തിരുവനന്തപുരം: സ്പ്രിംഗ്ളര് ഇടപാടിൽ ദുരൂഹതയുണ്ടെന്ന് ആരോപിച്ച് പ്രതിപക്ഷം രംഗത്തെത്തിയതിന് പിന്നാലെ കരാർ വിവരങ്ങള് പുറത്തുവിട്ട് സര്ക്കാർ. കമ്പനിയും സർക്കാരും തമ്മിലുള്ള കരാറും സ്പ്രിംഗ്ളര്, ഐടി സെക്രട്ടറിക്ക് അയച്ച കത്തും സര്ക്കാര് പുറത്തുവിട്ടു. പൗരൻമാരുടെ വിവരങ്ങൾ ദുരുപയോഗം ചെയ്യില്ലെന്ന് കമ്പനി കരാറിൽ ഉറപ്പ് നൽകുന്നു. വിവരങ്ങളുടെ ഉടമസ്ഥാവകാശം സർക്കാരിനു തന്നെയാവും. സർക്കാർ ആവശ്യപ്പെട്ടാൽ ഏതുസമയത്തും വിവരങ്ങൾ കൈമാറും. അമേരിക്കയിലേയും മറ്റ് രാജ്യങ്ങളിലേയും നിയമങ്ങൾക്ക് വിധേയമായിട്ടാവും കമ്പനി പ്രവർത്തിക്കുകയെന്നും കരാറിൽ പറയുന്നു. ശേഖരിക്കുന്ന വിവരങ്ങൾ സംസ്ഥാന സർക്കാർ അല്ലാതെ മറ്റ് ഏജൻസികൾക്ക് കൈമാറുകയോ പകർപ്പ് എടുക്കുകയോ ചെയ്യില്ലെന്നും കരാർ വ്യവസ്ഥ ചെയ്യുന്നു. ഏപ്രില് രണ്ടിനാണ് സർക്കാർ സ്പ്രിംഗ്ളറുമായി കരാര് ഒപ്പിട്ടത്. കരാര് കാലാവധി സെപ്റ്റംബര് 24 വരെയാണ്. വിവരങ്ങളുടെ അന്തിമ അവകാശം പൗ രനെന്ന് സ്പ്രിംഗ്ളര് വ്യക്തമാക്കുന്നു. രോഗികളുടെ വിവരങ്ങളുടെ പൂര്ണ അവകാശം സംസ്ഥാന സര്ക്കാരിനെന്നും കമ്പനി വ്യക്തമാക്കി.
Read MoreCategory: TVM
നാലാം ക്ലാസുകാരി പീഡിപ്പിക്കപ്പെട്ട സംഭവം; അധ്യാപകനെ അറസ്റ്റ് ചെയ്യാത്തത് പോലീസിന് നാണക്കേടെന്ന് മന്ത്രി
തിരുവനന്തപുരം: പാനൂർ പാലത്തായിയില് നാലാം ക്ലാസുകാരിയെ പീഡിപ്പിച്ച ബിജെപി നേതാവ് കൂടിയായ അധ്യാപകനെ അറസ്റ്റ് ചെയ്യാത്തത് പോലീസിന് നാണക്കേടാണെന്ന് മന്ത്രി കെ.കെ ശൈലജ. ഡിജിപിയെ വിളിച്ച് താൻ വിവരം അറിയിച്ചിട്ടുണ്ടെന്നും അവർ പറഞ്ഞു. അധ്യാപകനെ അറസ്റ്റ് ചെയ്തില്ലെങ്കിൽ പോലീസിനെതിരെ കർശന നടപടി സ്വീകരിക്കേണ്ടിവരുമെന്നും മന്ത്രി അറിയിച്ചു. അധ്യാപകനെ അറസ്റ്റ് ചെയ്യാത്തതിൽ പ്രതിഷേധിച്ച് പൗരാവകാശ പ്രവർത്തകർ മുഖ്യമന്ത്രിക്കും സ്ഥലം എംഎല്എ കൂടിയായ മന്ത്രി കെ.കെ ശൈലജക്കും പരാതി നല്കിയിരുന്നു. അധ്യാപകനെതിരെ പോക്സോപ്രകാരം കേസെടുത്തിട്ട് 25 ദിവസങ്ങള് കഴിഞ്ഞു. ബിജെപി തൃപ്പങ്ങോട്ടൂര് പഞ്ചായത്ത് പ്രസിഡന്റ് പത്മരാജനാണ് പ്രതി. ഇയാളെ അറസ്റ്റ് ചെയ്യാൻ പോലീസ് ഇതുവരെ തയാറായിട്ടില്ല.
Read Moreമേയ് 3 വരെ ലോക്ക്ഡൗണ് നീട്ടിയ സാഹചര്യം; പിഎസ്സി മേയ് 30 വരെയുള്ള പരീക്ഷകള് മാറ്റിവച്ചു
തിരുവനന്തപുരം: ലോക്ക്ഡൗണ് മേയ് മൂന്നുവരെ നീട്ടിയ പശ്ചാത്തലത്തില് പിഎസ്സി മേയ് മുപ്പതുവരെയുള്ള പരീക്ഷകള് മാറ്റിവച്ചു. ഏപ്രില് 16 മുതല് മേയ് 30 വരെയുള്ള കാലയളവില് നടത്താന് നിശ്ചയിച്ചിരുന്ന എല്ലാ ഒഎംആർ, ഓണ്ലൈന്, ഡിക്ടേഷന്, എഴുത്തുപരീക്ഷകളുമാണ് മാറ്റിവച്ചത്. പുതുക്കിയ തീയതി പിന്നീട് അറിയിക്കും. സ്ഥലം, സമയം എന്നിവ പുതുക്കിയ പരീക്ഷാതിയതിയോടൊപ്പം അറിയിക്കുമെന്നും ഔദ്യോഗിക ഫേസ്ബുക്ക് പേജിലൂടെ പിഎസ്സി അറിയിച്ചു.
Read Moreലോക്ക്ഡൗൺ ഇളവിൽ തീരുമാനമായില്ല; ജാഗ്രതയിൽ വിട്ടുവീഴ്ച പാടില്ലെന്ന് മന്ത്രിസഭ; ബുധനാഴ്ച വീണ്ടും യോഗം
തിരുവനന്തപുരം: സംസ്ഥാനത്ത് ലോക്ക്ഡൗൺ ഇളവുകളിൽ തീരുമാനമായില്ല. കേന്ദ്ര നിലപാട് അറിഞ്ഞതിനു ശേഷം മതിയെന്ന് ഇന്ന് ചേർന്ന മന്ത്രിസഭാ യോഗം തീരുമാനിച്ചു. കോവിഡുമായി ബന്ധപ്പെട്ട് നിലവിൽ സംസ്ഥാനത്തിന് ആശങ്കവേണ്ടതില്ല. കാസർഗോഡും സ്ഥിതി ആശ്വാസകരമാണ്. എന്നാൽ ജാഗ്രതയിൽ വിട്ടുവീഴ്ച പാടില്ലെന്നും മന്ത്രിസഭാ യോഗം വിലയിരുത്തി. കേന്ദ്ര തീരുമാനം വരുന്നതിനു മുൻപ് ലോക്ക്ഡൗണിൽ കേരളത്തിൽ മാത്രം ഇളവുകൾ പ്രഖ്യാപിക്കുന്നത് ശരിയല്ലെന്നാണ് വിലയിരുത്തൽ. രോഗ വ്യാപനത്തിൽ പ്രതീക്ഷകൾക്ക് അപ്പുറത്തെ മുന്നേറ്റം ഉണ്ടാക്കാനായെന്ന ആത്മവിശ്വാസം സംസ്ഥാനത്തിനുണ്ട്. എന്നിരുന്നാലും ഒറ്റയടിക്ക് വിലക്കുകളെല്ലാം പിൻവലിക്കുന്നത് വിപരീത ഫലമുണ്ടാക്കുമെന്നും സംസ്ഥാനം കണക്കുകൂട്ടുന്നു. ഇക്കാര്യങ്ങൾ പരിശോധിക്കാൻ ബുധനാഴ്ച വീണ്ടും മന്ത്രിസഭാ യോഗം ചേരും.
Read Moreപോലീസുകാർ “മീൻ പിടിക്കേണ്ട’; പിടിക്കേണ്ടവർ പിടിച്ച് റിപ്പോർട്ട് നൽകുമ്പോൾ കേസെടുത്താൽ മതിയെന്ന് ഡിജിപി
തിരുവനന്തപുരം: മീൻ വണ്ടികൾ പിടിക്കെണ്ടെന്ന് പോലീസിന് നിർദേശം നൽകി ഡിജിപി ലോക്നാഥ് ബെഹ്റ. ഫിഷറീസ്, ഭക്ഷ്യസുരക്ഷാ വിഭാഗങ്ങൾക്ക് സുരക്ഷ ഒരുക്കിയാൽ മതിയെന്നാണ് പുതിയ നിർദേശം. പഴകിയ മീൻ വിൽപ്പനയെക്കുറിച്ച് വിവരം ലഭിച്ചാൽ ബന്ധപ്പെട്ട ഏജൻസികൾക്ക് കൈമാറണം. പരിശോധനാ റിപ്പോർട്ട് കിട്ടിയാൽ മാത്രം കേസെടുത്താൽ മതിയെന്നും ഡിജിപി ഉത്തരവിൽ പറഞ്ഞു. പോലീസ് മീൻ പിടിച്ച് നശിപ്പിച്ചതിനെ സംബന്ധിച്ച് മുഖ്യമന്ത്രിക്ക് പരാതി ലഭിച്ചിരുന്നു. ഇതിന്റെ അടിസ്ഥാനത്തിലാണ് പുതിയ നിർദേശം. ഓപ്പറേഷൻ സാഗർ റാണിയിലൂടെ എട്ടു ദിവസത്തെ പരിശോധനകളിൽ സംസ്ഥാനത്തിന്റെ വിവിധ ഭാഗങ്ങളിൽ നടത്തിയ പരിശോധനയിൽ 1,00,508 കിലോ ഉപയോഗ ശൂന്യമായ മത്സ്യമാണ് പിടികൂടിയത്. ഞായറാഴ്ച സംസ്ഥാനത്താകെ 117 കേന്ദ്രങ്ങളിലാണ് പരിശോധന നടത്തിയത്. പരിശോധനയിൽ ഭക്ഷ്യയോഗ്യമല്ലാത്ത 2,128 കിലോ മത്സ്യം പിടികൂടി. ഭക്ഷ്യയോഗ്യമല്ലാത്ത മത്സ്യം സംസ്ഥാനത്ത് കൊണ്ടുവരുന്നതും സംഭരിക്കുന്നതും വിൽക്കുന്നതും ഭക്ഷ്യസുരക്ഷാ ഗുണനിലവാര നിയമപ്രകാരം കുറ്റകരമാണ്. ഇത്തരം മത്സ്യങ്ങളുടെ ഉപയോഗം ആരോഗ്യത്തെ…
Read Moreനാഷനൽ ക്വാളിറ്റി അഷ്വറൻസ് സ്റ്റാൻഡേർഡിന്റെ അംഗീകാര നിറവിൽ കള്ളിക്കാട് പ്രാഥമികാരോഗ്യ കേന്ദ്രം
കാട്ടാക്കട : നാഷനൽ ക്വാളിറ്റി അഷ്വറൻസ് സ്റ്റാൻഡേർഡ് (എൻ.ക്യൂ. എ.എസ്) അംഗീകാര നിറവിൽ കള്ളിക്കാട് പ്രാഥമികാരോഗ്യ കേന്ദ്രം. ക്ലിനിക്കൽ സർവീസസ്, ഇൻഫെഷൻകൺട്രോൾ, ക്വാളിറ്റി മാനേജ്മെ ന്റ് തുടങ്ങി എട്ട് വിഭാഗങ്ങളായി 6500 ഓളം ചെക് പോയിന്റുകൾ വില യിരുത്തിയാണ് എൻക്യുഎഎസ് അംഗീകാരം നൽകുക. 95 ശതമാനം പോയന്റ് നേടിയാണ് രാജ്യത്തെ മികച്ച പ്രാഥമികാരോഗ്യ കേന്ദ്രങ്ങളുടെ പട്ടികയിൽ കള്ളിക്കാട് പ്രാഥമികാരോഗ്യ കേന്ദ്രം ഇടം പിടിച്ചത്. ജില്ലാ -സംസ്ഥാനതല പരിശോധനകൾക്ക് ശേഷം എൻഎച്ച് എസ്ആർസി നിയമിക്കുന്ന ദേശീയ തലത്തിലെ പരിശോധനയ്ക്ക് ശേഷമാണ് ആശുപത്രികളുടെ ഗുണനിലവാര മാനദണ്ഡം ഉറപ്പാക്കു ന്നത്. ഇവയിൽ ഓരോവിഭാഗത്തിലും70 ശതമാനത്തിൽ കൂടുതൽ മാർക്ക് നേടുന്ന സ്ഥാപനങ്ങൾക്ക് ഭാരത സർക്കാർ എൻക്യുഎഎസ്അംഗീ കാരം നൽകുന്നത്. പുതിയ അംഗീകാരത്തോടെ മൂന്ന് വർഷത്തേക്ക് വാർഷിക ഗ്രാൻഡാ യി മൂന്ന് ലക്ഷം രൂപ വീതം ആശുപത്രിക്ക് ലഭിക്കും. പൊതു സമൂ ഹത്തിന്റെ പിന്തുണയോടെ…
Read Moreസമൃദ്ധിക്കും പുരോഗതിക്കുമൊപ്പം ആരോഗ്യപൂര്ണവും സുരക്ഷിതവുമായ വിഷു ആശംസ നേർന്ന് ഗവർണർ
തിരുവനന്തപുരം സംസ്ഥാനത്തെ ജനങ്ങള്ക്കും ലോകമെമ്പാടുമുള്ള കേരളീയര്ക്കും കേരള ഗവര്ണര് ആരിഫ് മുഹമ്മദ് ഖാന് ഹൃദ്യമായ വിഷു ആശംസകള് നേര്ന്നു. “സമൃദ്ധിക്കും പുരോഗതിക്കുമൊപ്പം ആരോഗ്യപൂര്ണവും സുരക്ഷിതവുമായ ഭാവിയുടെ പ്രതീക്ഷയുണര്ത്തുന്ന വിഷു വരുംവര്ഷത്തിലുടനീളം ഏവര്ക്കും സമാധാനവും ഐശ്വര്യവും ഒരുമയും പ്രദാനം ചെയ്യട്ടെ “- ഗവര്ണര് ആശംസ സന്ദേശത്തില് പറഞ്ഞു.
Read Moreസാധനങ്ങളില്ല, മാവേലി സ്റ്റോറുകളും സപ്ലൈകോ ഔട്ട്ലെറ്റുകളും കാലി
തിരുവനന്തപുരം: പൊതുജനം ഭക്ഷ്യധാന്യങ്ങൾക്കായി പരക്കം പായുമ്പോൾ മാവേലി സ്റ്റോറുകളും സപ്ലൈകോ ഔട്ട്ലെറ്റുകളും സാധനങ്ങളില്ലാതെ കിടക്കുന്നു. ജില്ലയിലെ മിക്ക ഔട്ട്െലറ്റുകളും കാലിയായി. അരി, ഉഴുന്ന്, പയർ, വെളിച്ചെണ്ണ, ശർക്കര, പച്ചരി തുടങ്ങിയ സാധനങ്ങളില്ല. ആകെയുള്ളത് സോപ്പ്, പേസ്റ്റ് തുടങ്ങിയവ മാത്രമാണ്. കഴിഞ്ഞ ദിവസങ്ങളിൽ സാധനങ്ങൾ വാങ്ങാനെത്തിയവരെല്ലാം നിരാശരായി മടങ്ങി.സർക്കാർ നൽകുന്ന സൗജന്യ ഭക്ഷ്യധാന്യക്കിറ്റിലേക്ക് സാധന ങ്ങൾ നൽകേണ്ടി വന്നതിനാലാണ് ഔട്ട്ലെറ്റുകൾ ശൂന്യമായതെന്ന് അധികൃതർ പറയുന്നു. എന്നാൽ സപ്ലൈകോയിലേക്ക് സാധനങ്ങൾ വിതരണം ചെയ്യുന്ന കരാറുകാർ കഴിഞ്ഞ ഏതാനും മാസങ്ങളായി സാധനങ്ങൾ കൃത്യ മായി നൽകാത്തതാണ് പ്രശ്നങ്ങൾക്ക് കാരണം. നേരത്തെ സപ്ലൈ കോയുടെ ഔട്ട്ലെറ്റുകളിലെ സാധനങ്ങൾ തീരുന്ന മുറയ്ക്ക് വാങ്ങി നൽകാൻ ഡിപ്പോ മാനേജ്മെന്റ് കമ്മിറ്റി (ഡി.എം.സി) ക്ക് അധികാരമുണ്ടായിരുന്നു. എന്നാൽ ഒരുവർഷം മുൻപ് ഈ സംവിധാനം അവസാനിപ്പിക്കുകയും മുഴുവൻ വാങ്ങലുകളും എറണാകുളത്തെ കേന്ദ്രഓഫീസ് വഴി ആക്കു കയും ചെയ്തു. കോവിഡ്-19…
Read Moreകോവിഡ് ബാധിച്ച് മരിച്ച മാഹി സ്വദേശിയ്ക്ക് കേരളത്തിൽ സമ്പർക്കം ഉണ്ടായിരുന്നെന്ന് ആരോഗ്യമന്ത്രി
തിരുവനന്തപുരം: കേവിഡ് ബാധിച്ച് പരിയാരം മെഡിക്കൽ കോള ജിൽ ഇന്ന്്് മരിച്ച മാഹി സ്വദേശി മഹറൂഫി (71) ന് കേരളത്തിൽ സന്പർക്കം ഉണ്ട ായിരുന്നുവെന്ന് ആരോഗ്യമന്ത്രി കെ കെ ശൈലജ. മാഹി സ്വദേശിയായ ഇദ്ദേഹം ചികിത്സക്കായാണ് കേരളത്തിൽ എത്തിയത്. കേരളത്തിലെ രണ്ട് പഞ്ചായത്ത് പ്രദേശങ്ങളിലുള്ളവരുമായി ഇദ്ദേ ഹം സന്പർക്കം പുലർത്തിയിരുന്നു. ഇദ്ദേഹത്തിന്റെ സന്പർക്ക പട്ടികതയാറാക്കിയിട്ടുണ്ട ്. മതചടങ്ങുകളിലും പൊതു ചടങ്ങുകളിലും ഇദ്ദേഹം പങ്കെടുത്തിട്ടുണ്ട്. സന്പർക്കത്തിലൂടെയാണ് രോഗം പിടിപ്പെട്ടതെന്നാണ് സംശയിക്കുന്ന തെന്ന് മന്ത്രി വ്യക്തമാക്കി. ഗുരുതരമായ അസുഖങ്ങൾ ഇദ്ദേഹത്തെ ബാധിച്ചിരുന്നു. രക്ഷിക്കാൻ പരമാവധി ശ്രമിച്ചിരുന്നുവെന്നും മന്ത്രി പറഞ്ഞു. ഇദ്ദേഹത്തിന്റെ കുടുംബാംഗങ്ങളുടെ സ്രവ പരിശോധന ഫലം നെഗറ്റീവാണ്. കോവിഡിനെ പ്രതിരോധിക്കാൻ കടുത്ത നിയന്ത്രണത്തിലൂടെ മാത്രമെ സാധിക്കുകയുള്ളുവെന്നും മന്ത്രി പറഞ്ഞു. പോത്തൻകോട്ടെ കുടുതൽ പരിശോധന റാപ്പിഡ് കിറ്റുകൾ വരുന്ന മുറയ്ക്കും മാനദണ്ഡങ്ങൾ അനുസരിച്ചും നടത്തും. നിലവിൽ പരിശോധന നടത്തിയ എല്ലാവരുടെയും ഫലം…
Read Moreകേരളത്തിൽ വിഷമീൻ വേട്ട തുടരുന്നു; ഇതുവരെ പിടിച്ചത് 62,594 കിലോ മത്സ്യം
തിരുവനന്തപുരം: ഓപ്പറേഷൻ സാഗർ റാണിയുടെ ഭാഗമായി നടന്ന പരിശോധനകളിൽ വെള്ളിയാഴ്ച ഉപയോഗ ശൂന്യമായ 11756 കിലോ മത്സ്യം പിടികൂടി നശിപ്പിച്ചു. സംസ്ഥാനത്താകെ 126 കേന്ദ്രങ്ങളിലാണ് പരിശോധന നടത്തിയത്. ആറു വ്യക്തികൾക്ക് നോട്ടീസ് നൽകുകയും ചെയ്തു. ഓപ്പറേഷൻ സാഗർ റാണിയിൽ ശനിയാഴ്ച 2866 കിലോ മത്സ്യവും തിങ്കളാഴ്ച 15641 കിലോയും ചൊവ്വാഴ്ച 17018 കിലോയും ബുധനാഴ്ച 7558 കിലോയും വ്യാഴാഴ്ച 7755 കിലോയും വെള്ളിയാഴ്ച 11756 മത്സ്യവും പിടിച്ചെടുത്തിരുന്നു. ഇതോടെ ഓപ്പറേഷൻ സാഗർ റാണിയിലൂടെ ഈ സീസണിൽ 62,594 കിലോ മത്സ്യമാണ് പിടികൂടിയത്. തിരുവനന്തപുരം 17, കൊല്ലം 14, പത്തനംതിട്ട 8, ആലപ്പുഴ 24, കോട്ടയം 2, എറണാകുളം 8, തൃശൂർ 10, പാലക്കാട് 10, മലപ്പുറം 7, കോഴിക്കോട് 7, വയനാട് 2, കണ്ണൂർ 13 കാസർഗോഡ് 4 എന്നിങ്ങനെയാണ് വിവിധ കേന്ദ്രങ്ങളിൽ പരിശോധനകൾ നടത്തിയത്.
Read More