തിരുവനന്തപുരം: പൂജപ്പുര മൈതാനത്ത് ചുഴലിക്കാറ്റ്. ഇന്നലെ ഉച്ചയോടെയായിരുന്നു ചുഴലിക്കാറ്റ് വീശിയത്.മൈതാനത്തിനു ഒരുവശത്തായി വീശിയ കാറ്റിൽ പൊടിപടലങ്ങൾ വൃത്താകൃതിയിൽ 100 മീറ്ററോളം മുകളിലേക്ക് ഉയർന്നു. മൈതാനത്ത് ഇന്നലെ രാവിലെ ക്രിക്കറ്റ് ടൂർണമെന്റ് ആരംഭിച്ചിരുന്നു. കളിക്കാനെത്തിയവരിലും കാണികളിലും ആദ്യം ആശങ്കയുയർത്തിയെങ്കിലും അപകടകാരിയല്ലെന്നറിഞ്ഞതോടെ ചുഴലിക്കാറ്റ് കൗതുകത്തിനു വഴിമാറി.
Read MoreCategory: Edition News
ആലത്തൂരിലും കടുവയെത്തി; വീടിന് പുറത്തിറങ്ങാനാകാതെ ജനം; ഡ്രോൺ ഉപയോഗിച്ച് പരിശോധന നടത്തി വനംവകുപ്പ്
പുൽപ്പള്ളി: കഴിഞ്ഞ ദിവസം കടുവയുടെ ആക്രമണമുണ്ടായ സുരഭിക്കവലയുടെ സമീപ പ്രദേശമായ ആലത്തൂരിലും കടുവയെത്തി. ആലത്തൂർ കൊളക്കാട്ടിക്കവല ഓലിക്കര ബിനോയിയുടെ കൃഷിയിടത്തിലാണ് ഇന്നലെ രാവിലെ കടുവയുടെ കാൽപ്പാടുകൾ കണ്ടെത്തിയത്. വിവരമറിഞ്ഞ് വനപാലകർ സ്ഥലത്തെത്തി പരിശോധന നടത്തി. കടുവയെ പിടികൂടുന്നതിനായി വനംവകുപ്പ് സ്ഥാപിച്ച കൂട്ടിൽനിന്നും അരക്കിലോമീറ്റർ മാറിയാണ് കടുവയുടെ കാൽപ്പാടുകൾ കണ്ടെത്തിയത്. കടുവയുടെ സാന്നിധ്യമുള്ള താന്നിത്തെരുവിലും സുരഭിക്കവലയിലും വനംവകുപ്പ് കൂട് സ്ഥാപിച്ച് ദിവസങ്ങൾ കഴിഞ്ഞിട്ടും കടുവയെ പിടികൂടാനായിട്ടില്ല. ഇതോടെ മയക്കുവെടിവച്ച് കടുവയെ പിടികൂടുന്നതിനുള്ള നടപടി സ്വീകരിക്കണമെന്നാണ് വിവിധ രാഷ്ട്രീയ കക്ഷികളും പ്രദേശവാസികളും ആവശ്യപ്പെടുന്നത്. മേഖലയിലെ പലയിടങ്ങളിലും കടുവയെ നാട്ടുകാർ കണ്ടതോടെ പ്രദേശവാസികൾ കടുത്ത ആശങ്കയിലാണ്. കടുവയുടെ സാന്നിധ്യമുള്ള ജനവാസ മേഖലകളിൽ ഡ്രോണ് ഉപയോഗിച്ച് തെരച്ചിൽ നടത്തി കടുവയെ പിടികൂടുന്നതിനാവശ്യമായ അടിയന്തര നടപടി വനംവകുപ്പിന്റെ ഭാഗത്തുനിന്നുണ്ടാകണമെന്നാണ് നാട്ടുകാരുടെ ആവശ്യം. സുരഭിക്കവല, താന്നിത്തെരുവ്, മുള്ളൻകൊല്ലി പ്രദേശങ്ങളിൽ കടുവയുടെ സാന്നിധ്യം കണ്ടെത്തുന്നതിനായി വനം വകുപ്പ്…
Read Moreഅക്ഷര നഗരിയെ ആവേശത്തിലാഴ്ത്താൻ സാഹസിക പ്രകടനങ്ങളുമായി ജംബോ സർക്കസ്
കോട്ടയം: നാഗമ്പടം മൈതാനിയിൽ ജംബോ സർക്കസ്…ദിവസേന മൂന്നു ഷോകൾ… കോട്ടയം രാജയുടെ അനൗൺസ്മെന്റിൽ സർക്കസ് കൂടാരമുണർന്നു. സഹാസിക പ്രകടനങ്ങളുമായി താരങ്ങളും എത്തി. കൂടാരം വിസ്മയപ്രകടനങ്ങളുടെ മഹോത്സവമായി. ആഫ്രിക്കൻ കലാകാരൻമാർ അവതരിപ്പിക്കുന്ന സാഹസിക പ്രകടനങ്ങളാണ് സർക്കസിന്റെ സവിശേഷത. കായികപ്രകടനങ്ങൾക്കു പുറമെ പുതിയ ഇനങ്ങളായ റോളർ ആക്ട്, ലാഡർ അക്രോബാറ്റ്, റഷ്യൻ സ്റ്റാച്യു ആക്ട്, ഡബിൾ റിംഗ് ആക്ട്, ഡബിൾ സാരി ആക്ട് ഷോയിലെ മുഖ്യ ആകർഷണമാണ്. നാലിനു തുടങ്ങിയ സർക്കസ് ഒരു മാസത്തോളം നീണ്ടുനിൽക്കും. ഉച്ചയ്ക്ക് ഒന്നിന്, വൈകുന്നേരം നാലിന്, രാത്രി ഏഴിന് എന്നിങ്ങനെയാണു ഷോ. രണ്ടു മണിക്കൂർ ദൈർഘ്യമുള്ള പരിപാടിയിൽ 28 മുതൽ 30 ഇനങ്ങളാണ് അവതരിപ്പിക്കുന്നത്.
Read Moreവ്യാപാരിദ്രോഹ നടപടികൾ തിരുത്തിയില്ലെങ്കിൽ പ്രതിഷേധം ശക്തമാക്കും: രാജു അപ്സര
കായംകുളം: വ്യാപാര സംരക്ഷണയാത്ര കേരളത്തിലെ ജനങ്ങളുടെ സംരക്ഷണയാത്രയായി മാറിയെന്നും ചെറുകിട വ്യാപാരികളെ ദ്രോഹിക്കുന്ന സർക്കാർ നടപടികൾ തിരുത്തി വ്യാപാര മേഖലയെ സംരക്ഷിക്കാൻ സർക്കാർ തയാറാകണമെന്നും അല്ലങ്കിൽ പ്രതിഷേധം കൂടുതൽ ശക്തമാക്കുമെന്നും കേരള വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ് രാജു അപ്സര ആവശ്യപ്പെട്ടു. വ്യാപാര സംരക്ഷണയാത്രയുടെ ആലപ്പുഴ ജില്ലയിലെ സ്വീകരണ പര്യടനത്തിന് സമാപനം കുറിച്ച് ചെറുകിട വ്യാപാരികളെ സംരക്ഷിക്കാൻ ഏതറ്റംവരെ പൊരുതാനും വ്യാപാരി വ്യവസായി ഏകോപന സമിതി സമരമുഖത്ത് ഉണ്ടാകുമെന്നും രാജു അപ്സര പറഞ്ഞു. ഇന്നലെ രാത്രി ഒമ്പതോടെ കായംകുളത്ത് എത്തിച്ചേർന്ന വ്യാപാര സംരക്ഷണയാത്രയ്ക്ക് ഉജ്വല സ്വീകരണമാണു നൽകിയത്. തോട്ടപ്പള്ളിയിൽനിന്നു നൂറുകണക്കിനു വ്യാപാരികൾ അണിചേർന്ന ബൈക്ക് റാലിയുടെയും വാഹനങ്ങളുടെയും അകമ്പടിയോടെയാണ് യാത്രയെ കായംകുളത്തേക്ക് വരവേറ്റത്. രാജു അപ്സരയുടെ ജന്മനാട്ടിൽ നടന്ന സ്വീകരണമായതിനാൽ മാവേലിക്കര, ഹരിപ്പാട്, കായംകുളം നിയോജക മണ്ഡലങ്ങളിലെ മുപ്പതോളം യൂണിറ്റുകളിൽനിന്നു നൂറുകണക്കിന് വ്യാപാരികൾ സമ്മേളന…
Read Moreബാർ ജീവനക്കാരന് ജനറല് മാനേജരുടെ നേതൃത്വത്തില് ക്രൂരമര്ദനം; തല്ലല്ലേന്ന് കരഞ്ഞ് പറഞ്ഞിട്ടും കാലുകൊണ്ടു മുഖത്തു ചവിട്ടി അരച്ചു; വസ്ത്രം മാറ്റി പരിശോധിച്ചു
കടുത്തുരുത്തി: ബാർ ജീവനക്കാരന് ജനറല് മാനേജരുടെ നേതൃത്വത്തില് ക്രൂരമര്ദനം. സോഡിയാക്ക് ബാറിലെ ജനറല് മാനേജര് ബാബു ജോസഫിന്റെ നേതൃത്വത്തിലാണു ജീവനക്കാരനെ മര്ദിച്ചത്. കായംകുളം സ്വദേശി അനീഷി(40) നാണു മര്ദനമേറ്റത്. അനീഷിന്റെ വസ്ത്രം മാറ്റി പരിശോധിക്കാന് ശ്രമിക്കുകയും മര്ദിക്കുകയും ചെയ്യുന്ന ദൃശ്യങ്ങള് സമൂഹ മാധ്യമങ്ങളിലൂടെ പുറത്തുവന്നിട്ടുണ്ട്. പണം മോഷ്ടിച്ചെന്ന് ആരോപിച്ചായിരുന്നു മർദനം. ബാബു ജോസഫ് ജീവനക്കാരനെ ചീത്തവിളിക്കുകയും ഇടക്കിടെ കൈകൊണ്ട് മുഖത്തടിക്കുകയും കാലുകൊണ്ടു മുഖത്തു ചവിട്ടുകയും ചെയ്യുന്നതു ദൃശ്യങ്ങളില് കാണാം. കഴിഞ്ഞ ദിവസമാണ് വീഡിയോ സമൂഹമാധ്യമങ്ങളിലൂടെ പ്രചരിച്ചുതുടങ്ങിയത്. സംഭവം നടന്നതു മൂന്നാഴ്ചകൾക്കു മുമ്പാണ്. നിലവിൽ കേസെടുത്തട്ടില്ല. അനീഷിനെ ഫോണില് ബന്ധപ്പെട്ടെന്നും മൊഴി നൽകിയാൽ കേസെടുക്കുമെന്നും എസ്എച്ച്ഒ ധനപാലന് പറഞ്ഞു. അതേസമയം സംഭവുമായി ബന്ധപെട്ടു മനുഷ്യാവകാശ കമ്മീഷനും ഡിജിപിക്കും ഉള്പ്പെടെ സാമൂഹ്യപ്രവര്ത്തകര് പരാതി നല്കിയിട്ടുണ്ട്.
Read Moreസാമൂഹ്യവിരുദ്ധരുടെ ശല്യത്താൽ പൊറുതിമുട്ടി; ഫിഷറീസ് ആശുപത്രി കൗണ്ടർ കല്ലെറിഞ്ഞു തകർത്തു; വൈദ്യുതി പോസ്റ്റിലെ ഫ്യൂസ് ഊരിയെടുത്ത് നശിപ്പിച്ചു
ഉദയംപേരൂർ: ഉദയംപേരൂർ ഫിഷറീസ് ആശുപത്രിയുടെ രജിസ്ട്രേഷൻ കൗണ്ടർ സാമൂഹ്യവിരുദ്ധർ കല്ലെറിഞ്ഞു തകർത്തു. കഴിഞ്ഞദിവസം രാത്രിയിലാണ് സംഭവം. രജിസ്ട്രേഷൻ കൗണ്ടറിന്റെ മുൻഭാഗത്തെ ഗ്ലാസ് കോൺക്രീറ്റ് കട്ട ഉപയോഗിച്ചാണ് എറിഞ്ഞു തകർത്തത്. രാവിലെ ഓഫീസ് തുറക്കാനെത്തിയ ജീവനക്കാരാണ് ഗ്ലാസ് തകർന്നു കിടക്കുന്നതു കണ്ടത്. രജിസ്ട്രേഷൻ കൗണ്ടറിൽ ഗ്ലാസ് ചില്ലുകൾ നിറഞ്ഞു കിടന്നതിനാൽ രോഗികളുടെ രജിസ്ട്രേഷൻ പുറത്ത് പ്രത്യേക സംവിധാനമൊരുക്കിയാണ് നടത്തിയത്. ആശുപത്രി അധികൃതരുടെ പരാതിയെ തുടർന്ന് ഉദയംപേരൂർ പോലീസ് കേസെടുത്തു. കഴിഞ്ഞ ദിവസം ആശുപത്രിക്ക് സമീപത്തെ വൈദ്യുതി പോസ്റ്റിലെ ഫ്യൂസ് ഊരിയെടുത്ത് നശിപ്പിച്ചശേഷം സമീപത്തെ തോട്ടിൽ ഉപേക്ഷിച്ച നിലയിൽ കണ്ടെത്തിയിരുന്നു.
Read Moreസ്ത്രീകളെ കുവൈറ്റിലേക്ക് കടത്താൻ ശ്രമം; മലപ്പുറം സ്വദേശിയായ ഏജന്റ് പിടിയിൽ
ആലുവ: പാസ്പോർട്ടിൽ പേജ് തുന്നിപ്പിടിപ്പിച്ച് കൃത്രിമം കാട്ടി വിദേശത്തേക്ക് സ്ത്രീകളെ ജോലിക്ക് കൊണ്ടുപോകാൻ ശ്രമിച്ച കേസിൽ ഏജന്റ് ക്രൈംബ്രാഞ്ചിന്റെ പിടിയിലായി. മലപ്പുറം എടയാറ്റൂർ മാനഴി പൂത്തോട്ടിൽ വീട്ടിൽ ലിയാഖത്ത് അലി(53)യെ എയർപോർട്ട് പരിസരത്ത് നിന്നാണ് എറണാകുളം റൂറൽ ജില്ലാ ക്രൈംബ്രാഞ്ച് പിടികൂടിയത്. കഴിഞ്ഞ സെപ്റ്റംബറിലാണ് നെടുമ്പാശേരി വിമാനത്താവളം വഴി അഞ്ച് സ്ത്രീകളെ കുവൈത്തിലേക്ക് ടൂറിസ്റ്റ് വിസയിൽ വീട്ടുജോലിക്ക് കൊണ്ടുപോകാൻ ഇയാൾ ശ്രമിച്ചത്. വിദ്യാഭ്യാസം കുറഞ്ഞ 40 വയസിൽ താഴെയുള്ള ഇവർക്ക് എമിഗ്രേഷൻ ക്ലിയറൻസ് വേണമായിരുന്നു. അത് മറികടക്കാൻ ടൂറിസ്റ്റ് വിസയിൽ മസ്കറ്റിലെത്തിച്ച് അവിടെ നിന്ന് കുവൈറ്റിലേക്ക് കൊണ്ടുപോകാനായിരുന്നു പദ്ധതി. എമിഗ്രേഷൻ പരിശോധനയിൽ കൃത്രിമം കണ്ടെത്തിയതിനെ തുടർന്ന് ഇവരെ പോലീസിനു കൈമാറുകയായിരുന്നു. പരിശോധനയിൽ പാസ്പോർട്ടിലെ പേജുകൾ കീറിമാറ്റി പുതിയ പേജുകൾ തുന്നിച്ചേർത്തതായും കണ്ടെത്തി. തുടർന്ന് നടത്തിയ അന്വേഷണത്തിലാണ് പ്രതി കുടുങ്ങിയത്. ഡിവൈഎസ് പി. ഗിൽസൺ മാത്യു, എസ്ഐ കെ.ജെ.…
Read Moreപോലീസ് ഉദ്യോഗസ്ഥൻ വീട്ടിൽ മരിച്ചനിലയിൽ
പോത്തൻകോട്ട് : പോലീസ് ഉദ്യോഗസ്ഥനെ തൂങ്ങിമരിച്ച നിലയിൽ കണ്ടെത്തി. പോത്തൻകോട് നേതാജിപുരം എഎസ് ഭവനിൽ അജയകുമാർ (35) നെയാണ് വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തിയത്. ഇന്നലെ വൈകിട്ട് അഞ്ച് മണിയോടെയാണ് സംഭവം. അജയകുമാറിന്റെ ഭാര്യ കുഞ്ഞിനേയും കൊണ്ട് ആശുപത്രിയിൽ പോയിട്ട് തിരികെ വീട്ടിൽ വന്നപ്പോൾ വീടിനകത്ത് തൂങ്ങി നിൽക്കുന്നത് കണ്ട് നാട്ടുകാരെ വിവരമറിയിക്കുകയായിരുന്നു.നാട്ടുകാർ ഉടൻ തന്നെ മെഡിക്കൽ കോളേജിൽ കൊണ്ടുപോയെങ്കിലും മരണപ്പെടുകയായിരുന്നു. അഞ്ച് ദിവസത്തെ ലീവ് കഴിഞ്ഞ് ജോലിയ്ക്ക് ഇന്നലെ തിരികെ കയറേണ്ടതായിരുന്നു.തൃശൂർ ഐആർ ബി ബറ്റാലിയനിലെ ഹവിൽദാറാണ് അജയകുമാർ. സാമ്പത്തിക ബാധ്യത മൂലമാണ് ആത്മഹത്യ ചെയ്തതെന്നാണ് പ്രാഥമിക നിഗമനം.പോത്തൻകോട് പോലീസ് അസ്വാഭാവിക മരണത്തിന് കേസെടുത്തു.മൃതദേഹം മെഡിക്കൽ കോളേജ് മോർച്ചറിയിൽ. ഭാര്യ സംഗീത മകൻ : ആദി ( അഞ്ച് വയസ്) അച്ചൻ :ഭൂവന ചന്ദ്രൻ നായർ ,അമ്മ സുശീല
Read Moreസഹായിക്കണമെന്ന ആവശ്യവുമായെത്തി ജ്വല്ലറി ഉടമയുടെ ആറര ലക്ഷം തട്ടിയെടുത്തു; ഒരാൾ അറസ്റ്റിൽ
കണ്ണൂർ: തളിപ്പറമ്പിൽനിന്നു പണയ സ്വർണമെടുക്കാനായി കൂട്ടിക്കൊണ്ട് വന്ന് ജ്വല്ലറി ഉടമയായ വയോധികന്റെ ലക്ഷങ്ങൾ അടങ്ങിയ ബാഗ് തട്ടിയെടുത്ത കേസിൽ രണ്ടംഗ സംഘത്തിൽ ഒരാൾ അറസ്റ്റിൽ. കണ്ണൂർ സിറ്റി സ്വദേശി അഷറഫിനെയാണ് വളപട്ടണം പോലീസ് അറസ്റ്റ് ചെയ്തത്. കേസിലെ ഒന്നാം പ്രതി പാപ്പിനിശേരി സ്വദേശി മൻസൂർ ഒളിവിലാണ്. ഇന്നലെ ഉച്ചയ്ക്ക് രണ്ടരയോടെയാണ് കേസിനാസ്പദമായ സംഭവം. മൻസൂറിനെ പരാതിക്കാരനായ തളിപ്പറമ്പിലെ ജ്വല്ലറി ഉടമ കീഴാറ്റൂർ സ്വദേശി കെ.എം. അഗസ്റ്റിന് മുൻ പരിചയം ഉണ്ടായിരുന്നു. മുമ്പ് മൻസൂറിന് പണയാഭരണങ്ങൾ എടുക്കാൻ അഗസ്റ്റിൻ സഹായിച്ചിരുന്നു. കഴിഞ്ഞ ദിവസം മൻസൂർ അഗസ്റ്റിനെ സമീപിച്ച് തന്റെ സുഹൃത്തായ അഷറഫിന്റെ 97 ഗ്രാം സ്വർണാഭരങ്ങൾ പണയത്തിലാണെന്നും ഇതെടുക്കാൻ സഹായിക്കണമെന്നും ആവശ്യപ്പെട്ടു. പാപ്പിനിശേരിയിലാണ് പണയം വച്ചിരിക്കുന്നതെന്നും അവിടേക്ക് പോകണമെന്നും പറഞ്ഞു. ഇന്നലെ ഉച്ചയോടെ മൻസൂർ തന്റെ സ്കൂട്ടറിൽ അഗസ്റ്റിനെയും കൂട്ടി പാപ്പിനിശേരിയിൽ എത്തിയപ്പോൾ പ്രതിയുടെ സുഹൃത്തായ അഷറഫും വന്നു.…
Read Moreപോക്സോ കേസില് യുവാവിന് 49 വര്ഷം കഠിന തടവും 2.27 ലക്ഷം പിഴയും
കല്പ്പറ്റ: പെണ്കുട്ടിയെ സ്നേഹം നടിച്ച് വശീകരിച്ച് പീഡിപ്പിച്ച കേസില് യുവാവിന് വിവിധ വകുപ്പുകളില് 49 വര്ഷം കഠിന തടവും 2,27,000 രൂപ പിഴയും. മുട്ടില് പരിയാരം ആലംപാറ മുനീറിനെയാണ്(29) ഫാസ്റ്റ്ട്രാക്ക് സ്പെഷല് കോടതി ജഡ്ജി കെ.ആര്.സുനില്കുമാര് ശിക്ഷിച്ചത്. 2021 ഡിസംബറിലാണ് കേസിനാസ്പദമായ സംഭവം. കുട്ടിയെ പ്രതി വീട്ടിലേക്ക് വിളിച്ചുവരുത്തിയാണ് ലൈംഗികാതിക്രമം നടത്തിയത്.നഗ്ന ഫോട്ടോയുണ്ടെന്ന് പറഞ്ഞ് ഭീഷണിപ്പെടുത്തി പിന്നീടും പീഡിപ്പിച്ചു. പെണ്കുട്ടി വിവരം പുറത്തുപറഞ്ഞതിനെത്തുടര്ന്നാണ് പോലീസ് കേസെടുത്ത് അന്വേഷണം നടത്തി കുറ്റപത്രം സമര്പ്പിച്ചത്. പ്രോസിക്യൂഷനു വേണ്ടി സ്പെഷല് പബ്ലിക് പ്രോസിക്യൂട്ടര് അഡ്വ.ജി. ബബിത ഹാജരായി.
Read More