തിരുവനന്തപുരം: കോവിഡ് 19ന്റെ പശ്ചാത്തലത്തിൽ വിദേശത്ത് കുടുങ്ങിയ ഇന്ത്യാക്കാരെ തിരികെയെത്തിക്കുന്ന വന്ദേ ഭാരത് പദ്ധതിയുടെ മൂന്നാം ദിനമായ ഇന്ന് പ്രവാസികളുമായി മൂന്ന് വിമാനങ്ങൾ കേരളത്തിലെത്തും. മൂന്ന് വിമാനങ്ങളും കൊച്ചിയിലാണെത്തുക. മസ്കറ്റിൽ നിന്ന് രാത്രി 8.50നും കുവൈറ്റിൽ നിന്ന് രാത്രി 9.15നും ദോഹയിൽ നിന്നുള്ളത് നാളെ പുലർച്ചെ 1.15നും എത്തും. നാളെ ദോഹയിൽ നിന്നുള്ള വിമാനം തിരുവനന്തപുരം അന്താരാഷ്ട്ര വിമാനത്താവളത്തിലെത്തും. നാളെ രാത്രി 10.45നാണ് ദോഹയിൽ നിന്നുളള വിമാനം തിരുവനന്തപുരത്ത് എത്തുക. തിരുവനന്തപുരം, കന്യാകുമാരി, കൊല്ലം, ആലപ്പുഴ, പത്തനംതിട്ട ജില്ലകളിലുള്ളവരാണ് ഇതിൽ വരുന്നത്. 177പേരാണ് ദോഹയിൽ നിന്നുളള വിമാനത്തിൽ ഉണ്ടാവുക. ഇതുമായി ബന്ധപ്പെട്ട് എയർപോർട്ടിൽ ആവശ്യമായ ക്രമീകരണങ്ങൾ ഏർപ്പെടുത്തിയിട്ടുണ്ട്. ഏഴ് ഹെൽപ്പ് ഡെസ്കുകൾ വഴിയാണ് യാത്രക്കാരുടെ ശരീര ഊഷ്മാവ് പരിശോധിക്കുക. അത്യാധുനിക തെർമൽ ഇമേജിംഗ് ക്യാമറ വഴി ആളുകളെ പരിശോധിക്കും. തിരുവനന്തപുരത്തെ ആറ് താലൂക്കുകളിലായി 17,000 പേർക്കുളള നിരീക്ഷണ…
Read MoreCategory: TVM
ഗായകന് വിധു പ്രതാവുമായി സഹകരിച്ച് കൗമാര പ്രായക്കാര്ക്ക് എന്റെ സ്വീറ്റ് ചലഞ്ചുമായ് ആരോഗ്യ വകുപ്പ്
തിരുവനന്തപുരം: ലോക്ക് ഡൗണ് കാലത്തും അതിന് ശേഷമുള്ള നിയന്ത്രണങ്ങളിലും വിരസതയിലായിപ്പോകാന് കൂടുതല് സാധ്യതയുള്ള കൗമാര പ്രായക്കാരുടെ സര്ഗവാസനകള് പരിപോഷിപ്പിക്കുന്നതിനായി ’എന്റെ സ്വീറ്റ് ചലഞ്ച്’ എന്ന പേരില് സോഷ്യല് മീഡിയ കാമ്പയിന് ആരംഭിച്ചിരിക്കുകയാണ്. സ്റ്റേറ്റ് മെന്റല് ഹെല്ത്ത് പ്രോഗ്രാമിന്റെ നേതൃത്യത്തില് ഗായകന് വിധു പ്രതാപും ഭാര്യ ദീപ്തിയുമായി സഹകരിച്ചാണ് സോഷ്യല് മീഡിയ ക്യാമ്പയിനിന് തുടക്കം കുറിക്കുന്നത്. ആരോഗ്യ മന്ത്രി കെ.കെ. ശൈലജ കാമ്പയിന്റെ ലോഞ്ചിംഗ് നിര്വഹിച്ചു. കൗമാരപ്രായക്കാരായ കുട്ടികള്ക്ക് അവര്ക്ക് ഇഷ്ടപ്പെട്ട മധുരമുള്ള ഒരു വിഭവം തയാറാക്കുന്നത് 30 സെക്കൻഡുള്ള വീഡിയോ ആക്കി അവരുടെ സോഷ്യല് മീഡിയ അക്കൗണ്ടുകളില് എന്റെ സ്വീറ്റ് ചലഞ്ച് എന്ന ഹാഷ് ടാഗോട് കൂടി പോസ്റ്റ് ചെയ്യാം. ഒപ്പം അവരുടെ കൂട്ടുകാരെ ചലഞ്ച് ചെയ്യാം. പിന്നീട് പുതിയ പുതിയ രസകരമായ ചലഞ്ചുകളും നല്കുന്നതാണ്. കൗമാരക്കാരുടെ ഉള്ളിലെ സര്ഗാത്മകത തിരിച്ചറിയാനും മാനസികാരോഗ്യം നിലനിര്ത്താനും വിരസത അകറ്റാനും…
Read Moreതിരുവനന്തപുരത്തേക്കുള്ള ആദ്യസംഘം പ്രവാസികൾ ഞായറാഴ്ച എത്തും; എല്ലാ തയാറെടുപ്പുകളും നടത്തിയതായി ജില്ലാ കളക്ടർ
തിരുവനന്തപുരം: വന്ദേ ഭാരത് മിഷന്റെ ഭാഗമായി പ്രവാസികളെ കേരളത്തിലെത്തിക്കുന്ന നടപടികൾ രണ്ടാം ദിവസത്തിലേക്ക് കടന്നു. തിരുവനന്തപുരത്തേക്കുള്ള പ്രവാസികളുടെ ആദ്യംസംഘം നാലാം ദിവസമായ ഞായറാഴ്ച ഖത്തറിൽ നിന്നെത്തും. ഖത്തറിലെ ദോഹയിൽ നിന്നും തിരുവനന്തപുരത്ത് എത്തുന്ന പ്രവാസികളെ സ്വീകരിക്കാൻ ജില്ലാ ഭരണകൂടം എല്ലാ തയാറെടുപ്പുകളും നടത്തിവരുന്നതായി ജില്ലാ കളക്ടർ കെ.ഗോപാലകൃഷ്ണൻ വാർത്താ സമ്മേളനത്തിൽ അറിയിച്ചു. വിമാനത്താവളത്തിൽ നിന്നും യാത്രക്കാർ ലോഞ്ചിലേക്ക് ഇറങ്ങുമ്പോൾത്തന്നെ ഫെയ്സ് ഡിറ്റക്ഷൻ കാമറയിലൂടെ സ്ക്രീനിംഗിന് വിധേയരാക്കും. തുടർന്ന് അവിടെ സജ്ജീകരിച്ചിട്ടുള്ള ഏഴ് ഹെൽപ് ഡെസ്കുകൾ വഴി യാത്രക്കാരുടെ ശരീരോഷ്മാവ് പരിശോധിക്കുകയും രോഗലക്ഷണങ്ങൾ കാണിക്കുന്നവരെ മെഡിക്കൽ കോളജ് ആശുപത്രിയിലേക്ക് അയച്ച് പരിശോധിക്കും. യാത്രികരെയെല്ലാം നിർബന്ധമായും ക്വാറന്റൈനിൽ പാർപ്പിക്കും. ഇതിനുള്ള സംവിധാനങ്ങൾ ഒരുങ്ങിക്കഴിഞ്ഞു. ഗർഭിണികൾ, പത്ത് വയസിനു താഴെയുള്ള കുട്ടികൾ, മുതിർന്ന പൗരന്മാർ എന്നിവർക്ക് ഹോം ക്വാറന്റൈൻ അനുമതി പരിഗണിക്കും.
Read Moreമഴപെയ്താൽ കടകൾ അടച്ചിടേണ്ട അവസ്ഥ; പഴകുറ്റിയിലെ വെള്ളക്കെട്ട് വ്യാപാരികള്ക്കും യാത്രക്കാര്ക്കും ദുരിതമാകുന്നു
നെടുമങ്ങാട് : പഴകുറ്റി കല്ലമ്പാറയ്ക്കു സമീപത്തെ വിവാഹമണ്ഡപത്തിനു മുന്നിലുള്ള വെള്ളക്കെട്ട് വ്യാപാരികൾക്കും ഇരുചക്രവാഹനയാത്രക്കാര്ക്കും ദുരിതമാകുന്നു. റോഡിന്റെ ഒരുവശം മുഴുവന് പൊട്ടിപ്പൊളിഞ്ഞ് വലിയ കുഴിയായി മാറിയതോടെ മഴയിൽ ഇവിടെ വെള്ളം കെട്ടി നില്ക്കുകയാണ്. വാഹനങ്ങള് വെള്ളത്തിലിറങ്ങുമ്പോള് സമീപത്തെ കടകളിയേക്ക് വെള്ളം തെറിച്ചു വീഴുന്നതിനാല് മഴയുള്ള ദിവസങ്ങളില് കച്ചവടക്കാര് കടകള് തുറക്കാറില്ല. ഇരുചക്രവാഹനങ്ങളില് വരുന്ന യാത്രക്കാര് കുഴിയുടെ ആഴമറിയാതെ വെള്ളക്കെട്ടിലേയ്ക്കിറങ്ങുമ്പോള് അപകടം സംഭവിക്കുന്നത് പതിവാണെന്ന് നാട്ടുകാർ പറയുന്നു. വെള്ളക്കെട്ട് ഒഴിവാക്കണമെന്നാവശ്യപ്പെട്ടുകൊണ്ട് നിരവധി തവണ കടയുടമകള് പൊതുമരാമത്തിന് നിവേദനങ്ങള് നല്കിയെങ്കിലും നടപടിയുണ്ടായില്ല. തിരുവനന്തപുരം- തെങ്കാശിപാതയിലെ പ്രധാനകവലയാണ് പഴകുറ്റി. ഇളവട്ടം, അഴീക്കോട്, പതിനൊന്നാംകല്ല് തുടങ്ങിയ സ്ഥലങ്ങളിലെ വെള്ളക്കെട്ടുകളും നിരന്തര അപകടങ്ങള്ക്ക് കാരണമാവുകയാണ്.
Read Moreലോക് ഡൗൺ ലംഘനം; മാസ്ക്ക് ധരിക്കാതെ യാത്ര ചെയ്ത 189 പേരിൽ നിന്നും പിഴ ഈടാക്കി
തിരുവനന്തപുരം: ലോക്ക് ഡൗൺ ലംഘനം നടത്തിയതിന് തിരുവനന്തപുരം റൂറൽ ജില്ലയിൽ കേരള എപിഡെമിക് ഡിസീസസ് ഓർഡിനൻസ് പ്രകാരം ഇന്നലെ 234 കേസുകളിലായി 240 പേരെ അറസ്റ്റു ചെയ്തു. 128 വാഹനങ്ങൾ പിടിച്ചെടുത്തു. മാസ്ക്ക് ധരിക്കാതെ യാത്ര ചെയ്ത 189 പേരിൽ നിന്നും പിഴ ഈടാക്കി. നിയമം ലംഘിച്ച് ആനാവശ്യമായി പുറത്തിറങ്ങിയവർക്കെതിരെ വർക്കലയിൽ 13, കിളിമാനൂർ 14, നെടുമങ്ങാട് ആറ്, നെയ്യാറ്റിൻകര ഏഴ്, ബാലരാമപുരം ആറ്, നരുവാമൂട് ഒന്പത്, കാഞ്ഞിരംകുളം 11, പാറശാല ഒന്പതു കേസുകൾ രജിസ്റ്റർ ചെയ്തു. റൂറൽ ജില്ലാ പോലീസ് മേധാവി ബി. അശോകന്റെ നേതൃത്വത്തിൽ നടത്തിയ റെയ്ഡിൽ നെടുമങ്ങാട് പൂവത്തൂർ ഗവ. എച്ച്എസ്എസിനു സമീപം കിഴക്കേകോണത്തു വീട്ടിൽ അശോക് കുമാറിനെ(മന്ത്രവാദി അശോകൻ ) 20 ലിറ്റർ കോടയുമായി അറസ്റ്റു ചെയ്തു. ലോക്ക് ഡൗണിന്റെ ഭാഗമായി ഇതര സംസ്ഥാനങ്ങളിൽ കുടുങ്ങിപ്പോയ മലയാളികളെ കളിയിക്കാവിള, ഇഞ്ചിവിള ചെക്കിംഗ്…
Read Moreതമിഴ്നാട്ടിൽ മദ്യഷോപ്പുകൾ തുറന്നു: അതിർത്തിൽ നിന്ന് കൂട്ടത്തോടെ ആളുകൾ തമിഴ്നാട്ടിലേക്ക് ; വിരട്ടിയോടിച്ച് തമിഴ് നാട് പോലീസ്
വെള്ളറട: തമിഴ്നാട്ടിൽ മദ്യഷോപ്പുകൾ തുറന്നതോടെ അതിർത്തിയിൽ നിന്ന് ആളുകൾ കൂട്ടത്തോടെ തമിഴ്നാട്ടിലേയ്ക്ക്. തിരക്ക് കൂടിയതിനെ തുടർന്ന് ബാരിക്കേഡുകൾവച്ച് അതിർത്തി അടച്ചു. തിരുവനന്തപുരം, നെയ്യാറ്റിന്കര ഭാഗത്ത് നിലവിലുണ്ടായിരുന്ന നിയന്ത്രണങ്ങള് പിന്വലിച്ചതോടെ നെയ്യാറ്റിന്കര, പാറശാല, അമ്പൂരി, വെളറട, കുന്നത്തുകാല് തുടങ്ങിയ പ്രദേശങ്ങളിൽ നിന്നുമാണ് കൂടുതൽ പേരും മദ്യം വാങ്ങുവാന് എത്തിയത്. മദ്യഷോപ്പിനു 200 മീറ്റര് അകലെവച്ച് ഇവരെ തടഞ്ഞ തമിഴ്നാട് പോലീസ് ആധാര് ഉണ്ടെങ്കിലെ മദ്യം ലഭിക്കുകയുള്ളുവെന്ന് അറിയിച്ചെങ്കിലും പലരും മടങ്ങി പോകുവാന് തയാറായില്ല. തുടര്ന്ന് ആള് തീരക്ക് കുടിയതിനെ തുടര്ന്ന് തമിഴ്നാട് പോലീസ് ഇവര്ക്ക് നേരെ ലാത്തിവിശി. രാവിലെ 10 മുതൽ വൈകുന്നേരം അഞ്ചു വരെയാണ് വിതരണം.
Read Moreനന്ദനക്കുട്ടീസ് സ്പെഷൽ മാസ്ക്! കോവിഡ് പ്രതിരോധത്തിനു സ്വന്തമായി മാസ്ക് ഡിസൈൻ ചെയ്ത് നാലാം ക്ലാസുകാരി നന്ദന..!
തിരുവനന്തപുരം: കോവിഡിനെതിരായ പോരാട്ടത്തിന് ഏറെ വ്യത്യസ്തമായ തുണി മാസ്ക് രൂപകല്പന ചെയ്തു ശ്രദ്ധേയയാവുകയാണ് തിരുവനന്തപുരം ആര്യ സെൻട്രൽ സ്കൂളിലെ നാലാം ക്ലാസ് വിദ്യാർഥിനി നന്ദന രഞ്ജിത്ത്. സംസ്ഥാന സർക്കാർ സ്കൂൾ വിദ്യാർഥികൾക്കു മാസ്ക് നിർബന്ധമാക്കിയ പശ്ചാത്തലത്തിൽ സ്കൂളിൽ വച്ച് കൂട്ടുകാരുടെ മാസ്ക്കുമായി മാറിപ്പോകുക, നഷ്ടപ്പെട്ടു പോകുക, അശാസ്ത്രീയ രീതിയിൽ ഉപയോഗിക്കപ്പെടുക…. തുടങ്ങി കുട്ടികൾക്കിടയിൽ ഉണ്ടാകാനിടയുള്ള നിരവധി പ്രശ്നങ്ങൾക്കുള്ള ഉത്തരമാണ് ‘നന്ദനക്കുട്ടീസ് സ്പെഷൽ മാസ്ക്.’ ഒരാൾ ഉപയോഗിച്ച മാസ്ക് മറ്റൊരാൾ മാറിയെടുത്ത് ധരിക്കുന്നത് ആരോഗ്യപരമായിത്തന്നെ ഏറെ അപകടകരമാണ്. ഇവിടെ, മാസ്ക് യൂണിഫോമുമായി അനായാസം ബന്ധിപ്പിച്ചിരിക്കുന്നതിനാൽ അത്തരം പ്രശ്നങ്ങൾ ഒഴിവാകും. യൂണിഫോമിന്റെ കളറിൽത്തന്നെ മാസ്ക് തയാറാക്കിയാൽ കൂടുതൽ ഭംഗിയാവും. ദിവസവും യൂണിഫോം അലക്കുന്പോൾ അതിനൊപ്പം തന്നെ മാസ്കും വൃത്തിയാവും. പ്രത്യേകമായി എടുത്ത് കഴുകേണ്ടി വരുന്നില്ല. യൂണിഫോം ഇസ്തിരിയിട്ടു മടക്കി അലമാരയിൽ വയ്ക്കുന്പോൾ അതിന്റെ ഭാഗമായ മാസ്കും സുരക്ഷിതമായി ഒപ്പമുണ്ടാവും. രാവിലെ…
Read Moreകേരളത്തിലേക്ക് തിരിച്ചെത്തുന്ന പ്രവാസികളെ ക്വാറന്റൈനിൽ പ്രവേശിപ്പിക്കുന്ന കാര്യത്തിൽ ആശയക്കുഴപ്പമില്ലെന്ന് ചീഫ് സെക്രട്ടറി
തിരുവനന്തപുരം: കേരളത്തിലേക്ക് തിരിച്ചെത്തുന്ന പ്രവാസികളെ ക്വാറന്റൈനിൽ പ്രവേശിപ്പിക്കുന്നതുമായി ബന്ധപ്പെട്ട് ആശയക്കുഴപ്പമൊന്നുമില്ലെന്ന് ചീഫ് സെക്രട്ടറി ടോംജോസ്. 14 ദിലസത്തെ ക്വാറന്റൈൻ ആണ് കേന്ദ്ര ആഭ്യന്തരമന്ത്രാലയം ആവശ്യപ്പെട്ടിരിക്കുന്നത്. കോവിഡ് 19 ടെസ്റ്റ് നടത്തിയതിനുശേഷം മാത്രമേ പ്രവാസികൾ വിമാനത്തിൽ കയറുകയുളളൂ. കോവിഡ് നെഗറ്റീവ് ആയവർ മാത്രമാണ് നാട്ടിൽ തിരിച്ചെത്തുക. അവരെ ഏഴു ദിവസത്തെ ഇൻസ്റ്റ്യൂഷണൽ ക്വാറന്റൈനിൽ പ്രവേശിപ്പിക്കും. ഏഴു ദിവസമാണ് വൈറസിന്റെ ഇൻകുബേഷൻ പിരീഡ്. ഏഴു ദിവസത്തിനുള്ളിൽ രോഗലക്ഷണം ഉണ്ടായില്ലെങ്കിൽ അവരെ തുടർന്നുള്ള ഏഴു ദിവസങ്ങൾ സ്വന്തം വീടുകളിൽ ക്വാറന്റൈൻ തുടരാം. മടങ്ങിയെത്തുന്ന ഗർഭിണികളെ നേരിട്ട് ഹോം ക്വാറന്റൈനിലാണ് പ്രവേശിപ്പിക്കുക. എല്ലാ സംസ്ഥാനങ്ങളിലും ഇൻസ്റ്റ്യൂഷൻ ക്വാറന്റൈനും ഹോം ക്വാറന്റൈനും ഉണ്ട്. കേരളത്തിലെ കാര്യങ്ങൾ കേന്ദ്ര ആഭ്യന്തര മന്ത്രാലയവുമായി സംസാരിച്ച് വ്യക്തത വരുത്തിയിട്ടുണ്ടെന്നും സംസ്ഥാനം മുന്നോട്ടുപോകുന്നത് കേന്ദ്രത്തിന്റെ മാർഗനിർദേശങ്ങൾ പാലിച്ചാണെന്നും ടോം ജോസ് വ്യക്തമാക്കി.
Read Moreമികച്ച ചികിത്സയും പരിചരണവും നൽകും; പ്രവാസികളെ വരവേൽക്കാൻ ആരോഗ്യ വകുപ്പ് സുസജ്ജമെന്ന് മന്ത്രി ഷൈലജ
തിരുവനന്തപുരം: പ്രവാസികളെ വരവേൽക്കാൻ ആരോഗ്യ വകുപ്പ് സുസജ്ജമെന്ന് മന്ത്രി കെ.കെ. ഷൈലജ. പ്രവാസികൾ വിമാനത്താവളത്തിൽ എത്തുന്നതു മുതൽ പരിശോധിച്ച് ആവശ്യമുള്ളവർക്ക് മികച്ച ചികിത്സയും പരിചരണവും നൽകും. ഇതിനു സൗകര്യമൊരുക്കുകയും ജീവനക്കാരെ സജ്ജമാക്കുകയും ചെയ്തുവെന്നും മന്ത്രി പറഞ്ഞു. തിരുവനന്തപുരം, എറണാകുളം, കോഴിക്കോട്, കണ്ണൂർ അന്താരാഷ്ട്ര വിമാനത്താവളങ്ങൾ കേന്ദ്രീകരിച്ചാണ് പ്രവർത്തനം ഏകോപിപ്പിക്കുന്നത്. എല്ലാ വിമാനത്താവളങ്ങളിലും വന്നിറങ്ങുന്നവർക്ക് പ്രത്യേക ആരോഗ്യ ആപ്ലിക്കേഷനുകൾ തയാറാക്കിയിട്ടുണ്ട്. തിരുവനന്തപുരത്ത് കരുതൽ ആപ്പ്, എറണാകുളത്ത് ആയുർരക്ഷാ ആപ്പ്, കോഴിക്കോട്ട് ആഗമനം ആപ്പ് എന്നിങ്ങനെയാണ് പേര്. നോർക്ക വഴി രജിസ്റ്റർ ചെയ്തിട്ടുള്ളവരുടെ പൂർണ വിവരങ്ങൾ ഇതിൽ ലഭ്യമാണെന്നും മന്ത്രി പറഞ്ഞു. രോഗലക്ഷണമുള്ളവരെ ചികിത്സിക്കാൻ പ്ലാൻ എ, ബി, സി എന്നിങ്ങനെ തിരിച്ച് 27 കോവിഡ് ആശുപത്രികൾ ഉൾപ്പെടെ 207 സർക്കാർ ആശുപത്രികൾ സജ്ജമാക്കിയിട്ടുണ്ട്. ആവശ്യമെങ്കിൽ ഉപയോഗിക്കാൻ പ്ലാൻ സിയിൽ 125 സ്വകാര്യ ആശുപത്രികളും സമ്മതം അറിയിച്ചിട്ടുണ്ട്. 11,084 ഐസൊലേഷൻ…
Read Moreമുഖ്യമന്ത്രിക്ക് ഇത്രയും ധാർഷ്ട്യം പാടില്ല; കോൺഗ്രസ് വാഗ്ദാനം നിഷേധിച്ചത് വിലകുറഞ്ഞ രാഷ്ട്രീയക്കളിയെന്ന് രമേശ് ചെന്നിത്തല
തിരുവനന്തപുരം: എത്ര പിആർ ഏജൻസികൾ വിചാരിച്ചാലും പിണറായി വിജയന്റെ ധാർഷ്ട്യം ഇല്ലാതാക്കാൻ കഴിയില്ലെന്ന് മനസിലായതായി പ്രതിപക്ഷ നേതാവ് രമേശ് ചെന്നിത്തല. മുഖ്യമന്ത്രിക്ക് ഇത്രയും ധാർഷ്ട്യം പാടില്ലെന്നും അദ്ദേഹം പറഞ്ഞു. അതിഥി തൊഴിലാളികളെ അവരുടെ ഗ്രാമങ്ങളിലെത്തിക്കുന്നതിനായി കോണ്ഗ്രസ് പാർട്ടി നൽകുന്ന പണം സ്വീകരിക്കാൻ തയാറാകാത്ത നടപടി മനുഷ്യത്വ ര ഹിതമാണെന്നും അദ്ദേഹം കൂട്ടിച്ചേർത്തു. പ്രളയദുരിതാശ്വാസ ഫണ്ട് വെട്ടിച്ച സിപിഎം നേതാക്കളെ സംരക്ഷിക്കുന്ന മുഖ്യമന്ത്രി ഒരു ഉളുപ്പുമില്ലാതെയാണ് കോൺഗ്രസുകാരുടെ പണം അവരുടെ കൈയിൽ ഇരിക്കട്ടെയെന്ന് പറഞ്ഞത്. കഴിഞ്ഞ നാല് വർഷമായി പിണറായിക്ക് ഒരു മാറ്റവും ഉണ്ടായില്ലെന്ന് ഇതിലൂടെ വ്യക്തമായി. ജനങ്ങളിൽനിന്ന് പിരിച്ച പണം ഉപയോഗിച്ചാണ് സഹായം ചെയ്യാൻ കോൺഗ്രസ് തീരുമാനിച്ചത്. ആ പണം വേണ്ടായെന്ന് പറയുന്ന വിലകുറഞ്ഞ രാഷ്ട്രീയക്കളി കേരളത്തിലെ ജനങ്ങൾ മനസിലാക്കുമെന്നും ചെന്നിത്തല പറഞ്ഞു.
Read More