നാദാപുരം: തേനൂറുന്ന അരൂർ ഒളോർ മാങ്ങ വിദേശ രാജ്യങ്ങളിലേക്ക് കയറ്റി അയച്ചു തുടങ്ങി. രുചിയിൽ കേമനായ അരൂർ ഒളോർ വിപണിയിൽ ഒന്നാമനാണ്. അരൂരിന്റെ മണ്ണിൽ പതിറ്റാണ്ടുകളായി സ്ഥാനം പിടിച്ച അരൂർ ഒളോർ മാങ്ങ വ്യാപാരാടിസ്ഥാനത്തിൽ വിദേശത്തേക്ക് കയറ്റി പോകുന്നത് നാടാടെയാണ്. നേരത്തെ തലശേരി,വടകര,കോഴിക്കോട് ഉൾപ്പെടയുള്ള വിപണികളിലായിരുന്നു വിൽപ്പന. മുൻ കാലങ്ങളിൽ കച്ചവടക്കാരെത്തി മൊത്തമായി കച്ചവടമുറപ്പിക്കുകയായിരുന്നു ചെയ്തിരുന്നത്. നെടുന്പാശേരി കേന്ദ്രമായുള്ള ഏജൻസിയാണ് മാങ്ങ വാങ്ങുന്നത്. ഒന്നിടവിട്ട ദിവസങ്ങളിലായി ടണ് കണക്കിന് മാങ്ങ അരൂരിൽനിന്ന് കയറ്റിപ്പോകുന്നുണ്ട്. പല കച്ചവടക്കാരിൽ നിന്നാണ് ഏജൻസി മാങ്ങ സംഭരിക്കുന്നത്. വരും കാലം ഇത് ഏറെ ഗുണം ചെയ്യുമെന്നാണ് കണക്കുകൂട്ടൽ. ദൂരസ്ഥലങ്ങളിൽനിന്നുള്ള ആവശ്യക്കാരും അരൂരിലെത്തി കർഷകരിൽനിന്ന് മാങ്ങ വാങ്ങുന്നുണ്ട്. രാസപദാർത്ഥം ഉപയോഗിച്ച് പഴുപ്പിക്കാത്ത മാങ്ങ ലഭിക്കുമെന്നതിനാലാണ് നേരിട്ട് അരൂരിലെത്തി മാങ്ങ വാങ്ങുന്നത്. മാങ്ങയുടെ വിളവ് ഇത്തവണ നന്നേ കുറവാണ്. കാലാവസ്ഥയിലെ വ്യതിയാനമാണിതിന് കാരണം. മഴ കനക്കുന്നതിന്…
Read MoreCategory: Kozhikode
സാറെരു നല്ലനടൻ തന്നെ..! കഞ്ചാവ് വിൽപ്പനക്കാരിൽ പ്രധാനി വടകരയിൽ പിടിയിൽ; ആവശ്യക്കാരനെന്ന വ്യാജേന എത്തിയ എക്സൈസ് സംഘമാണ് ഇയാളെ പിടിച്ചത്
വടകര: വടകരയിൽ പതിവായി കഞ്ചാവ് വിതരണം ചെയ്യുന്നവരിൽ പ്രധാനി എക്സൈസ് പിടിയിൽ. ചൊക്ലി പന്ന്യന്നൂർ അസ്കറാണ് (54) അറസ്റ്റിലായത്. ഇയാളിൽ നിന്നു 50 ഗ്രാമിന്റെ പതിനാറു പൊതി കഞ്ചാവ് പിടിച്ചെടുത്തു. ദേശീയപാതയിൽ നാരായണനഗറിൽ നിന്നാണ് പ്രതി വലയിലായത്. ആവശ്യക്കാരനെന്ന വ്യാജേന സമീപിച്ച ശേഷം എക്സൈസ് സംഘം കൈയോടെ പിടികൂടുകയായിരുന്നു. ഇയാൾ എത്തിയ സ്കൂട്ടറും കസ്റ്റഡിയിലെടുത്തു. സഹകരണാശുപത്രിക്കു സമീപത്തെ ഐശ്വര്യ ലോഡ്ജിൽ മുറിയെടുത്ത് വടകര മേഖലയിൽ കഞ്ചാവ് വിതരണം ചെയ്തു വരികയായിരുന്നു ഇയാളെന്ന് എക്സൈസ് അറിയിച്ചു. ഈ മേഖലയിലെ മൂന്നു പേർക്കാണ് ഇയാൾ കഞ്ചാവ് മൊത്തമായി വിതരണം ചെയ്തിരുന്നത്. പ്രധാനമായും അന്യസംസ്ഥാന തൊഴിലാളികളാണ് ആവശ്യക്കാരെന്നും ചെന്നൈയിൽ നിന്നാണ് കഞ്ചാവ് എത്തിക്കുന്നതെന്നും പറയുന്നു. അസിസ്റ്റന്റ് എക്സൈസ് ഇൻസ്പെക്ടർ പി.സുരേന്ദ്രൻ, സിവിൽ എക്സൈസ് ഓഫീസർമാരായ പ്രമോദ് പുളിക്കൂൽ, കെ.ഗണേഷ്, കെ.കെ.രാജേഷ്കുമാർ, ഡ്രൈവർ മധു എന്നിവരടങ്ങിയ സംഘമാണ് കേസ് പിടികൂടിയത്.
Read Moreപാര്ത്ഥസാരഥി ക്ഷേത്രത്തില് നിന്നും മോഷണംപോയ തിരുവാഭരണം “തിരിച്ചെത്തി’ ആഭരണം കിട്ടിയത് എഴാംക്ലാസ് വിദ്യാര്ഥിക്ക്; സംഭവത്തെ കുറിച്ച് പോലീസ് പറയുന്നതിങ്ങനെ…
കോഴിക്കോട്: ഗോവിന്ദപുരം പാര്ത്ഥസാരഥി ക്ഷേത്രത്തില് നിന്നും നഷ്ടപ്പെട്ട അഞ്ചേമുക്കാല് പവന് തൂക്കംവരുന്ന തിരുവാഭരണം തിരികെ കിട്ടി. അമ്പലത്തിലെ കസേരകളും മറ്റും കൂട്ടിയിടുന്ന ഷെഡില് തൂക്കിയിട്ടനിലയിലായിരുന്നു തിരുവാഭരണം കിടന്നിരുന്നത്. സംഭവത്തെ കുറിച്ച് പോലീസ് പറയുന്നതിങ്ങനെ: കഴിഞ്ഞദിവസം അമ്പലത്തിലെ തെക്കേനടയോടു ചേര്ന്ന് ഗോവിന്ദപുരം എയുപിസ്കൂളിലേക്ക് പോകുന്ന വഴിയില് വച്ചാണ് ആഭരണം ലഭിച്ചത്. ഏഴാംക്ലാസ് വിദ്യാർഥിക്കാണ് ആഭരണം കിട്ടിയത്. തുടര്ന്ന് കുട്ടി ആഭരണം മറ്റാരുടേയോ കയ്യില് നിന്നും വീണ്ടുപോയതായിരിക്കുമെന്നുകരുതി സമീപത്തെ ഷെഡില് തൂക്കിയിടുകയായിരുന്നു. ഇന്നലെ രാവിലെ ക്ഷേത്ര ഭാരവാഹികളുടെ യോഗത്തിനായി ഷെഡില് നിന്നും കസേര എടുക്കാന് ചെന്നപ്പോഴാണ് ഷെഡില് തൂക്കിയിട്ടനിലയില് ആഭരണം കണ്ടെത്തിയത്. ഒറ്റേനാട്ടത്തില് തന്നെ ഇത് ദേവന്റെ തിരുവാഭരണമാണെന്ന് തിരിച്ചറിഞ്ഞു. തുടര്ന്ന് ഇവര് കോഴിക്കോട് മെഡിക്കല് കോളജ് പോലീസില് വിവരമറിയിക്കുകയായിരുന്നു. മെഡിക്കല് കോളജ് എസ്ഐ പി.കെ. വിനോദൻ, സീനിയര് സിവില് പോലീസ് ഓഫീസര് സി. ജിനേഷ് എന്നിവരുടെ നേതൃത്വത്തില് പോലീസ്…
Read Moreആദ്യ ഭാര്യയുടെ സമ്മതത്തിലും സാന്നിധ്യത്തിലും രണ്ടാം വിവാഹം; വിവാഹസമയത്ത് നല്കിയത് 15 പവന് സ്വര്ണവും ഒരുലക്ഷം രൂപയും; ഒടുവില്…
മഞ്ചേരി: കൂടുതൽ സ്ത്രീധനമാവശ്യപ്പെട്ട് രണ്ടാം ഭാര്യയെ പീഡിപ്പിച്ചെന്ന പരാതിയിൽ ഒളിവിൽ കഴിയുന്ന ഭർത്താവിന്റെയും ആദ്യ ഭാര്യയുടെയും ജാമ്യാപേക്ഷ മഞ്ചേരി ജില്ലാ സെഷൻസ് കോടതി തള്ളി. പരപ്പനങ്ങാടി പതിരിക്കൽ കൊറ്റങ്ങോടൻ അസ്ക്കർ (35), ആദ്യ ഭാര്യ നിലന്പൂർ ചക്കാലക്കുത്ത് പുളിക്കുന്നുമ്മൽ അബ്ബാസിന്റെ മകൾ ജംഷീദ (30) എന്നിവരുടെ ജാമ്യാപേക്ഷയാണ് തള്ളിയത്.വണ്ടൂർ കൂരാട് പാറത്തൊടിക രായിൻ മകൾ സക്കീന (28) ആണ് പരാതിക്കാരി. 2015 ഫെബ്രുവരി 22ന് ആദ്യ ഭാര്യയുടെ സമ്മതത്തിലും സാന്നിധ്യത്തിലുമായിരുന്നു അസ്ക്കറിന്റെയും സക്കീനയുടെയും വിവാഹം. വിവാഹസമയത്ത് നൽകിയ 15 പവൻ സ്വർണാഭരണങ്ങളും ഒരു ലക്ഷം രൂപയും നൽകിയിരുന്നു. പ്രതികൾ കൂടുതൽ ആവശ്യപ്പെട്ട് ശാരീരിക മാനസിക പീഡനങ്ങൾക്ക് വിധേയയാക്കിയെന്നാണ് കേസ്. 2017 മാർച്ച് 23ന് വണ്ടൂർ പോലീസിലാണ് സക്കീന പരാതി നൽകിയത്.
Read Moreകുറച്ചുകൂടി ശരിയാകാനുണ്ട്..! മൂന്നു ദിവസം മുമ്പ് ടാർ ചെയ്ത റോഡ് കുത്തിപ്പൊളിച്ചു റീ ടാറിംഗ് ; പൊളിച്ചു പണിയുന്നതിന് അധികമായി വേണ്ടി വരുന്നത് ലക്ഷങ്ങൾ
പേരാന്പ്ര : മൂന്നു ദിവസം മുന്പ് ടാർ ചെയ്ത് നന്നാക്കിയ റോഡ് കുത്തിപ്പൊളിച്ചു മാറ്റി റീ ടാർ ചെയ്യുന്നു. പെരുവണ്ണാമൂഴിയിൽ കുറ്റ്യാടി ജലസേചന വകുപ്പിന്റെ കീഴിലെ റോഡാണിത്. ഇതിലെ വലിയ വാഹനങ്ങൾ കടന്നു പോയതോടെ അടിവശമിളകി പുതിയതായി ടാർ ചെയ്ത റോഡിന്റെ 30 മീറ്ററോളം ഭാഗത്ത് വിള്ളൽ ഉണ്ടായി. തകരാർ വന്ന ഭാഗം പൊളിച്ചുമാറ്റി റീ ടാർ ചെയ്യാൻ ജലസേചന വകുപ്പധികൃതരും കരാറുകാരും ഉടൻ തീരുമാനമെടുത്തു. ഏകദേശം ലക്ഷം രൂപ ഇതിനു അധിക ചെലവു വരും. ലോകബാങ്ക് 22 കോടി വകയിരുത്തി കുറ്റ്യാടി ജലസേചന പദ്ധതിയിൽ നടപ്പാക്കുന്ന നവീകരണ പ്രവർത്തിയുടെ ഭാഗമാണ് റോഡ് വികസനവും. എറണാകുളത്തെ പിജിസിസി കന്പനിയാണ് കരാറുകാർ.
Read Moreവ്യത്യസ്തനാം മോഷ്ടാവ്..!; ഉറങ്ങിക്കിടക്കുന്ന വരുടെ ശരീരത്തിലെ ആഭരണം മോഷ്ടിക്കുന്നയാൾ വീണ്ടുമെത്തി; ഇന്നലെ മൂന്ന് വീടുകളിൽ നിന്നായി നഷ്ടപ്പെട്ടത് 14 പവൻ
മുക്കം: ചെറിയ ഒരു ഇടവേളയ്ക്കുശേഷം മുക്കം മേഖലയിൽ വീണ്ടും മോഷണം. അഗസ്ത്യൻ മുഴിയിലാണ് ഇന്നലെ രാത്രി മോഷണം നടന്നത്. ഉൽപ്പുറത്ത് അബ്ദുൽ അസീസിന്റ വീട്ടിൽ കയറിയ മോഷ്ടാക്കൾ ഭാര്യയുടെ കഴുത്തിൽ കിടന്ന നാലേകാൽ പവൻ തൂക്കം വരുന്ന മാലയും 5000 രൂപയും അപഹരിച്ചു. ഇടവനം കുന്നത്ത് ഇ.കെ.ഹരിദാസന്റെ വീട്ടിൽനിന്ന് ഒൻപതേ മുക്കാൽ പവൻ സ്വർണ്ണാഭരണങ്ങൾ അപഹരിച്ചു. തൊട്ടടുത്ത സി.കെ.മുഹമ്മദിന്റെ വീട്ടിൽ മോഷണശ്രമവും നടന്നു. രാത്രി 12-ന്ശേഷമാണ് മുഴുവൻ വീടുകളിലും മോഷണം നടന്നത്. ഉറങ്ങിക്കിടക്കുന്നവരുടെ ശരീരത്തിൽ അണിഞ്ഞിരുന്ന ആഭരണങ്ങളാണ് അപഹരിക്കപ്പെട്ടത്. ഒരു മാസം മുൻപ് കാരശേരി, കൊടിയത്തൂർ, കീഴുപറന്പ് പഞ്ചായത്തുകളിലെ വിവിധ ഭാഗങ്ങളിൽ മോഷണം നടന്നിരുന്നു. ഈ കേസിലെ പ്രതികളെ ഇതുവരെ പിടികൂടാനായിട്ടില്ല. അതിനിടയിലാണ് വീണ്ടും മോഷണം നടന്നത്.
Read Moreവിശ്വാസം അതല്ലേ എല്ലാം..! ശബരിമല സ്ത്രീപ്രവേശന കാര്യത്തിൽ വിശ്വാസികൾ ആവശ്യപ്പെട്ടാൽ ഹിന്ദുഐക്യവേദി പിന്തുണയ്ക്കുമെന്ന് കെപി ശശികല
കോഴിക്കോട്: ശബരിമലയിൽ സ്ത്രീപ്രവേശനം വേണമെന്ന് വിശ്വാസി സമൂഹത്തിൽ നിന്നും ആവശ്യമുയർന്നാൽ ഹിന്ദുഐക്യവേദി പി ന്തുണയ്ക്കുമെന്ന് സംസ്ഥാന പ്രസിഡന്റ കെ.പി. ശശികല. വ്യക്തികളിൽ നിന്നല്ല. വിശ്വാസി സമൂഹത്തിൽ നിന്നാണ് ഇത്തരം ആവശ്യങ്ങൾ ഉയരേണ്ടതെന്നും അവർ പറഞ്ഞു. ഭക്തജനസമൂഹത്തിൽ നിന്നോ ഹിന്ദുസംഘടനകളുടെ ഭാഗത്ത് നിന്നോ ഇത്തരം ആവശ്യം ഉയർന്നാൽ ആചാര്യസഭ വിളിച്ചുകൂട്ടാനും ആചാരത്തിൽ ആവശ്യമായ മാറ്റം വരുത്താനും ഹിന്ദുഐക്യവേദി നേതൃത്വം നൽകും.ഹിന്ദുഐക്യവേദിയ്ക്ക് ശബരിമലയിൽ സ്ത്രീപ്രവേശന വിഷയത്തിൽ മുൻവിധികളൊന്നുമില്ലെന്നും അവർ പറഞ്ഞു.
Read Moreവയനാടൻ ചക്കയ്ക്ക് നല്ല കാലം
നടവയൽ: കൃഷിയിടങ്ങളിൽ പാഴായി പോകുന്ന ചക്ക വാങ്ങാൻ കച്ചവടക്കാരെത്തുന്നത് കർഷകർക്ക് മികച്ച വരുമാനമാകുന്നു. ദിനംപ്രതി ലോഡ് കണക്കിന് ചക്കയാണ് ജില്ലയിൽ നിന്നും അയൽ സംസ്ഥാനങ്ങളിലേക്ക് കയറ്റിപ്പോകുന്നത്. വനാതിർത്തി ഗ്രാമങ്ങളിലെ കർഷകർക്ക് ആനശല്യം കാരണം ചക്ക വെറുതെ കളയേണ്ട കാര്യമില്ല. ഒരു ചക്കയ്ക്ക് അഞ്ച് രൂപ മുതൽ കൃഷിക്കാരന് നൽകിയാണ് കച്ചവടക്കാർ വാങ്ങുന്നത്. ആനശല്യത്തിന്റെ രൂക്ഷത ഭയന്ന് ചെറുപ്പത്തിലെ വിരിയുന്ന ചക്കകൾ നശിപ്പിക്കാതിരുന്ന കർഷകർക്കാണ് ഇപ്പോൾ ഗുണമായത്. ബംഗളൂരു, മൈസൂരു, ചെന്നൈ തുടങ്ങിയ സ്ഥലങ്ങളിലേക്കാണ് ജില്ലയിലെ ചക്കകൾ കയറ്റി അയക്കുന്നത്. അവിടെ എത്തിച്ചാൽ ഒരു ചക്കയ്ക്ക് 50 രൂപ വരെ വിലകിട്ടും. വരിക്ക, തേൻവരിക്ക എന്നിവയ്ക്കാണ് ആവശ്യക്കാർ ഏറെയുള്ളത്. പുഴുങ്ങാനും ചിപ്സ് മുതലായവ ഉണ്ടാക്കുന്നതിനും പച്ചചക്ക തേടി ആളുകൾ എത്തുന്നുണ്ട്. ചക്ക പറിച്ച് വാഹനത്തിൽ കയറ്റി മൈസൂരുവിൽ എത്തിക്കുന്നതിന്റെ ചെലവ് കഴിച്ചും മികച്ച വരുമാനം കച്ചവടക്കാർക്ക് ലഭിക്കുന്നുണ്ട്. തോട്ടത്തിൽ…
Read Moreരാമനാട്ടുകരയിലെ ഹോട്ടലുകളിൽ നിന്ന് പഴകിയ ഭക്ഷണ സാധനങ്ങൾ പിടിച്ചെടുത്തു
രാമനാട്ടുകര: രാമനാട്ടുകര അങ്ങാടിയിലേയും പരിസരത്തേയും ഹോട്ടലുകളിൽ നിന്ന് പഴകിയ ഭക്ഷണ സാധനങ്ങൾ നഗരസഭ ആരോഗ്യ വിഭാഗം പിടിച്ചെടുത്തു. രാമനാട്ടുകര അങ്ങാടി,രാമനാട്ടുകര ബൈപാസ് എന്നിവിടങ്ങളിലെ ആറോളം ഹോട്ടലുകളിൽ നിന്നാണ് പഴകിയ ബീഫ്,കോഴി,മത്സ്യം,നെയ്ച്ചോർ,പൊറോട്ട,ചപ്പാത്തി,എന്നിവ പിടിച്ചെടുത്തത്.ഫ്രിഡ്ജിൽ സൂക്ഷിച്ചനിലയിലായിരുന്നു ഭക്ഷ്യസാധനങ്ങൾ.ഇതിനു പുറമെ ഉപയോഗിച്ച എണ്ണയും പിടിച്ചെടുത്തിട്ടുണ്ട്. നഗരസഭ ആരോഗ്യ വിഭാഗം സീനിയർ ഹെൽത്ത് ഇൻസ്പക്ടർ എം.എം.ഗോപാലൻ,എച്ച്ഐ രാജേഷ് കുമാർ,ജൂണിയർ എച്ച് ഐ.ജുവാൻ ഡി മേരി എന്നിവർ അടങ്ങിയ സംഘമാണ് ഹോട്ടലുകളിൽ പരിശോധന നടത്തിയത്.നഗരസഭാ ചെയർമാൻ വാഴയിൽ ബാലകൃഷ്ണൻ,ആരോഗ്യ സ്ഥിരം സമിതി ചെയർമാൻ എൻ.ശംസുദ്ധീൻ എന്നിവരുടെ നിർദ്ദേശപ്രകാരമാണ് പരിശോധന നടത്തിയത്. പഴകിയ ഭക്ഷണ സാധനങ്ങൾ പിടിച്ചെടുത്ത ഹോട്ടലുകൾക്ക് നോട്ടീസ് നൽകുമെന്നും കൂൾബാറുകൾ അടക്കമുള്ള സ്ഥാപനങ്ങളിൽ വരും ദിവസങ്ങളിൽ പരിശോധന കർശനമാക്കുമെന്നും അധികൃതർ പറഞ്ഞു.
Read Moreആക്രിക്കടയിൽ നിന്ന് തിരിച്ചറിയൽ കാർഡ് ; കർശന നടപടിയെടുക്കുമെന്ന് തഹസിൽദാർ
നാദാപുരം: എടച്ചേരി തലായിയിലെ ആക്രികടയിൽ നിന്ന് തിരിച്ചറിയൽ കാർഡുകൾ കണ്ടെത്തിയ സംഭവത്തിൽ കർശന നടപടി സ്വീകരിക്കുമെന്ന് വടകര തഹസിൽദാർ.തിങ്കളാഴ്ച വൈകീട്ടാണ് തലായിയിലെ ആക്രികടയിൽ നിന്ന് നാട്ടുകാർ 84 തിരിച്ചറിയൽ കാർഡുകൾ കണ്ടെത്തി എടച്ചേരി പോലീസ് സ്റ്റേഷനിൽ ഏൽപ്പിച്ചത്. പോലീസ് കാർഡുകൾ ഇലക്ഷൻ വിഭാഗത്തിലെ അധികൃതർക്ക് കൈമാറി.മുതുവടത്തൂർ 54ാം ബൂത്തിലെ വോട്ടർമാർക്ക് ബിഎൽഒ പൂതിയ കാർഡുകൾ നൽകിയപ്പോൾ പഴയ കാർഡുകൾ കൈമാറിയിരുന്നു.ഈ കാർഡുകളാണ് ആക്രി കടയിൽ കണ്ടെത്തിയതെന്നാണ് അറിയുന്നത്. ബിഎൽഒയെ ചുമതലയിൽ നിന്ന് മാറ്റുന്നത് ഉൾപ്പെടെയുളള നപടികൾ സ്വീകരിക്കുമെന്ന് തഹസിൽദാർ അറിയിച്ചു.
Read More