Category: Editor’s Pick

സോഷ്യല്‍ മീഡിയയില്‍ വലിയ താര പരിവേഷമുള്ള വ്യക്തിത്വമാണ് ദീപ നിശാന്ത് എന്ന അധ്യാപികയുടേത്. ആര്‍എസ്എസിന്റെ കടുത്ത വിമര്‍ശകയാണ്. അതുകൊണ്ട് തന്നെ സംഘപരിവാര്‍ അണികള്‍ ദീപയെ അപഹസിക്കാന്‍ കിട്ടുന്ന അവസരങ്ങളൊന്നും വിട്ടുകളയാറില്ല. ഉത്തരേന്ത്യയില്‍ നടക്കുന്ന ഗോരക്ഷ കൊലകളിലും മറ്റും അഭിപ്രായം വെട്ടിത്തുറന്ന് ഹീറോയായ ദീപ നിശാന്ത് പക്ഷേ ഇപ്പോള്‍ വിമര്‍ശിക്കപ്പെടുകയാണ്. അതും ഇടതുപക്ഷ അണികളാല്‍. കൊച്ചി മഹാരാജാസ് കോളജില്‍ എസ്എഫ്‌ഐ വിദ്യാര്‍ഥി അഭിമന്യു കൊല്ലപ്പെട്ടപ്പോള്‍ കൊലയാളികള്‍ ആരെന്നോ എന്തെന്നോ വ്യക്തമാക്കാത്ത തരത്തിലാണ് അവര്‍ പോസ്റ്റിട്ടത്. ഇതിനോട് ഇടത് ആഭിമുഖ്യമുള്ളവര്‍ വലിയതോതില്‍ വിമര്‍ശനമാണ് ഉന്നയിക്കുന്നത്. ക്യാംപസ് ഫ്രണ്ടാണ് ഈ ഹീനകൃത്യത്തിനു പിന്നിലെന്ന് വ്യക്തമായിട്ടും ഈ സംഘടനയ്‌ക്കെതിരേ കാര്യമായൊന്നും പറയാതെ പോസ്റ്റുകളിടുന്നതാണ് ദീപയ്‌ക്കെതിരായ വിമര്‍ശനത്തിനു പിന്നില്‍. അഭിമന്യു മരിച്ചദിവസം ദീപ ഇട്ട ആദ്യ പോസ്റ്റ് ഇങ്ങനെ- എന്തു തരം മനുഷ്യരാണ്! 20 വയസ്സു മാത്രം പ്രായമുള്ള ഒരു കുട്ടിയുടെ നെഞ്ചിലേക്ക് കത്തി…

പോലീസ് സ്റ്റേഷനില്‍ എസ്‌ഐ യെ കാണാനെത്തിയ യുവതി പൊടുന്നനെ പ്രകോപിതയായി പോലീസുകാരെ കൈയേറ്റം ചെയ്തു. കാബിനിലേക്ക് ഇരച്ചുകയറിയ യുവതി പേപ്പര്‍ വെയ്റ്റ് എടുത്തെറിഞ്ഞ് ഷോകെയ്‌സും തകര്‍ത്തു. ഇന്നലെ ഉച്ചയ്ക്ക് പന്ത്രണ്ടരയോടെയാണ് സംഭവം. കാസര്‍കോട് ഉദുമ ബാര അംബാപുരം സ്വദേശിനി കെ. ദിവ്യയാണ് (30) സ്റ്റേഷനില്‍ അതിക്രമത്തിനു മുതിര്‍ന്നത്. ഔദ്യോഗിക കൃത്യനിര്‍വഹണം തടസപെടുത്തിയന്നതിനും പൊതുമുതല്‍ നശിപ്പിച്ചുവെന്നതിനും യുവതി അറസ്റ്റിലായി. കൈയേറ്റത്തിനിരയായ എസ്.ഐ ബിനു മോഹന്‍ (33), സിവില്‍ പോലീസ് ഓഫീസര്‍മാരായ കെ. ബീന (33), പ്രജീഷ് (34) എന്നിവര്‍ താലൂക്ക് ആശുപത്രിയില്‍ ചികിത്സ തേടി. പട്ടുവം സ്വദേശിയായ ഭര്‍ത്താവുമായി പിണങ്ങിക്കഴിയുന്ന യുവതി തന്റെ സ്വര്‍ണാഭരണങ്ങള്‍ തിരിച്ചുകിട്ടണമെന്നു കാണിച്ച് നേരത്തെ തളിപ്പറമ്പ് പോലീസില്‍ പരാതി നല്‍കിയിരുന്നു. അവിടെ നിന്നു സ്ഥലംമാറി പഴയങ്ങാടിയിലെത്തിയ എസ്.ഐ ബിനു മോഹനെ കാണാന്‍ ഇന്നലെ എത്തിയതായിരുന്നു യുവതി. വനിതാ പോലീസിന്റെ സാന്നിദ്ധ്യത്തില്‍ മാത്രമേ കാബിനില്‍ വെച്ച്…

കൊല്ലത്ത് ആത്മഹത്യ ചെയ്ത സിമി എന്ന അധ്യാപികയാണ് ഇപ്പോള്‍ ഓണ്‍ലൈന്‍ മാധ്യമങ്ങളിലെ പ്രധാന ചര്‍ച്ചാവിഷയം. ഉള്ളതും ഇല്ലാത്തതുമായ കഥകളാണ് ഈ 46കാരിയെപ്പറ്റി ഇക്കിളി മാധ്യമങ്ങള്‍ പകര്‍ത്തിയെഴുതുന്നത്. കൊല്ലം തേവള്ളി ഗവ. ബോയിസ് ഹയര്‍സെക്കന്ററി സ്‌കൂളിലെ ഇംഗ്ലീഷ് അധ്യാപിക ആത്മഹത്യ ചെയ്ത ദിവസം ഒരു യുവാവ് അവര്‍ക്കൊപ്പം വീട്ടിലുണ്ടായിരുന്നു. ഇവര്‍ തമ്മിലുള്ള ബന്ധമാണ് മരണത്തിന് കാരണമെന്നാണ് സൂചന. അതിനിടെയാണ് കോളജില്‍ സിമിയുടെ സഹപാഠിയായിരുന്നയാള്‍ ആ ദിവസങ്ങളെപ്പറ്റി തുറന്നെഴുതിയത്. എന്റെ സീനിയര്‍ ആയി പഠിച്ച കുട്ടിയായിരുന്നു സിമി. ഇത്രയും തന്റേടിയായ കുട്ടി അക്കാലത്തു കോളജില്‍ ഇല്ലായിരുന്നു. ആരെങ്കിലും കമന്റടിച്ചാല്‍ വണ്ടി സ്റാന്‍ഡിലിട്ടു നിറുത്തി ഇറങ്ങി ചെന്ന് കാതുപൊട്ടെ ചീത്ത വിളിക്കുന്ന സുന്ദരിയായ പെണ്‍കുട്ടി ആദ്യമൊക്കെ വല്ലാത്ത കൗതുകമായിരുന്നു ഉണര്‍ത്തിയിരുന്നത്. അഹങ്കാരിയെന്നു കരുതിയും, ഒരു പെണ്ണ് നിവര്‍ന്നു നിന്ന് പൂവാലന്മാരെ ചീത്തവിളിക്കുന്നതു കണ്ടുള്ള ഭയം കൊണ്ടും അവള് നടക്കുന്നതിന്റെ പരിസരത്തുപോലും പലരും…

തിരുവനന്തപുരം ആര്യനാട് നിന്നും ദാരുണമായൊരു ആത്മഹത്യ വാര്‍ത്ത. വിവാഹം ഉറപ്പിച്ച ഇരുപത്തിരണ്ടുകാരിയാണ് പ്രതിശ്രുത വരനെ വിളിച്ചുവരുത്തി ആത്മഹത്യ ചെയ്തത്. വെള്ളനാട് സുരഭി സുമത്തില്‍ രാജഗോപാലന്‍ നായരുടേയും ചന്ദ്രജയയുടേയും മകള്‍ ആര്‍ദ്ര (22) ആണ് മരിച്ചത്. ഇരുവരും ആറുവര്‍ഷമായി പ്രണയത്തിലായിരുന്നു. പോലീസ് പറയുന്നത് ഇങ്ങനെ- ആര്‍ദ്രയും ഉഴമലയ്ക്കല്‍ കാരനാട് സ്വദേശിയായ യുവാവുമായി ആറ് വര്‍ഷമായി പ്രണയത്തിലായിരുന്നു. യുവതിയുടെ നിര്‍ബന്ധത്തിന് വഴങ്ങി വീട്ടുകാര്‍ വിവാഹത്തിന് സമ്മതിച്ചു. വിവാഹ നിശ്ചയവും കഴിഞ്ഞു. വിവാഹമണ്ഡപവും ബുക്ക് ചെയ്തു. എന്നാല്‍ കതിര്‍മണ്ഡപത്തിലെ വിവാഹച്ചടങ്ങുകള്‍ ചെയ്യാന്‍ വരന്റെ കുടുംബം വിസമ്മതിച്ചു. മിശ്ര വിവാഹിതരാണ് വരന്റെ മാതാപിതാക്കള്‍. വിവാഹ മണ്ഡപത്തിന്റെ ബുക്കിങ് ഇതോടെ റദ്ദാക്കി. വിവാഹം റജിസ്റ്റര്‍ ചെയ്യാന്‍ ഇരുകൂട്ടരും തീരുമാനിച്ചിരുന്നു. ആര്‍ദ്രയുടെ ജന്മദിനമായ 16നു വിവാഹം റജിസ്റ്റര്‍ ചെയ്യാമെന്നാണ് ഇരുവരും തീരുമാനിച്ചിരുന്നതെന്നു ബന്ധുക്കള്‍ പറഞ്ഞു. ഇക്കഴിഞ്ഞ തിങ്കളാഴ്ച പെണ്‍കുട്ടി യുവാവിനെ ഫോണ്‍ ചെയ്ത് താന്‍ ആത്മഹത്യ…

ഇടുക്കി അണക്കരയില്‍ കള്ളനോട്ട് വേട്ടയെത്തുടര്‍ന്ന് പിടിയിലായ സീരിയല്‍ നടി സൂര്യയുടെയും കുടുംബത്തിന്റെയും നിഗൂഡതകള്‍ നിറഞ്ഞ ജീവിതം. കൊല്ലം മനയന്‍ കുളങ്ങര ഉഷസിലെ ഇവരുടെ ആഡംബര വീട് അയല്‍ക്കാര്‍ക്കു പോലും പ്രവേശനമില്ലാത്ത ഉരുക്കു കോട്ടയായിരുന്നുവെന്ന് സമീപവാസികള്‍ പറയുന്നു. കള്ളനോട്ടടി കേസില്‍ നടിയും ബന്ധുക്കളും അറസ്റ്റിലായത് കേട്ട് ഞെട്ടിയിരിക്കുകയാണ് നാട്ടുകാര്‍. പ്രമുഖ മലയാളം ചാനലുകളിലെ സ്ത്രീത്വത്തിന്റെ മാതൃകയായി നിറഞ്ഞാടിയ നായികയാണ് ഇരുപത്തൊമ്പതുകാരിയായ സൂര്യ. സൂര്യ ബെംഗളൂരുവില്‍ താമസിക്കുന്നതിനാല്‍ രമാദേവിയും മറ്റൊരു മകള്‍ ശ്രുതിയും അവിടെയായിരിക്കുമെന്നാണ് നാട്ടുകാര്‍ കരുതിയിരുന്നത്. മാസത്തില്‍ ഒന്നോ രണ്ടോ തവണയാണ് ഇവര്‍ നാട്ടിലെത്തിയിരുന്നത്. എന്നാല്‍ വീട്ടിലുളളപ്പോഴും അയല്‍ക്കാരുമായോ മറ്റ് ആരെങ്കിലുമായോ ഇവര്‍ക്ക് യാതൊരു ബന്ധവുമില്ല.ആരെങ്കിലും സൗഹൃദം കൂടാനോ സംസാരിക്കാനോ ചെന്നാല്‍പ്പോലും അധികം അടുക്കാത്ത പ്രകൃതമായിരുന്നു ഇവരുടേത്. ഈ വീട്ടിലെ രാത്രി സമയങ്ങളില്‍ വലിയ ആഡംബര വാഹനങ്ങളില്‍ അപരിചിതര്‍ വന്നുപോയിരുന്നുവത്രേ. ബന്ധുക്കളാണെന്നാണ് രമാദേവി അയല്‍ക്കാരോട് പറഞ്ഞിരുന്നത്. പഴയ കുടുംബവീട്…