കോഴിക്കോട്: സിപിഎം കുന്നമംഗലം ഏരിയ സെക്രട്ടറി പാർട്ടി അനുഭാവിയെ തെറി വിളിക്കുന്ന വീഡിയോ സമൂഹമാധ്യമങ്ങളിൽ വൈറല്. ഏരിയാ സെക്രട്ടറി പി. ഷൈബു, ബാലകൃഷ്ണൻ എന്നയാളെ തെറി വിളിക്കുന്ന വീഡിയോയാണ് പ്രചരിക്കുന്നത്. സമൂഹമാധ്യമങ്ങളിലൂടെ പാർട്ടിയെ വിമർശിച്ചതിനാണ് ഏരിയാ സെക്രട്ടറിയുടെ ഭീഷണി. തോന്ന്യാസം എഴുതുന്നത് നിർത്തിയില്ലെങ്കിൽ കണ്ണടിച്ചുപൊട്ടിക്കുമെന്നാണു മോഹനനോടുള്ള ഭീഷണി. പോസ്റ്റ് പിൻവലിച്ചില്ലെങ്കിൽ അവിടെ വന്ന് ഞാൻ അടിക്കും. ഞാനാരാണെന്ന് അപ്പോൾ നിനക്കറിയാം എന്നാണ് ഫോണിൽ പറയുന്നത്.
Read MoreCategory: Loud Speaker
ഇടതുനേതാക്കൾ ജനഹൃദയങ്ങളിൽ നിന്ന് അകന്നു; സിപിഐ സംസ്ഥാന കൗൺസിൽ
തിരുവനന്തപുരം: സിപിഎം, സിപിഐ നേതാക്കൾ ജനഹൃദയങ്ങളിൽനിന്ന് അകന്നുവെന്ന് സിപിഐ സംസ്ഥാന കൗണ്സിലിൽ വിമർശനം. ഇടത് പാർട്ടികളുടെ അടിത്തറ നഷ്ടപ്പെട്ടുവെന്നും സർക്കാരിന്റെ പല വകുപ്പുകളുടെയും പ്രവർത്തനത്തിൽ കെടുകാര്യസ്ഥത ഉണ്ടെന്നും വിമർശനം ഉയർന്നു. ധനകാര്യവകുപ്പിനെതിരെ രൂക്ഷ വിമർശനമാണ് യോഗത്തിൽ ഉയർന്നത്. ലോക്സഭ തെരഞ്ഞെടുപ്പ് തോൽവിക്ക് മുഖ്യമന്ത്രിയെ മാത്രം കുറ്റം പറയുന്നതിൽ കാര്യമില്ലെന്നും തോൽവിയിൽ കൂട്ടുത്തരവാദിത്വം വേണമെന്നും സിപിഐ സംസ്ഥാന സെക്രട്ടറി ബിനോയ് വിശ്വം അഭിപ്രായപ്പെട്ടെങ്കിലും പ്രതിനിധികൾ വിമർശനം അറിയിച്ചു. ഒന്നല്ല ഒരായിരം പിണറായിമാർ പുറത്തുണ്ടെന്നും നേതാക്കളുടെ പെരുമാറ്റത്തെ വിമർശിച്ച് പ്രതിനിധികൾ അഭിപ്രായപ്പെട്ടുവെന്നാണ് ലഭിക്കുന്ന സൂചന. ബിജെപിക്ക് പോളിംഗ് ബൂത്തിലിരിക്കാൻ പോലും പ്രവർത്തകർ ഇല്ലാത്ത ബൂത്തുകളിൽ പോലും ബിജെപിക്ക് വോട്ട് വർധിച്ചു. ഇടതുപക്ഷത്തിന്റെ പ്രവർത്തനം ഇങ്ങനെ പോയാൽ ബംഗാളിലെ പോലെ തകരുന്ന അവസ്ഥയിലെത്തുമെന്നും പ്രതിനിധികൾ കുറ്റപ്പെടുത്തി. രാജ്യസഭ സീറ്റിനെ ചൊല്ലിയും വിമർശനം ഉയർന്നു. പി.പി. സുനീറിന് രാജ്യസഭ സീറ്റ് നൽകിയത് ശരിയായില്ലെന്നും…
Read Moreപതിനാലുകാരന്റെ തൂങ്ങിമരണം; ഓൺലൈൻ റമ്മികളിയുടെ ഇരയെന്നു പോലീസ്
തലശേരി: ധർമടത്ത് ഒമ്പതാം ക്ലാസ് വിദ്യാർഥി ജീവനൊടുക്കിയത് ഓൺലൈൻ ഗെയിമിലൂടെ പണം നഷ്ടപ്പെട്ടതുകൊണ്ടാണെന്ന് പോലീസ് റിപ്പോർട്ട്. ധർമടം എസ്ഐയുടെ നേതൃത്വത്തിൽ നടന്നുവരുന്ന അന്വേഷണത്തിലാണ് ഇതുസംബന്ധിച്ച സൂചനകൾ ലഭിച്ചിട്ടുള്ളത്. പണം നഷ്ടപ്പെട്ടത് സംബന്ധിച്ച് കുട്ടി വീട്ടുകാർക്കയച്ച വോയ്സ് സന്ദേശം പോലീസ് കണ്ടെടുത്തു. അമ്മയുടെ അക്കൗണ്ടിൽനിന്നുള്ള പണമാണ് ഓൺലൈൻ റമ്മി കളിയിലൂടെ നഷ്ടപ്പെട്ടത്. ധർമടം ഒഴയിൽ ഭാഗത്തെ പതിനാലുകാരനാണ് പെൺകുട്ടിയുടെ വസ്ത്രം ധരിച്ച് കഴിഞ്ഞ മാസം 28 ന് രാത്രി തൂങ്ങി മരിച്ചത്. ഒഴയിൽ ഭാഗത്ത് ഇത്തരത്തിലുള്ള രണ്ടാമത്തെ മരണമാണ് സംഭവിച്ചിട്ടുള്ളത്. ഒരു വർഷം മുമ്പ് പതിനഞ്ചുകാരൻ മൊബൈൽ കളിച്ചു കൊണ്ടിരിക്കെ ക്ഷുഭിതനാകുകയും മൊബൈൽ എറിഞ്ഞുടച്ച ശേഷം മുറിയിൽ കയറി ജീവനൊടുക്കുകയുമായിരുന്നു. ഇതിന് സമാനമായ തരത്തിലാണ് ഇപ്പോൾ പതിനാലുകാരനും ജീവനൊടുക്കിയത്. മരിച്ച രണ്ട് കുട്ടികളും ബന്ധുക്കളാണെന്ന പ്രത്യേകതയും ഉണ്ട്. രണ്ട് സംഭവത്തിലും ഓൺലൈൻ ഗെയിമിലൂടെ പണം നഷ്ടപ്പെട്ടിരുന്നു. രണ്ട് കുട്ടികളുടെ…
Read Moreയാത്രക്കാരില്ല; രണ്ട് ദിവസമായി സർവീസ് മുടങ്ങി നവകേരള ബസ്
കോഴിക്കോട്: യാത്രക്കാരില്ല, രണ്ട് ദിവസമായി സർവീസ് നടത്താതെ ‘നവകേരള’ ബസ്. കോഴിക്കോട് -ബംഗളൂരു റൂട്ടിലെ ഗരുഡ പ്രീമിയം ബസാണ് ബുധൻ, വ്യാഴം ദിവസങ്ങളിൽ ആളില്ലാത്തതിനാൽ സർവീസ് നിർത്തിയത്. ഈ രണ്ട് ദിവസങ്ങളിലും ബുക്കിംഗ് ഇല്ലാത്തതിനാൽ സർവീസ് നടത്താൻ സാധിച്ചില്ല. ഈ ആഴ്ചയിൽ തിങ്കളാഴ്ച 55,000 രൂപയും ചൊവ്വാഴ്ച 14,000 രൂപയും ആയിരുന്നു ബസിന്റെ വരുമാനം. മുഖ്യമന്ത്രിയും മറ്റ് മന്ത്രിമാരും നവകേരള സദസിനായി യാത്രനടത്തിയ ബസ് ചില മാറ്റങ്ങൾ വരുത്തി കഴിഞ്ഞ മെയ് അഞ്ച് മുതലാണ് കോഴിക്കോട് -ബംഗളൂരു റൂട്ടിൽ സർവീസ് തുടങ്ങിയത്.
Read Moreകേരളീയം വീണ്ടും നടത്തുന്നത് ആഭാസമാണ്; ക്ഷേമപെൻഷൻ കുടിശിക തീർക്കാൻ പണമില്ലാത്തവരാണ് കേരളീയം നടത്തുന്നത്; കേരളത്തെ സ്നേഹിക്കുന്നവർ ഇത് ബഹിഷ്കരിക്കണം; കെ. സുരേന്ദ്രൻ
തിരുവനന്തപുരം: കേരളീയം നടത്തുന്നതിനെതിരേ രൂക്ഷ വിമർശനവുമായി ബിജെപി സംസ്ഥാന അധ്യക്ഷൻ കെ സുരേന്ദ്രൻ. കേരളീയം വീണ്ടും നടത്തുന്നത് ആഭാസമാണ്. പാെതുജനങ്ങൾ പകർച്ച പനികൊണ്ട് വലയുകയാണ്. പനി ബാധിച്ച് നൂറുകണക്കിനാളുകളാണ് സംസ്ഥാനത്ത് മരണപ്പെട്ടത്. കേരളം കടുത്ത സാമ്പത്തിക പ്രതിസന്ധി നേരിടുന്ന സാഹചര്യത്തിലാണ് നിലവിൽ. ജൽജീവൻ മിഷൻ പോലും മുടങ്ങിക്കിടക്കുകയാണ്. ആ സാഹചര്യത്തിൽ വീണ്ടും ഇക്കൊല്ലം കേരളീയം ആഘോഷിക്കുന്നത് ആഭാസകരമായ പ്രവർത്തിയാണെന്ന് സുരേന്ദ്രൻ ആരോപിച്ചു. ക്ഷേമപെൻഷൻ കുടിശിക തീർക്കാൻ പണമില്ലാത്തവരാണ് കേരളീയം നടത്തുന്നത്. ഇവന്റ് മാനേജുമെന്റ് ടീമുകളെ സഹായിക്കാനാണ് ഇതെന്ന കാര്യം വ്യക്തമാണ്. കേരളത്തെ സ്നേഹിക്കുന്നവർ കേരളീയം ബഹിഷ്ക്കരിക്കണമെന്നും സുരേന്ദ്രൻ കൂട്ടിച്ചേർത്തു.
Read Moreമറ്റൊരു തുറമുഖത്തിന് ലഭിക്കാത്ത പ്രകൃതിയുടെ വരദാനമാണ് വിഴിഞ്ഞം; പിണറായി സർക്കാരിന്റെ തൊപ്പിയിലെ ഒരു പൊൻതൂവലാണ് ഇപ്പോൾ യാഥാർഥ്യമാകുന്നത്; വി. എൻ. വാസവൻ
തിരുവനന്തപുരം: ആദ്യ മദർഷിപ്പ് വിഴിഞ്ഞം തുറമുഖത്ത് അടുക്കുന്നത് കേരളത്തെ സംബന്ധിച്ച് ആഹ്ളാദത്തിന്റേയും അഭിമാനത്തിന്റേയും നിമിഷമെന്ന് തുറമുഖ മന്ത്രി വി. എൻ. വാസവൻ. ഈ ധന്യനിമിഷത്തിൽ ലോകം മുഴുവൻ കേരളത്തെ ഉറ്റുനോക്കുന്നു. മറ്റൊരു തുറമുഖത്തിന് ലഭിക്കാത്ത പ്രകൃതിയുടെ വരദാനമാണ് വിഴിഞ്ഞം തുറമുഖം. ഇത് ചരിത്ര നിമിഷമാണെന്നും മന്ത്രി പറഞ്ഞു. കേരളത്തിന്റെ വികസനരംഗത്ത് വിസ്മയങ്ങൾ തീർക്കുന്ന പ്രവർത്തനങ്ങളുമായി മുന്നോട്ടുപോകുന്ന പിണറായി സർക്കാരിന്റെ തൊപ്പിയിലെ ഒരു പൊൻതൂവലാണ് ഇപ്പോൾ യാഥാർഥ്യമാകുന്നതെന്ന് വാസവൻ വ്യക്തമാക്കി. ആരുടെയും കണ്ണുനീര് വീഴ്ത്താതെ എല്ലാവരുടെയും പ്രശ്നങ്ങൾക്ക് പരിഹാരം കണ്ടുകൊണ്ടാണ് പോർട്ട് കമ്മീഷൻ ചെയ്യാൻ പോകുന്നത്. പ്രദേശത്ത് സ്ഥലം വിട്ടു നൽകിയവർക്കും, ജോലി നഷ്ടമായവർക്കും, വിവിധ തരത്തിൽ പ്രയാസം ഉണ്ടായവർക്കും 106.8 കോടി വീതം വിതരണം ചെയ്തു കഴിഞ്ഞതായി അദ്ദേഹം അറിയിച്ചു.
Read Moreകാത്തിരിപ്പിന് വിരാമം: സാന് ഫെര്ണാണ്ടോ വിഴിഞ്ഞത്ത്; വാട്ടർ സല്യൂട്ട് നൽകി സ്വീകരിച്ചു
തിരുവനന്തപുരം: കാത്തിരിപ്പിനൊടുവിൽ വിഴിഞ്ഞം തുറമുഖത്ത് ആദ്യ ചരക്ക് കപ്പല് സാന് ഫെര്ണാണ്ടോ എത്തി. കപ്പലിനെ വാട്ടർ സല്യൂട്ട് നൽകി സ്വീകരിച്ചു. രാവിലെ ഒൻപതിനാണ് ബെർത്തിംഗ്. വാട്ടര് സല്യൂട്ട് നല്കിയാവും സാന് ഫെര്ണാണ്ടോയെ സ്വീകരിക്കുക. ബെര്ത്തിംഗ് നടത്തുന്നതിനു പിന്നാലെ ചരക്കിറക്കല് ജോലി തുടങ്ങും. 1500 മുതല് 2000 വരെ കണ്ടെയ്നറുകളാവും കപ്പലില് ഉണ്ടാവുക എന്നാണ് പ്രാഥമിക വിവരം. വെള്ളിയാഴ്ച നടക്കുന്ന സ്വീകരണ ചടങ്ങിനു പിന്നാലെ സാന് ഫെര്ണാഡോ കൊളംബോയിലേക്കു പുറപ്പെടുമെന്നാണ് വിവരം. വെള്ളിയാഴ്ച മുഖ്യമന്ത്രിയും കേന്ദ്ര–സംസ്ഥാന മന്ത്രിമാരും ചേര്ന്നുള്ള സ്വീകരണ ചടങ്ങ് നടത്തും. ഓട്ടമേറ്റഡ് സംവിധാനത്തിലൂടെ പ്രവര്ത്തിക്കുന്ന എസ്ടിഎസ്, യാര്ഡ് ക്രെയിനുകളാണ് ചരക്കിറക്കല് ദൗത്യം നടത്തുക.
Read Moreമൂന്ന്, ആറ് ക്ലാസുകളിൽ പാഠപുസ്തകം മാറും: സിബിഎസ്ഇ
ന്യൂഡൽഹി: ഈ അധ്യയനവർഷത്തിൽ മൂന്ന്, ആറ് ഒഴികെയുള്ള എല്ലാ ക്ലാസുകളിലും നിലവിലുള്ള പാഠ്യപദ്ധതി തുടരുമെന്ന് ആവർത്തിച്ച് സെൻട്രൽ ബോർഡ് ഓഫ് സെക്കൻഡറി എഡ്യുക്കേഷൻ (സിബിഎസ്ഇ). ഇന്നലെ പുറത്തിറക്കിയ അറിയിപ്പിലാണ് സിബിഎസ്ഇ ഇക്കാര്യം അറിയിച്ചത്. മൂന്ന്, ആറ് ക്ലാസുകളിൽ ഒഴികെ സിബിഎസ്ഇക്കു കീഴിലുള്ള എല്ലാ സ്കൂളുകളിലും 2023-24 അധ്യയനവർഷത്തെ അതേ പാഠപുസ്തകങ്ങളും പാഠ്യപദ്ധതികളും ഉപയോഗിക്കുന്നത് തുടരാൻ നിർദേശം നൽകി. മൂന്ന്, ആറ് ക്ലാസുകളിലെ പാഠപുസ്തകം വികസിപ്പിച്ചുകൊണ്ടിരിക്കുകയാണെന്നും അത് ഉടൻ പുറത്തിറക്കുമെന്നും സിബിഎസ്ഇ ഇന്നലെ പുറത്തിറക്കിയ സർക്കുലറിൽ വ്യക്തമാക്കി. പുതിയ പാഠപുസ്തകവുമായി വിദ്യാർഥികളെ പരിചയപ്പെടുത്തുന്നതിന് ആറാം ക്ലാസിലെ വിദ്യാർഥികൾക്ക് ഒരു ബ്രിഡ്ജ് കോഴ്സും മൂന്നാം ക്ലാസിലെ കുട്ടികൾക്ക് മാർഗരേഖയും തയാറാക്കുന്നതാണെന്നും ബോർഡ് അറിയിച്ചു. എൻസിആർടി ഇവ വികസിപ്പിച്ചുകൊണ്ടിരിക്കുകയാണ്. ഒമ്പത് മുതൽ 12 വരെ ക്ലാസുകൾക്കുള്ള വാർഷിക പാഠ്യപദ്ധതി, അക്കാദമിക് ഉള്ളടക്കം, പരീക്ഷ സിലബസ്, മാർഗരേഖകൾ, മൂല്യനിർണയ നിർദേശങ്ങൾ എന്നിവയും നൽകുമെന്ന്…
Read More“കേന്ദ്രമന്ത്രിയാകാത്തതിൽ വേദനയുണ്ട്’; തുറന്നു പറഞ്ഞ് ബിജെപിയുടെ ദളിത് എംപി
ബംഗുളൂരു: കർണാടകയിൽനിന്നു തുടർച്ചയായി ഏഴു തവണ പാർലമെന്റിലേക്കു തെരഞ്ഞെടുക്കപ്പെട്ട ദളിത് എംപിയായ തന്നെ കേന്ദ്രമന്ത്രിസ്ഥാനത്തേക്കു പരിഗണിച്ചില്ലെന്ന പരാതിയുമായി ബിജെപി എംപി രമേഷ് ജിഗജിനാഗി. മന്ത്രിസ്ഥാനം ലഭിക്കാത്തതിൽ താൻ ഏറെ അസ്വസ്ഥനാണെന്നും ആഴത്തിൽ വേദനിക്കുന്നുവെന്നും ബിജാപുർ എംപിയായ അദ്ദേഹം പറഞ്ഞു. ഉന്നത ജാതിക്കാരൊക്കെ കാബിനറ്റ് മന്ത്രിമാരായി. ബിജെപി ദളിത് വിരുദ്ധമാണെന്നു പലരും നേരത്തെ മുന്നറിയിപ്പു നൽകിയിരുന്നു. കേന്ദ്രമന്ത്രിയാകാൻ ജനങ്ങളിൽനിന്നു തനിക്കു സമ്മർദ്ദമുണ്ടെന്നും ജിഗജിനാഗി പറഞ്ഞു. നാലു പതിറ്റാണ്ടു നീണ്ട രാഷ്ട്രീയ ജീവിതത്തിൽ ഒരു പാർലമെന്റ് തെരഞ്ഞെടുപ്പിലും അദ്ദേഹം പരാജയപ്പെട്ടിട്ടില്ല. കഴിഞ്ഞ തെരഞ്ഞെടുപ്പിൽ ബിജാപുർ പാർലമെന്റ് മണ്ഡലത്തിൽനിന്ന് 77,229 വോട്ടിന്റെ ഭൂരിപക്ഷത്തിലാണ് വിജയിച്ചത്. ദക്ഷിണേന്ത്യയിൽനിന്നുള്ള ബിജെപിയുടെ ഏക ദളിത് എംപിയാണ് രമേഷ് ജിഗജിനാഗി.
Read Moreപീഡനക്കേസ് പ്രതികൾക്കെതിരേ നടപടിയില്ല; വാട്ടർ ടാങ്കിന് മുകളിൽ കയറി ഇരയുടെ ആത്മഹത്യാഭീഷണി
ഗോണ്ട (യുപി): കൂട്ടബലാത്സംഗ കേസിൽ പോലീസ് നിഷ്ക്രിയത്വം കാണിച്ചെന്നാരോപിച്ച് പതിനെട്ടുകാരി ഡിവിഷണൽ കമ്മീഷണറുടെ ഓഫീസിലെ വാട്ടർ ടാങ്കിനു മുകളിൽ കയറി ആത്മഹത്യാഭീഷണി മുഴക്കി. 2023 ഡിസംബറിൽ സംഭവം നടക്കുമ്പോൾ പെൺകുട്ടിക്കു പ്രായപൂർത്തിയായിരുന്നില്ല. സഹോദരന്മാരായ മൂന്നു യുവാക്കൾ മോട്ടോർ സൈക്കിളിലെത്തി മകളെ തോക്കിൻമുനയിൽ നിർത്തി പീഡിപ്പിച്ചുവെന്ന് പെൺകുട്ടിയുടെ അമ്മ പോലീസിൽ പരാതി നൽകിയിരുന്നു. ചൊവ്വാഴ്ച മുതിർന്ന പോലീസ് ഉദ്യോഗസ്ഥരെ കാണുന്നതിനായി മാതാപിതാക്കളോടൊപ്പം എത്തിയ പെൺകുട്ടി ഉച്ചയ്ക്ക് 12 ഓടെ ഡിവിഷണൽ കമ്മീഷണറുടെ ഓഫീസിന് മുകളിൽ നിർമിച്ച വാട്ടർ ടാങ്കിന് മുകളിൽ കയറി ആത്മഹത്യാഭീഷണി മുഴക്കുകയായിരുന്നു. പോലീസ് പ്രതികളെ സംരക്ഷിക്കുകയാണെന്ന് പെൺകുട്ടി ആരോപിച്ചു. മൂന്നു മണിക്കൂറിനു ശേഷം കേസിൽ ഉചിതമായ നടപടി സ്വീകരിക്കുമെന്ന് ഉറപ്പു ലഭിച്ചശേഷമാണു പെൺകുട്ടി താഴെയിറങ്ങിയത്.
Read More