തിരുവനന്തപുരം: ലോക്ക് ഡൗൺ നിയന്ത്രണങ്ങളിലെ കൂടുതൽ ഇളവുകൾ ഇന്നുമുതൽ സംസ്ഥാനത്തു നിലവിൽ വരും. റെഡ് സോൺ ജില്ലകളിലെ ഹോട്ട്സ്പോട്ട് (കണ്ടയിൻമെന്റ് സോൺ) പ്രദേശങ്ങളിൽ ലോക്ക്ഡൗൺ നിയന്ത്രണങ്ങൾ കർശനമായി തുടരും. മറ്റു പ്രദേശങ്ങളിലാണ് ഇളവുകൾ. ഹോട്ട്സ്പോട്ടുകൾ ഉള്ള നഗരസഭകളുടെ കാര്യത്തിൽ അതത് വാർഡുകളാണ് അടച്ചിടുക. പഞ്ചായത്തുകളുടെ കാര്യത്തിൽ പ്രസ്തുത വാർഡും അതിനോട് കൂടിച്ചേർന്നു കിടക്കുന്ന വാർഡുകളും അടച്ചിടും. ഗ്രീൻ സോണുകളിൽ ഉൾപ്പെടെ ടാക്സി ഒഴികെയുള്ള പൊതുഗതാഗതം അനുവദിക്കില്ല. സ്വകാര്യ വാഹനങ്ങളിൽ ഡ്രൈവർക്കു പുറമെ രണ്ടു പേരിൽ കൂടുതൽ യാത്ര ചെയ്യാൻ പാടില്ല. ഓൺലൈൻ അടക്കമുള്ള ടാക്സികളിലും ഡ്രൈവറെ കൂടാതെ രണ്ടു പേ൪ വീതമാണ് സഞ്ചരിക്കുക. (ഹോട്ട്സ്പോട്ടുകളിൽ ഒഴികെ). ടൂവീലറുകളിൽ പിൻസീറ്റ് യാത്രയും ഒഴിവാക്കണം. അത്യാവശ്യ കാര്യത്തിനായി കുടുംബാംഗങ്ങൾക്കു പോകാം. അവശ്യ സർവീസുകളല്ലാത്ത സർക്കാർ ഓഫീസുകൾ നിലവിലെ രീതിയിൽ തന്നെ മേയ് 15 വരെ പ്രവർത്തിക്കാം. ഗ്രൂപ്പ് എ, ബി…
Read MoreCategory: TVM
ഈ ഭൂമിയില് നിന്നുതന്നെ ഓടിക്കണം; കോവിഡ് 19 തുരത്താൻ മൂന്നുവയസ്സുകാരി കുടുക്ക പൊട്ടിച്ച് മുഖ്യമന്ത്രിയുടെ ദുരിതാശ്വാസനിധിയിലേയ്ക്ക് സംഭാവന നല്കി
നെയ്യാറ്റിന്കര: കൊറോണയെ ഓടിച്ചുവിടണമെന്നാണ് വൈഷ്ണവിക്കുട്ടിയുടെ അഭിപ്രായം. കേരളത്തില് നിന്നു മാത്രമല്ല, ഈ ഭൂമിയില് നിന്നുതന്നെ ഓടിക്കണം. നഴ്സറിയില് പോകാനോ ടീച്ചറെ കാണാനോ കൂട്ടുകാരുമായി കളിക്കാനോ ഒന്നും ഇപ്പോള് പറ്റുന്നില്ല. കൊറോണയാണ് എല്ലാത്തിനും കാരണം. കൊറോണ പോയാലേ ഇനി ഇതൊക്കെ പറ്റൂ എന്ന് അപ്പൂപ്പന് പറയാറുണ്ട്. എന്നാല് വീട്ടില് ഒരുപാട് നേരം ടി.വി യില് കാര്ട്ടൂണ് കാണാനും അപ്പൂപ്പന് സമ്മതിക്കുന്നില്ല. കാര്ട്ടൂണ് കാണാനിരിക്കുന്പോള് അപ്പൂപ്പന് ടി വി യില് വാര്ത്ത വയ്ക്കും. അതിനും കാരണം ഈ കൊറോണ തന്നെ. പക്ഷെ, മൂന്നുവയസ്സുകാരിയായ ഈ നഴ്സറി കുട്ടി കഴിഞ്ഞ ദിവസം അപ്പൂപ്പനെയും ഞെട്ടിച്ചു. തന്റെ കുടുക്ക അപ്പൂപ്പന്റെ പക്കല് നല്കിയിട്ട് വൈഷ്ണവി പറഞ്ഞു- അപ്പൂപ്പാ, ഇത് നമുക്ക് ദുരിതാശ്വാസ നിധിയിലേക്ക് കൊടുക്കാം. മുഖ്യമന്ത്രിയുടെ ദുരിതാശ്വാസ നിധിയിലേയ്ക്ക് ഓരോരുത്തര് സംഭാവന ചെയ്യുന്നതും മറ്റുമായ വാര്ത്തകളും വീട്ടിലെ മുതിര്ന്നവരുടെ ഇതു സംബന്ധിച്ച സംസാരവുമൊക്കെ…
Read Moreപകർച്ച വ്യാധികൾ പ്രതിരോധിക്കുവാനും അന്തരീക്ഷം ശുദ്ധീകരിക്കാനും പെരുങ്കടവിളയില് 80 കേന്ദ്രങ്ങളില് ഇന്ന് ധൂമസന്ധ്യ
നെയ്യാറ്റിന്കര: നെയ്യാറ്റിന്കര താലൂക്കിലെ പെരുങ്കടവിള ഗ്രാമപഞ്ചായത്തിലെ 80 കേന്ദ്രങ്ങളില് ഇന്ന് വൈകുന്നേരം ഒരേ സമയം ധൂമസന്ധ്യ സംഘടിപ്പിക്കും. അന്തരീക്ഷം ശുദ്ധീകരിക്കാനും പകർച്ച വ്യാധികൾ പ്രതിരോധിക്കുവാനും ലക്ഷ്യമിട്ട് അണുനാശക ശക്തിയുള്ള ആയുർവേദ ഔഷധക്കൂട്ട് ഉപയോഗിച്ചുള്ള പുകയ്ക്കലാണ് ധൂമസന്ധ്യ പരിപാടിയെന്ന് മെഡിക്കൽ ഓഫീസർ അറിയിച്ചു. പെരുങ്കടവിള ഗ്രാമ പഞ്ചായത്തിന്റെയും ആയയിൽ ആയുർവേദ ഡിസ്പെന്സറിയുടെയും ആയുഷ്ഗ്രാം പദ്ധതിയുടെയും സംയുക്താഭിമുഖ്യത്തിൽ നടക്കുന്ന ധൂമസന്ധ്യയുടെ ഉദ്ഘാടനം സി. കെ. ഹരീന്ദ്രൻ എംഎൽഎ നിർവഹിക്കും. അരുവിപ്പുറം ആയയിൽ ആയുർവേദ ഡിസ്പെന്സറിയിൽ ചേരുന്ന ചടങ്ങില് പഞ്ചായത്ത് പ്രസിഡന്റ് ഐ.ആർ സുനിത പ്രതിരോധ ഔഷധങ്ങൾ ഏറ്റുവാങ്ങും. സൗജന്യ മാസ്ക് വിതരണോദ്ഘാടനവും ആയുഷ്ഗ്രാം പദ്ധതി പ്രകാരം ലോക്ക് ഡൗൺ കാലത്തു പരിശീലിക്കേണ്ട ലഘുവ്യായാമങ്ങളെ കുറിച്ചുള്ള വീഡിയോയുടെ പ്രകാശനവും നടക്കും. ഡോ. വി. ജെ. സെബി, ഡോ. എ.ജെ ആനന്ദ് എന്നിവർ പങ്കെടുക്കും.
Read Moreദുരൂഹതയുണര്ത്തി ഒരുവര്ഷത്തിലേറെ പഴക്കമുള്ള അസ്ഥികൂടം; കണ്ടെത്തിയത് ദുര്ഘടം പിടിച്ച വഴിയുള്ള ജന സഞ്ചാരമില്ലാത്ത കുന്നിന് മുകളില് നിന്ന്…
വെള്ളറട: പാറമടക്കരികിലെ റബര് തോട്ടത്തില് ഒരുവര്ഷത്തിലേറെ പഴക്കമൂള്ള അസ്ഥികൂടം കണ്ടെത്തി. വെള്ളറട നൂലിയം ഇയംപൊറ്റയിലാണ് റബര്തോട്ടത്തില് അസ്ഥികൂടം കണ്ടെത്തിയത്. പുല്ലുശേഖരിക്കാന് തോട്ടത്തിലെത്തിയ ക്ഷീരകര്ഷകനായ ഒരാളാണ് അസ്ഥികൂടം കണ്ടത്. മരത്തില് കെട്ടിയ കയറും നിലത്തുവീണ വസ്ത്രവും, പാദരക്ഷയും ഇതിനോടൊപ്പം കണ്ടെത്തിയിട്ടുണ്ട്. മരത്തില്തൂങ്ങി നിന്ന ശരീരം അഴുകി അസ്ഥികൂടം നിലത്തു വീണതാവാമെന്നാണ് പോലീസ് അനുമാനിക്കുന്നത്. വളരെയേറെ ദുര്ഘടം പിടിച്ച വഴിയുള്ള ജന സഞ്ചാരമില്ലാത്ത കുന്നിന് മുകളില് നിന്ന് കണ്ടെടുത്ത അസ്ഥികൂടം ദുരൂഹതയുണര്ത്തുന്നു. എസ്ഐ സതീഷ്ശേഖറിന്റെ നേതൃത്വത്തിലുള്ള പോലീസ് സംഘം വളരെ ഏറെ പണിപ്പെട്ടാണ് മലമുകളിലെത്തിയത്. എഎസ്ഐ മാരായ ശശികുമാര്, ബിജു, അനില്, എസ്ഐ ട്രെയിനി അരുണ്പ്രകാശ്, സീനിയര് സിപിഒ അജിത്തിന്റെയും നേതൃത്വത്തില് ഇന്ക്വസ്റ്റ് നടപടികള് പൂര്ത്തിയാക്കിയശേഷം അസ്ഥികൂടം വെള്ളറട സ്റ്റേഷനിലെത്തിച്ചു. ഒരു വര്ഷം മുമ്പ് കാണാതായായവരുടെയും വിദൂരങ്ങളില് ജോലിക്കു പോയശേഷം മടങ്ങിവരാത്തവരുടെയും കേസ് ഫയല് പരിശോധിച്ച് മരിച്ച ആളിനെ കണ്ടെത്താന്…
Read Moreഇങ്ങോട്ടിനി തിരിച്ചുവരുമോയെന്ന് അറിയില്ല! റോഷന്കുമാര് ഇന്നലെ പിതാവിന്റെ ജന്മനാട്ടിലേയ്ക്ക് യാത്രതിരിച്ചു
നെയ്യാറ്റിന്കര: റോഷന്കുമാര് ഇന്നലെ പിതാവിന്റെ ജന്മനാട്ടിലേയ്ക്ക് യാത്രതിരിച്ചു. രണ്ടു വയസുകാരനായ റോഷന് പക്ഷെ, എന്തുകൊണ്ടാണ് ഈ യാത്രയെന്നോ ഇങ്ങോട്ടിനി തിരിച്ചുവരുമെന്നോ ഒന്നും അറിയില്ല. എന്നാല് ലോക്ക് ഡൗണ് കാലത്ത് അവനും ഇവിടെയുണ്ടായിരുന്ന ബന്ധുക്കള്ക്കും യാതൊരു വിധ പരാതിക്കും ഇട വരുത്താതെ നെയ്യാറിന് തീരത്തെ ഭരണസംവിധാനങ്ങള് പരിരക്ഷിച്ചുവെന്നതില് സംശയമില്ല. മനസ് നിറഞ്ഞ നന്ദിയും കടപ്പാടുമായാണ് നെയ്യാറ്റിന്കര നിയോജക മണ്ഡലത്തിന്റെ വിവിധ ഭാഗങ്ങളില് നിന്നുള്ള എണ്പത് ജാര്ഖണ്ഡ് നിവാസികള് ഇന്നലെ നാട്ടിലേയ്ക്ക് മടങ്ങിയത്. തൊഴില് തേടി എത്തിയവരാണ് അക്കൂട്ടത്തില് നല്ലൊരു ശതമാനവും. കുടുംബത്തോടെ ഇവിടെ തന്പടിച്ചവരുമുണ്ട്. അധികം വൈകാതെ ഈ നാട് അവര്ക്ക് ഏറെ പ്രിയപ്പെട്ടതായി. നെയ്യാറ്റിൻകരയിൽ നിന്നും സ്വദേശത്തേക്ക് യാത്ര തിരിച്ച ജാര്ഖണ്ഡുകാര്ക്ക് ഇന്നലെ രാവിലെയും ഉച്ചയ്ക്കും ആഹാരമൊരുക്കി നെയ്യാറ്റിന്കര നഗരസഭ അവരെ സന്തോഷപൂര്വം യാത്രയാക്കി. കെ. ആന്സലന് എംഎല്എ ഇവരുടെ യാത്രയുടെതടക്കമുള്ള കാര്യങ്ങള് വിലയിരുത്തി. നെയ്യാറ്റിൻകര നിന്നും…
Read Moreലൊക്കേഷൻ വീട്ടുമുറ്റത്തെ ഉദ്യാനം; വീട്ടമ്മ നായിക, ഹ്രസ്വചിത്രം സൂപ്പർഹിറ്റ്
കാട്ടാക്കട: വീട്ടുമുറ്റത്തെ ഉദ്യാനം ലൊക്കേഷനാക്കി. വീട്ടമ്മ നായികയായി. ലോക് ഡൗൺ കാലത്ത് പിറന്നത് മണ്ണിന്റെ മണമുള്ള, പെണ്ണിന്റെ ഉള്ളം തെളിയുന്ന ഒരു ഹ്രസ്വചിത്രം..’ പറയുവാനാകാതെ.’ എഴുത്തുകാരി ജസീന്ത മോറിസാണ് ലോക് ഡൗണിനെ തുടർന്ന് പേയാട് ചെറുപാറയിലുള്ള വീട്ടിലിരുന്ന് ഹ്രസ്വചിത്രം ഒരുക്കിയത്. കഥ, തിരക്കഥ, സംഭാഷണം, സംവിധാനം, അഭിനയം എന്നിവയൊക്കെ ജസീന്ത തന്നെയാണ് നിർവഹിച്ചിരിക്കുന്നത്. കഴിഞ്ഞ ദിവസം സിനിമ ചിത്രീകരിച്ച തന്റെ വീട്ടുമുറ്റത്തെ പൂന്തോട്ടത്തിൽ വച്ച് ‘പറയുവാനാകാതെ ‘ യൂടൂബിൽ റിലീസ് ചെയ്തു. മിനിട്ടുകൾക്കകം ഹ്രസ്വചിത്രം കണ്ടത് ആയിരങ്ങൾ. ഇതോടെ സിനിമ സൂപ്പർഹിറ്റായി. പ്രകൃതിയും ഒരു വീട്ടമ്മയും തമ്മിലുള്ള ഇഴപിരിയാത്ത ബന്ധമാണ് 15 മിനിട്ട് ദൈർഘ്യമുള്ള ചിത്രത്തിന്റെ ഉള്ളടക്കം. പെൺ മനസിന്റെ ആഗ്രഹങ്ങളും പ്രതീക്ഷയും അൽപ്പം സങ്കടങ്ങളും സിനിമ പറഞ്ഞുവയ്ക്കുന്നു. ജസീന്ത ചിത്രത്തിൽ നായികയായപ്പോൾ ഉദ്യാനത്തിൽ കായ്ച്ചു നിൽക്കുന്ന പ്ലാവും ജാമ്പയും മാവും പേരയും, പൂത്തു നിൽക്കുന്ന ചെടികളുമൊക്കെ…
Read Moreഅതിഥിത്തൊഴിലാളികളുമായി തിരുവനന്തപുരത്തു നിന്ന് ജാർഖണ്ഡിലേക്ക് ആദ്യ സംഘം രണ്ടിന് പുറപ്പെടും
തിരുവനന്തപുരം: അതിഥിത്തൊഴിലാളികളുമായി തിരുവനന്തപുരത്തു നിന്നുള്ള ആദ്യ ട്രെയിൻ ഇന്ന് ഉച്ചക്ക് രണ്ടിന് ജാർഖണ്ഡിലെ ഹാതിയയിലേക്ക് പുറപ്പെടുമെന്ന് ജില്ലാ കളക്ടർ കെ. ഗോപാലകൃഷ്ണൻ പറഞ്ഞു. 1,200 പേരെയാണ് അയക്കുന്നത്. വൈദ്യ പരിശോധനയടക്കം നടത്തി ഓൺലൈൻ രജിസ്ട്രേഷൻ പൂർത്തിയാക്കിയ ശേഷമാകും ഇവരെ അയക്കുക. രോഗലക്ഷണമുള്ളവരെ അയക്കില്ല. പരിശോധനയ്ക്കും രജിസ്ട്രേഷനുമായി പോലീസ്, ആരോഗ്യ പ്രവർത്തകർ, റവന്യു ഉദ്യോഗസ്ഥർ എന്നിവരടങ്ങുന്ന സംഘം അതിഥിത്തൊഴിലാളികൾ താമസിക്കുന്ന സ്ഥലങ്ങളിലേക്ക് നേരിട്ടെത്തുന്നുണ്ട്. ഉച്ചയോടെ നടപടികൾ പൂർത്തിയാകുമെന്നും കളക്ടർ അറിയിച്ചു.
Read Moreഅഞ്ച് ലക്ഷം കവിഞ്ഞ് നോർക്ക രജിസ്ട്രേഷൻ; പ്രവാസികൾ കൂടുതൽ ഗള്ഫില്നിന്ന്; തിരിച്ചുവരവിൽ മുന്നിൽ മലപ്പുറം ജില്ലക്കാർ
തിരുവനന്തപുരം: കോവിഡ് ലോക്ഡൗണിനെ തുടർന്ന് വിദേശ രാജ്യങ്ങളിൽനിന്നും ഇതര സംസ്ഥാനങ്ങളിൽനിന്നും കേരളത്തിലേക്ക് മടങ്ങിവരുന്നതിനായി നോർക്ക വെബ്സൈറ്റിൽ രജിസ്റ്റർ ചെയ്തവരുടെ എണ്ണം അഞ്ചു ലക്ഷം കവിഞ്ഞു. 203 രാജ്യങ്ങളിൽനിന്ന് 3,79,672 വിദേശ മലയാളികളും ഇതരസംസ്ഥാനങ്ങളിൽനിന്ന് 1,20,887 പേരും ഉൾപ്പെടെ മൊത്തം 5,00,059 പേരാണ് രജിസ്റ്റർ ചെയ്തത്. മടക്കയാത്രയ്ക്കൊരുങ്ങുന്ന വിദേശ പ്രവാസികളുടെ എണ്ണത്തിൽ മലപ്പുറം ജില്ലയാണു മുന്നിൽ. 63,839 പേരാണ് വെള്ളിയാഴ്ച വരെ രജിസ്റ്റർ ചെയ്തത്. തൃശൂർ, കോഴിക്കോട് ജില്ലകളിലുള്ള 47,000-ൽ അധികം പ്രവാസികൾ രജിസ്റ്റർ ചെയ്തിട്ടുണ്ട്. മടങ്ങിവരുന്നതിന് ഏറ്റവും കൂടുതൽ പ്രവാസികൾ രജിസ്റ്റർ ചെയ്തിട്ടുള്ളത് യുഎഇ, സൗദി അറേബ്യ എന്നിവിടങ്ങളിൽ നിന്നാണ്. കണ്ണൂർ ജില്ലയിൽനിന്ന് 15,279 പേർ ഇതരസംസ്ഥാന പ്രവാസി വെബ്സൈറ്റിൽ രജിസ്റ്റർ ചെയ്തു. മലപ്പുറവും പാലക്കാടുമാണ് തൊട്ടുപിന്നിൽ. കർണാടക, തമിഴ്നാട്, മഹാരാഷ്ട്ര എന്നിവിടങ്ങളിൽ നിന്നാണ് കൂടുതൽ ഇതരസംസ്ഥാന പ്രവാസികൾ രജിസ്റ്റർ ചെയ്തിട്ടുള്ളത്. മടങ്ങിവരാൻ ആഗ്രഹിക്കുന്ന വിദേശ പ്രവാസികളുടെ…
Read Moreസഹായിച്ചില്ലെങ്കിൽ വേണ്ട, തരാനുള്ള പണമെങ്കിലും തരണമെന്ന് കേന്ദ്രത്തോട് ഐസക്ക്
തിരുവനന്തപുരം: കേന്ദ്ര സർക്കാർ സഹായിച്ചില്ലെങ്കിലും വേണ്ട, തരാനുള്ള പണം എങ്കിലും തരണമെന്ന് ധനമന്ത്രി ടി.എം തോമസ് ഐസക്ക്. ജിഎസ്ടി നഷ്ടപരിഹാര തുക നാല് മാസത്തെ കേന്ദ്രം നൽകാനുണ്ട്. ഇത് ഉടനെ നൽകണമെന്ന് ഐസക്ക് ആവശ്യപ്പെട്ടു. കോവിഡിനെതിരായ നീണ്ടുനിൽക്കുന്ന യുദ്ധത്തിൽ കേന്ദ്രം സംസ്ഥാനങ്ങളെ സഹായിക്കണം. ഇതല്ലാതെ പിടിച്ചുനിൽക്കാൻ കഴയില്ല. ഭൂരിപക്ഷം സംസ്ഥാനങ്ങളോടും കേന്ദ്രം വിവേചനമാണ് കാണിക്കുന്നത്- അദ്ദേഹം കുറ്റപ്പെടുത്തി. ബജറ്റിൽ പ്രതീക്ഷിച്ചതിന്റെ നാലിലൊന്ന് വരുമാനമില്ല. ജിഎസ്ടി വരുമാനത്തിൽ വൻ ഇടിവ് ആണ് ഉണ്ടായത്. മാർച്ച് ഏപ്രിൽ മാസങ്ങളിൽ വരുമാനം വൻതോതിൽ കുറഞ്ഞു. മേയിൽ സ്ഥിതി ഇതിലും മോശമാകും. കുടിശികകൾ തീർക്കുന്നത് വൻ സാമ്പത്തിക തിരിച്ചടിയുണ്ടാക്കുമെന്നും ഐസക്ക് ചൂണ്ടിക്കാട്ടി. കേന്ദ്രസർക്കാർ നയങ്ങൾ തിരുത്തണമെന്ന് ആവശ്യപ്പെട്ട് രാജ്യത്തെ പ്രമുഖരായ പണ്ഡിതർ ഉൾപ്പെടെ അടങ്ങുന്ന സംഘം പൊതു ആവശ്യങ്ങൾ അടങ്ങിയ പത്രിക പുറത്തിറക്കുമെന്നും മന്ത്രി പറഞ്ഞു.
Read Moreമദ്യക്കടകൾ തുറക്കാൻ എല്ലാം സജ്ജം; തുറക്കുന്നത് സാഹചര്യം നോക്കിമാത്രമെന്ന് മന്ത്രി ടി.പി രാമകൃഷ്ണൻ
തിരുവനന്തപുരം: മദ്യക്കടകൾ തുറക്കുന്നത് സാഹചര്യം നോക്കി മാത്രമെന്ന് മന്ത്രി ടി.പി രാമകൃഷ്ണൻ. എന്നാൽ മദ്യക്കടകൾ തുറക്കാൻ എല്ലാം സജ്ജമാണ്. ശുചീകരണത്തിന് രണ്ട് ദിവസം വേണ്ടിവരുമെന്നും മന്ത്രി പറഞ്ഞു. ബാറുകൾ തുറക്കാൻ തീരുമാനമില്ല. കേന്ദ്ര നിർദേശത്തിൽ ബാറുകൾ തുറക്കാൻ അനുമതിയില്ല. ബാറുകളിൽ കുപ്പി പാഴ്സലായി നൽകുന്നത് ഇപ്പോൾ പരിഗണനയിൽ ഇല്ല. നേരത്തെ ഒരു ഘട്ടത്തിൽ ആലോചിച്ചിരുന്നു.
Read More