കോഴിക്കോട്: കടുത്ത വേനലില് പൊന്നും വില കൊടുത്തും കിണര് നന്നാക്കാനും പുതുതായി കിണർ കുഴിക്കാനും തുനിയുന്നവരെ “കുഴി’യിലാക്കി തട്ടിപ്പുസംഘം വിലസുന്നു. പലരും തോന്നിയപോലെയാണ് ആവശ്യക്കാരില്നിന്നും കൂലി ഈടാക്കുന്നത്. നഗരത്തിലുടനീളം വൈദ്യുതപോസ്റ്റുകളിലും മറ്റും ബോര്ഡുകളില് പരസ്യം നല്കിയാണ് ഇവര് ഉപേയോക്താക്കളെ വീഴ്ത്തുന്നത്. കിണറ്റിലിറങ്ങിയാല് പതിനായിരം മുതല് മേലോട്ടാണ് കൂലി. ഗ്രാമപ്രദേശങ്ങളേക്കാള് നഗരത്തിലാണ് തട്ടിപ്പു സംഘം വിലസുന്നത്. താരതമേന സാമ്പത്തിക ശേഷിയുള്ളവരാണ് ഇവരുടെ തട്ടിപ്പിൽപ്പെടുന്നത്. പലരും പരസ്യനമ്പറില് ബന്ധപ്പെട്ട് ഇവരെജോലിക്ക് നിയോഗിച്ച ശേഷമാണ് തട്ടിപ്പിനിരയാകുന്നത്. ചാത്തമംഗലം കേന്ദ്രീകരിച്ച് പ്രവർത്തിക്കുന്ന സംഘം ഇത്തരത്തിൽ തട്ടിപ്പു നടത്തുന്നതായി ഉപഭോക്താക്കൾ പറയുന്നു. കോഴിക്കോട് നഗരത്തിലെ ഒരു കിണർ വൃത്തിയാക്കാൻ ഇവർ ആവശ്യപ്പെട്ടത് പതിനായിരം രൂപയാണ്. വീടുകളിൽ വിസിറ്റിങ്ങ് കാർഡും നൽകും. നഗരത്തിലെ വെള്ളയിൽ സ്വദേശികളായ മൂന്നംഗ സംഘം ഇതേ കിണർ 4500 രൂപയ്ക്ക് നന്നാക്കി നൽകി. ചാത്തമംഗലം ടീം നിരവധി പേരെ ഈവിധം കുഴിയിൽപ്പെടുത്തിയതായി…
Read MoreCategory: Kozhikode
മിഠായിത്തെരുവിലെ 223 കടകൾ അടച്ചുപൂട്ടാൻ നോട്ടീസ്
കോഴിക്കോട്: മിഠായിത്തെരുവിൽ സംയുക്ത ഉദ്യോഗസ്ഥ സംഘം നടത്തിയ പരിശോധനയിൽ സുരക്ഷാ ക്രമീകരണങ്ങൾ ഉറപ്പുവരുത്താത്ത 223 കടകൾ അടച്ചുപൂട്ടാൻ നോട്ടീസ് നൽകി. സുരക്ഷാ ക്രമീകരണങ്ങൾ ഉറപ്പുവരുത്തുന്നതിന്റെ ഭാഗമായുള്ള അന്തിമ പരിശോധനയുടെ ഭാഗമായി 710 കടകളിലാണ് ഇന്നലെ പരിശോധന നടത്തിയത്. പരിശോധന ഇന്നും തുടരും. റവന്യൂ, കെഎസ്ഇബി, ഇലക്ട്രിക്കൽ ഇൻസ്പെക്ടറേറ്റ്, കോർപറേഷൻ ഉദ്യോഗസ്ഥരാണ് പരിശോധന നടത്തിയത്. നഗരത്തിന്റെ മുഖച്ഛായ മാറ്റുന്ന കോഴിക്കോട് മിഠായിത്തെരു നവീകരണ പദ്ധതി ജൂലൈ അവസാനത്തോടെ പൂർത്തീകരിക്കാനാണ് ലക്ഷ്യമിടുന്നതെന്ന് ജില്ലാ കളക്ടർ യു.വി. ജോസ് അറിയിച്ചു. മിഠായിതെരുവ് നവീകരണം സംബന്ധിച്ച് കളക്ടറുടെ ചേംബറിൽ ചേർന്ന വ്യാപാരികളുടേയും ഉദ്യോഗസ്ഥരുടേയും യോഗത്തിലാണ് പദ്ധതി സംബന്ധിച്ച് വിശദീകരിച്ചത്. മിഠായിത്തെരുവിന്റെ സുരക്ഷയും ഭംഗിയും സൗകര്യങ്ങളും മെച്ചപ്പെടുത്തി കൂടുതൽ ആളുകൾ എത്തിച്ചേരുന്ന പ്രധാന വ്യാപാര കേന്ദ്രമായി മാറ്റാനാണ് പദ്ധതി വിഭാവന ചെയ്യുന്നത്. ഇതിന്റെ പ്രധാന ഗുണഭോക്താക്കൾ വ്യാപാരികൾ തന്നെയായതിനാൽ അവരുടെ ഭാഗത്തുനിന്ന് നല്ല സഹകരണമാണ്…
Read Moreചുരത്തിൽ കാർ കൊക്കയിലേക്ക് മറിഞ്ഞ് മൂന്നുപേർക്ക് പരിക്ക്
താമരശേരി: ചുരത്തിൽ നിയന്ത്രണം വിട്ട കാർ കൊക്കയിലേക്ക് മറിഞ്ഞ് മൂന്ന് പേർക്ക് പരിക്കേറ്റു. ഉണ്ണികുളം പൂനൂർ സ്വദേശികളായ ദിൽജിത്ത് (32), ശ്രീരാജ്രാഗ് (26), കൽപ്പറ്റ സ്വദേശി കാർത്തിക് (25) എന്നിവരെ പരിക്കുകളോടെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഇന്നലെ ഉച്ചകഴിഞ്ഞ് മൂന്നോടെയാണ് ചിപ്പിലിത്തോടിനും രണ്ടാം വളവിനുമിടയിലാണ് സംഭവം. ഇവിടെ നിർത്തിയിട്ടിരുന്ന കാർ പുറകോട്ടെടുത്തപ്പോൾ നിയന്ത്രണംവിട്ട് കൊക്കയിലേക്ക് മറിയുകയായിരുന്നു. ചുരം സംരക്ഷണ സമിതി പ്രവർത്തകരും ട്രാഫിക് പൊലീസും ചേർന്നാണ് കാറിലുണ്ടായിരുന്നവരെ പുറത്തെടുത്ത് ആശുപത്രിയിലേക്ക് മാറ്റിയത്. അപകടത്തിൽ മൂവരും ചെറിയ പരിക്കുകളോടെ രക്ഷപ്പെട്ടു.
Read Moreആക്രി കടയിൽ നിന്നും 84 തിരിച്ചറിയൽ കാർഡുകൾ കണ്ടെത്തി
നാദാപുരം: എടച്ചേരി തലയിലെ ആക്രികടയിൽ നിന്നും 84 പേരുടെ തെരഞ്ഞെടുപ്പ് തിരിച്ചറിയൽ കാർഡ് നാട്ടുകാർ കണ്ടെത്തി. കഴിഞ്ഞ ദിവസം വൈകുന്നേരം തലയിലെ ആക്രിക്കടയിൽ നിന്നും നാട്ടുകാർക്കാണ് കാർഡുകൾ ലഭിച്ചത് . കുറ്റ്യാടി നിയോജക മണ്ഡലത്തിലെ മുതുവടത്തൂർ സ്കൂൾ 54 ബൂത്ത് ബി എൽ ഒ യുടെ കൃത്യവിലോപത്തിന്റെ ഭാഗമായണ് ഐ ഡി കാർഡുകൾ ലഭിക്കാൻ കാരണമെന്നാണ് പ്രഥമിക നിഗമണം. തട്ടിപ്പുകൾക്ക് ഐ ഡി കാർഡുകൾ ഉപയോഗിക്കാൻ സാധ്യത ഉണ്ടെന്ന അറിവുള്ളവർ തന്നെ അശ്രദ്ധമായി കൈകാര്യം ചെയ്തത് പ്രശ്നത്തിന്റെ ഗൗരവം വർദ്ധിപ്പിക്കുകയാണ്. കാർഡുകൾ എടച്ചേരി പോലീസ് സ്റ്റേഷനിൽ ഏൽപ്പിച്ചിരിക്കുകയാണ് നാട്ടുകാർ .കസ്റ്റഡിയിൽ എടുത്ത കാർഡുകൾ വടകര താഹസിൽ ദാർക്ക് കൈമാറും. താഹസിൽദാറുടെ നിർദ്ദേശാനുസരണം തുടർ നടപടികൾ സ്വീകരിക്കുമെന്നും ആക്രിടയിൽ നിന്നും ലഭിച്ച ഐ ഡി കാർഡുകൾ ദുരുപയോഗ സാധ്യതയുണ്ടായിരുന്നു വെന്നും എടച്ചേരി എസ് ഐ യൂസഫ് നടുത്തറേമ്മൽ പറഞ്ഞു.
Read Moreമാവോയിസ്റ്റ് സാന്നിധ്യം: ആഭ്യന്തര സുരക്ഷാ വിഭാഗം എസ്പി നിലന്പൂർ സന്ദർശിച്ചു
നിലന്പൂർ: മാവോയിസ്റ്റ് സാന്നിധ്യവുമായി ബന്ധപ്പെട്ട് ആഭ്യന്തര സുരക്ഷാ വിഭാഗം എസ്പി നിലന്പൂർ മേഖല സന്ദർശിച്ചു. എസ്പി ആമോസ് മാമ്മനാണ് നിലന്പൂരിലെ വിവിധ ആദിവാസി കോളനികളടക്കമുള്ള പ്രദേശങ്ങളിൽ ഇന്നലെ രാവിലെ മുതൽ സന്ദർശനം നടത്തിയത്. മുണ്ടേരി മേഖലയിലെ തരിപ്പപ്പൊട്ടി ആദിവാസി കോളനി, കരുളായി മുണ്ടക്കടവ് ആദിവാസി കോളനി എന്നിവിടങ്ങളിൽ സന്ദർശനം നടത്തിയ എസ്പി കോളനിക്കാരിൽ നിന്ന് സുപ്രധാനമായ വിവരങ്ങൾ ചോദിച്ചറിയുകയും ചെയ്തു. മാവോയിസ്റ്റുകൾ പുതിയ വിപ്ലവ മുഖവുമായി വീണ്ടും നിലന്പൂർ മേഖലയിൽ സാന്നിധ്യം അറിയിച്ചതോടെയാണ് പോലീസ് വനമേഖലകളിലെ പരിശോധന ശക്തിപ്പെടുത്തിയത്. കഴിഞ്ഞ നവംബർ 24ലെ പോലീസ് വെടിവയ്പിനെ തുാടർന്ന് മാവോയിസ്റ്റുകളുടെ സാന്നിധ്യം അധികം പ്രദേശത്ത് ഉണ്ടായിരുന്നില്ല. എന്നാൽ കഴിഞ്ഞ മാസങ്ങളിലും മറ്റും നടന്നുവെന്നു കരുതുന്ന മാവോയിസ്റ്റുകളുടെ പ്രത്യേക യോഗങ്ങൾക്ക് ശേഷം പുതിയ നേതാവിന്റെ നേതൃത്വത്തിൽ കൂടുതൽ ശക്തമായി സാന്നിധ്യം അറിയിക്കുന്നതായി സൂചനയുണ്ട്. രണ്ടാഴ്ചയിലധികമായി പോലീസ് കരുളായി ഉൾപ്പെടെയുള്ള വനമേഖലകളിൽ…
Read Moreകാട്ടാനക്കൂട്ടം വീടുകളും ഓട്ടോറിക്ഷയും തകർത്തു
ഗൂഡല്ലൂർ: കാട്ടാനക്കൂട്ടം വീടുകളും ഓട്ടോറിക്ഷയും തകർത്തു. ചോലാടി സ്വദേശി പത്മനാഭന്റെ വീടാണ് തകർത്തത്. ഇയാളുടെ തെങ്ങ്, വാഴ തുടങ്ങിയ കൃഷികളും നശിപ്പിച്ചിട്ടുണ്ട്. കഴിഞ്ഞ ദിവസം രാത്രിയിലാണ് സംഭവം. ബിദർക്കാട് റേഞ്ചർ മനോഹരന്റെ നേതൃത്വത്തിലുള്ള വനപാലക സംഘം സ്ഥലത്തെത്തി പരിശോധന നടത്തി. ഉപ്പട്ടി ചേലക്കുന്ന് സ്വദേശി വേലായുധന്റെ വീടും പുളിയംപാറ സ്വദേശി ആമിനയുടെ വീടും കാട്ടാനക്കൂട്ടം തകർത്തു. കഴിഞ്ഞ ദിവസം രാത്രിയിലാണ് സംഭവം. പുളിയംപാറ സ്വദേശി കണ്ണന്റെ വീട്ട് മുറ്റത്ത് നിർത്തിയിട്ടിരുന്ന ഓട്ടോറിക്ഷയും കാട്ടാനക്കൂട്ടം തകർത്തു. ഇന്നലെ രാവിലെ ഏഴിനാണ് സംഭവം.
Read Moreസുരക്ഷാ സംവിധാനങ്ങളില്ല: മിഠായിത്തെരുവിലെ 192 കടകൾ അടച്ചുപൂട്ടാൻ നോട്ടീസ്
കോഴിക്കോട്: മിഠായിത്തെരുവിൽ സംയുക്ത ഉദ്യോഗസ്ഥ സംഘം നടത്തിയ പരിശോധനയിൽ സുരക്ഷാ സംവിധാനങ്ങൾ ഉറപ്പുവരുത്താത്ത 192 കടകൾ അടച്ചുപൂട്ടാൻ നോട്ടീസ് നൽകി. അന്തിമ പരിശോധനയുടെ ഭാഗമായി 604 കടകളിലാണ് ഇന്നലെ ഉദ്യോഗസ്ഥരെത്തിയത്. പരിശോധന ഇന്നും തുടരും. റവന്യു, കെഎസ്ഇബി, ഇലക്ട്രിക്കൽ ഇൻസ്പെക്ടറേറ്റ്, കോർപറേഷൻ ഉദ്യോഗസ്ഥരാണ് പരിശോധന നടത്തിയത്. നേരത്തെ നടത്തിയ പരിശോധനയിൽ 1250 കടകൾക്ക് നോട്ടീസ് നൽകിയിരുന്നു. സുരക്ഷാ ക്രമീകരണത്തിലെ വീഴ്ചകൾക്കു ഏഴുദിവസത്തിനകം പരിഹാരം കാണാനായിരുന്നു നിർദേശം.
Read Moreടൗണ്ഹാളിലെ മതിൽ കെട്ടൽ: നിർമാണം തടഞ്ഞു
കോഴിക്കോട്: ടൗണ്ഹാളിനെയും ലളിതകലാഅക്കാഡമിയെയും വേർതിരിച്ച് കോർപറേഷൻ നിർമ്മിക്കുന്ന മതിൽനിർമാണം സാംസ്കാരിക പ്രവർത്തകരുടെ നേതൃത്വത്തിൽ തടഞ്ഞു. ഇന്നലെ ഉച്ചകഴിഞ്ഞ് 3.30തോടെയാണ് കോഴിക്കോട്ടെ ഒരുപറ്റം സാംസ്കാരിക പ്രവർത്തകർ പ്രവൃത്തി തടഞ്ഞത്. ഇവർ മേയറെ കണ്ട് നിർമ്മാണം നിർത്തിവയ്ക്കണമെന്ന് ആവശ്യപ്പെട്ടിരുന്നു. മതിലിൽ കെട്ടുന്നതിനെക്കുറിച്ച് അറിയില്ലെന്നും അന്വേഷിക്കാമെന്നുമാണ് മേയർ അറിയിച്ചിരുന്നത്. എന്നാൽ ഒരു മുന്നറിയുപ്പുമില്ലാതെ നിർമാണ പ്രവർത്തനം വീണ്ടും ആരംഭിച്ചതോടെയാണ് തടഞ്ഞതെന്ന് പ്രവർത്തകർ പറഞ്ഞു. മതിൽ കെട്ടുന്നത് ബുദ്ധിശൂന്യമായ നിലപാടാണ്. ടൗണ്ഹാളിൽ വലിയ പരിപാടികൾ നടക്കുന്പോൾ പാർക്കിംഗിനായും മറ്റ് ഉപയോഗങ്ങൾക്കായും ആർട്ട്ഗാലറിയിലെ മുറ്റം ഉപയോഗിച്ചിരുന്നു. മതിൽ ഉയരുന്നതോടെ ഈ സൗകര്യങ്ങൾ പൂർണമായും ഇല്ലാതാക്കും. സാധാരണക്കാരന്റെ പണം കോർപറേഷൻ ദുരുപയോഗം ചെയ്യുകയാണെന്നും ഇവർ പറഞ്ഞു. ആർട്ട് ഗാലറിക്കുപിന്നലെ കിണറിൽ വെള്ളം വറ്റിയിരിക്കുകയാണ്. ദിനംപ്രതി പണം മുടക്കി വാട്ടർടാങ്കറിൽ വെള്ളം എത്തിച്ചുകൊണ്ടിരിക്കുകയാണ്. മതിൽ നിർമാണ പ്രവർത്തനത്തിന് ചിലവഴിക്കുന്ന പണം ഈ കിണർ നന്നാക്കാൻ ഉപയോഗിച്ചാൽ കോർപറേഷന്…
Read Moreമെരുങ്ങിയ കൊന്പന് സവാരി പരിശീലനം
ഗൂഡല്ലൂർ: പന്തല്ലൂർ മേങ്കോറഞ്ചിൽ രണ്ട് പേരെ കൊലപ്പെടുത്തിയതിനെത്തുടർന്ന് പിടികൂടി മുതുമല തൊപ്പക്കാട് ആന വളർത്തുകേന്ദ്രത്തിലെത്തിച്ച കാട്ടാനയ്ക്ക് സവാരി പരിശീലനം നൽകുന്നു. മെരുങ്ങുകയും ശാന്തസ്വഭാവിയാകുകയും ചെയ്ത സാഹചര്യത്തിലാണ് പരിശീലനം ആരംഭിച്ചത്. താപ്പാനകളുടെ സഹായത്തോടെ ഒരു വർഷം മുന്പാണ് ആനയെ മുതുമലയിൽ എത്തിച്ചത്. രണ്ട് പാപ്പാന്മാർ കഠിനാധ്വാനം ചെയ്താണ് ആനയെ മെരുക്കിയത്. അതിനിടെ, മുതുമല വന്യജീവി സങ്കേതത്തിൽ വീണ്ടും ആന സവാരി ആരംഭിച്ചു. മണിക്കൂറിന് നാല് പേർക്ക് 860 രൂപയാണ് ചാർജ്. തൊപ്പക്കാട് രണ്ട് വളർത്താനകൾ ദുരൂഹസാഹചര്യത്തിൽ ചരിഞ്ഞതിനെത്തുടർന്ന് അഞ്ച് മാസമായി ആന സവാരി നിർത്തിവച്ചിരിക്കുകയായിരുന്നു.
Read Moreകോട്ടക്കുളം നവീകരണത്തിന് തുടക്കമായി
വടകര: പട്ടണത്തിന് മുഴുവൻ ജലം നൽകാൻ പ്രാപ്തമായ കോട്ടക്കുളത്തിന്റെ നവീകരണത്തിനു തുടക്കമായി. ജനപ്രതിനിധികളും രാഷ്ട്രീയ നേതാക്കളും സന്നദ്ധ പ്രവർത്തകരും സദുദ്യമത്തിനു രംഗത്തിറങ്ങി. പതിറ്റാണ്ടുകൾക്ക് മുൻപേ കടത്തനാട് രാജാവ് നിർമ്മിച്ച ഈ കുളം അൻപത് സെന്റിലേറെ വിസ്തൃതി ഉള്ളതാണ്. കാലക്രമത്തിൽ കുളം ഉപയോഗശൂന്യമായി. നാലുഭാഗവും കൈയ്യേറ്റങ്ങൾ നടന്നിട്ടും ഇപ്പോഴും കുളത്തിന് നാല്പതു സെന്റിലേറെ വിസ്തൃതിയുണ്ട്. ഇത്തവ ണയും കടുത്ത വേനലിൽ ചുറ്റുമുള്ള എല്ലാ കുളങ്ങളും വറ്റിയപ്പോഴും കോട്ടക്കുളം മാത്രം വറ്റിയില്ല. തുടർന്നാണ് ജനകീയ കൂട്ടായ്മയിലൂടെ നവീകരിക്കാൻ തീരുമാനിച്ചത്. രണ്ടു തവണ യോഗം ചേർന്ന് നവീകരണങ്ങൾക്കുള്ള ഒരുക്കങ്ങൾ നടത്തി. തുടർന്ന് കഴിഞ്ഞ ദിവസം വടകര കോട്ടപ്പറന്പിൽ സംരക്ഷണവലയം തീർത്തു. ഇന്നലെ രാവിലെ ഏഴിന് പരിസ്ഥിതി പ്രവർത്തകരും സന്നദ്ധസേവകരും കുളത്തിലേക്ക് മാർച്ച് ചെയ്യ്ത് നവീകരണത്തിനു തുടക്കം കുറിക്കുകയായിരുന്നു. ചുറ്റുമുള്ള മരങ്ങളിൽ ഏതാനും ചിലത് മുറിച്ചുമാറ്റി കുളത്തിലേക്ക് വഴിയൊരുക്കുകയാണ് ആദ്യം ചെയ്തത്. ജെസിബി…
Read More