഴുവൻ മൃതദേഹങ്ങളും തിരിച്ചറിഞ്ഞു. ഇന്നലെ ഒരാളുടെ മൃതദേഹം കൂടെ തിരിച്ചറിഞ്ഞതോടെയാണ് കോഴിക്കോട്ടുള്ള മൃതദേഹങ്ങൾ മുഴുവനും ബന്ധുകൾക്ക് വിട്ടുകൊടുക്കാനായത്. പൂന്തുറ വരുവിളാകം പുരയിടം ജോസഫ് ഷെബറിയാർ (ആന്റണി- 62) നെ ഇന്നലെ കോഴിക്കോടെത്തിയ മകൻ പ്രവീണാണ് തിരിച്ചറിഞ്ഞത്. മൃതദേഹം മകനും ബന്ധുക്കൾക്കും കൈമാറി. കോഴിക്കോട് മെഡിക്കൽ കോളജ് മോർച്ചറിയിൽ 24 മൃതദേഹങ്ങളായിരുന്നു സൂക്ഷിച്ചിരുന്നത്. മലയാളികളായ 16 പേരുടെയും തമിഴ്നാട്ടിലെ എട്ടുപേരുടെയും മൃതദേഹങ്ങളാണ് കോഴിക്കോട് തീരത്തുനിന്നും ലഭിച്ചത്.
Read Moreഒരു മാര്ഗവുമില്ലെങ്കില് കൂട്ട ആത്മഹത്യ..! നീതി നിഷേധിക്കപ്പെട്ട് അബൂബക്കറും കുടുംബവും; ബന്ധുവായ യുവാവ് പീഡിപ്പിക്കുന്നുവെന്ന് കാട്ടി നിരവധി തവണ പരാതി നൽകിയിട്ടും ഒരു നടപടിയുമില്ല; പോലീസുകാരുടെ ഇടപെടലും മോശമെന്ന് അബൂബക്കർ
കോഴിക്കോട്: എലത്തൂര് കല്ലോത്ത് താഴം സ്വദേശി അബൂബക്കറിനും കുടുംബത്തിനും നീതി നിഷേധിക്കപ്പെട്ടിട്ട് വര്ഷങ്ങളായി. സ്ഥലത്തിന്റെയും സ്വത്തിന്റെയും പേരില് ബന്ധുവായ റാസാഖുമായി അബൂബക്കറിനുണ്ടായ തര്ക്കമാണ് പ്രശ്നങ്ങള്ക്ക് തുടക്കം ക്കുറിച്ചത്. തുടര്ന്ന് റസാഖ് അബൂബക്കറിന്റെ വീടിന് സമീപം വാടകയ്ക്ക് ആളുകളെ താമസിപ്പിച്ച് ഉപദ്രവിക്കുകയാണെന്ന് അബൂബക്കർ ആരോപിക്കുന്നു. സംഭവത്തില് എലത്തൂര് പോലീസില് പരാതി നല്കിയെങ്കിലും യാതൊരു നടപടിയുമുണ്ടായില്ല. അബൂബക്കറിന്റെ മകളെ അയല്വാസികള് നിലത്തിട്ട് തല്ലുന്ന ദൃശ്യങ്ങള് വരെ പോലീസിന് നല്കിയെങ്കിലും നടപടി എടുക്കാന് പോലീസ് തയ്യാറായില്ല. രണ്ട് വര്ഷമായി ആറ് കേസുകളാണ് എലത്തൂര് പോലീസില് ഇതിനകം നല്കിയിരിക്കുന്നത്. പോലീസിന്റെ ഭാഗത്ത് നിന്നും പല സമയത്തും മോശമായ സമീപനമാണ് ഉണ്ടായതെന്നും നീതി ലഭിക്കില്ലെന്ന് ഉറപ്പാണെന്നുമാണ് ഈ കുടുംബം പറയുന്നത്. അബൂബക്കറിനും കുടുംബത്തിനും സംരക്ഷണം നല്കാന് മനുഷ്യാവകാശ കമ്മീഷനും എലത്തൂര് പോലീസിനെതിരെ അന്വേഷണം നടത്താന് ന്യൂനപക്ഷ കമ്മീഷനും ഉത്തരവിറക്കിയിട്ടുണ്ട്. ജീവിക്കാന് ഒരു മാര്ഗവുമില്ലെങ്കില് കൂട്ട…
Read Moreലഹരിയിലേക്ക് ഒരു “ലിഫ്റ്റ് ‘..! ബസിലും നടന്നും പോകാൻ മടിച്ച് വാഹനങ്ങളിൽ ലിഫ്റ്റ് ചോദിച്ച് വിദ്യാർഥികൾ ചെന്നെത്തുന്നത് അപകടത്തിലേക്ക്; വിദ്യാർഥികളെ കുടുക്കാൻ ബൈക്കുമായി മാഫിയാ സംഘങ്ങളും
സ്വന്തം ലേഖകൻ കോഴിക്കോട്: ബസിലും നടന്നും പോകാൻ മടിച്ച് വാഹനങ്ങളിൽ ലിഫ്റ്റ് ചോദിച്ച് വിദ്യാർഥികൾ പോകുന്നത് അപകടത്തിലേക്ക്. രാവിലെയും വൈകുന്നേരവും സ്കൂൾ വിദ്യാർഥികൾ വാഹനങ്ങൾക്ക് കൈ കാണിച്ച് ലിഫ്റ്റ് ചോദിക്കുന്നത് കാണാതെ നഗരത്തിൽ കൂടി സഞ്ചരിക്കാൻ കഴിയില്ല. വാഹനങ്ങളിൽ ലിഫ്റ്റ് ചോദിച്ചുള്ള സ്കൂൾ വിദ്യാർഥികളുടെ യാത്ര ചെന്നെത്തുന്നത് വൻ കെണിയിലേക്കാണെന്ന് ചൈൽഡ് ഹെൽപ് ലൈനിലെ കണക്കുകൾ സൂചിപ്പിക്കുന്നു. ലിഫ്റ്റ് കൊടുത്തുണ്ടാക്കുന്ന സൗഹൃദം കുട്ടികളെ ലഹരിക്ക് അടിമകളാക്കുന്നു. വിദ്യാർഥികൾ ലഹരി സംഘത്തിന്റെ വലയിലാകുന്നു. ലിഫ്റ്റ് യാത്ര വിദ്യാർഥികളുടെ ശാരീരികപീഡനത്തിനും വഴിയൊരുക്കുന്നുണ്ട്. പതുക്കെ കുട്ടികളുടെ വിശ്വാസം നേടിയെടുത്ത് കുട്ടികളെ ലഹരിക്കടിമയാക്കുകയും ലൈംഗീകമായി ഉപയോഗിക്കുകയുമാണ് ഇവർ ചെയ്യുന്നത്. ചൈൽഡ് ലൈനിൽ എത്തുന്ന പരാതികൾ പ്രകാരമുള്ള അന്വേഷണത്തിൽ വിദ്യാർഥികളുടെ ലഹരി ഉപയോഗവുമായി ബന്ധപ്പെട്ട 30 ശതമാനം കേസുകളും ഇത്തരം “ലിഫ്റ്റ് സൗഹൃദ’ങ്ങളിൽ നിന്നാണ് ഉണ്ടാകുന്നതെന്ന് കണ്ടെത്തി. ലഹരി വിൽപ്പനക്കാർ വിദ്യാർഥികളുമായി സൗഹൃദമുണ്ടാക്കാൻ സ്കൂൾസമയങ്ങളിൽ…
Read Moreപോലീസ് നടപടിക്ക് പുല്ലുവില്ല..! മിന്നല് ബസ് ജീവനക്കാര് സ്റ്റേഷനില് ഹാജരായില്ല; ഇടയ്ക്ക് ആരേയും ഇറക്കേണ്ടന്ന കെഎസ്ആര്ടിസി എംഡിയുടെ ഉത്തരവിന് നിയമ പ്രാബല്യം ഇല്ലെന്ന് നിയമവിദഗ്ധർ
പയ്യോളി: പാതിരാത്രി ഒറ്റയ്ക്ക് യാത്ര ചെയ്ത പെണ്കുട്ടിയെ സ്റ്റോപ്പില് ഇറക്കാത്ത സംഭവത്തില് പോലീസ് ആവശ്യപ്പെട്ടിട്ടും കെഎസ്ആർടിസി മിന്നൽ ബസ് ജീവനക്കാര് സ്റ്റേഷനില് ഹാജരായില്ല. ചോമ്പാല പോലീസ് സ്റ്റേഷനിലാണ് ബസ് ജീവനക്കാരോട് ഇന്നലെ ഹാജരാകാന് ആവശ്യപ്പെട്ടത്. പയ്യോളിയില് ഇറക്കേണ്ട വിദ്യാർഥിനിയുമായി പോയ ബസ് ചോമ്പാല സ്റ്റേഷന് പരിധിയിലെ കുഞ്ഞിപ്പള്ളി വച്ച് ചോമ്പാല പോലീസ് ജീപ്പ് കുറുകെയിട്ട് നിര്ത്തിക്കുകയായിരുന്നു. സംഭവം സംബന്ധിച്ച് വിദ്യാർഥിനി ചോമ്പാല പോലീസില് അന്ന് രാത്രി തന്നെ പരാതി എഴുതി നല്കുകയും ചെയ്തു. പിന്നീട് ഇത് സംബന്ധിച്ച് കൂടുതല് വിവരങ്ങള് ശേഖരിക്കാനായി വിദ്യാർഥിനിയുടെ രക്ഷിതാവിനെ സ്റ്റേഷനില് തൊട്ടടുത്ത ദിവസം തന്നെ വിളിപ്പിക്കുകയും ചെയ്തു. സംഭവം സംബന്ധിച്ച് ഇത് വരെ ചോമ്പാല സ്റ്റേഷനില് കേസേടുത്തിട്ടില്ല. കെഎസ്ആര്ടിസി ജീവനക്കാരുടെ മൊഴിയെടുത്ത ശേഷമാവും കേസെടുക്കണോ വേണ്ടെയോ എന്ന് തീരുമാനിക്കുക എന്നാണ് പോലീസ് പറഞ്ഞത്. ഇത് പ്രകാരം കെഎസ്ആർടിസി മിന്നല് ബസ് ജീവനക്കാരോട്…
Read Moreകൂലി കുറച്ചുവാങ്ങിയ അന്യസംസ്ഥാന തൊഴിലാളിക്ക് ക്രൂരമർദനവും ഭീഷണിയും; മർദനത്തിന് ശേഷം 40,000 രൂപയുടെ ചെക്ക് ഒപ്പിട്ട് വാങ്ങി; യുവാവ് ജോലിക്ക് പോകാത്തത് അന്വേഷിച്ചപ്പോഴാണ് സംഭവം പുറത്തായത്
പേരാമ്പ്ര: വീടുകളിൽ മാർബിൾ പതിക്കുന്നതിന് കുറഞ്ഞ കൂലി ഈടാക്കുന്നുവെന്ന് ആരോപിച്ച് രാജസ്ഥാൻ സ്വദേശിയായ യുവാവിനെ 11 അംഗ സംഘം ക്രൂരമായി മർദിക്കുകയും ഭീഷണിപ്പെടുത്തി ചെക്ക് ലീഫ് ഒപ്പിട്ടു വാങ്ങിയതായും പരാതി. എടവരാട് വാടകവീട്ടിൽ താമസിക്കുന്ന ജയ്പൂർ സ്വദേശി ഇംറാജ് ആണ് മർദനത്തിനിരയായത്. ബുധനാഴ്ച വൈകീട്ട് ആറരയോടെ കല്ലോട് ചേനായി റോഡ് ജംഗ്ഷനു സമീപമാണ് സംഭവം. ഒരു വീട്ടിൽ ജോലിയുണ്ടെന്ന വ്യാജേനയാണ് ഇംറാജിനെ ഫോണിൽ വിളിച്ചുവരുത്തിയത്. മർദനത്തിനിടയിൽ ഭീഷണി മുഴക്കി 40,000 രൂപയുടെ ചെക്ക് ഇയാളിൽനിന്ന് സംഘം കൈക്കലാക്കി. ഇംറാജ് കുറഞ്ഞ വേതനത്തിന് ജോലി ചെയ്യുന്നത് തങ്ങളുടെ തൊഴിൽ സാധ്യത നഷ്ടപ്പെടുത്തുന്നുവെന്നാണ് മർദിച്ചവരുടെ ആരോപണം. വ്യാഴാഴ്ച രാവിലെ ഇംറാജ് ജോലിക്ക് പോകാത്തതിനെക്കുറിച്ച് പരിസരവാസികൾ അന്വേഷിച്ചപ്പോഴാണ് സംഭവം പുറത്തായത്. പരാതിപ്പെട്ടാൽ ഇനിയും അക്രമമുണ്ടാകുമെന്ന് ഭയന്നാണ് യുവാവ് സംഭവം മറച്ചുവച്ചത്. ഒടുവിൽ നാട്ടുകാർ ഇടപെട്ടപ്പോൾ ഇയാൾ പേരാമ്പ്ര പോലീസിൽ പരാതി നൽകി.
Read Moreകോഴിക്കോട് നഗരത്തിലെ ഷീഷ കഫെയില് റെയ്ഡിനെത്തിയ പോലീസ് കണ്ടത് ഞെട്ടിക്കുന്ന കാഴ്ച്ചകള്, ഹുക്ക വലിച്ച് ഉന്മാദാവസ്ഥയില് പെണ്കുട്ടികള്, പോലീസ് റെയ്ഡില് കണ്ടെത്തിയത് ഇതൊക്കെ
കോഴിക്കോട് നഗരത്തിലെ വിദ്യാർഥികൾക്ക് ലഹരിയോട് പ്രിയം കൂടുന്നു. നഗരത്തിൽ രണ്ട് ദിവസത്തിനുള്ളിൽ പോലീസ് പിടിച്ച് താക്കീത് നൽകി വിട്ടത് പെണ്കുട്ടികളടക്കം പത്തിലധികം വിദ്യാർഥികളെ. ഇതിൽ പ്രായ പൂർത്തിയാകാത്തവരും ഉൾപെടും. സൗഹൃദങ്ങളുടെ സമ്മർദ്ദവും ശിഥിലമായ കുടുബ ബന്ധങ്ങളും വിദ്യാർഥികളെ ഇത്തരം ദുശീലങ്ങളിലേക്ക് നയിക്കുന്ന കാരണങ്ങളിൽ മുൻപന്തിയിൽ നിൽക്കുന്നവയാണ്. വിദ്യാർഥികൾക്ക് പോക്കറ്റ് മണി എന്ന പേരിൽ രക്ഷിതാക്കൾ കൈനിറയെ നൽകുന്ന പണം എത്തി ചേരുന്നത് ഇത്തരം ഇടങ്ങളിലാണ്. സാമൂഹ്യ മാധ്യമങ്ങളുടെ അനാവശ്യ ഇടപെടലുകളും വഴിവിട്ട കൂട്ടായ്മകളും ഇത്തരം ദുശീലങ്ങൾക്ക് വളം വെക്കുന്നു. ഇന്നലെ ബീച്ചിൽ അനധികൃതമായി നടത്തിയ ഷീഷ കഫെ നടത്തിയ കൂൾബാർ കോർപ്പറേഷൻ ആരോഗ്യവിഭാഗം അടപ്പിച്ചു. ഇവിടെ നിന്ന് പോലീസ് പിടികൂടിയത് പെണ്കുട്ടികൾ അടക്കം ഏഴ് വിദ്യാർഥികളെയാണ്. ടൗണ് പോലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ പോലീസും ആരോഗ്യവിഭാഗവും നടത്തിയ സംയുക്ത റെയ്ഡിലാണ് കഫെയ്ക്കകത്ത് ഷീഷ വലിക്കുകയായിരുന്ന വിദ്യാർഥി…
Read Moreകോഴിക്കോട്ടെ പ്രമുഖരുടെ മക്കളെ കണ്ട്ക്കാ..! പെണ്കുട്ടികള് ഉള്പ്പെട്ട വിദ്യാര്ഥി സംഘം ബാറില് കയറി; കുട്ടികളുടെ വരവ് ആഘോഷിച്ച് കുടിയന്മാരും; ഒടുവിൽ കോളജ് വിദ്യാർഥിനികൾ എത്തിയത് പോലീസ് സ്റ്റേഷനിൽ
കോഴിക്കോട്: നഗരത്തിലെ പ്രമുഖ ബാര് ഹോട്ടലില് ഇന്നലെ സിനിമാ സ്റ്റൈലില് വിദ്യാര്ഥികള് എത്തി. പെണ്കുട്ടികള് ഉള്പ്പെട്ട സംഘത്തിന് വേണ്ടത് ബിയറും ബ്രാണ്ടിയും. ഒടുവില് ബാര് ജീവനക്കാര് സംശയം തോന്നിയതോടെ തിരിച്ചറിയല് കാര്ഡ് ചോദിച്ചു. പിന്നെ നടന്നത് പൂരസംഘര്ഷം. ഒടുവില് പ്രമുഖരുടെ മക്കളാണെന്ന് ബോധ്യപ്പെട്ടതോടെ പോലീസും തടിയൂരി. കോഴിക്കോട് ബീച്ച് ഹോട്ടലിലാണ് സംഭവം. പെണ്കുട്ടികള് ഉള്പ്പെട്ടസംഘമാണ് മദ്യം ആവശ്യപ്പെട്ടത്. കുട്ടികളില് കുറച്ചുപേര് നഗരത്തിലെ പ്രമുഖ സ്ഥാപനങ്ങളില് പഠിക്കുന്നവരാണ്. പെണ്കുട്ടികള് അടങ്ങിയ സംഘം ബാറില് കയറിയതോടെ മറ്റ് കുടിയന്മാര്ക്കും ആഘോഷമായി. തിരിച്ചറിയല് കാര്ഡ് ചോദിച്ചതാണ് പ്രശ്നങ്ങള്ക്ക് കാരണമായത്. ഇതോടെ വിദ്യാര്ഥി സംഘത്തെ അനുകൂലിച്ചും പ്രതികൂലിച്ചും ഇവര് ചുറ്റും കൂടി. എന്നാല് ഇതിലേറെ പ്രശ്നം ഇവിടെ എത്തിയ പോലീസിന്റെ അവസ്ഥയായിരുന്നു. എന്തുചെയ്യണമെന്നറിയാതെ കുഴങ്ങിയ പോലീസിന് ഒടുവില് ഇവരെ ജീപ്പില് കയറ്റി സ്റ്റേഷനിലെത്തിച്ചു. പിന്നീട് മാതാപിതാക്കള്ക്കൊപ്പം വിട്ടയച്ചു. 23 വയസില് താഴെയുള്ളവര്ക്ക് മദ്യം…
Read Moreതട്ടിയെടുത്തത് ലക്ഷങ്ങൾ..! ട്യൂമര് ഭേദമാക്കാമെന്ന് പറഞ്ഞ് വീട്ടമ്മയെ കബളിപ്പിച്ച വൈദ്യൻ അറസ്റ്റില്; മരുന്നെന്ന് പറഞ്ഞ് ഇവർക്ക് നൽകിയത് പ്രോട്ടീൻ പൗഡർ; രോഗം വഷളായതിനെ തുടർന്ന് മറ്റൊരു ഡോക്ടറെ കണ്ടപ്പോഴാണ് കബളിപ്പിക്കൽ മനസിലായത്
നാദാപുരം: തലയിലെ ട്യൂമര് ഭേദമാക്കാമെന്ന് പറഞ്ഞ് വീട്ടമ്മയെ കബളിപ്പിച്ചെന്ന പരാതിയില് യുവാവ് അറസ്റ്റില് . തൊട്ടില്പാലം നാഗംപാറ സ്വദേശി വിജയനാണ് അറസ്റ്റിലായത്. നാല് മാസം മുമ്പാണ് തൂണേരി സ്വദേശിനിയായ വീട്ടമ്മയ്ക്ക് കോഴിക്കോട് സ്വകാര്യ ആശുപത്രിയില് നടത്തിയ പരിശോധനയില് തലയ്ക്ക് ട്യൂമര് ബാധിച്ചതായി പരിശോധനയില് വ്യക്തമായത്. ഇതേ തുടര്ന്ന് ബാംഗ്ലൂരില് ചികിത്സ തേടാന് നിര്ദ്ദേശിക്കുകയായിരുന്നു. ഇതിനിടയിലാണ് തൊട്ടില്പാലം സ്വദേശിയും ഹോമിയോ ചികിത്സ നടത്തുന്ന വിജയനെ കാണാനെത്തുന്നത്. തുടര്ന്ന് ഇയാള് മരുന്നെന്ന വ്യാജേന മാര്ക്കറ്റില് ലഭിക്കുന്ന പ്രോട്ടീന് പൗഡറും മറ്റും ഇവര്ക്ക് എഴുതി നല്കുകയായിരുന്നു. ഒരു ലക്ഷത്തോളം രൂപയുടെ മരുന്ന് ഇയാള് വീട്ടമ്മയ്ക്ക് വാങ്ങിച്ച് നല്കിയിരുന്നു. നാല് മാസത്തോളം വിജയന് ചികില്സ നടത്തി. അസുഖം മൂര്ച്ഛിച്ചതിനെ തുടര്ന്ന് വീണ്ടും കോഴിക്കോട് സ്വകാര്യ ആശുപത്രിയില് ചികിത്സയ്ക്കെത്തിയപ്പോള് ഹോമിയോ ചികിത്സ നടത്തുകയാണെന്ന് വീട്ടുകാര് ഡോക്ടറോട് പറയുകയും കഴിക്കുന്ന മരുന്നുകള് കാണിച്ച് കൊടുക്കുകയുമായിരുന്നു. അപ്പോഴാണ്…
Read Moreപോലീസിനെ പഠിപ്പിക്കുന്നോടാ..! ട്രെയിനിൽ ഉച്ചത്തിൽ സംസാരിച്ചത് ചോദ്യം ചെയ്ത ഡോക്ടറെ തല്ലിച്ചതച്ചു; അടുത്ത സ്റ്റേഷനിലെത്തിയപ്പോൾ പിടിച്ചു വലിച്ചിറക്കി സ്റ്റേഷനിൽ കൊണ്ടുപോയി കേസെടുത്തു
വടകര: ട്രെയിൻ യാത്രക്കിടയിൽ ഉച്ചത്തിൽ സംസാരിച്ചത് ചോദ്യം ചെയ്ത ഡോക്ടറെ പോലീസ് ഉദ്യോഗസ്ഥൻ തല്ലിച്ചതച്ചതായി പരാതി. പരിക്കേറ്റ ഡോക്ടർ ജില്ലാ ആശുപത്രിയിൽ ചികിത്സ തേടി. ഡോക്ടർക്കെതിരെ കേസെടുത്ത പോലീസ് ഇദ്ദേഹത്തെ തല്ലിയതിനു നടപടി കൈക്കൊണ്ടില്ലെന്ന് ആക്ഷേപമുണ്ട്. കഴിഞ്ഞ ദിവസം പുലർച്ചെയാണ് സംഭവം. വടകരയിലെ എസ്ഐ റാങ്കിലുള്ള ഉദ്യോഗസ്ഥനും പോലീസുകാരും സ്പോർട്സ് മീറ്റ് കഴിഞ്ഞ് തിരുവനന്തപുരത്ത് നിന്ന് വരികയായിരുന്നു. ഇവർ സഞ്ചരിച്ച റിസർവേഷൻ കംപാർട്ട്മെന്റിൽ നീലേശ്വരം സ്വദേശിയായ ഡോക്ടറുമുണ്ടായിരുന്നു. മഫ്റ്റിവേഷത്തിലുള്ള എസ്ഐയും കൂട്ടരും ഉച്ചത്തിൽ സംസാരിക്കുന്നത് ശല്യമായി തോന്നിയ ഡോക്ടർ ഇവരെ ശകാരിക്കുകയുണ്ടായി. ഇതിന്റെ പേരിൽ ഇരുകൂട്ടരും തമ്മിൽ വാക്കേറ്റമുണ്ടാവുകയും എസ്ഐ ഡോക്ടറെ തല്ലുകയും ചെയ്തു. ഇതോടെ കംപാർട്ട്മെന്റിൽ പൊരിഞ്ഞ ബഹളമായി. ട്രെയിൻ വടകരയിൽ എത്തിയ അവസരത്തിൽ പോലീസുകാർ ഡോക്ടറെ കസ്റ്റഡിയിലെടുത്ത് പോലീസ് സ്റ്റേഷനിലേക്ക് കൊണ്ടുപോവുകയായിരുന്നു. എസ്ഐയുടെ പരാതി പ്രകാരം എഫ്ഐആർ രജിസ്റ്റർ ചെയ്ത പോലീസ് കേസ് റെയിൽവെ…
Read More