കോന്നി: കോടനാട് നീലകണ്ഠൻ കോന്നി ആനത്താവളത്തിൽ ചരിഞ്ഞു. കുങ്കി ആന കോന്നി സുരേന്ദ്രനെ വനംവകുപ്പ് കോന്നിയിൽ നിന്നു മാറ്റിയതിനു പകരമായി കോടനാട്ടുനിന്ന് കോന്നിയിലേക്ക് എത്തിച്ച ആനയാണ് ഇരുപത്തെട്ടുകാരനായ നീലകണ്ഠൻ.ഇന്നലെ ഉച്ചകഴിഞ്ഞ് 2.15 ഓടെ ആനത്താവളത്തിലെ തറിയിലാണ് ആന കുഴഞ്ഞുവീണത്. രണ്ടാഴ്ചയായി എരണ്ടക്കെട്ടിനേ തുടർന്ന് ആന ചികിത്സയിലായിരുന്നുവെന്ന് പറയുന്നു. കഴിഞ്ഞ 15 നാണ് എരണ്ടക്കെട്ട് ബാധിച്ചത്. വനം വകുപ്പ് അസിസ്റ്റന്റ് വെറ്ററിനറി സർജൻ ഡോ.ശ്യാം ചന്ദ്രൻ, ഡോ. ആനന്ദ്, ഡോ. ശശീന്ദ്രൻ, ഡോ. സിബി, ഡോ. ബിജു ഗോപിനാഥ് എന്നിവരുടെ നേതൃത്വത്തിൽ ഉള്ള സംഘം ചികിത്സ നൽകി വരികയായിരുന്നു. ആനയ്ക്ക് പാപ്പാൻമാർ മരുന്നു നൽകിക്കൊണ്ടിരിക്കുന്പോഴാണ് കുഴഞ്ഞുവീണതെന്നു പറയുന്നു. മലയാറ്റൂർ ഡിവിഷനിലെ വാടാട്ടുപാറയിൽ നിന്നാണ് നീലകണ്ഠനെ വനം വകുപ്പിനു ലഭിച്ചത്. വനം വകുപ്പ് രേഖകളിൽ തലയെടുപ്പുള്ള ലക്ഷണമൊത്ത കരിവീരൻ എന്ന വിശേഷണവും നീലകണ്ഠനുള്ളതാണ്. 2021 ഫെബ്രുവരിയിലാണ് ആനയെ കോന്നിയിൽ എത്തിച്ചത്.…
Read MoreCategory: Edition News
തെരഞ്ഞെടുപ്പ് ഫണ്ടിലേക്ക് ആവശ്യപ്പെട്ട പണം നൽകിയില്ല; സിപിഎം അനുഭാവിക്കു പ്രാദേശിക നേതാക്കളുടെ ക്രൂരമർദനം
മല്ലപ്പള്ളി: തെരഞ്ഞെടുപ്പ് ഫണ്ടിലേക്ക് ആവശ്യപ്പെട്ട പണം നൽകിയില്ലെന്ന പേരിൽ സിപിഎം അനുഭാവിയായ കരാറുകാരനെ പ്രാദേശിക നേതാക്കളുടെ നേതൃത്വത്തിൽ മർദിച്ചെന്ന് പരാതി. മല്ലപ്പള്ളി ചുഴനയിൽ ജിൻസ് ചാക്കോയാണ് കീഴ്വായ്പൂര് എസ്എച്ച്ഒയ്ക്ക് പരാതി നൽകിയത്. തെരഞ്ഞെടുപ്പ് കൊട്ടിക്കലാശ ദിവസം മല്ലപ്പള്ളിയിൽ പോലീസിന്റെ കൺമുന്പിലാണ് തനിക്ക് മർദനം ഏൽക്കേണ്ടിവന്നതെന്നും ജിൻസിന്റെ പരാതിയിൽ പറയുന്നു. അജയരാജ്, സന്തോഷ് തോമസ്, ജോയേഷ് പോത്തൻ എന്നിവർക്കെതിരേയാണ് പരാതി. സിപിഎം പ്രാദേശിക നേതാക്കളും വിവിധ തലങ്ങളിൽ പാർട്ടിയുമായി ബന്ധപ്പെട്ടു പ്രവർത്തിക്കുന്നവരുമാണ് മൂവരും. ഇവർ ആവശ്യപ്പെട്ടതനുസരിച്ച് 5,000 രൂപ താൻ നൽകിയില്ലെന്ന പേരിൽ മദ്യലഹരിയിൽ തന്നെ മർദിച്ചുവെന്നാണ് ജിൻസിന്റെ പരാതി. തന്റെ വീട്ടിൽ വ്യാജമദ്യ വില്പന നടക്കുന്നുവെന്ന പേരിൽ എക്സൈസ് സംഘത്തെക്കൊണ്ട് വീട് റെയ്ഡ് ചെയ്യിപ്പിച്ചെന്നും ഭാര്യയും മൂന്നു മക്കളുമായി കഴിയുന്ന തനിക്ക് ഇത്തരം നടപടികൾ ഏറെ മാനസിക ബുദ്ധിമുട്ടുണ്ടാക്കുന്നതാണെന്നും ജിൻസിന്റെ പരാതിയിൽ പറയുന്നു.
Read Moreമുൻ പഞ്ചായത്ത് പ്രസിഡന്റ് ശ്രീദേവിയമ്മയുടെ മരണകാരണവും സാമ്പത്തിക തട്ടിപ്പോ? മാന്നാറിലെ ആത്മകളിൽ നാട്ടുകാർ ആശങ്കയിൽ
മാന്നാര്: മാന്നാറിൽ അടുത്ത നാളുകളിലായി നടന്ന ആത്മഹത്യകൾ സംബന്ധിച്ച് സമഗ്ര അന്വേഷണം വേണമെന്ന ആവശ്യം ശക്തമാകുന്നു. സാമ്പത്തിക തട്ടിപ്പുമായി ബന്ധപ്പെട്ടാണ് മാന്നാറിലെ ആത്മഹത്യകളെന്നാണ് പരാതി ഉയർന്നിരിക്കുന്നത്. കഴിഞ്ഞ ദിവസം മരിച്ച നിലയിൽ കാണപ്പെട്ട മുൻ പഞ്ചായത്ത് പ്രസിഡന്റായിരുന്ന ശ്രീദേവിയമ്മയുടെ മരണമാണ് കൂടുതൽ അന്വേഷണത്തിലേക്കും ദുരൂഹതയ്ക്കും വഴിതെളിച്ചത്. വൻ സാമ്പത്തിക ഭദ്രതയുള്ളതും മക്കൾ നല്ല നിലയിൽ ജീവിക്കുന്നതുമായ കുടുംബത്തിൽപ്പെട്ടവരാണ് തുടർച്ചയായി ആത്മഹത്യ ചെയ്തത്. ഇവർ പരസ്പരം സൗഹൃദത്തിലുള്ളവരായിരുന്നു. ശ്രീദേവിയമ്മയുടെ മരണത്തെത്തുടർന്നാണ് നാട്ടുകാരിൽ സംശയം ഉണർത്തിയത്. വൻ സാമ്പത്തിക തട്ടിപ്പിന് ഇവരെല്ലാം ഇരയായിട്ടുണ്ടെന്നാണ് പ്രാഥമിക നിഗമനം. മുൻ പഞ്ചായത്തംഗവും ഒരു വനിതാ കോൺഗ്രസ് നേതാവും വൻ തട്ടിപ്പ് സംഘത്തിന്റെ കെണിയിൽ വിണ് ലക്ഷങ്ങൾ നഷ്ടപ്പെട്ടവരാണ്. കഴിഞ്ഞ ദിവസം ആത്മഹത്യ ചെയ്തത് മാന്നാര് പഞ്ചായത്ത് ഏഴാം വാര്ഡില് ഓങ്കാര് വീട്ടില് ശ്രീദേവിയമ്മ (71) യാണ്. കഴിഞ്ഞ മാസമാണ് ഇതിന് സമാനമായി രണ്ടുപേര്…
Read Moreടാപ്പിംഗ് പുനരാരംഭിച്ചു; റബര്കത്തി കൈയിലെടുത്തപ്പോഴേ വില താഴോട്ട്; കർഷകർക്ക് ചിലത് പറയാനുണ്ട്
കോട്ടയം: ടാപ്പിംഗ് പുനരാരംഭിച്ച് ഒരാഴ്ച പിന്നിട്ടപ്പോഴേക്കും റബര് വില ഇടിഞ്ഞുതുടങ്ങി. ആര്എസ്എസ് നാല് ഗ്രേഡ് 180.50, ഗ്രേഡ് അഞ്ച് 177.50 നിരക്കിലേക്കാണ് വില താഴ്ന്നത്. ഒറ്റപ്പെട്ട വേനല്മഴ ലഭിച്ചെങ്കിലും കനത്ത ചൂടില് ഉത്പാദനം നാമമാത്രമാണ്. ലാറ്റക്സ് തോത് കുറവായതിനാല് ഷീറ്റ് ഉത്പാദനം തുടങ്ങിയിട്ടുമില്ല. ഏറെ കര്ഷകരും ചണ്ടിപ്പാല് വില്ക്കുകയാണ്. വിദേശരാജ്യങ്ങളിലും കാര്യമായി ഉത്പാദനമില്ല. മുന് മാസങ്ങളില് ക്രംബ് വില താഴ്ന്ന വേളയില് ടയര് വ്യവസായികള് വലിയ തോതില് ക്രംബ് റബര് സ്റ്റോക്ക് ചെയ്തിട്ടുണ്ട്. അതിനാല് മുന്നിര ടയര് കമ്പനികള് നാമമാത്രമായി മാത്രമേ ഷീറ്റ് വാങ്ങാന് താത്പര്യപ്പെടുന്നുള്ളൂ. ആസാം, മിസോറാം, മേഘാലയ സംസ്ഥാനങ്ങളില്നിന്ന് നിലവാരം കുറഞ്ഞ ഷീറ്റ് കുറഞ്ഞ വിലയ്ക്ക് ലഭ്യമാണ്. ഏതാനും കമ്പനികളും വ്യവസായികളും വടക്കുകിഴക്കന് സംസ്ഥാനങ്ങളില്നിന്നുള്ള മേന്മ കുറഞ്ഞ ചരക്ക് മാത്രമേ വാങ്ങുന്നുള്ളൂ.സ്കൂള്, കോളജ് തുറക്കല് മാസം സാമ്പത്തിക പ്രതിസന്ധിക്കു പരിഹാരമായി ടാപ്പിംഗ് പുനരാരംഭിച്ച കര്ഷകര്…
Read Moreഇനിയുമേറെ കാത്തിരിക്കണം… ശബരി എയര്പോര്ട്ട് നിര്മാണ സ്റ്റേ: സര്ക്കാരിനു മൗനം
കോട്ടയം: എരുമേലിയില് നിര്ദിഷ്ട ശബരി എയര്പോര്ട്ട് നിര്മാണം അനിശ്ചിതത്വത്തില്. സ്ഥലം ഏറ്റെടുക്കല് വിജ്ഞാപനം ഹൈക്കോടതി സ്റ്റേ ചെയ്തതിനുശേഷം തുടര്നടപടികള്ക്ക് സര്ക്കാര് നീക്കം നടത്തുന്നില്ല. അഡ്വക്കറ്റ് ജനറല് ഉള്പ്പെടെയുള്ളവരുമായി ചര്ച്ച നടത്തിയശേഷം വേണം സ്റ്റേ അഴിക്കാനുള്ള നടപടിയിലേക്ക് കടക്കാന്. 441 കൈവശക്കാരുടെ 1000.28 ഹെക്ടര് ഏറ്റെടുക്കാനാണ് മാര്ച്ചില് സര്ക്കാര് വിജ്ഞാപനം പുറപ്പെടുവിച്ചത്. ഉടമകള്ക്ക് നോട്ടീസ് നല്കി സ്ഥലം അളന്ന് നഷ്ടപരിഹാരം നല്കി ഏറ്റെടുക്കാനുള്ള നടപടികള്ക്കിടയിലാണ് സ്റ്റേ വന്നത്. ചെറുവള്ളി എസ്റ്റേറ്റിന്റെ കൈവശക്കാരായ ബിലീവേഴ്സ് ചര്ച്ചിന് കീഴിലുള്ള അയന ചാരിറ്റബിള് ട്രസ്റ്റ് നല്കിയ ഹര്ജിയിലാണ് സ്റ്റേ. സാമൂഹികാഘാത പഠനം നടത്തിയതിലും ഭൂമിയുടെ ഉടമസ്ഥാവകാശം നിര്ണയിച്ചതും ചട്ടവിരുദ്ധമായാണെന്ന വാദം പരിഗണിച്ചാണ് അപ്രതീക്ഷിത നടപടിയുണ്ടായത്. ചെറുവള്ളി എസ്റ്റേറ്റിന്റെ ഉടമസ്ഥാവകാശം ചര്ച്ചിനോ സര്ക്കാരിനോ എന്നതില് പാലാ കോടതിയില് കേസ് നിലവിലുണ്ട്. സര്ക്കാറിന് ഉടമസ്ഥാവകാശമുള്ള ഭൂമി എന്ന പേരിലാണ് വിജ്ഞാപനമെന്നായിരുന്നു ഹര്ജിക്കാരുടെ വാദം. സാമൂഹിക ആഘാത…
Read Moreകെ. സുധാകരനും ശോഭാ സുരേന്ദ്രനുമെതിരേ പരാതി നല്കി ദല്ലാള് നന്ദകുമാർ
കൊച്ചി: ഇ.പി. ജയരാജനെതിരെ ഗൂഢാലോചന നടത്തിയെന്ന് ആരോപിച്ച് കെപിസിസി പ്രസിഡന്റ് കെ.സുധാകരനും ബിജെപി ദേശീയ നിര്വാഹക സമിതി അംഗം ശോഭ സുരേന്ദ്രനുമെതിരെ വിവാദ ഇടനിലക്കാരന് ടി.ജി. നന്ദകുമാര് പോലീസില് പരാതി നല്കി. ഡിജിപിക്കും പാലാരിവട്ടം പോലീസിനുമാണ് ഇ-മെയിലിലൂടെ പരാതി അയച്ചിരിക്കുന്നത്. ലോക്സഭാ തെരഞ്ഞെടുപ്പിന്റെ തലേന്ന് എല്ഡിഎഫ് കണ്വീനര് ഇ.പി. ജയരാജനെയും തന്നെയും അപമാനിക്കുന്നതിനായി ശോഭാ സുരേന്ദ്രന്റെ സഹായത്തോടെ കെ. സുധാകരനും ചേര്ന്ന് ഗൂഢാലോചന നടത്തി. കേരളത്തിലെ ബിജെപിയുടെ സംസ്ഥാന ചുമതലയുള്ള പ്രകാശ് ജാവ്ദേക്കറും നന്ദകുമാറും ചേര്ന്ന് 2023 മാര്ച്ച് അഞ്ചിന് ഇ.പി. ജയരാജന്റെ മകന്റെ ആക്കുളത്തുള്ള ഫ്ലാറ്റില് ജയരാജനെ സന്ദര്ശിച്ചത് അനാവശ്യ വിവാദമാക്കി തന്നെയും ജയരാജനെയും സമൂഹമാധ്യമങ്ങളില് അവളേഹിച്ചതായാണ് പരാതിയിലുള്ളത്. ഇതിനെക്കുറിച്ച് പ്രത്യകം സംഘം അന്വേഷണ നടത്തി നടപടി സ്വീകരിക്കണമെന്നാണ് പരാതിയിലുള്ളത്.
Read Moreസിപിഎമ്മിലെ കണ്ണൂർ ലോബി തകർന്നു; ഇ.പി.ജയരാജനെ തള്ളാനും കൊള്ളാനും വയ്യാത്ത അവസ്ഥയെന്ന് ചെറിയാൻ ഫിലിപ്പ്
തിരുവനന്തപുരം: എക്കാലവും സിപിഎമ്മിലെ ശാക്തിക ചേരിയായ കണ്ണൂർ ലോബി അന്തച്ഛിദ്രം മൂലം തകർന്നിരിക്കുകയാണെന്ന് ചെറിയാൻ ഫിലിപ്പ്. പിണറായിയുടെ ഉറ്റമിത്രങ്ങളായ ജയരാജന്മാർ മൂന്നു തട്ടിലാണ്. ഇ.പി. ജയരാജനെ തള്ളാനും കൊള്ളാനും വയ്യാത്ത അവസ്ഥയാണ്. കണ്ണൂർ ലോബിയിലെ സംഘർഷം മറ്റു ജില്ലകളിലേക്കും വ്യാപിക്കുകയാണെന്നും ചെറിയാൻ ഫിലിപ്പ് പറഞ്ഞു. 2005-ൽ മലപ്പുറം സമ്മേളനത്തിൽ പിണറായിയെ പാർട്ടി സെക്രട്ടറി സ്ഥാനത്തുനിന്നു മാറ്റാൻ വി.എസ്. അച്യുതാനന്ദൻ ശ്രമിച്ചപ്പോൾ ശക്തമായ പ്രതിരോധം സൃഷ്ടിച്ചത് ഇ.പി.ജയരാജന്റെ നേതൃത്വത്തിലാണ്. തന്നേക്കാൾ ജൂനിയറായ കോടിയേരി ബാലകൃഷ്ണൻ, എ. വിജയരാഘവൻ എം.വി. ഗോവിന്ദൻ എന്നിവരെ പാർട്ടി സെക്രട്ടറിയാക്കിയപ്പോഴാണ് തഴയപ്പെട്ട ജയരാജൻ കുപിതനായത്. പിണറായിയെ തകർക്കാൻ വി.എസിന്റെ കോടാലിയായി പ്രവർത്തിച്ച ദല്ലാൾ നന്ദകുമാറുമായുള്ള ജയരാജന്റെ വഴിവിട്ട ബന്ധമാണ് പിണറായിയെ പ്രകോപിച്ചത്. എന്നാൽ, ബിജെപി നേതാവ് ജാവേദ്ക്കറുമായുള്ള കൂടിക്കാഴ്ചകളെ പിണറായിയോ പാർട്ടിയോ തള്ളിപ്പറഞ്ഞിട്ടില്ല- ചെറിയാൻ ഫിലിപ്പ് പറയുന്നു. എ.കെ.ജി, സി.എച്ച്. കണാരൻ, അഴീക്കോടൻ രാഘവൻ,…
Read Moreവീണ്ടും കാമറക്കണ്ണില് പുലി; തൊടുപുഴയിലും മുട്ടത്തും ഭീതി;ആദ്യം കണ്ടത് കരിങ്കുന്നത്ത്
തൊടുപുഴ: കരിങ്കുന്നം ഇല്ലിചാരിയില് ഭീതി വിതച്ച പുലിയുടെ സാന്നിധ്യം കൂടുതല് പ്രദേശങ്ങളില് സ്ഥിരീകരിച്ചു. കരിങ്കുന്നത്തിനു പുറമെ തൊടുപുഴ നഗരസഭയിലും മുട്ടം പഞ്ചായത്തിലുമാണ് പുലിയുടെ സാന്നിധ്യം സ്ഥിരീകരിച്ചത്. ഇതിനിടെ വനംവകുപ്പ് സ്ഥാപിച്ചിരിക്കുന്ന കാമറയില് പുലിയുടെ കൂടുതല് ദൃശ്യങ്ങള് ലഭിച്ചു. ഇതോടെ പ്രദേശവാസികള് അതീവ ഭീതിയിലായി. ഇല്ലിചാരിയില് പുലിയെ കുടുക്കാന് വനംവകുപ്പ് കൂട് സ്ഥാപിച്ചിട്ടുണ്ട്. കൂട് സ്ഥാപിച്ച് പത്തു ദിവസത്തോളമായിട്ടും പുലി കെണിയില് കുടുങ്ങാത്ത സാഹചര്യത്തില് ഇപ്പോള് പുലിയുടെ സാന്നിധ്യം കൂടുതലായി കണ്ടെത്തിയ തൊടുപുഴ നഗരസഭയിലെ പാറക്കടവ് പൊട്ടന്പ്ലാവ് ഭാഗത്തേക്കു കൂട് മാറ്റി സ്ഥാപിക്കും. കരിങ്കുന്നം പഞ്ചായത്തിന്റെയും തൊടുപുഴ നഗരസഭയുടെയും അതിര്ത്തിയാണ് ഇവിടം. ഇല്ലിചാരിക്കു പുറമെ തൊടുപുഴ നഗരസഭയുടെ 30-ാം വാര്ഡിലുള്പ്പെടുന്ന പാറക്കടവ് മഞ്ഞുമാവ് പ്രദേശത്തും മുട്ടം മലങ്കര എസ്റ്റേറ്റിലും പുലിയുടെ സാന്നിധ്യം സ്ഥിരീകരിച്ചിട്ടുണ്ട്. കഴിഞ്ഞ ദിവസമാണ് മഞ്ഞുമാവ് ഭാഗത്ത് പുലിയെ കണ്ടതായി വിവരം ലഭിച്ചത്. പിന്നീട് മേഖലയില് പരിശോധന…
Read Moreകൊല്ലത്തുനിന്നു മധുരയ്ക്ക് വന്ദേഭാരത് പരിഗണനയിൽ; വിവരശേഖരണവും തയാറെടുപ്പുകളും തുടങ്ങി
കൊല്ലം: കൊല്ലത്തുനിന്നു ചെങ്കോട്ട വഴി മധുരയ്ക്ക് വന്ദേഭാരത് എക്സ്പ്രസ് സർവീസ് നടത്തുന്നത് റെയിൽവേ ബോർഡിന്റെ പരിഗണനയിൽ. വരുമാനത്തിലടക്കം സർവീസ് ഗുണകരമാകുമോ എന്ന കാര്യത്തിൽ അധികൃതരുടെ ഭാഗത്ത് നിന്ന് വിവരശേഖരണവും തയാറെടുപ്പുകളും തുടങ്ങി കഴിഞ്ഞു. അടുത്തിടെ ദക്ഷിണ റെയിൽവേയ്ക്ക് അനുവദിച്ച എട്ട് കോച്ചുകളുള്ള ഒരു വന്ദേഭാരത് എക്സ്പ്രസ് അനുവദിച്ചിരുന്നു. ഇത് ബംഗളൂരൂ -എറണാകുളം റൂട്ടിൽ സർവീസ് നടത്താനാണ് അധികൃതർ ആലോചിച്ചത്. ചില സാങ്കേതിക തടസങ്ങൾ ചൂണ്ടിക്കാട്ടി പ്രസ്തുത നീക്കം റെയിൽവേ താത്ക്കാലികമായി ഉപേക്ഷിക്കുകയായിരുന്നു. എന്നാൽ ബംഗളൂരു-എറണാകുളം റൂട്ടിലെ സ്വകാര്യ ബസ് ലോബിയാണ് അട്ടിമറിക്ക് പിന്നിലെന്ന ആക്ഷേപം ശക്തമാണ്. ബംഗളൂരുവിൽനിന്ന് എറണാകുളത്തേക്ക് നിർദേശിക്കപ്പെട്ട വന്ദേഭാരത് കൊല്ലം, കൊച്ചുവേളി, തിരുവനന്തപുരം ഭാഗത്തേക്ക് നീട്ടണമെന്ന് ഫ്രണ്ട്സ് ഓൺ റെയിൽസ് അടക്കമുള്ള യാത്രക്കാരുടെ സംഘടനകൾ ആവശ്യപ്പെട്ടെങ്കിലും അതും പരിഗണിക്കപ്പെട്ടില്ല. കേരളത്തിനായി അനുവദിക്കപ്പെട്ട എട്ടു കോച്ചുകൾ ഉള്ള വന്ദേഭാരത് എക്സ്പ്രസ് കഴിഞ്ഞ മൂന്നാഴ്ചയിൽ അധികമായി കൊല്ലം…
Read Moreഗവിയിലേക്ക് കെഎസ്ആര്ടിസി ഉല്ലാസയാത്രകള് നാളെ മുതല്
പത്തനംതിട്ട: ഗവി വിനോദ സഞ്ചാര മേഖലയിലേക്ക് വാഹനങ്ങള് കടത്തിവിട്ടു തുടങ്ങിയതോടെ കെഎസ്ആര്ടിസിയുടെ ടൂര് പാക്കേജ് നാളെ പുനരാരംഭിക്കും. 31 വരെയുള്ള ഉല്ലാസപാക്കേജുകള് കെഎസ്ആര്ടിസി പ്രഖ്യാപിച്ചു. നാളെ കൊട്ടാരക്കര, കോട്ടയം, താമരശേരി യൂണിറ്റുകള് ഗവി ട്രിപ്പുകള് നടത്തും. പത്തനംതിട്ട, തൊടുപുഴ യൂണിറ്റുകളില് നിന്ന് വ്യാഴാഴ്ച സര്വീസുണ്ടാകും. പത്തനംതിട്ടയില് നിന്നുള്ള പതിവ് ട്രിപ്പുകള്ക്ക് പുറമേയാണിത്. ഫോണ്: 974434803
Read More