Category: RD Special

താന്‍ മദ്യപിക്കുമെന്ന് പരസ്യമായി പറഞ്ഞ താരമാണ് ദേവി അജിത്ത്. എന്നാല്‍ നടി ഇപ്പോള്‍ ഒരുപാട് മാറി. മദ്യപാനം നിര്‍ത്തി. സോഷ്യല്‍ ഡ്രിങ്കിങ് ചെയ്യാറുള്ള ആളല്ല ദേവി അജിത്ത്. ഒറ്റക്കിരുന്ന് മാത്രമായിരുന്നു കുടി. ഇപ്പോള്‍ അതും നിര്‍ത്തി. മകള്‍ക്ക് വേണ്ടിയാണ് മദ്യപാനം നിര്‍ത്തിയതെന്നാണ് നടി പറയുന്നത്. ഇപ്പോള്‍ സിനിമയില്‍ കൂടുതല്‍ സജീവമാണ് ദേവി അജിത്ത്. മകള്‍ക്കു വേണ്ടിയാണ് ആ ശീലം ഉപേക്ഷിച്ചതെന്നും ദേവി അജിത്ത് പറയുന്നു. ഇനിയൊരിക്കലും മദ്യപിക്കില്ല. മദ്യപിച്ചിരുന്ന സമയത്ത് ഒറ്റയ്ക്കിരുന്നേ മദ്യപിക്കുമായിരുന്നുള്ളൂ. സോഷ്യല്‍ ഡ്രിങ്കിങ് ഞാന്‍ ഇഷ്ടപ്പെടുന്നില്ല. ഒറ്റയ്ക്കിരുന്നു കഴിക്കാനേ തോന്നുമായിരുന്നുള്ളൂ. മദ്യപാനം കൊണ്ട് ഒന്നും നേടിയില്ല. ഇന്ന് ഞാന്‍ ഏറ്റവും വെറുക്കുന്ന ഒന്നാണു മദ്യപാനം. ഇപ്പോള്‍ ജീവിതത്തെ ഏറ്റവും കൂടുതല്‍ പ്രണയിക്കുന്നു. വരുന്ന വര്‍ഷത്തില്‍ ജീവിതത്തില്‍ വലിയ മാറ്റങ്ങളുണ്ടാകും. 22 വയസ്സുള്ളപ്പോള്‍ ദ് കാര്‍ എന്നചിത്രം നിര്‍മിച്ച ആളാണു ഞാന്‍. അനുഭവങ്ങളില്‍ നിന്നു ഏറെ…

കണ്ണൂര്‍ ചെറുപുഴയിലെ അനൂപിന്റെയും ജൂബിയുടെയും വിവാഹമായിരുന്നു സോഷ്യല്‍മീഡിയയിലെ സദാചാരക്കാര്‍ക്ക് ഇന്നലെ ആഘോഷിക്കാനുണ്ടായിരുന്ന സംഭവം. പെണ്ണിന് 48 വയസും ചെറുക്കന് ഇരുപത്തഞ്ചുമെന്ന പേരില്‍ വിവാഹപരസ്യത്തിന്റെ ചിത്രങ്ങള്‍ സൈബര്‍ലോകത്ത് പറന്നുനടന്നു. രാഷ്ട്രദീപികഡോട്ട്‌കോം ഇരുവരുടെയും മനോവേദന വാര്‍ത്തയാക്കിയതോടെയാണ് ലോകം സത്യമെല്ലാം അറിയുന്നത്. തനിക്ക് ജൂബിയേക്കാള്‍ രണ്ടുവയസ് കൂടുതലുണ്ടെന്നും അല്ലെങ്കില്‍ തന്നെ മറ്റുള്ളവര്‍ക്ക് എന്താണെന്നും അനൂപ് രോഷത്തോടെ ചോദിക്കുന്നു. ഞങ്ങള്‍ ഒരുമിച്ച് പഠിച്ചവരും ജോലി ചെയ്യുന്നവരുമാണ്. സോഷ്യല്‍ മീഡിയയില്‍ തെറ്റായ കാര്യങ്ങള്‍ പ്രചരിപ്പിക്കുന്നവര്‍ക്കെതിരെ സൈബര്‍ സെല്ലിലും മുഖ്യമന്ത്രിയുടെ ഓഫീസിലും പരാതി കൊടുത്തിട്ടുണ്ട് രോഷത്തോടെ അനൂപ് പറയുന്നു. ഇന്ത്യാ മഹാരാജ്യത്ത് വിവാഹം കഴിക്കാന്‍ സ്ത്രീകള്‍ക്ക് 18 വയസ്സ് തികഞ്ഞാല്‍ മതി, പുരുഷന്‍മാര്‍ക്ക് 21. അതില്‍ കൂടുതല്‍ ഭാര്യയുടെയും ഭര്‍ത്താവിന്റെയും പ്രായം തിരഞ്ഞ് ആരും ബുദ്ധിമുട്ടേണ്ട. വിവാഹത്തിന്റെ എല്ലാ സന്തോഷവും കെടുത്തിക്കളയുന്ന രീതിയില്‍ സമൂഹമാധ്യമങ്ങളില്‍ ഞങ്ങളെക്കുറിച്ചു വ്യാജ പ്രചാരണം നടത്തിയവരെ വെറുതെ വിടുമെന്നു കരുതരുത്. നിയമപരമായി…

എന്തിനെയും ഏതിനെയും പരിഹാസത്തോടെ കാണുകയെന്നത് സോഷ്യല്‍മീഡിയയുടെ പ്രശ്‌നമാണ്. എല്ലാ കാര്യത്തിലും നെഗറ്റീവ് മാത്രം കാണുകയെന്നതാണ് ഇത്തരക്കാരുടെ രീതി. ആരുടെയെങ്കിലും കുടുംബജീവിതം നശിപ്പിക്കാന്‍ പറ്റുമോയെന്ന് നോക്കി നടക്കുകയാണ് ഇക്കൂട്ടര്‍. ഇപ്പോള്‍ പുതിയൊരു ഇരയെ കിട്ടിയ സന്തോഷത്തിലാണ് സൈബര്‍ ഞരമ്പ് രോഗികള്‍. കണ്ണൂര്‍ ചെറുപുഴയില്‍ നടന്ന ഒരു കല്യാണവും അതിനോട് അനുബന്ധിച്ച് പത്രത്തില്‍ വന്ന പരസ്യവുമാണ് എല്ലാത്തിനും കാരണം. ചെറുപുഴയില്‍ കേറ്ററിംഗ് സ്ഥാപനം നടത്തുന്ന അനൂപ് സെബാസ്റ്റ്യാനും ജൂബി ജോസഫും തമ്മിലുള്ള വിവാഹത്തിനുശേഷമാണ് അനാരോഗ്യകരമായ സൈബര്‍ ആക്രമണം നടന്നത്. 25കാരന്‍ 48കാരിയെ വിവാഹം കഴിച്ചെന്നും പണം കണ്ടപ്പോള്‍ ചെറുക്കന്റെ കണ്ണ് മഞ്ഞളിച്ചുവെന്നുമാണ് സൈബറിടത്തില്‍ പ്രചരിക്കുന്നത്. ചെറുപുഴയില്‍ നിന്നും 30 കിലോമീറ്റര്‍ അകലെയുള്ള ചെമ്പന്‍തൊട്ടിയിലാണ് വധുവായ ജൂബിയുടെ വീട്.  വിവാഹം എന്തായാലും മംഗളകരമായി നടക്കുകയും ചെയ്തു. പഞ്ചാബ് യൂണിവേഴ്‌സിറ്റിയില്‍ പഠിക്കുമ്പോഴാണ് ജൂബിയുമായി അടുപ്പം തുടങ്ങുന്നത്. ഇത് വിവാഹത്തിലേക്ക് വഴിമാറി. വീട്ടുകാരുടെ പൂര്‍ണസമ്മതത്തോടെ…

കേരളത്തെ പിടിച്ചുലച്ച നിപ്പ വൈറസിന്റെ പശ്ചാത്തലത്തില്‍ ഒരുക്കിയ വൈറസ് എന്ന ചിത്രത്തിന് സ്റ്റേ. ഇനി ഒരു ഉത്തരവ് ഉണ്ടാകും വരെ ചിത്രത്തിന്റെ റിലീസിംഗ് നിര്‍ത്തിവയ്ക്കാനാണ് എറണാകുളം ജില്ലാ കോടതിയുടെ നിര്‍ദേശം. ചിത്രത്തിന്റെ കഥ മോഷ്ടിച്ചാണ് ആഷിഖ് അബു സിനിമ സംവിധാനം ചെയ്തതെന്ന പരാതിയിലാണ് നടപടി. ചിത്രത്തിന്റെ പേരും കഥയും മോഷ്ടിച്ചതാണെന്ന് ആരോപിച്ച് സംവിധായകന്‍ ഉദയ് അനന്തനാണ് ഹര്‍ജി നല്കിയത്. വൈറസ് എന്ന പേരില്‍ താന്‍ ഒരു ഡ്രാമ നിര്‍മ്മിച്ചിരുന്നതായും അതാണ് ആഷിഖ് അബു സിനിമയാക്കിയതെന്നുമാണ് ഹര്‍ജിക്കാരന്റെ ആരോപണം. വന്‍താര നിര തന്നെ ചിത്രത്തില്‍ അണിനിരക്കുന്നുണ്ട്. ആവിഷ്‌കാര സ്വാതന്ത്രത്തിനായി വാദിക്കുന്ന ആഷിഖ് അബു കഥ കോപ്പിയടിച്ച് സിനിമ എടുത്തതിനെതിരേ വലിയ തോതില്‍ വിമര്‍ശനവും ഉയര്‍ന്നിട്ടുണ്ട്. മറ്റുള്ളവരുടെ കാര്യത്തില്‍ കാണിക്കുന്ന ഉത്സാഹം സ്വന്തം കാര്യത്തില്‍ എന്തുകൊണ്ടാണ് പ്രാവര്‍ത്തികമാക്കാത്തതെന്ന ചോദ്യമാണ് സോഷ്യല്‍മീഡിയ ഉന്നയിക്കുന്നത്. കുഞ്ചാക്കോ ബോബന്‍, ടൊവിനോ തോമസ്, ആസിഫ് അലി,…