തിരുവനന്തപുരം: ഇടവിട്ട് പെയ്യുന്ന സാഹചര്യത്തിൽ ഡെങ്കിപ്പനിക്ക് സാധ്യതയുണ്ടെന്നും അതിനാൽ ജനങ്ങൾ മുൻകരുതൽ സ്വീകരിക്കണമെന്നും ആരോഗ്യവകുപ്പിന്റെ മുന്നറിയിപ്പ്. വീടിനും ചുറ്റും അലക്ഷ്യമായി വലിച്ചെറിയുന്ന പാഴ് വസ്തുക്കൾ, ടയറുകൾ, ചിരട്ടകൾ, മുട്ടത്തോട്, പൊട്ടിയ പാത്രങ്ങൾ, കളിപ്പാട്ടങ്ങൾ, റബർതോട്ടങ്ങളിലെ ചിരട്ടകൾ, കവുങ്ങിൻ പാളകൾ, കൊക്കോ തൊണ്ടുകൾ തുടങ്ങിയവയിൽ വെള്ളം കെട്ടിനിൽക്കാനും അവയിൽ കൊതുക് മുട്ടയിടാനുമുള്ള സാധ്യതയുണ്ട്. കൂടാതെ വീട്ടിലെ റെഫ്രിജറേറ്ററിലെ ട്രേ, ചെടിച്ചട്ടിയുടെ അടിയിലെ പാത്രം എന്നിവയിലെ വെള്ളത്തിലും, കൊതുക് പ്രജനനം സാധ്യമാണ്. കൊതുക് പെരുകാനുള്ള സാഹചര്യം ഒഴിവാക്കാൻ അടിയന്തരമായി ശ്രദ്ധിക്കണം. വീട്ടാവശ്യത്തിനു വെള്ളംവച്ചിരിക്കുന്നവർ പാത്രങ്ങളുടെ ഉൾവശം ഉരച്ചുകഴുകുകയും കൊതുക് കടക്കാത്ത വിധം സൂക്ഷിക്കുകയും വേണം. പനി ലക്ഷണങ്ങൾ കണ്ടാൽ ആരോഗ്യപ്രവർത്തകരെയോ, ആരോഗ്യകേന്ദ്രങ്ങളെയോ വിവരം അറിയിക്കണം. കോവിഡ് രോഗവ്യാപന ഭീഷണി നിലനിൽക്കുന്നതിനാൽ ഡെങ്കിപ്പനി ഉൾപ്പെടെയുള്ള പകർച്ച വ്യാധികൾ ഒഴിവാക്കാൻ ആരോഗ്യപ്രവർത്തകർ നൽകുന്ന മാർഗനിർദേശങ്ങൾ പാലിക്കണമെന്നും പത്തംനിട്ട ജില്ലാ മെഡിക്കൽ ഓഫീസർ(ആരോഗ്യം) ഡോ.എ.എൽ.…
Read MoreCategory: TVM
സര്ക്കാരിന്റെ സൗജന്യ കിറ്റിന്റെ പേരില് നടക്കാൻ പോകുന്നത് വലിയ തട്ടിപ്പ്; ആയിരം രൂപ കിറ്റിലെ തട്ടിപ്പിനെക്കുറിച്ച് കെ.സുരേന്ദ്രന് പറയുന്നത് ഇങ്ങനെ…
തിരുവനന്തപുരം: ഇന്നു മുതല് സര്ക്കാരിന്റെ സൗജന്യകിറ്റ് റേഷന് കടകള് വഴി ലഭിക്കുമെന്നു പറഞ്ഞിട്ട് ഒരിടത്തും എത്തിയിട്ടില്ലെന്ന് ബിജെപി സംസ്ഥാന പ്രസിഡന്റ് കെ.സുരേന്ദ്രന്. ആയിരം രൂപയുടെ കിറ്റാണെന്നാണ് സര്ക്കാര് അവകാശപ്പെടുന്നത്. എന്നാല് എഴുനൂറു രൂപയില് കൂടുതല് ഇതിനാകില്ല. കിറ്റിന്റെ പേരില് വലിയ തട്ടിപ്പാണ് നടക്കാന് പോകുന്നതെന്നും സുരേന്ദ്രന് ആരോപിച്ചു. ജനങ്ങള് റേഷന് വാങ്ങുന്നത് പല കടകളിൽ നിന്നാണ്. കുറെയാളുകള് സ്ഥലത്തില്ലാത്തവരുണ്ട്. അവരുടെ പേരില് കിറ്റു വന്നാല് അത് എങ്ങോട്ടാണ് പോകുന്നതെന്നും സുരേന്ദ്രന് ചോദിച്ചു. കമ്യൂണിറ്റി കിച്ചണെക്കുറിച്ച് പലയിടത്തു നിന്നും വ്യാപക പരാതികളുണ്ട്. കിച്ചണ് നടത്തണമെങ്കില് തദ്ദേശ സ്ഥാപനങ്ങള്ക്ക് സര്ക്കാര് പണം നല്കണം. അതൊരിടത്തും നടക്കുന്നില്ല അതുകൊണ്ടു തന്നെ പലയിടത്തും കമ്യൂണിറ്റി കിച്ചണിന്റെ പ്രവര്ത്തനം മന്ദഗതിയിലാണെന്നും സുരേന്ദ്രന് പറഞ്ഞു.
Read Moreലോക്ഡൗണ് കാലം പഴകിയ മീനിന്റെ ചാകരക്കാലം; ഭക്ഷ്യയോഗ്യമല്ലാത്ത മത്സ്യം സംഭരിക്കുന്നതും വിൽകുന്നതും ക്രിമിനൽ കുറ്റമെന്ന് ഭക്ഷ്യ സുരക്ഷാ കമ്മീഷണർ
തിരുവനന്തപുരം: സംസ്ഥാനത്തേക്ക് ഭക്ഷ്യയോഗ്യമല്ലാത്ത മത്സ്യം കൊണ്ടുവരുന്നതും സംഭരിക്കുന്നതും വിൽക്കുന്നതും ഭക്ഷ്യ സുരക്ഷാ ഗുണനിലവാര നിയമ പ്രകാരം ക്രിമിനൽ കുറ്റമാണെന്നും ഭക്ഷ്യ സുരക്ഷാ കമ്മീഷണറുടെ മുന്നറിയിപ്പ്. അഞ്ചു ലക്ഷം രൂപ വരെ പിഴയും ആറു മാസം വരെ തടവും ലഭിക്കാവുന്ന കുറ്റമാണിത്. മത്സ്യം കയറ്റിവരുന്ന വാഹനങ്ങൾക്കു ഭക്ഷ്യ സുരക്ഷാ ലൈസൻസ് നിർബന്ധമാണ്. വാഹനങ്ങളിൽ വിൽപ്പനയ്ക്കു കൊണ്ടുവരുന്ന മത്സ്യം ഏതു സ്ഥലത്തുനിന്നാണു കൊണ്ടുവരുന്നത്, ഏതു മാർക്കറ്റിലേക്കാണു കൊണ്ടുപോകുന്നത് അല്ലെങ്കിൽ ഏതു വ്യക്തികൾക്കായാണു കൊണ്ടുപോകുന്നത് എന്നിവ തെളിയിക്കുന്ന ഇൻവോയ്സ്, എഫ്എസ്എസ്എഐ ലൈസൻസിന്റെ പകർപ്പ് തുടങ്ങിയവ വാഹനത്തിൽ സൂക്ഷിക്കണം. മത്സ്യം വാഹനത്തിൽ കയറ്റുന്നതിനു മുൻപ് കണ്ടെയ്നറും പെട്ടികളും അണുവിമുക്തമാക്കണം. മത്സ്യവിതരണക്കാരും വ്യാപാരികളും മത്സ്യം കൊണ്ടുവരുന്ന ട്രക്ക് ഉടമകളും ഹൈജീൻ വ്യവസ്ഥകൾ പാലിക്കണം. മത്സ്യം കേടുകൂടാതെ സൂക്ഷിക്കുന്നതിന് ഉപയോഗിക്കുന്ന ഐസ് വൃത്തിയുള്ളതും കുടിക്കാൻ യോഗ്യവുമായ വെള്ളത്തിൽ നിർമിച്ചതായിരിക്കണമെന്നും ഭക്ഷ്യസുരക്ഷാ കമ്മിഷണർ പറഞ്ഞു. ഇവ പാലിക്കുന്നുണ്ടോയെന്നു…
Read Moreവയറ് നിറയെ ഭക്ഷണം കഴിച്ച് കരുവാരക്കുണ്ടിലെ അതിഥി തൊഴിലാളികൾ; സ്മൃതി ഇറാനി വയനാട്ടിൽ സഹായമെത്തിച്ചെന്ന പ്രചാരണം തെറ്റ്; വ്യക്തമാക്കി മുഖ്യമന്ത്രി
തിരുവനന്തപുരം: വയനാട് മണ്ഡലത്തിൽ ഭക്ഷണം ലഭിക്കാത്ത അതിഥി തൊഴിലാളികൾക്ക് കേന്ദ്ര മന്ത്രി സ്മൃതി ഇറാനി ഇടപെട്ട് ഭക്ഷണം ലഭ്യമാക്കിയെന്ന പ്രചാരണം തെറ്റെന്നു മുഖ്യമന്ത്രി പിണറായി വിജയൻ. സംഭവം നടന്നതായി പറയുന്ന കരുവാരക്കുണ്ടിൽ അന്വേഷണം നടത്തിയതായും അവിടെ തൊഴിലാളികൾക്ക് ഭക്ഷണം ലഭിക്കാത്ത പ്രശ്നമില്ലെന്നും മുഖ്യമന്ത്രി പ്രതികരിച്ചു. വയനാട് മണ്ഡലത്തിൽപ്പെട്ട മലപ്പുറം കരുവാരക്കുണ്ടിലെ അതിഥി തൊഴിലാളികൾക്ക് കേന്ദ്രമന്ത്രി സ്മൃതി ഇറാനി ഇടപെട്ട് ഭക്ഷണം നൽകി എന്ന വാർത്ത ശ്രദ്ധയിൽപ്പെട്ടു. അതേത്തുടർന്ന് അവിടെ അന്വേഷണം നടത്തി. കരുവാരക്കുണ്ടിലെ ഇരിങ്ങാട്ടിരി എന്ന സ്ഥലത്ത് 41 അതിഥി തൊഴിലാളികൾ ചേലേങ്കര അഫ്സൽ എന്നയാളുടെ ക്വാർട്ടേഴ്സിൽ താമസിക്കുന്നുണ്ട്. അവർക്ക് വേണ്ട ഭക്ഷ്യവസ്തുക്കൾ ക്വാർട്ടേഴ്സ് ഉടമയും ഏജന്റും എത്തിച്ചു നൽകിയിരുന്നു. കമ്മ്യൂണിറ്റി കിച്ചനിൽ നിന്ന് ഭക്ഷണം എത്തിച്ച് നൽകാമെന്ന് പഞ്ചായത്ത് അധികൃതർ അറിയിച്ചുവെങ്കിലും അവർ പാചകം ചെയ്ത് കഴിച്ചോളാമെന്ന് പറഞ്ഞതിനെത്തുടർന്ന് അവർക്ക് 25 കിറ്റുകൾ നൽകി. അവർക്ക്…
Read Moreവൈറസിനേക്കൾ ഭയക്കേണ്ടവർ; നടൻ മോഹൻലാൽ കോവിഡ് ബാധിച്ച് മരിച്ചെന്നു വാർത്ത; കാസർഗോഡ് സ്വദേശി അറസ്റ്റിൽ
തിരുവനന്തപുരം: നടൻ മോഹൻലാൽ കോവിഡ് ബാധിച്ച് മരിച്ചെന്ന് വാർത്ത പ്രചരിപ്പിച്ചയാളെ പോലീസ് അറസ്റ്റ് ചെയ്തു. കാസർഗോഡ് പാഡി സ്വദേശി സമീർ ബിയാണ് അറസ്റ്റിലായത്. തിരുവനന്തപുരം റേഞ്ച് ഡിഐജി കെ സഞ്ജയ്കുമാർ ഐപിഎസിന്റെ നേതൃത്വത്തിൽ ഉള്ള സംഘമാണ് ഇയാളെ അറസ്റ്റ് ചെയ്തത്. കോവിഡ് വൈറസുമായി ബന്ധപ്പെട്ട് നിരവധി വിഐപികളെയും സെലിബ്രിറ്റികളെയും ബാധിക്കുന്ന തരത്തിൽ വ്യാജ വാർത്ത പ്രചരിപ്പിച്ചതിനും, പരിഭ്രാന്തി സൃഷ്ടിക്കുകയും ചെയ്തതിനാണ് പോലീസ് കേസ് രജിസ്റ്റർ ചെയ്തിരിക്കുന്നത്. ഐപിസി 469, സിഐടി 66, ദുരന്ത നിവാരണ 54 നിയമ പ്രകാരമാണ് ഇയാൾക്കെതിരേ കേസ് രജിസ്റ്റർ ചെയ്തിരിക്കുന്നതെന്നും മാർച്ച് 31 രാത്രി മുതലാണ് ഇയാൾ ഇത്തരത്തിൽ സോഷ്യൽ മീഡിയ വഴി പ്രചാരണം നടത്തിയതെന്നും പോലീസ് അറിയിച്ചു. വ്യാജ വാർത്തകൾ നിർമിക്കാനും, പ്രചരിപ്പിക്കാനും ഉപയോഗിച്ച ഉപകരണങ്ങൾ പോലീസ് പിടിച്ചെടുത്തു. വ്യാജ വാർത്ത പ്രചരിപ്പിക്കുന്നവർക്കെതിരെ കർശന നടപടി തുടരുമെന്നും പോലീസ് അറിയിച്ചു.
Read Moreസാമ്പത്തിക പ്രതിസന്ധിയിൽ ദേവസ്വം ബോർഡ്; ക്ഷേത്രങ്ങളിൽ വഴിപാട് ഓണ്ലൈനിൽ ചെയ്യാനുള്ള സംവിധാനം ഒരുക്കുന്നു
തിരുവനന്തപുരം: കോവിഡ് വ്യാപനത്തിന്റെ പശ്ചാത്തലത്തിൽ ഭക്തർക്ക് പ്രവേശന വിലക്കുള്ളതിനാൽ തിരുവിതാംകൂർ ദേവസ്വംബോർഡിന്റെ കീഴിലുള്ള ക്ഷേത്രങ്ങളിൽ ഓണ്ലൈൻ വഴിപാടിന് സൗകര്യം ഏർപ്പെടുത്തും. കോവിഡിനെത്തുടർന്ന് നിയന്ത്രണങ്ങൾ ഏർപ്പെടുത്തിയതോടെ കടുത്ത സാന്പത്തിക പ്രതിസന്ധിയിലാണിപ്പോൾ ദേവസ്വം ബോർഡ് എന്നാണ് അധികൃതർ വ്യക്തമാക്കുന്നത്. ശബരിമലയിൽ വിഷുവിനുതന്നെ ഓണ്ലൈൻ വഴിപാടിന് ക്രമീകരണങ്ങൾ ചെയ്യുമെന്ന് അധികൃതർ അറിയിച്ചു. ഇതിന് ബാങ്കുകളുമായി ധാരണയുണ്ടാക്കും. ശബരിമലയ്ക്കുശേഷം മറ്റ് പ്രധാന ക്ഷേത്രങ്ങളിലും തുടർന്ന് എല്ലാ ക്ഷേത്രങ്ങളിലും ഇത് നടപ്പാക്കാനാണ് തീരുമാനം. ഗണപതിഹോമം, നീരാഞ്ജനം, ഭഗവതിസേവ, അർച്ചന തുടങ്ങിയവയാണ് ഓണ്ലൈൻ വിഭാഗത്തിൽ ഉൾപ്പെടുത്തുക.
Read Moreമുഖ്യമന്ത്രിയുടെ ദുരിതാശ്വാസനിധിയിലേക്ക് മോഹൻലാൽ 50 ലക്ഷം രൂപ നൽകി
തിരുവനന്തപുരം: കോവിഡ്-19 പ്രതിരോധത്തിനായി മുഖ്യമന്ത്രിയുടെ ദുരിതാശ്വാസനിധിയിലേക്ക് നടൻ മോഹൻലാൽ 50 ലക്ഷം രൂപ നൽകി. വാർത്താസമ്മേളനത്തിൽ മുഖ്യമന്ത്രി പിണറായി വിജയനാണ് ഇക്കാര്യം അറിയിച്ചത്. ജ്യോതി ലബോറട്ടറീസ് രാമചന്ദ്രൻ (മുംബൈ)- രണ്ട് കോടി, തിരുവിതാംകൂർ ദേവസ്വം ബോർഡ്- ഒരു കോടി, കല്യാൺ സിൽക്സ്- ഒരു കോടി, കിംസ് ആശുപത്രി- ഒരു കോടി, കടയ്ക്കൽ സര്വീസ് സഹകരണ ബാങ്ക്- 52 ലക്ഷം രൂപ എന്നിങ്ങനെ നൽകി.
Read Moreഅപക്വമായി പ്രശ്നങ്ങളെ സമീപിക്കുന്ന പ്രതിപക്ഷ നേതാവും കെപിസിസി പ്രസിഡന്റും കേരള ചരിത്രത്തിൽ ആദ്യം; പരിഹസിച്ച് കോടിയേരി
തിരുവനന്തപുരം: കേരളത്തിനു കേന്ദ്രം എല്ലാ സഹായവും നൽകിയെന്ന മട്ടിലുള്ള പ്രതിപക്ഷ നേതാവിന്റെ അഭിപ്രായം ബിജെപി നേതാവിന്റെതു പോലെയെന്നു സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. ഇത്രയും അപക്വമായി പ്രശ്നങ്ങളെ സമീപിക്കുന്ന പ്രതിപക്ഷ നേതാവും കെപിസിസി പ്രസിഡന്റും കേരളത്തിന്റെ ചരിത്രത്തിൽ ആദ്യമായിട്ടായിരിക്കുമെന്നും കോടിയേരി പരിഹസിച്ചു. സംസ്ഥാന സർക്കാർ ഒന്നും തന്നെ ചെയ്തില്ലെന്ന ചെന്നിത്തലയുടെ പരാമർശം പരിഹാസ്യമാണ്. അദ്ദേഹത്തിന്റെ പാർട്ടി ഭരിക്കുന്ന സംസ്ഥാനങ്ങളിൽ നടപ്പിലാക്കുന്ന കാര്യങ്ങൾ ചെന്നിത്തല വിശദീകരിച്ചാൽ നന്നായിരുന്നു. ഇന്ത്യയിൽ കേരളം പോലെ സമഗ്രമായ പാക്കേജ് നടപ്പിലാക്കിയ മറ്റൊരു സംസ്ഥാനവും ഇല്ലെന്ന് രാഷ്ട്രീയ എതിരാളികൾ പോലും അംഗീകരിച്ച കാര്യമാണെന്നു കോടിയേരി അവകാശപ്പെട്ടു. കേരളം അടച്ചിടരുതെന്നും അമേരിക്കൻ മാതൃകയാണ് പിന്തുടരേണ്ടതെന്നും നിയമസഭയിൽ സർക്കാരിനെ ഉപദേശിച്ചത് ഈ പ്രതിപക്ഷ നേതാവ് തന്നെയാണ്. ആ ഉപദേശം സ്വീകരിച്ചിരുന്നെങ്കിൽ എന്താകുമായിരുന്നു കേരളത്തിന്റെ ഇന്നത്തെ സ്ഥിതിയെന്ന് ആലോചിക്കുന്നത് നന്നായിരിക്കും. സുതാര്യമായി പ്രവർത്തിക്കുന്ന കേരള മുഖ്യമന്ത്രിയെ പ്രധാനമന്ത്രി…
Read Moreജനമൈത്രീ പോലീസ് വിഭാഗത്തിലെ പോലീസുകാരനെ വീടിനുള്ളിൽ തൂങ്ങിമരിച്ച നിലയിൽ കണ്ടെത്തി; മരണകാരണത്തെക്കുറിച്ച് പോലീസ് പറയുന്നതിങ്ങനെ…
തിരുവനന്തപുരം: പോലീസുകാരനെ വീടിനുള്ളിൽ തൂങ്ങിമരിച്ച നിലയിൽ കണ്ടെത്തി. വലിയതുറ പോലീസ് സ്റ്റേഷനിലെ പോലീസുകാരനായ കൊച്ചുവേളി മാധവപുരത്ത് താമസിക്കുന്ന സന്തോഷ് (42) നെയാണ് മണക്കാടുള്ള കുടുംബവീട്ടിൽ മരിച്ച നിലയിൽ കണ്ടെത്തിയത്. വലിയതുറ പോലീസ് സ്റ്റേഷനിൽ ജനമൈത്രീ പോലീസ് വിഭാഗത്തിലായിരുന്നു ഇദ്ദേഹം സേവനമനുഷ്ഠിച്ച് വന്നിരുന്നത്. ഇന്നലെ വൈകുന്നേരം സ്റ്റേഷനിൽ നിന്നും ഡ്യൂട്ടി കഴിഞ്ഞ് മാധവപുരത്തെ വീട്ടിൽ പോയിരുന്നു. രാത്രിയിൽ പുറത്തേക്ക് പോകുന്നുവെന്ന് ഭാര്യയോട് പറഞ്ഞ ശേഷം മണക്കാട്ടെ കുടുംബ വീട്ടിലെത്തുകയായിരുന്നുവെന്ന് പോലീസ് പറഞ്ഞു. ഇന്ന് പുലർച്ചെ ഇദ്ദേഹത്തിന്റെ സഹോദരിയാണ് സന്തോഷിനെ വീട്ടിലെ മുറിയിൽ തൂങ്ങിമരിച്ച നിലയിൽ കണ്ടെത്തിയത്. കുറച്ച് കാലം മുൻപ് സ്ട്രോക്ക് ബാധിച്ച് ഇദ്ദേഹം ചികിത്സയിലായിരുന്നു. ക്രമേണ അസുഖം ഭേദമായി ഡ്യൂട്ടിയിൽ പ്രവേശിക്കുകയായിരുന്നു. ആരോഗ്യപ്രശ്നങ്ങളെ തുടർന്ന് ഇദ്ദേഹം മാനസിക വിഷമത്തിലായിരുന്നുവെന്ന് പോലീസ് പറഞ്ഞു. ഫോർട്ട് പോലീസ് മേൽനടപടി സ്വീകരിച്ചു. മൃതദേഹം ജനറൽ ആശുപത്രി മോർച്ചറിയിൽ പോസ്റ്റ്മോർട്ടത്തിന് ശേഷം ബന്ധുക്കൾക്ക്…
Read Moreവീട്ടിൽ ചാരായം വാറ്റിയ സർക്കാർ ജീവനക്കരൻ അറസ്റ്റിൽ; വാറ്റുപകരണവും കോടയും പോലീസ് പിടിച്ചെടുത്തു
കാട്ടാക്കട : വീട്ടിൽ ചാരായം വാറ്റിയ കേസിൽ ബാംബൂ കോർപ്പറേഷൻ ജീവനക്കാരൻ വാറ്റുപകരണങ്ങളുമായി അറസ്റ്റിൽ. മലയിൻകീഴ് കുഴുമം വട്ടവിളവീട്ടിൽ ബി.ആനന്ദ്രാജ്(50)ആണ് അറസ്റ്റിലായത്. ഇന്നലെ വൈകുന്നേരം രഹസ്യ വിവരത്തെ തുടർന്ന് മലയിൻകീഴ് എസ്ഐ സൈജുവിന്റെ നേതൃത്വത്തിൽ നടത്തിയ പരിശോധനയിലാണ് ഇയൾ പിടിയിലായത്. വീട്ടിൽ മറ്റാരുമില്ലാതിരുന്ന സമയത്ത് ചാരായം വാറ്റുന്നതിനിടയിലാണ് പോലീസ് പിടികൂടിയത്. വാറ്റുപകരണവും കോടയും പോലീസ് പിടിച്ചെടുത്തു.
Read More