പോസ്റ്ററുകളും റിയലിസ്റ്റിക്കായി!ത​ല​യി​ൽ വ​ട്ട​ക്കെട്ടും കെ​ട്ടി രാമകൃഷ്ണൻ, കളരിച്ചുവടിൽ രേഷ്മ, ചായക്കടയിൽ സൊറ പറഞ്ഞ് ശിവദാസ്!

ഡൊ​മ​നി​ക് ജോ​സ​ഫ്
മാ​ന്നാ​ർ:​ പാ​ർ​ല​മെ​ന്‍റ്, അ​സം​ബ്ലി തെ​രെ​ഞ്ഞെ​ടു​പ്പു​ക​ളി​ൽ നി​ന്ന് വ്യ​ത്യ​സ്ത​മാ​യി ത​ദ്ദേ​ശ തെ​ര​ഞ്ഞെ​ടു​പ്പി​ൽ പോ​സ്റ്റ​റി​ലെ വൈ​വി​ധ്യ​ങ്ങ​ൾ കൊ​ണ്ട് മാ​ത്രം സ്ഥാ​നാ​ർ​ത്ഥി​ക​ൾ ശ്ര​ദ്ധേ​യ​മാ​യ ഡി​വി​ഷ​നു​ക​ളും വാ​ർ​ഡു​ക​ളു​മു​ണ്ട്.​

സ്ഥാ​നാ​ർ​ത്ഥി​ക​ളി​ൽ ചിലർ ചെ​യ്യു​ന്ന ജോ​ലി​യു​ൾ​പ്പെ​ടു​ത്തി പോ​സ്റ്റ​ർ ത​യ്യാ​റാ​ക്കി​യ​പ്പോ​ൾ സ്ഥാ​നാ​ർ​ത്ഥി​ക​ളാ​യ ക​ലാ​കാ​ര​ൻ​മാ​ർ ആ ​രം​ഗം ഉ​ൾ​പ്പെ​ടു​ത്തി​യാ​ണ് പോ​സ്റ്റ​ർ ത​യ്യാ​റാ​ക്കി​യി​രി​ക്കു​ന്ന​ത്.​

ചി​ല​രാ​ക​ട്ടെ നാ​ട്ടി​ൻ​പു​റ​ത്ത് സ്ഥി​ര​മാ​യി ചാ​യ​കു​ടി​ക്കു​ന്ന ക​ട​യി​ലെ കൊ​ച്ചു​വ​ർ​ത്ത​മാ​ന കൂ​ട്ടു​കാ​രെ ചേ​ർ​ത്താ​ണ് പോ​സ്റ്റ​ർ ത​യാ​റാ​ക്കി​യി​രി​ക്കു​ന്ന​ത്.​സ്ഥാ​നാ​ർ​ഥി​ക​ളെ കൂ​ടു​ത​ൽ അ​ടു​ത്ത​റി​യാ​ൻ ഇ​ത്ത​രം പോ​സ്റ്റ​റു​ക​ൾ​ക്ക് ക​ഴി​യു​മെ​ന്നാ​ണ് സ്ഥാ​നാ​ർ​ത്ഥി​ക​ളു​ടെ പ​ക്ഷം.​

ജീവിതമുള്ള പോസ്റ്ററുകൾ
സു​ന്ദ​ര​കു​ട്ട​പ്പ​ൻ​മാ​രാ​യി സ്റ്റു​ഡി​യോ​യി​ൽ ചെ​ന്ന് പ​ല ത​ര​ത്തി​ലു​ള്ള ഫോ​ട്ടോ​ക​ൾ എ​ടു​ക്കു​ന്ന​തി​ന് പ​ക​രം സ്ഥാ​നാ​ർ​ഥി​യു​ടെ ജീ​വി​ത​വു​മാ​യി ബ​ന്ധ​പ്പെ​ട്ട ചി​ത്ര​ങ്ങ​ൾ പോ​സ്റ്റ​റു​ക​ൾ കൂ​ടു​ത​ൽ ഗു​ണ​കരമാക്കു​മെ​ന്ന് ഇ​വ​ർ ക​ണ​ക്കുകൂ​ട്ടു​ന്നു.​

ബു​ധ​നൂ​ർ ഗ്ര​മ​പ​ഞ്ചാ​യ​ത്തി​ലെ 14-ാം വാ​ർ​ഡി​ലെ എ​ൽ​ഡി​എ​ഫ് സ്ഥാ​നാ​ർ​ത്ഥി ജി.​രാ​മ​കൃ​ഷ്ണ​ൻ ഒ​രു ക​ർ​ഷ​ക​നാ​ണ്.​ദി​വ​സ​വും ത​ന്‍റെ പാ​ട​ത്തും പു​ര​യി​ട​ത്തി​ലും കാ​ർ​ഷി​ക വൃ​ത്തി​യി​ലേ​ർ​പ്പെ​ട്ട ശേ​ഷ​മാ​ണ് പൊ​തു രം​ഗ​ത്തി​റ​ങ്ങു​ന്ന​ത്.

രാ​മ​കൃ​ഷ്നു​വേ​ണ്ട് വോ​ട്ട് അ​ഭ്യ​ർ​ഥി​ച്ച് ത​യാ​റാ​ക്കി​യി​രി​ക്കു​ന്ന പോ​സ്റ്റ​റി​ൽ ത​ന്‍റെ പു​ര​യി​ട​ത്തി​ൽ ത​ല​യി​ൽ വ​ട്ട​കെ​ട്ടും കെ​ട്ടി പ​ണി​യെ​ടു​ക്കു​ന്ന ചി​ത്ര​മാ​ണ്.​ ക​ട​പ്ര ഗ്രാ​മ​പ​ഞ്ചാ​യ​ത്തി​ലെ അ​ഞ്ചാം വാ​ർ​ഡി​ൽ നി​ന്ന് മ​ത്സ​രി​ക്കു​ന്ന യു​ഡി​എ​ഫ് സ്ഥാ​നാ​ർ​ത്ഥി ശി​വ​ദാ​സ്.​

യു പ​ണി​ക്ക​ർ രാ​വി​ലെ ചാ​യ​കു​ടി​ക്കു​ന്ന തി​ക്ക​പ്പു​ഴ​യി​ലെ സു​ഹൃ​ത്തു​ക്ക​ൾ​ക്കൊ​പ്പം സൊ​റ പ​റ​യു​ന്ന​താ​ണ് പോ​സ്റ്റ​റു​ക​ളി​ലും ബോ​ർ​ഡു​ക​ളി​ലും കാഴ്ച. ​ഇ​വി​ടെ അ​ഞ്ചാം വാ​ർ​ഡി​ലെ ബി​ജെ​പി സ്ഥാ​നാ​ർ​ത്ഥി ക്ഷേ​ത്ര നി​ർ​മാ​ണ ശി​ല്പി​യാ​ണ്.

​പ്ര​ചാ​ര​ണ​രം​ഗ​ങ്ങ​ളി​ൽ ഇ​തി​ന്‍റെ പ്ര​തി​ഫ​ല​ന​മാ​ണ് നി​റ​യു​ന്ന​ത്.​ഭ​ര​ണി​ക്കാ​വ് ബ്ലോ​ക്ക് പ​ട​നി​ലം ഡി​വി​ഷ​നി​ലെ ബി​ജെ​പി സ്ഥാ​നാ​ർ​ത്ഥി രേ​ഷ്മ ക​ള​രി അ​ഭ്യാ​സി​യാ​ണ്. ​

ക​ള​രി മു​റ​യി​ലു​ള്ള ഫോ​ട്ടോ​യു​ള്ള പോ​സ്റ്റ​റാ​ണ് പ്ര​ചാ​ര​ണ​ത്തി​ന് ഉ​പ​യോ​ഗി​ക്കു​ന്ന​ത്.​ക​ട​പ്ര പ​ഞ്ചാ​യ​ത്തി​ലെ ഒ​ന്പ​താം വാ​ർ​ഡി​ലെ സ്വ​ത​ന്ത്ര സ്ഥാ​നാ​ർ​ത്ഥി ഒ​രു ഗാ​യി​ക​യാ​ണ്.

നി​ര​വ​ധി കാ​സ​റ്റു​ക​ളി​ൽ പാ​ടി​യി​ട്ടു​ണ്ട്.​പോ​സ്റ്റ​റു​ക​ളി​ൽ ഒ​റ്റ നോ​ട്ട​ത്തി​ൽ ഗാ​യി​ക​യാ​ണെ​ന്ന​റി​യു​ന്ന ത​ര​ത്തി​ലാ​ണ് ക്ര​മ​പ്പെ​ടു​ത്തി​യി​രി​ക്കു​ന്ന​ത്.​ മു​ന്ന​ണി വ്യ​ത്യാ​സ​മി​ല്ലാ​തെ എ​ല്ലാ​വ​രും വ്യ​ത്യ​സ്തത കൊ​ണ്ടുവ​രാൻ ഏ​റെ ശ്ര​മി​ക്കു​ന്നു​ണ്ട്.