തിരുവനന്തപുരം: ഫേസ് ബുക്കില് യുഡിഎഫിനെതിരേ പോസ്റ്റ് പങ്ക് വച്ച് മുഖ്യമന്ത്രി. കേരളത്തെ പിന്നോട്ടടിച്ച യുഡിഎഫിന്റെ ഇരുണ്ടകാലം തിരികെ വരരുതെന്ന് ആഹ്വാനം ചെയ്താണ് ഫേസ് ബുക്ക് പോസ്റ്റ്.യുഡിഎഫ് ഭരണത്തിലിരുന്ന 2011- 16 കാലഘട്ടത്തില് പരാജയപ്പെട്ട പദ്ധതികളെക്കുറിച്ചാണ് മുഖ്യമന്ത്രി ഫേസ് ബുക്ക് പോസ്റ്റില് പരാമര്ശിക്കുന്നത്.
ഇടതുപക്ഷം മുന്നോട്ടുവയ്ക്കുന്ന നവ കേരളത്തിനായി ഒരുമിച്ചു പോരാടാമെന്നാണ് അദ്ദേഹം ഓര്മിപ്പിക്കുന്നത്.പ്രതിപക്ഷ നേതാവുമായി നേരിട്ടു സംവാദത്തിനില്ലെന്നും ഫേസ് ബുക്ക് സംവാദം നടത്താമെന്നുമായിരുന്നു മുഖ്യമന്ത്രി ഇന്നലെ വ്യക്തമാക്കിയത്.
നേരിട്ടുള്ള സംവാദത്തിന് മുഖ്യമന്ത്രി തയാറാകാതെ ഓടിയൊളിച്ചെന്ന് പ്രതിപക്ഷം ആരോപണം ഉന്നയിക്കുന്ന സാഹചര്യത്തിലാണ് ഫേസ് ബുക്ക് പോസ്റ്റുമായി മുഖ്യമന്ത്രി രംഗത്തെത്തിയത്.
