കൊച്ചി: ടെറസിൽ നിന്നും വീണ് എൻജിനിയറിംഗ് വിദ്യാർഥി മരിച്ചു. ഏറ്റുമാനൂർ ചോരേത്ത് തങ്കച്ചന്‍റെ മകൻ ഡെൽവിൻ കുര്യാക്കോസ് (21) ആണ് മരിച്ചത്. കോതമംഗലം നെല്ലിക്കുഴി ഇന്ദിരാഗാന്ധി എൻജിനിയറിംഗ് കോളജിൽ മൂന്നാം വർഷ ഇലക്ട്രോണിക്സ് വിദ്യാർഥിയായിരുന്നു.
ഇന്നലെ വൈകുന്നേരം 5.30ഓടെ കോളജിന് സമീപത്തെ സ്വകാര്യ ഹോസ്റ്റലിന്റെ ടെറസിൽ നിന്നുമാണ് കൂട്ടുകാരുമായി സംസാരിച്ചുകൊണ്ടിരിക്കെ ഡെൽവിൻ വീണത്. സംസ്കാരം നാളെ ഉച്ചകഴിഞ്ഞ് 3.30ന് ഏറ്റുമാനൂർ ക്രിസ്തുരാജാ പള്ളിയിൽ. തങ്കമ്മയാണ് ഡെൽവിന്‍റെ മാതാവ്. സഹോദരി: ക്രിസ്റ്റി.
