തൃക്കൊടിത്താനം: ഇതരസംസ്ഥാന സ്വദേശിയുടെ മരണവുമായി ബന്ധപ്പെട്ടു ബന്ധുക്കളായ മൂന്നുപേർ അറസ്റ്റിൽ. മാടപ്പള്ളി പെരുമ്പനച്ചി പുന്നക്കുന്നു ഭാഗത്തു പുന്നക്കുന്നിൽ വീട്ടിൽ ജ്യോതിഷ് കുമാർ (29), എറണാകുളം തലക്കോട് പൈനുങ്കൽപാറ കൊല്ലേവേലിച്ചിറ വീട്ടിൽ കെ.പി. പ്രശാന്ത് (29), മാടപ്പള്ളി പെരുമ്പനച്ചിറ പുന്നക്കുന്നിൽ പി.കെ. പ്രസാദ് (53) എന്നിവരെയാണ് തൃക്കൊടിത്താനം പോലീസ് അറസ്റ്റ് ചെയ്തത്. 21നു പുലർച്ചെ നാലിനു ജ്യോതിഷ് കുമാറിന്റെ വീടിന്റെ അടുക്കളയുടെ പുറകിൽ 40 വയസ് പ്രായം തോന്നുന്ന അന്യസംസ്ഥാന സ്വദേശി കൈയിൽ കത്തിയുമായി കാണപ്പെടുകയായിരുന്നു. തുടർന്ന് പ്രതികൾ ഇയാളെ മൺവെട്ടി, ഭരണി, തടിക്കഷണം തുടങ്ങിയവ ഉപയോഗിച്ച് ആക്രമിക്കുകയും പരിക്കുപറ്റിയ ഇയാളെ കോട്ടയം മെഡിക്കൽ കോളജ് ആശുപത്രിയില് പ്രവേശിപ്പിക്കുകയുമായിരുന്നു. ചികിത്സയിലിരിക്കെ കഴിഞ്ഞ ദിവസം പുലർച്ചെയാണ് ഇയാള് മരണപ്പെട്ടത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
Read MoreCategory: Edition News
സപ്ലൈകോയുടെ വ്യാജരേഖ നിര്മിച്ച് ഏഴുകോടി രൂപ തട്ടിയെടുത്ത കേസ്; മുന് അസിസ്റ്റന്റ് മാനേജര് അറസ്റ്റില്
കൊച്ചി: വ്യാജ രേഖകള് നിര്മിച്ച് സപ്ലൈകോയില് നിന്ന് ഏഴു കോടി രൂപ തട്ടിയെടുത്ത കേസില് മുന് അസിസ്റ്റന്റ് മാനേജര് അറസ്റ്റില്. കടവന്ത്ര സപ്ലൈകോ ഔട്ട്ലെറ്റിലെ അസിസ്റ്റന്റ് മാനേജരായിരുന്ന സതീഷ് ചന്ദ്രനെയാണ് എറണാകുളം കടവന്ത്ര പോലീസ് അറസ്റ്റ് ചെയ്തത്. വ്യാജ പര്ച്ചേസ് ഓര്ഡര് വഴി ഏഴ് കോടിയോളം രൂപ തട്ടിപ്പ് നടത്തിയെന്നാണ് കേസ്. സപ്ലൈകോ നടത്തിയ അന്വേഷണത്തിലാണ് തട്ടിപ്പ് പിടികൂടിയത്. കടവന്ത്ര ഔട്ട്ലെറ്റ് മാനേജര് നല്കിയ പരാതിയില് കേസെടുത്ത പോലീസ് സതീഷ് ചന്ദ്രനെ കസ്റ്റഡിയിലെടുത്ത് ചോദ്യം ചെയ്ത ശേഷം അറസ്റ്റ് രേഖപ്പെടുത്തുകയായിരുന്നു. ഐപിസി 468, 469, 471 പ്രകാരവും ഐടി വകുപ്പിലെ 66 സി, 66 ഡി പ്രകാരവുമാണ് സതീഷ് ചന്ദ്രനെതിരേ കേസെടുത്തിട്ടുള്ളത്. കടവന്ത്ര സപ്ലൈകോ ഔട്ട്ലെറ്റിന്റെ വ്യാജ ലെറ്റര് ഹെഡും ജിഎസ്ടി നമ്പറും ഉപയോഗിച്ചായിരുന്നു തട്ടിപ്പ്. ഇയാള് എട്ട് വര്ഷം മുമ്പ് സപ്ലൈകോയില് നിന്ന് വിരമിച്ചതാണ്. തട്ടിപ്പില്…
Read Moreമുന്നറിയിപ്പുമായി പോലീസ് “വീട്ടിലിരുന്ന് സന്പാദിക്കുന്നത് പൊല്ലാപ്പാകരുത്’
തിരുവനന്തപുരം: സോഷ്യൽ മീഡിയയിലെ വ്യാജ സന്ദേശങ്ങളിൽ കുടുങ്ങി തട്ടിപ്പിനിരയാകരുതെന്ന മുന്നറിയിപ്പുമായി കേരള പോലീസ്. വീട്ടിലിരുന്ന് കൂടുതല് പണം സമ്പാദിക്കാം എന്ന പേരില് വരുന്ന വ്യാജ സന്ദേശങ്ങളില് മിക്കതും വ്യാജമായിരിക്കും. ഇത്തരം വ്യാജ ജോലിവാഗ്ദാനങ്ങളോടു ശ്രദ്ധാപൂര്വം പ്രതികരിക്കണമെന്നും കേരള പോലീസ് ഫേസ്ബുക്ക് കുറിപ്പിൽ അറിയിച്ചു. മൊബൈല് ഫോണിലേക്കു സന്ദേശങ്ങള് അയച്ചാണ് തട്ടിപ്പിന്റെ തുടക്കം. തുടക്കത്തില് ചെറിയ ടാസ്ക് നല്കിയത് പൂര്ത്തീകരിച്ചാല് പണം നല്കുമെന്നു പറയുകയും അതനുസരിച്ച് പണം നല്കുകയും ചെയ്യുന്നു. പറഞ്ഞ പണം യഥാസമയം കിട്ടിയതില് ആകൃഷ്ടനായ ഇര കൂടുതല് പണം മുടക്കാന് തയാറാകുന്നു. ഇര വലയില് വീണെന്ന് മനസിലാക്കുന്ന തട്ടിപ്പുകാര്, ടാസ്കില് തുടര്ന്ന് പങ്കെടുക്കാന് കൂടുതല് പണം ചോദിക്കുന്നു. ടാസ്ക് പൂര്ത്തീകരിച്ചാലും പണം തിരികെ നല്കാതിരിക്കുന്നതാണ് തട്ടിപ്പിന്റെ രീതി. ഈ സമയത്തിനുള്ളില് വലിയൊരു തുക തട്ടിപ്പുകാര് കൈക്കലാക്കിയിരിക്കും. ഓണ്ലൈന് സാമ്പത്തികത്തട്ടിപ്പിനിരയായാല് ഒരുമണിക്കൂറിനകം തന്നെ വിവരം 1930 ല്…
Read Moreരാജ്യത്തെ ദീർഘദൂര ട്രെയിനുകളായ രാജധാനി-ശതാബ്ദി ട്രെയിനുകൾ വന്ദേഭാരത് സ്ലീപ്പറിനു വഴിമാറും
കൊല്ലം: രാജ്യത്തെ ദീർഘദൂര ട്രെയിനുകളായ രാജധാനി-ശതാബ്ദി എക്സ്പ്രസുകൾക്ക് പകരം വന്ദേഭാരത് സ്ലീപ്പർ സർവീസുകൾ ഓടിക്കും. ഇതിനുള്ള പ്രാരംഭ നടപടികൾ റെയിൽവേ ആരംഭിച്ച് കഴിഞ്ഞു.ഈ വർഷം അവസാനത്തോടെ രാജ്യത്ത് ആദ്യ വന്ദേ ഭാരത് സ്ലീപ്പർ ട്രെയിനുകൾ ഓടിത്തുടങ്ങും. അതിനു ശേഷമായിരിക്കും രാജധാനിയുടെയും ശതാബ്ദിയുടെയും ഘട്ടം ഘട്ടമായുള്ള മാറ്റം. ഇങ്ങനെ മാറ്റം വരുത്തുമ്പോൾ ഇവയുടെ കോച്ചുകൾ മറ്റ് റൂട്ടുകളിൽ പ്രയോജനപ്പെടുത്താനാണ് റെയിൽവേയുടെ പദ്ധതി.വന്ദേഭാരത് സ്ലീപ്പർ കോച്ചുകളുടെ നിർമാണം ചെന്നൈയിലെ ഇന്റഗ്രൽ കോച്ച് ഫാക്ടറിയിൽ അവസാന ഘട്ടത്തിലാണ്. നിലവിൽ രാജ്യത്ത് സർവീസ് നടത്തുന്ന വന്ദേഭാരത് എക്സ്പ്രസ് ട്രെയിനുകളുടെ പരിഷ്കരിച്ച പതിപ്പാണ് വന്ദേ ഭാരത് സ്ലീപ്പറുകൾ. മണിക്കൂറിൽ 200 കിലോമീറ്റർ സ്പീഡിൽ വരെ ഓടും എന്നതാണ് വന്ദേ സ്ലീപ്പർ ട്രെയിനുകളുടെ ഏറ്റവും വലിയ പ്രത്യേകത. ഇവ യാത്രാ സമയം കുറയ്ക്കുകയും സുഖകരമായ യാത്രാനുഭവം പ്രദാനം നൽകുകയും ചെയ്യും. അതിനാലാണ് രാജധാനിയും ശതാബ്ദിയും വന്ദേ…
Read Moreസ്കൂൾ തുറക്കൽ: സജ്ജീകരണങ്ങളൊരുക്കി കെഎസ്ആർടിസി
ചാത്തന്നൂർ: മധ്യവേനൽ അവധി കഴിഞ്ഞ് വിദ്യാലയ വർഷം ആരംഭിക്കുന്നതിന് മുന്നോടിയായി വിദ്യാർഥികൾക്ക് യാത്രാ സൗകര്യം ഒരുക്കാൻ കെ എസ് ആർ ടി സി. സ്കൂളുകൾ കോളജുകൾ തുടങ്ങി വിദ്യാഭ്യാസസ്ഥാപനങ്ങളുമായി ബന്ധപ്പെട്ട് ക്രമീകരിച്ചിട്ടുള്ള മുഴുവൻ ഷെഡ്യൂളുകളും മുടക്കം കൂടാതെ നടത്തണമെന്ന് യൂണിറ്റ് മേധാവികൾക്ക് നിർദ്ദേശം നല്കിയിട്ടുണ്ട്. ഡോക്കുകളിലുള്ള മുഴുവൻ ബസുകളും സർവീസ് യോഗ്യമാക്കുകയും ജീവനക്കാരുടെ അവധികൾ നിയന്ത്രിക്കുകയും വേണം.തിരക്കുള്ള സമയങ്ങളിൽ പ്രധാന കേന്ദ്രങ്ങളിൽ ഇൻസ്പെക്ടർമാരെ നിയോഗിച്ച് വിദ്യാർത്ഥികളുടെ യാത്രാ സൗകര്യം ഉറപ്പുവരുത്തണം. ബസുകളുടെ ചോർച്ച ഉൾപ്പെടെ അത്യാവശ്യം അറ്റകുറ്റപണികൾ ഉടൻ പൂർത്തിയാക്കണം. വിദ്യാഭ്യാസസ്ഥാപനങ്ങളുടെ അക്കാദമിക് കലണ്ടറുകൾ യൂണിറ്റ് മേധാവികൾ കരസ്ഥമാക്കി അതിനനുസരിച്ച് സർവീസുകൾ ക്രമീകരിക്കണം. വിദ്യാർത്ഥികളുടെ കൺസഷന് ആവശ്യമായ രേഖകൾ എന്തൊക്കെയാണെന്ന് വ്യക്തമായി രേഖപ്പെടുത്തി എല്ലാവർക്കും കാണത്തക്കവിധത്തിൽ ഡിപ്പോകളിൽ പ്രദർശിപ്പിക്കാനും ഫല പ്രദമായ രീതിയിൽ കൺസഷൻ കൗണ്ടറുകൾ പ്രവർത്തിപ്പിക്കണമെന്നും ഓപ്പറേഷൻസ് വിഭാഗം എക്സിക്യൂട്ടീവ് ഡയറക്ടർ നിർദ്ദേശിച്ചിട്ടുണ്ട്. പ്രദീപ് ചാത്തന്നൂർ
Read Moreജനങ്ങളുടെ ജീവനും സ്വത്തും സംരക്ഷിക്കാൻ മുല്ലപ്പെരിയാറിൽ പുതിയ അണക്കെട്ട് അനിവാര്യമെന്ന് ഫാ. നിരപ്പേൽ
തൊടുപുഴ: ലക്ഷക്കണക്കിന് ജനങ്ങളുടെ ജീവനും സ്വത്തും സംരക്ഷിക്കാനും കേരളം ഇതേ ഭൂപ്രകൃതിയിൽ നിലനിൽക്കാനും മുല്ലപെരിയാറിൽ പുതിയ അണക്കെട്ട് അനിവാര്യമാണെന്ന് മുല്ലപ്പെരിയാർ സമരസമിതി ചെയർമാൻ ഫാ.ജോയി നിരപ്പേൽ. തമിഴ്നാടിന് വെള്ളവും കേരളത്തിന് സുരക്ഷയും എന്ന മുദ്രാവാക്യമുയർത്തി ഇന്ത്യൻ ആന്റി കറപ്ഷൻ മിഷന്റെ നേതൃത്വത്തിൽ തൊടുപുഴ സിവിൽ സ്റ്റേഷനു മുന്നിൽ നടത്തിയ ഉപവാസ സമരം ഉദ്ഘാടനം ചെയ്യുകയായിരുന്നു അദ്ദേഹം. ലോകത്ത് ഏറ്റവും പഴക്കംചെന്നതും കാലാവധി കഴിഞ്ഞതുമായ ഏക ഭൂഗുരുത്വ അണക്കെട്ടാണ് മുല്ലപ്പെരിയാറിലേത്. 50 വർഷ ആയുസ് കൽപ്പിക്കപ്പെട്ട അണക്കെട്ട് 128 വർഷം കഴിഞ്ഞിട്ടും ഡീകമ്മീഷൻ ചെയ്യാൻ കഴിയാത്തത് കേരളത്തിന്റെ പരാജയമാണെന്നും അദ്ദേഹം പറഞ്ഞു. സംസ്ഥാന പ്രസിഡന്റ് ഷിബു കെ.തന്പി അധ്യക്ഷത വഹിച്ചു. സമാപന സമ്മേളനം ദേശീയ പ്രസിഡന്റ് അഡ്വ. ഡോ. രാജീവ് രാജധാനി ഉദ്ഘാടനം ചെയ്തു. ദേശീയ ചെയർമാൻ ഡോ. പി.ആർ.വി നായർ മുഖ്യപ്രഭാഷണം നടത്തി. സംസ്ഥാന ജനറൽ സെക്രട്ടറി…
Read Moreമിഠായി വാങ്ങിനൽകാമെന്ന് പറഞ്ഞ് കൂട്ടിക്കൊണ്ടിപോയി ബാലികയ്ക്കു നേരേ ലൈംഗികാതിക്രമം; യുവാവ് അറസ്റ്റിൽ
പുല്ലാട്: എട്ടുവയസുകാരിക്കു നേരേ ലൈംഗികാതിക്രമം കാട്ടിയ യുവാവിനെ കോയിപ്രം പോലീസ് അറസ്റ്റ് ചെയ്തു. അയിരൂർ തടിയൂർ കടയാർ വാഴയിൽ വീട്ടിൽ നിന്നും കാഞ്ഞീറ്റുകര വാസുദേവപുരം വീട്ടിൽ വാടകയ്ക്ക് താമസിക്കുന്ന ലിജു തോമസാണ് (31) പിടിയിലായത്. കഴിഞ്ഞ ദിവസം ഉച്ചയ്ക്ക് കുട്ടിയെ ഇയാൾ സ്കൂട്ടറിൽ കയറ്റി കടയിലേക്കെന്നു പറഞ്ഞ് കൊണ്ടുപോയി കാഞ്ഞീറ്റുകരയ്ക്ക് സമീപമുള്ള കനാൽ പാലത്തിൽ ലൈംഗികചൂഷണത്തിന് വിധേയയാക്കിയെന്നാണ് കേസ്. കുട്ടി വിവരം അറിയിച്ചതിനെത്തുടർന്ന് മാതാവ് കോയിപ്രം പോലീസിനെ സമീപിക്കുകയും, അമ്മയുടെ സാന്നിധ്യത്തിൽ കുട്ടിയുടെ മൊഴി രേഖപ്പെടുത്തി എസ്ഐ പി.സുരേഷ് കുമാർ കേസ് രജിസ്റ്റർ ചെയ്തു. അന്വേഷണത്തിനിടെ കാഞ്ഞീറ്റുകരയിൽ നിന്നു ലിജു പോലീസ് കസ്റ്റഡിയിലായി. കുറ്റസമ്മതമൊഴിയുടെ അടിസ്ഥാനത്തിൽ സ്കൂട്ടർ പോലീസ് കണ്ടെടുത്തു. മെഡിക്കൽ പരിശോധനയ്ക്ക് ശേഷം കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.
Read Moreമഴയും കിഴക്കൻവെള്ളത്തിന്റെ വരും, കുട്ടനാട്ടിൽ ജലനിരപ്പുയരുന്നു; കിടത്തി ചികിത്സ ഒഴിവാക്കി പുളിങ്കുന്ന് താലൂക്ക് ആശുപത്രി
മങ്കൊമ്പ്: കഴിഞ്ഞ ഏതാനും ദിവസങ്ങളിലായി തുടർച്ചയായി പെയ്യുന്ന മഴയ്ക്കുപുറമേ കിഴക്കൻ വെള്ളത്തിന്റെ വരവും ആരംഭിച്ചതോടെ കുട്ടനാട്ടിൽ ജലനിരപ്പു വീണ്ടും ഉയർന്നു. ഇതോടെ ജനജീവിതം കൂടുതൽ ദുഃസഹമായി. താഴ്ന്ന പ്രദേശങ്ങളും റോഡുകളും ഇതോടെ വെള്ളത്തിലായി. മുട്ടാർ, കൈനകരി, ചമ്പക്കുളം, നെടുമുടി, രാമങ്കരി, പുളിങ്കുന്ന്, മങ്കൊമ്പ്, ചതുർഥ്യാകരി, കാവാലം, കുന്നുമ്മ തുടങ്ങിയ പ്രദേശങ്ങളിലാണ് വെള്ളക്കെട്ടിന്റെ ദുരിതം അധികമായി അനുഭവപ്പെടുന്നത്. കഴിഞ്ഞ ഏതാനും ദിവസങ്ങളായി മഴപെയ്യുന്നുണ്ടെങ്കിലും അപൂർവം പ്രദേശങ്ങളിൽ മാത്രമാണ് വെള്ളക്കെട്ടനുഭവപ്പെട്ടിരുന്നത്. എന്നാൽ, ഇന്നലെ രാവിലെ മുതൽ കിഴക്കൻവെള്ളത്തിന്റെ വരവുതുടങ്ങിയതോടെ ജലനിരപ്പ് അരയടിയിലധികം ഉയർന്നു. താഴ്ന്ന പ്രദേശങ്ങളിലെ റോഡുകളിലും വെള്ളം കയറിയതോടെ ഗതാഗതതടസവും അനുഭവപ്പെട്ടുതുടങ്ങി. നേരത്തെതന്നെ വെള്ളക്കെട്ടനുഭവപ്പെട്ടിരുന്ന മങ്കൊമ്പ് വികാസ് മാർഗ് ചതുർഥ്യാകരി റോഡിൽ വീണ്ടും ജലനിരപ്പുയർന്നതോടെ ഗതാഗതം കൂടുതൽ ദുഷ്കരമായി. നെടുമുടി-വൈശ്യംഭാഗം റോഡിലും ജലനിരപ്പ് വീണ്ടും ഉയർന്നത് നാട്ടുകാരുടെ ദുരിതം ഇരട്ടിയാക്കി. രണ്ടാം കൃഷിക്കായി നിലമൊരുക്കൽ ജോലികൾ ആരംഭിച്ച മിക്ക…
Read Moreഒരു വീട് വയ്ക്കണം, അർഹരായ പാവങ്ങളെ സഹായിക്കണമെന്ന് ബംബർ കോടീശ്വരനായ വിശ്വംബരൻ; വാർത്തയറിഞ്ഞ് ആളുകളെത്തുമോയെന്ന് ഭയം
ആലപ്പുഴ: വിഷു ബംബർ കോടീശ്വരനെ കണ്ടെത്തി. ഈ വർഷത്തെ വിഷുബംബർ ലോട്ടറിയായ ഒന്നാം സമ്മാനം 12 കോടി രൂപ നേടിയത് ആലപ്പുഴ പഴവീട് സ്വദേശി പ്ലാംപറമ്പിൽ വിശ്വംഭരനാണ് (76) ആ ഭാഗ്യവാൻ. സിആർഎഫ് വിമുക്തഭടനായ വിശ്വംഭരൻ ഇപ്പോൾ വിശ്രമജീവിതത്തിലാണ്. കുറച്ചുനാൾ എറണാകുളത്തെ ഒരു ബാങ്കിൽ സെക്യൂരിറ്റി ജോലിയും ചെയ്തിരുന്നു. ഒരു വീട് വയ്ക്കണം, അർഹരായ പാവങ്ങളെ സഹായിക്കണം. വാർത്ത അറിഞ്ഞയുടൻ ആളുകളെത്തുമോയെന്നാണ് പേടിയെന്നും വിശ്വംഭരൻ പറഞ്ഞു. സ്ഥിരം ലോട്ടറിയെടുക്കുന്നയാളാണ്. എല്ലാത്തവണയും വിഷു ബംബറെടുക്കാറുണ്ട്. അയ്യായിരം രൂപയുടെ മറ്റൊരു സമ്മാനവും എടുത്ത വേറൊരു ടിക്കറ്റിന് ലഭിച്ചിട്ടുണ്ട്. ബംബറടിച്ച വിവരം ഇന്നലെ രാത്രി വീട്ടുകാരോടാണ് ആദ്യം പറഞ്ഞത്. തുടർന്ന് ഇന്നു രാവിലെ ലോട്ടറി ഏജൻസിയിലെത്തി വിവരം പറയുകയായിരുന്നു.
Read Moreരാജ്യസഭാ സീറ്റില് പിടിമുറുക്കി യൂത്ത് ലീഗ്; യുവാക്കളെ പരിഗണിക്കണമെന്ന ആവശ്യം ശക്തം
കോഴിക്കോട്: വരുന്ന രാജ്യസഭാ തെരഞ്ഞെടുപ്പിൽ മുസ് ലിം ലീഗിനു ലഭിച്ച സീറ്റിൽ ആരെ മത്സരിപ്പിക്കണമെന്ന കാര്യത്തിൽ പാർട്ടിയിൽ തിരക്കിട്ട ചർച്ചകൾ പുരോഗമിക്കുന്നു. സ്ഥാനാർഥിത്വത്തിലേക്കു യുവാക്കളെ പരിഗണിക്കണമെന്ന ആവശ്യത്തിനാണ് പാർട്ടിയിൽ പിന്തുണയേറുന്നത്. സ്ഥാനാർഥി ആരെന്ന കാര്യത്തിലുള്ള അന്തിമ തീരുമാനം തെരഞ്ഞെടുപ്പ് ഫലത്തെ കൂടി ആശ്രയിച്ചായിരിക്കും. താൻ രാജ്യസഭയിലേക്ക് ഇല്ലെന്ന പി.കെ. കുഞ്ഞാലിക്കുട്ടിയുടെ പ്രതികരണത്തോടെ രാജ്യസഭയിലേക്ക് ആരെന്ന ചോദ്യം ലീഗിൽ ചൂടുപിടിക്കുകയാണ്. നിരവധി പേരുകളാണ് രാജ്യസഭാ സീറ്റിലേക്കായി പറഞ്ഞുകേൾക്കുന്നത്. പി.എം.എ. സലാമിന്റെ പേര് ഉയർന്നുകേട്ടെങ്കിലും ജനറൽ സെക്രട്ടറി സ്ഥാനം നഷ്ടമാകുമോ എന്ന ആശങ്ക അദ്ദേഹത്തിനുണ്ട്. സലാം മത്സരിക്കുകയാണെങ്കിൽ ജനറൽ സെക്രട്ടറി സ്ഥാനത്തേക്ക് കണ്ണുംനട്ട് കാത്തിരിക്കുന്ന പലരുമുണ്ട്. എന്നാൽ, ആ അധികാര കൈമാറ്റം ലീഗിലെ മുതിർന്ന പല നേതാക്കൾക്കും താത്പര്യമില്ല. യൂത്ത് ലീഗ് സംസ്ഥാന ജന. സെക്രട്ടറി പി.കെ. ഫിറോസ്, ദേശീയ ജന. സെക്രട്ടറി ഫൈസൽ ബാബു, ലീഗ് അഭിഭാഷകൻ ഹാരിസ്…
Read More