വളര്‍ത്തുനായയെ ലൈംഗികമായി പീഡിപ്പിച്ച കേസില്‍ മൂന്ന് യുവാക്കള്‍ക്കെതിരെ എഫ്.ഐ.ആര്‍. റജിസ്റ്റര്‍ ചെയ്തു. ഉത്തര്‍പ്രദേശിലെ ഹത്രാസ് ജില്ലയിലാണ് ഞെട്ടിക്കുന്ന സംഭവം ഉണ്ടായത്. നാല് വയസ് പ്രായുമള്ള നായയെ യജമാനന്റെ വീട്ടില്‍ നിന്നും യുവാക്കള്‍ തട്ടിയെടുക്കുകയും ലൈംഗികമായി പീഡിപ്പിക്കുകയുമായിരുന്നു. ഹത്രാസ് ജില്ലയിലെ ജലെസാര്‍ റോഡിലാണ് സംഭവം. കേസുമായി ബന്ധപ്പെട്ട് ദിനേശ് കുമാറിനെതിരെയും മറ്റ് രണ്ട് പേര്‍ക്കെതിരെയുമായിരുന്നു പോലീസ് കേസ് റജിസ്റ്റര്‍ ചെയ്തിരുന്നത്. ആനിമല്‍സ് ആക്ടും സെക്ഷന്‍ 377ഉം പ്രകാരമാണ് കേസെടുത്തിരിക്കുന്നത്.
നായയുടെ ഉടമയായ സന്തോഷ് ദേവിയാണ് പരാതിയുമായി പോലീസിനെ സമീപിച്ചത്. വീടിന് സമീപം വാടകയ്ക്ക് താമസിക്കുന്ന ദിനേശ് കുമാറും സംഘവുമാണ് നായയെ തട്ടിക്കൊണ്ട് പോയി പീഡിപ്പിച്ചതെന്നും ഇവര്‍ പറയുന്നു. വ്യാഴാഴ്ചയാണ് ദിനേശ് കുമാര്‍ തന്റെ വളര്‍ത്തു നായയെ തട്ടിക്കൊണ്ട് പോയത്. മുട്ട കാട്ടി വിളിച്ചുവരുത്തിയാണ് ഇയാള്‍ നായയെ തട്ടിക്കൊണ്ട് പോയത്. തുടര്‍ന്ന് ദിനേശ്കുമാറും സുഹൃത്തുക്കളും ചേര്‍ന്ന് നായയെ ലൈംഗികമായി പീഡിപ്പിച്ചുവെന്ന് സന്തോഷ് ദേവി പറയുന്നു.
വ്യാഴാഴ്ച കാണാതായ തന്റെ നായയെ വെള്ളിയാഴ്ച രാവിലെ ദിനേശ്കുമാറിന്റെ മുറിയില്‍ നിന്നും കണ്ടെടുത്തെന്ന് സന്തോഷ് ദേവി പരാതിയില്‍ വ്യക്തമാക്കുന്നു. സ്വകാര്യ ഭാഗങ്ങളില്‍ മാരകമായ പരുക്ക് പറ്റിയ നിലയിലാണ് താന്‍ നായയെ കണ്ടെടുത്തതെന്നും ഇവര്‍ പോലീസില്‍ വ്യക്തമാക്കി. സംഭവത്തില്‍ പോലീസ് അന്വേഷണം തുടരുകയാണ്. നായയെ വൈദ്യ പരിശോധനയ്ക്ക് ഹാജരാക്കുമെന്നും സ്ന്തോഷ് ദേവി പറഞ്ഞു.
