തിരുവനന്തപുരം: 1971-നു ശേഷം, തിരുവനന്തപുരം നഗരത്തിന് ഒരു അംഗീകൃത മാസ്റ്റർ പ്ലാൻ ലഭ്യമായിരിക്കുന്നു. തിരുവനന്തപുരം മാസ്റ്റർ പ്ലാൻ 2040-ന് സംസ്ഥാന സർക്കാർ അംഗീകാരം ലഭിച്ചെന്ന് തിരുവനന്തപുരം മേയർ ആര്യാ രാജേന്ദ്രൻ. തദ്ദേശ സ്വയംഭരണ വകുപ്പ് പ്ലാനിംഗ് വിഭാഗത്തിന്റെ സാങ്കേതിക സഹായത്തോടെ, തിരുവനന്തപുരം നഗരസഭ തയാറാക്കിയ മാസ്റ്റർ പ്ലാനിനാണ് 04-07-2024-ലെ സർക്കാർ ഉത്തരവ് പ്രകാരം അന്തിമ അനുമതി ലഭ്യമായിരിക്കുന്നതെന്ന് മേയർ പറഞ്ഞു. ഫേസ്ബുക്ക് പോസ്റ്റിലാണ് ഇക്കാര്യത്തെ കുറിച്ച് പറഞ്ഞിരിക്കുന്നത്. ഫേസ്ബുക്ക് പോസ്റ്റിന്റെ പൂർണ രൂപം… 1971-നു ശേഷം, തിരുവനന്തപുരം നഗരത്തിന് ഒരു അംഗീകൃത മാസ്റ്റർ പ്ലാൻ ലഭ്യമായിരിക്കുന്നു. തിരുവനന്തപുരം മാസ്റ്റർ പ്ലാൻ 2040ന് സംസ്ഥാന സർക്കാർ അംഗീകാരം ലഭിച്ചു. തദ്ദേശ സ്വയംഭരണ വകുപ്പ് പ്ലാനിംഗ് വിഭാഗത്തിന്റെ സാങ്കേതിക സഹായത്തോടെ, തിരുവനന്തപുരം നഗരസഭ തയാറാക്കിയ മാസ്റ്റർ പ്ലാനിനാണ് 04-07-2024-ലെ സർക്കാർ ഉത്തരവ് പ്രകാരം അന്തിമ അനുമതി ലഭ്യമായിരിക്കുന്നത്. മുൻപ്, 1993,…
Read MoreCategory: Loud Speaker
‘ഓഫ്റോഡ് ചാമ്പ്യൻഷിപ്പ്; കേരളത്തിലേക്ക് വന്നാൽ വിനോദസഞ്ചാര മേഖലക്ക് ഗുണകരമാകും’: മന്ത്രി പി. എ. മുഹമ്മദ് റിയാസ്
തിരുവനന്തപുരം: കേരളത്തിലേക്ക് ഓഫ്റോഡ് ചാമ്പ്യൻഷിപ്പ് വന്നാൽ വിനോദസഞ്ചാര മേഖലക്ക് ഗുണകരമാകുമെന്ന് മന്ത്രി പി. എ. മുഹമ്മദ് റിയാസ്. കോടഞ്ചേരി പുലിക്കയത്ത് അന്താരാഷ്ട്ര കയാക്കിങ് ഫെസിലിറ്റേഷൻ കേന്ദ്രത്തിന്റെ പ്രവർത്തനോദ്ഘാടനം നിർവഹിച്ചു സംസാരിക്കുകയായിരുന്നു മന്ത്രി. സാഹസിക വിനോദസഞ്ചാരത്തിന്റെ ചിറകിലേറി ടൂറിസം രംഗത്ത് മലയോര ഗ്രാമമായ കോടഞ്ചേരി പുതിയ കുതിപ്പുകൾ നടത്തുമെന്നും അദ്ദേഹം പറഞ്ഞു. ഇന്ത്യയിൽ നടക്കുന്ന ഓഫ്റോഡ് മത്സരങ്ങളിൽ കൂടുതലായും പങ്കെടുക്കുന്നത് മലയാളികളാണ്. ഓഫ്റോഡ് ചാമ്പ്യൻഷിപ്പുകൾ നടത്താനുള്ള സൗകര്യം ഇവിടെയില്ല. നിയമപരമായും മറ്റുമുള്ള സൗകര്യങ്ങൾ ഏർപ്പെടുത്തിയാൽ മലയാളികളെ കൂടാതെ സംസ്ഥാനത്തിന് പുറത്ത് നിന്നും ആളുകൾ എത്തും. ഇത് വിനോദസഞ്ചാര മേഖലയ്ക്ക് ഉണർവേകുമെന്ന് മന്ത്രി പറഞ്ഞു.
Read Moreദുർമന്ത്രവാദം ആരോപിച്ച് ക്ഷേത്രം അടിച്ചുതകർത്തു; പ്രതി പിടിയിൽ
ജമ്മു: ജമ്മുവിൽ ക്ഷേത്രത്തിൽ അതിക്രമിച്ചുകടന്ന് വിഗ്രഹങ്ങൾ അടിച്ചുതകർത്ത കേസിൽ ഒരാൾ പിടിയിലായി. ജമ്മു സ്വദേശി അർജുൻ ശർമയാണ് പിടിയിലായത്. ഒരു പ്രത്യേക സമുദായത്തിൽപെട്ടവർ ക്ഷേത്രത്തിൽ ദുർമന്ത്രവാദം നടത്തുന്നതു കണ്ടതിനാലാണ് അടിച്ചുതകർക്കാൻ തീരുമാനിച്ചതെന്ന് ഇയാൾ മൊഴി നല്കി. ശനിയാഴ്ച വെളുപ്പിനായിരുന്നു സംഭവം. പ്രശ്നം വർഗീയ സംഘർഷത്തിലേക്കു പോകാതെ മണിക്കൂറുകൾക്കുള്ളിൽ പ്രതിയെ പോലീസ് പിടികൂടുകയായിരുന്നു. ജമ്മുവിൽ ഇതു രണ്ടാം തവണയാണ് ക്ഷേത്രം അടിച്ചുതകർക്കപ്പെടുന്നത്. ജൂൺ 30ന് റിയാസി ജില്ലയിൽ നടന്ന സംഭവത്തിൽ 43 പേരെ പോലീസ് പിടികൂടിയിരുന്നു.
Read Moreകാലവര്ഷം ദുര്ബലമായി: മഴക്കുറവിൽ വലഞ്ഞ് സംസ്ഥാനം; 11 ജില്ലകളില് മഴക്കുറവ് രൂക്ഷം
തിരുവനന്തപുരം: കാലവര്ഷം ദുര്ബലമായതോടെ മഴക്കുറവിൽ വലഞ്ഞ് സംസ്ഥാനം. ഇന്നലെ വരെ സംസ്ഥാനത്ത് രേഖപ്പെടുത്തിയത് 26 ശതമാനം മഴക്കുറവാണെന്ന് കാലാവസ്ഥാ നിരീക്ഷണ കേന്ദ്രം വ്യക്തമാക്കുന്നു. സംസ്ഥാനത്ത് ഇക്കുറി മേയ് മാസത്തില്തന്നെ പെയ്തുതുടങ്ങിയ കാലവര്ഷം ജൂണ് പകുതിയോടെ ദുര്ബലമാകുകയായിരുന്നു. ഇടവേളയ്ക്കു ശേഷം ജൂണ് അവസാനത്തോടെ മഴ ശക്തിപ്പെട്ടെങ്കിലും ഇക്കഴിഞ്ഞ ദിവസങ്ങളില് കാര്യമായ അളവില് മഴ ലഭിച്ചില്ല. സംസ്ഥാനത്ത് ഇന്നുകൂടി ഒറ്റപ്പെട്ട കനത്ത മഴയ്ക്ക് സാധ്യതയുണ്ടെന്നും അതിനു ശേഷമുള്ള ദിവസങ്ങളില് മഴ പാടെ കുറയുമെന്നുമാണ് കാലാവസ്ഥാ നിരീക്ഷണ കേന്ദ്രത്തിന്റെ വിലയിരുത്തല്. തെക്കന് കേരളത്തിലും മധ്യകേരളത്തിലും ദിവസങ്ങള്ക്കു മുന്പുതന്നെ കാലവര്ഷം ദുര്ബലമായിരുന്നു. വടക്കന് കേരളത്തില് മാത്രമാണ് നിലവില് മഴ തുടരുന്നത്. നാളെയോടെ ഇവിടങ്ങളിലും മഴ ദുര്ബലമാകുമെന്നും കാലാവസ്ഥാ നിരീക്ഷണ കേന്ദ്രം വ്യക്തമാക്കി. മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചു. ഇവിടങ്ങളിലെ ഒറ്റപ്പെട്ട സ്ഥലങ്ങളില് 24 മണിക്കൂറില് ഏഴ്…
Read Moreതുമ്പയിൽ ബോംബേറ്; രണ്ടുപേർക്ക് പരിക്ക്; ഇരുവരും ക്രിമിനൽ കേസിലെ പ്രതികൾ
തിരുവനന്തപുരം: തുമ്പയിൽ ബോംബേറ്. ബൈക്കുകളിൽ എത്തിയ നാലംഗ സംഘമാണ് ബോംബ് എറിഞ്ഞത്. നെഹ്റു ജംഗ്ഷന് സമീപമാണ് സംഭവം. രണ്ട് പേർക്ക് പരിക്ക്. അഖിൽ, വിവേക് എന്നിവർക്കാണ് പരിക്കേറ്റത്. ഇരുവരുടേയും കൈകൾക്കാണ് പരിക്ക്. ഇവർ ക്രിമിനൽ കേസിലെ പ്രതികളാണ്. അടുത്തിടെയാണ് അഖിൽ കാപ്പ കേസിൽ ശിക്ഷ അനുഭവിച്ച് പുറത്തിറങ്ങിയത്. ഷമീർ എന്നയാളുടെ വീടിന് നേരെയായിരുന്നു ആക്രമണം. സംഭവത്തിൽ പോലീസ് അന്വേഷണം ആരംഭിച്ചു.
Read Moreപ്രതിപക്ഷ നേതാവ് സഞ്ചരിച്ചിരുന്ന വാഹനം അപകടത്തിൽപ്പെട്ടു; ആർക്കും പരിക്കില്ല; കാര്യങ്ങൾ അന്വേഷിച്ച എല്ലാവർക്കും നന്ദി അറിയിച്ച് വി. ഡി. സതീശൻ
കാഞ്ഞങ്ങാട്: പ്രതിപക്ഷ നേതാവ് വി. ഡി. സതീശൻ സഞ്ചരിച്ചിരുന്ന വാഹനം കാഞ്ഞങ്ങാട് ബേക്കൽ പള്ളിക്കരയിൽ വച്ച് അപകടത്തിൽപ്പെട്ടു. സംഭവത്തിൽ പ്രതികരിച്ച് സതീശൻ ഫേസ്ബുക്കിൽ കുറിപ്പ് പങ്കുവച്ചു. വാർത്ത അറിഞ്ഞ് നിരവധി പേർ തന്നെ വിളിക്കുന്നുണ്ട്. അതിനാലാണ് ഇത്തരത്തിൽ കുറിപ്പ് പങ്കുവയ്ക്കുന്നതെന്നും അദ്ദേഹം പറഞ്ഞു. നേരിട്ടും അല്ലാതെയും കാര്യങ്ങൾ അന്വേഷിച്ച എല്ലാവർക്കും നന്ദി. മറ്റൊരു വാഹനത്തിൽ യാത്ര തുടരുന്നതായും അദ്ദേഹം അറിയിച്ചു. ഫേസ്ബുക്ക് പോസ്റ്റിന്റെ പൂർണ രൂപം… കണ്ണൂരിൽ നിന്ന് കാസർഗോഡേക്കുള്ള യാത്രാമധ്യേ കാഞ്ഞങ്ങാടിനടുത്ത് ബേക്കൽ പള്ളിക്കരയിൽ വച്ച് ഞാൻ സഞ്ചരിച്ചിരുന്ന വാഹനം അപകടത്തിൽപ്പെട്ടു. നല്ല മഴയായിരുന്നു. സമീപത്തെ പെട്രോൾ പമ്പിൽ നിന്ന് ഇറങ്ങിവന്ന വാഹനത്തിൽ തട്ടാതിരിക്കാൻ പോലിസ് പൈലറ്റ് ജീപ്പിന് മുന്നിലുണ്ടായിരുന്ന കാറുകൾ പെട്ടെന്ന് നിർത്തി. തൊട്ട് മുന്നിൽ പോയിരുന്ന കാറിൽ പൈലറ്റ് വാഹനം ഇടിച്ചു. ഞാൻ സഞ്ചരിച്ചിരുന്ന വാഹനം പൈലറ്റ് ജീപ്പിന്റെ പിൻഭാഗത്തും ഇടിച്ചു. ഞാനടക്കം…
Read Moreവിമാനത്താവളവുമായി ബന്ധപ്പെട്ട് പ്രവർത്തിക്കുന്ന തൊഴിലാളികളുടെയും തദ്ദേശസ്ഥാപനങ്ങളുടെയും ക്ഷേമത്തിനായി പദ്ധതികൾ ആസൂത്രണം ചെയ്തു; ചുമട്ട് തൊഴിലാളികൾക്കായി സൊസൈറ്റി രൂപവൽക്കരിച്ചു; പി. രാജീവ്
കൊച്ചി: പെരിയാറുമായി ബന്ധപ്പെട്ട വിവിധ കനാലുകളിലെ 24 കിലോമീറ്ററോളം ഭാഗത്തെ പുനരുജീവനം ഉൾപ്പെടെ കൊച്ചി വിമാനത്താവളം നടത്തുന്ന 11 കോടി രൂപയുടെ വികസന പദ്ധതികൾ ഉദ്ഘാടനം ചെയ്തതായി വ്യവസായ മന്ത്രി പി. രാജീവ് അറിയിച്ചു. ഈ ഉദ്യമത്തിൽ സിയാലും പങ്കു ചേരുന്നു. വിമാനത്താവളവുമായി ബന്ധപ്പെട്ട് പ്രവർത്തിക്കുന്ന പതിനായിരക്കണക്കിന് തൊഴിലാളികളുടെയും തദ്ദേശസ്ഥാപനങ്ങളുടെയും ക്ഷേമത്തിനായി വിവിധ പദ്ധതികൾ ഡയറക്ടർ ബോർഡ് ആസൂത്രണം ചെയ്തിട്ടുണ്ടെന്നും മന്ത്രി കൂട്ടിച്ചേർത്തു. ഫേസ്ബുക്കിലാണ് ഇക്കാര്യത്തെ കുറിച്ച് പറഞ്ഞിരിക്കുന്നത്. ഫേസ്ബുക്ക് പോസ്റ്റിന്റെ പൂർണരൂപം… പെരിയാറുമായി ബന്ധപ്പെട്ട വിവിധ കനാലുകളിലെ 24 കിലോമീറ്ററോളം ഭാഗത്തെ പുനരുജീവനം ഉൾപ്പെടെ കൊച്ചി വിമാനത്താവളം നടത്തുന്ന 11 കോടി രൂപയുടെ വികസന പദ്ധതികൾ ഇന്ന് ഉദ്ഘാടനം ചെയ്തു. 2018-ലെ പ്രളയത്തിന് ശേഷം അടിസ്ഥാന സൗകര്യ വികസന നയങ്ങളിൽ മാറ്റം വന്നിട്ടുണ്ട്. നീരൊഴുക്ക് സുഗമമാക്കാനുള്ള പദ്ധതികൾ ഇതിന്റെ ഭാഗമായി. സിയാലും ഈ ഉദ്യമത്തിൽ പങ്കു…
Read Moreഉമ്മൻ ചാണ്ടിയുടെ ഒന്നാം ചരമവാർഷികം വിപുലമായി ആചരിക്കാൻ കെപിസിസി; അനുസ്മരണ പരിപാടികളുടെ സംസ്ഥാനതല ഉദ്ഘാടനം 18ന്
തിരുവനന്തപുരം: മുൻ മുഖ്യമന്ത്രി ഉമ്മൻ ചാണ്ടിയുടെ ഒന്നാം ചരമവാർഷികം വിപുലമായ പരിപാടികളോടെ കെപിസിസി ആചരിക്കുമെന്ന് ജനറൽ സെക്രട്ടറി ടി.യു. രാധാകൃഷ്ണൻ അറിയിച്ചു. അനുസ്മരണ പരിപാടികളുടെ സംസ്ഥാനതല ഉദ്ഘാടനം 18ന് കോട്ടയം ഡിസിസിയുടെ ആഭിമുഖ്യത്തിൽ മാമ്മൻ മാപ്പിള്ള ഹാളിൽ നടക്കും. കെപിസിസി പ്രസിഡന്റ് കെ. സുധാകരൻ എംപി അധ്യക്ഷത വഹിക്കുന്ന യോഗം എഐസിസി ജനറൽ സെക്രട്ടറി കെ.സി. വേണുഗോപാൽ എംപി ഉദ്ഘാടനം ചെയ്യും. മറ്റു ഡിസിസികളുടെയും ബ്ലോക്ക്, മണ്ഡലം, ബൂത്ത് കമ്മിറ്റികളുടെയും നേതൃത്വത്തിൽ അന്നേദിവസം പുഷ്പാർച്ചന, രക്തദാന ക്യാന്പ്, പൊതുസമ്മേളനം എന്നിവ സംഘടിപ്പിക്കും
Read Moreചൂടുവെള്ളത്തിൽ വീണ് പൊള്ളലേറ്റ മൂന്നുവയസുകാരൻ മതിയായ ചികിത്സ ലഭിക്കാതെ മരിച്ചു; പിതാവും വൈദ്യനും റിമാൻഡിൽ
പനമരം: ചൂടുവെള്ളം നിറച്ച ബക്കറ്റിൽ വീണു പൊള്ളലേറ്റ മൂന്നു വയസുകാരൻ മുഹമ്മദ് അസാൻ മതിയായ ചികിത്സ ലഭിക്കാതെ മരിച്ച സംഭവത്തിൽ പിതാവും വൈദ്യനും റിമാൻഡിൽ. പിതാവ് അഞ്ചുകുന്ന് വെശ്യന്പത്ത് അൽത്താഫ് (45), ചികിത്സിച്ച നാട്ടുവൈദ്യൻ കമ്മന ഐക്കരക്കുടി ജോർജ് (68) എന്നിവരെയാണ് കോടതി റിമാൻഡ് ചെയ്തത്. മനഃപൂർവമല്ലാത്ത നരഹത്യക്കും ബാലനീതി നിയമത്തിലെ വിവിധ വകുപ്പുകൾ പ്രകാരവുമാണ് പ്രതികൾക്കെതിരേ കേസ്. പോലീസ് ഇൻസ്പെക്ടർ വി. സിജിത്തിന്റെ നേതൃത്വത്തിൽ ഇന്നലെയാണ് പ്രതികളെ അറസ്റ്റുചെയ്ത് കോടതിയിൽ ഹാജരാക്കിയത്. ജൂണ് ഒൻപതിന് ഉച്ചയോടെയാണ് കുട്ടിക്ക് ഗുരുതരമായി പൊള്ളലേറ്റത്. മാനന്തവാടി ഗവ. മെഡിക്കൽ കോളജ് ആശുപത്രിയിൽ എത്തിച്ച കുട്ടിയെ പീഡിയാട്രിക് സർജൻ ഇല്ലാത്തതിനാൽ കോഴിക്കോട് മെഡിക്കൽ കോളജ് ആശുപത്രിയിലേക്ക് റഫർ ചെയ്തു. എന്നാൽ, ആംബുലൻസ് സൗകര്യം വേണ്ടെന്ന് എഴുതിക്കൊടുത്ത പിതാവ് കുട്ടിയെ സ്വകാര്യ ആംബുലൻസിൽ കമ്മനയിലെ വൈദ്യന്റെ അടുത്ത് എത്തിക്കുകയായിരുന്നു.
Read Moreപകലടിച്ച് അക്രമികൾ, ഇരുട്ടടി നൽകി കെഎസ്ഇബി; തിരുവമ്പാടി കെഎസ്ഇബി ഓഫീസിൽ അതിക്രമം; അക്രമികളുടെ വൈദ്യുതി കണക്ഷൻ വിച്ഛേദിച്ചു
തിരുവമ്പാടി: തിരുവമ്പാടി കെഎസ്ഇബി സെക്ഷൻ ഓഫീസിൽ അതിക്രമിച്ചുകയറി അസി. എന്ജിനിയറുള്പ്പെടെയുള്ള ജീവനക്കാരെ മർദിക്കുകയും ഓഫീസ് തകർക്കുകയും ചെയ്ത വ്യക്തികളുടെ വൈദ്യുതി കണക്ഷൻ വിച്ഛേദിച്ചു. കെഎസ്ഇബി ചെയർമാൻ ആന്ഡ് മാനേജിംഗ് ഡയറക്ടർ ബിജു പ്രഭാകറുടെ നിര്ദേശപ്രകാരമാണു നടപടി. ബിൽ അടയ്ക്കാത്തതിനെത്തുടർന്ന് തിരുവമ്പാടി ഉള്ളാറ്റിൽ ഹൗസിൽ റസാഖ് എന്നയാളുടെ വൈദ്യുതി കണക്ഷൻ വിച്ഛേദിച്ചതിന്റെ പ്രതികാരമായി മകൻ അജ്മൽ എന്നയാളും കൂട്ടാളിയും ചേർന്ന് കഴിഞ്ഞദിവസം കെഎസ്ഇബി ലൈൻമാൻ പി. പ്രശാന്ത്, സഹായി എം.കെ. അനന്തു എന്നിവരെ കൈയേറ്റം ചെയ്യുകയും വധഭീഷണി മുഴക്കുകയും ചെയ്തിരുന്നു. ഇതുസംബന്ധിച്ച് സെക്ഷന് അസി. എന്ജിനിയർ തിരുവമ്പാടി പോലീസില് പരാതി നൽകി. ഇതിലുള്ള പ്രതികാരമായാണ് അജ്മൽ കൂട്ടാളി ഷഹദാദുമൊത്ത് ഇന്നലെ രാവിലെ സെക്ഷൻ ഓഫീസിലെത്തി അതിക്രമം കാട്ടിയത്. രാവിലെ സെക്ഷൻ ഓഫീസിൽ കടന്നുകയറിയ അക്രമികൾ അസി. എന്ജിനിയറുടെ ശരീരത്തില് ഭക്ഷണാവശിഷ്ടങ്ങളുള്ള മലിനജലം ഒഴിക്കുകയും സ്ത്രീകളുൾപ്പെടെയുള്ള ജീവനക്കാരെ മര്ദിക്കുകയും ചെയ്തു.…
Read More